DILG Irosin

02/06/2026

🧹🌱 BARANGAY AT KALINISAN DAY (BARKADA) 🌱🧹

Patuloy nating ipinapakita ang kahalagahan ng pagkakaisa at pakikilahok ng komunidad sa pagpapanatili ng kalinisan at kaayusan sa ating mga barangay sa pamamagitan ng lingguhang pagsasagawa ng Barangay at Kalinisan Day (BARKADA).

Lubos nating pinasasalamatan ang mga barangay na patuloy na nakikibahagi at nagsusumite ng kanilang mga ulat kaugnay ng isinagawang clean-up activities, waste management initiatives, at iba pang gawaing pangkalinisan. Ang inyong aktibong partisipasyon ay malaking ambag sa pagkakaroon ng mas malinis, mas ligtas, at mas maayos na komunidad.

📢 Paalala at Panawagan sa lahat ng Barangay: Hinihikayat namin ang bawat barangay na magsagawa at magdokumento ng kanilang lingguhang BARKADA activities at tiyaking maisumite ang kanilang ulat sa tanggapan ng DILG. Ang regular na pagsusumite ng datos at ulat ay mahalaga upang maipakita ang mga hakbang at tagumpay ng bawat barangay sa pagpapaunlad ng kalinisan at pangangalaga sa kapaligiran.

Sama-sama nating itaguyod ang kultura ng kalinisan, disiplina, at bayanihan para sa isang mas maunlad at mas maayos na komunidad.

01/06/2026

01/06/2026

01/06/2026

Ipinababatid sa publiko na ang mga datos at impormasyon na nakapaloob sa ulat ng Monthly Barangay Road Clearing Operations (BARCO) para sa buwan ng Abril 2026 ay batay sa mga opisyal na ulat at dokumentong isinumite ng mga barangay sa tanggapan ng DILG.

Lubos nating kinikilala at pinasasalamatan ang mga barangay na patuloy na nagsasagawa at nagsusumite ng kanilang mga ulat kaugnay ng road clearing operations. Ang inyong aktibong pakikilahok ay mahalagang hakbang tungo sa pagpapanatili ng ligtas, maayos, at malayang paggamit ng mga pampublikong kalsada at iba pang pampublikong espasyo sa ating komunidad.

Hinihikayat din natin ang lahat ng barangay na patuloy na suportahan at palakasin ang implementasyon ng programang ito. Ang sama-samang pagkilos at pagtutulungan ng bawat isa ay mahalaga upang masiguro ang kaayusan, kaligtasan, at disiplina sa ating mga pamayanan.

📌 Paalala: Ang regular na pagsasagawa ng road clearing operations at ang maagap na pagsusumite ng kaukulang ulat ay mahalagang bahagi ng pagpapatupad ng mga programa ng pamahalaan para sa mas maayos at ligtas na komunidad.

19/05/2026

🌿 Ulat sa Lingguhang Barangay at Kalinisan Day 🌿
Patuloy ang ating lingguhang clean-up drive bilang bahagi ng pagpapanatili ng kalinisan, kaayusan, at kaligtasan sa ating komunidad.
Lubos po naming pinapasalamatan at kinikilala ang mga barangay na aktibong nakiisa at nagsagawa ng kanilang weekly clean-up drive. Ang inyong patuloy na pakikiisa ay mahalagang hakbang tungo sa mas malinis at mas maayos na pamayanan.

18/05/2026

18/05/2026

Napapansin po sa datos sa larawan ang pababa at hindi tuloy-tuloy na partisipasyon ng ilang mga barangay sa ating lingguhang clean-up drive o Barangay at Kalinisan Day (BARKADA).

Ang ganitong mga aktibidad ay mahalagang hakbang upang mapanatili ang kalinisan, kaayusan, at kaligtasan ng ating mga komunidad. Hinihikayat po ang lahat ng barangay na muling makiisa at maging mas aktibo sa pagpapatupad ng BARKADA sa kani-kanilang nasasakupan.

Ang patuloy na pakikilahok ng bawat barangay ay mahalaga upang masigurong sama-sama nating maisusulong ang isang malinis, maayos, at disiplinadong pamayanan.

Makilahok. Makibahagi. Makiisa para sa mas malinis na Irosin.
Maraming salamat po.

18/05/2026

BASAHIN!
Ipinaaalam sa publiko na ang DILG Irosin Field Office ay muling magpapatupad ng regular na oras ng trabaho simula Lunes hanggang Biyernes, alas-8:00 ng umaga hanggang alas-5:00 ng hapon.

Ito ay alinsunod sa Executive Order No. 36, Series of 2026 na pinamagatang:

“An Order Partially Revoking Section 4 of Executive Order No. 021, Series of 2026 and Reinstating the Regular Five-Day Work Schedule in the Municipal Government of Irosin,”

na naging epektibo ngayong araw, Mayo 18, 2026.

Pinapayuhan ang lahat ng kliyente at mamamayan na magsagawa ng kanilang mga transaksyon sa itinakdang oras at araw ng opisina.

Maraming salamat po sa inyong patuloy na suporta at pakikiisa.

13/05/2026

𝐍𝐎 𝐌𝐈𝐍𝐎𝐑𝐒 𝐃𝐑𝐈𝐕𝐈𝐍𝐆 𝐌𝐎𝐓𝐎𝐑 𝐕𝐄𝐇𝐈𝐂𝐋𝐄𝐒 𝐏𝐎𝐋𝐈𝐂𝐘
𝐏𝐮𝐫𝐬𝐮𝐚𝐧𝐭 𝐭𝐨 𝐑𝐞𝐩𝐮𝐛𝐥𝐢𝐜 𝐀𝐜𝐭 4136
(Land Transportation and Traffic Code of the Philippines)

Ipinababatid po sa lahat ng mga magulang at mga guardians na mahigpit na ipinagbabawal ang pagmamaneho ng menor de edad kaya't sikapin natin na mabantayan sila upang makaiwas sa anu mang kapahamakan. May nakalaang parusa sa mga magulang o guardian na mapapatunayang nagpabaya base sa PD 603 o Child and Youth Welfare Act.