LGU IBA - General Services Office

06/08/2026

WALANG PASOK SA LAHAT NG ANTAS SA BAYAN NG IBA

Bilang pag-iingat sa kaligtasan ng mga mag-aaral at alinsunod sa kasalukuyang lagay ng panahon alinsunod sa mungkahi ng Municipal Risk Reduction and Management Unit, sinususpinde ang klase sa lahat ng antas, pampubliko at pribado, sa Bayan ng Iba sa Biyernes, Agosto 7, 2026.

Ang suspensyon ay bunsod ng patuloy na malalakas na pag-ulan dulot ng pinagsamang epekto ng Tropical Depression Maymay at ng pinalalakas nitong Habagat (Southwest Monsoon), na maaaring magdulot ng pagbaha, pagguho ng lupa, at iba pang panganib.

Pinapayuhan ang lahat ng mga magulang o mag-aaral na makipag-ugnayan sa kani-kanilang paaralan hinggil sa mga kaukulang learning arrangements, kabilang ang maaaring pagpapatupad ng modular o iba pang alternatibong pamamaraan ng pag-aaral, kung kinakailangan.

Patuloy na mag-ingat at subaybayan ang mga opisyal na abiso mula sa LGU Iba at mga kinauukulang ahensya.

Manatiling ligtas, Ibanians.

02/08/2026

DAY 1 | LGU Iba Rice Subsidy Program 2026

Maraming salamat po Brgy. Sta. Barbara at Brgy. Dirita, sa pagtangkilik ng ating Rice Subsidy Program!

02/08/2026

Benteng Bigas Meron na pormal nang inilunsad sa LGU IBA

Matagumpay na isinagawa ang launching ng Benteng Bigas Meron na sa LGU IBA bilang bahagi ng layunin ng pamahalaan na makapag bigay ng de kalidad at abot kayang bigas para sa ating mga kababayan..

Ang programang ito ay sumasalamin sa patuloy na pagsisikap ng lokal na pamahalaan sa pamumuno ni mayor Aireen Maniquiz Binan na mapalakas ang siguridad sa pagkain at makatulong sa mga pamilyang nangangailangan sa pamamagitan ng mas abot kayang suplay ng bigas.

Maraming salamat sa lahat ng ahensya ang Food Terminal Incorporated (FTI) National Food Authority (NFA) Department of Agriculture RFO III(DA) at Provincial Agriculture Office at mga Ibanians na nakiisa sa matagumpay na paglulunsad ng programang ito.

Sama sama nating suportahan ang mga programang naglalayong mapaunlad ang sektor ng agrikultura at matiyak ang sapat at abot kayang pagkain para sa bawat pamilya.

02/08/2026

𝗥𝗜𝗖𝗘 𝗦𝗨𝗕𝗦𝗜𝗗𝗬 𝗣𝗥𝗢𝗚𝗥𝗔𝗠 2026 𝗗𝗔𝗬 1 | Brgy. Dirita

Nagpatuloy ngayong hapon ang Rice Subsidy Program sa Brgy. Dirita-Baloguen. Matagumpay na naipamahagi ang 25 kilong bigas sa halagang ₱20 kada kilo sa mga benepisyaryo ng Brgy. Dirita-Baloguen sa pangunguna ni Mayor Irenea Maniquiz-Binan.

Sa patuloy na pagsasagawa ng programang ito, hangad ng Pamahalaang Bayan ng Iba na mabigyan ng karagdagang ginhawa ang bawat pamilyang Ibanian sa gitna ng patuloy na pagtaas ng presyo ng mga pangunahing bilihin. Patuloy ring tiniyak ni Mayor Irene na ang mga programang tunay na kapaki-pakinabang sa mamamayan ang nananatiling prayoridad ng lokal na pamahalaan.

📢 PAALALA!

Bukas, Agosto 2, magpapatuloy ang Rice Subsidy Program sa mga sumusunod na barangay:

🕖 Umaga (7:00 AM – 10:00 AM)
📍 Brgy. Lipay-Dingin-Panibuatan (LDP)

🕛 Hapon (12:00 NN – 3:00 PM)
📍 Brgy. Sto. Rosario

Inaanyayahan ang lahat ng mga benepisyaryo na dumating sa itinakdang oras at huwag kalimutang dalhin ang mga kinakailangang dokumento upang maging maayos at mabilis ang distribusyon.

02/08/2026

𝗥𝗜𝗖𝗘 𝗦𝗨𝗕𝗦𝗜𝗗𝗬 𝗣𝗥𝗢𝗚𝗥𝗔𝗠 2026 𝗗𝗔𝗬 1 | Brgy. Sta. Barbara

Pormal nang sinimulan ngayong umaga ang pamamahagi ng 25 kilong bigas sa halagang ₱20 kada kilo sa mga benepisyaryo ng Rice Subsidy Program sa Brgy. Sta. Barbara.

