05/06/2026
Nakilahok ang Barangay Bacnor East sa pagdiriwang ng Philippine Environment Month at World Environment Day ngayong Hunyo 5, 2026. Sa pamamagitan ng pakikiisa sa mga gawaing pangkalikasan, muli nating ipinakita ang ating suporta sa mga programang naglalayong mapanatili ang kalinisan at kaayusan ng ating kapaligiran.
Ang pangangalaga sa kalikasan ay hindi lamang responsibilidad ng iilan kundi tungkulin ng bawat isa. Nawa’y magsilbi itong paalala na ang maliliit na hakbang tulad ng tamang pagtatapon ng basura, pagtatanim ng puno, at pakikilahok sa mga clean-up activities ay may malaking ambag sa paglikha ng mas ligtas at mas maayos na komunidad. Makiisa, makilahok, at maging bahagi ng pagbabago para sa isang mas luntian at mas malinis na Bacnor East.