Personal na pinangunahan ni Mayor Irene ang distribusyon at ibinahagi ang kanyang mensahe ng pasasalamat sa patuloy na pagtitiwala ng mga mamamayan. Binigyang-diin din niya ang hangarin ng lokal na pamahalaan na maibsan ang gastusin ng bawat pamilyang Ibanian sa pamamagitan ng mga programang tunay na nakatutulong sa kanilang pang-araw-araw na pamumuhay.

Ang Rice Subsidy Program ay isa lamang sa mga patuloy na hakbang ng LGU Iba upang matiyak na ang tulong ay nararamdaman ng bawat mamamayan at na ang serbisyong may malasakit ay naipaparating sa bawat barangay.

Ngayong hapon naman ay magpapatuloy ang distribusyon sa Brgy. Dirita-Baloguen ayon sa itinakdang iskedyul.

01/08/2026

𝗟𝗚𝗨 𝗜𝗕𝗔 - 𝗥𝗜𝗖𝗘 𝗦𝗨𝗕𝗦𝗜𝗗𝗬 𝗣𝗥𝗢𝗚𝗥𝗔𝗠

Narito na ang opisyal na schedule at mga mahahalagang paalala para sa pamamahagi ng ₱20 kada kilo na bigas sa ilalim ng Rice Subsidy Program ng Pamahalaang Bayan ng Iba.

📍 Pakibasa ang iskedyul at siguraduhing kumpleto ang mga kinakailangang dalhin sa araw ng distribusyon.

✅ Mga kailangang dalhin:
• Sariling sako na paglalagyan ng bigas
• Photocopy ng Government-issued ID na may tatlong (3) specimen signature
• Rice Subsidy Stub

📌 Kung hindi makakadalo ang benepisyaryo, maaari itong ipakuha sa isang immediate family member (magulang, asawa, anak, o kapatid), basta't dalhin ang mga kinakailangang dokumento. Tandaan na hanggang tatlong (3) stub lamang ang maaaring i-claim ng isang tao.

Inaanyayahan ang lahat ng mga benepisyaryo na sundin ang itinakdang iskedyul at mga alituntunin upang maging maayos, mabilis, at organisado ang distribusyon.

Para sa iba pang updates at anunsyo, manatiling nakatutok sa opisyal na page ng LGU Iba.

23/07/2026

𝐌𝐮𝐧𝐢𝐜𝐢𝐩𝐚𝐥𝐢𝐭𝐲 𝐨𝐟 𝐈𝐛𝐚, 𝐍𝐚𝐭𝐢𝐨𝐧𝐚𝐥 𝐀𝐧𝐭𝐢-𝐃𝐫𝐮𝐠 𝐀𝐛𝐮𝐬𝐞 𝐂𝐨𝐮𝐧𝐜𝐢𝐥 (𝐀𝐃𝐀𝐂) 𝐀𝐰𝐚𝐫𝐝𝐞𝐞

Muling kinilala ang Municipality of Iba bilang National Anti-Drug Abuse Council (ADAC) Awardee, isang patunay ng matatag at tuloy-tuloy na pagpapatupad ng mga programang naglalayong sugpuin ang iligal na droga at itaguyod ang isang ligtas at mapayapang komunidad.

Kasabay ng prestihiyosong pagkilala ay ang ₱500,000 insentibo, na malugod na tinanggap ni Mayor Irenea Maniquiz-Binan, kasama ang ilan pang mga opisyal ng bayan, sa pangunguna nina DILG Regional Director Araceli A. San Jose, Governor Hermogenes E. Ebdane, Jr., at LGOO VII Melissa D. Nipal.

Ang National ADAC Award ay iginagawad sa mga lokal na pamahalaan na nagpapakita ng kahusayan sa pagpapatupad ng mga programa at inisyatiba laban sa iligal na droga. Higit pa sa isang parangal, ito ay pagkilala sa sama-samang pagsisikap ng LGU Iba, mga partner agencies, barangay officials, law enforcement agencies, at ng buong komunidad sa pagpapanatili ng isang ligtas, maayos, at drug-resistant na bayan.

Ang pagkilalang ito ay nagsisilbing inspirasyon upang lalo pang paigtingin ang mga kampanya sa drug prevention, rehabilitation, at community awareness, bilang bahagi ng layunin ng LGU Iba na makapagbigay ng isang komunidad kung saan ang bawat Ibanian ay ligtas, may pag-asa, at may pagkakataong umunlad.

Ang karangalang ito ay tagumpay ng buong Bayan ng Iba. Patuloy tayong magtutulungan tungo sa isang drug-free, mapayapa, at mas maunlad na komunidad.

23/07/2026

Bilang pagpapatuloy ng mga programa sa pagdiriwang ng National Disaster Resilience Month, muling nagsagawa ang Pamahalaang Lokal ng Iba ng ikalawang batch ng pamamahagi ng Emergency Go Bags para sa mga residente ng mga coastal barangay ng San Agustin, Amungan, Bangantalinga, Sto. Rosario, at LDP.

Layunin ng programang ito na higit pang mapalakas ang kahandaan ng bawat pamilya sa oras ng kalamidad sa pamamagitan ng pagkakaroon ng mga pangunahing kagamitang maaaring magamit sa panahon ng emerhensiya.

Kasabay ng pamamahagi, patuloy ding pinaaalalahanan ang mga benepisyaryo sa kahalagahan ng pagiging handa, pagkakaroon ng family emergency plan, at pakikiisa sa mga programang nagtataguyod ng kaligtasan at katatagan ng komunidad.

July 10, 2026

23/07/2026

𝗕𝗔𝗥𝗔𝗡𝗚𝗔𝗬 𝗪𝗘𝗘𝗞𝗟𝗬 𝗖𝗟𝗘𝗔𝗡 – 𝗨𝗣 | Solid Waste Management
July 16 & 19, 2026

Bilang bahagi ng direktiba at inisyatiba ni 𝗠𝗮𝘆𝗼𝗿 𝗛𝗼𝗻. 𝗜𝗿𝗲𝗻𝗲𝗮 𝗠𝗮𝗻𝗶𝗾𝘂𝗶𝘇-𝗕𝗶𝗻𝗮𝗻 na mapanatiling malinis, maayos, at ligtas ang mga pangunahing lansangan ng Bayan ng Iba, 𝗺𝗮𝘁𝗮𝗴𝘂𝗺𝗽𝗮𝘆 𝗻𝗮 𝗻𝗮𝗴𝘀𝗮𝗴𝗮𝘄𝗮 𝗻𝗴 𝗰𝗹𝗲𝗮𝗻𝘂𝗽 𝗱𝗿𝗶𝘃𝗲 𝗮𝗻𝗴 𝗮𝘁𝗶𝗻𝗴 𝗺𝗴𝗮 𝗯𝗮𝗿𝗮𝗻𝗴𝗮𝘆 𝘀𝗮 𝗸𝗮𝗻𝗶-𝗸𝗮𝗻𝗶𝗹𝗮𝗻𝗴 𝗻𝗮𝘀𝗮𝘀𝗮𝗸𝘂𝗽𝗮𝗻 𝘀𝗮 𝗚𝗼𝘃𝗶𝗰 𝗛𝗶𝗴𝗵𝘄𝗮𝘆.

Naunang nagsagawa ng paglilinis ang 𝗕𝗮𝗿𝗮𝗻𝗴𝗮𝘆 𝗗𝗶𝗿𝗶𝘁𝗮-𝗕𝗮𝗹𝗼𝗴𝘂𝗲𝗻 𝗻𝗼𝗼𝗻𝗴 𝗛𝘂𝗹𝘆𝗼 𝟭𝟲, 𝟮𝟬𝟮𝟲, bilang bahagi ng kanilang regular na weekly cleanup activity sa pangunguna ni 𝗛𝗼𝗻. 𝗖𝗿𝗶𝘀𝗽𝗶𝗻 𝗔. 𝗙𝗶𝘀𝗰𝗼 𝗝𝗿. Sinundan naman ito 𝗻𝗼𝗼𝗻𝗴 𝗛𝘂𝗹𝘆𝗼 𝟭𝟵, 𝟮𝟬𝟮𝟲 𝗻𝗴 𝗕𝗮𝗿𝗮𝗻𝗴𝗮𝘆 𝗭𝗼𝗻𝗲 𝗜𝗜, sa pamumuno ni 𝗛𝗼𝗻. 𝗝𝗲𝘀𝘀𝗶𝗲 𝗖. 𝗘𝗰𝗵𝗼𝗻, 𝗕𝗮𝗿𝗮𝗻𝗴𝗮𝘆 𝗭𝗼𝗻𝗲 𝗜𝗩, sa pangunguna ni 𝗛𝗼𝗻. 𝗨𝗹𝘆𝘀𝘀𝗲𝘀 𝗠. 𝗘𝘀𝗰𝘂𝘀𝗮, at 𝗕𝗮𝗿𝗮𝗻𝗴𝗮𝘆 𝗭𝗼𝗻𝗲 𝗩, sa pamumuno ni 𝗛𝗼𝗻. 𝗨𝗹𝘆𝘀𝘀𝗲𝘀 𝗠. 𝗘𝘀𝗰𝘂𝘀𝗮, kung saan matagumpay nilang nalinis ang kani-kanilang nasasakupan sa Govic Highway.

Lubos nating pinasasalamatan 𝗮𝗻𝗴 𝗮𝘁𝗶𝗻𝗴 𝗺𝗴𝗮 𝗣𝘂𝗻𝗼𝗻𝗴 𝗕𝗮𝗿𝗮𝗻𝗴𝗮𝘆, 𝗺𝗴𝗮 𝗼𝗽𝗶𝘀𝘆𝗮𝗹, 𝗸𝗮𝘄𝗮𝗻𝗶, 𝘃𝗼𝗹𝘂𝗻𝘁𝗲𝗲𝗿𝘀, 𝗮𝘁 𝗹𝗮𝗵𝗮𝘁 𝗻𝗴 𝗺𝗮𝗺𝗮𝗺𝗮𝘆𝗮𝗻𝗴 𝗻𝗮𝗸𝗶𝗶𝘀𝗮 sa gawaing ito. Ang inyong dedikasyon at pagtutulungan ay mahalagang ambag sa pagpapanatili ng kalinisan, kaayusan, at kaligtasan ng ating bayan.

𝗣𝗮𝗮𝗹𝗮𝗹𝗮 𝘀𝗮 𝗮𝘁𝗶𝗻𝗴 𝗺𝗴𝗮 𝗸𝗮𝗯𝗮𝗯𝗮𝘆𝗮𝗻: 𝗛𝘂𝘄𝗮𝗴 𝗻𝗮𝘁𝗶𝗻𝗴 𝗴𝗮𝘄𝗶𝗻𝗴 𝘁𝗮𝗺𝗯𝗮𝗸𝗮𝗻 𝗻𝗴 𝗯𝗮𝘀𝘂𝗿𝗮 𝗮𝗻𝗴 𝗺𝗴𝗮 𝗯𝗮𝗸𝗮𝗻𝘁𝗲𝗻𝗴 𝗹𝗼𝘁𝗲 𝗮𝘁 𝗴𝗶𝗹𝗶𝗱 𝗻𝗴 𝗺𝗴𝗮 𝗸𝗮𝗹𝘀𝗮𝗱𝗮. 𝗠𝗮𝘆 𝗿𝗲𝗴𝘂𝗹𝗮𝗿 𝗻𝗮 𝗸𝗼𝗹𝗲𝗸𝘀𝘆𝗼𝗻 𝗻𝗴 𝗯𝗮𝘀𝘂𝗿𝗮 𝗮𝗻𝗴 𝗮𝘁𝗶𝗻𝗴 𝗯𝗮𝘆𝗮𝗻. 𝗠𝗮𝘀 𝗺𝗮𝗸𝗮𝗯𝘂𝗯𝘂𝘁𝗶𝗻𝗴 𝗽𝗮𝗴𝗵𝗶𝘄𝗮-𝗵𝗶𝘄𝗮𝗹𝗮𝘆𝗶𝗻 𝗮𝗻𝗴 𝗮𝘁𝗶𝗻𝗴 𝗯𝗮𝘀𝘂𝗿𝗮 𝗮𝘁 𝗶𝗹𝗮𝗯𝗮𝘀 𝗶𝘁𝗼 𝘀𝗮 𝘁𝗮𝗺𝗮𝗻𝗴 𝗮𝗿𝗮𝘄 𝗻𝗴 𝗸𝗼𝗹𝗲𝗸𝘀𝘆𝗼𝗻 𝗸𝗮𝘆𝘀𝗮 𝗱𝗮𝗹𝗵𝗶𝗻 𝗮𝘁 𝗶𝘁𝗮𝗽𝗼𝗻 𝘀𝗮 𝗺𝗴𝗮 𝗹𝘂𝗴𝗮𝗿 𝗻𝗮 𝗵𝗶𝗻𝗱𝗶 𝗻𝗮𝗺𝗮𝗻 𝗶𝘁𝗶𝗻𝗮𝗹𝗮𝗴𝗮 𝗯𝗶𝗹𝗮𝗻𝗴 𝘁𝗮𝗽𝘂𝗻𝗮𝗻.

Ang isang malinis na Iba ay nagsisimula sa disiplina ng bawat mamamayan. Magtulungan tayong panatilihing malinis at maayos ang ating kapaligiran, hindi lamang tuwing may cleanup drive, kundi araw-araw.

23/07/2026