Jose Panganiban - Municipal Tourism Office

04/09/2026

MAKILAHOK SA UNANG MAMBULAO SPRINT DUATHLON CHALLENGE! 🏁

Inaanyayahan namin kayong lahat, kabilang ang mga bisita mula sa ibang bayan at lalawigan, na makilahok sa kauna-unahang Mambulao Sprint Duathlon! 💪

Pinangungunahan ng LGU-Jose Panganiban sa pamumuno ni Mayor Ariel M. Non, katuwang ang Camarines Norte Tri-Team at Committee Chairman Coun. Cheska Napa.

28/08/2026

PAGBUBUKAS NG MAYOR'S CUP 2026 — BUKAS NA!

Mula sa Lokal na Pamahalaan ng Jose Panganiban, sa pamumuno ni Mayor Ariel M. Non. Saksihan ang Exhibition Game sa pagitan ng Team Piokers vs. Team Kauntol, kasama ang mga PBA stars na sina Beau Belga, Japet Aguilar, at Jhonard Clarito!

📅 Bukas — Sabado, Agosto 29, 2026
⏰ 7:00 ng gabi
📍 Roy Padilla Memorial Stadium

Bahagi ng Town Fiesta Mambulao 2026! Dumalo at makisaya kapwa ko Mambuleño!

OPENING NG MAYOR'S CUP 2026 BUKAS NA! PBA STARS AT VLOGGERS AABANGAN SA EXHIBITION GAME!

Bilang bahagi ng Town Fiesta Mambulao 2026, mula sa LGU - Jose Panganiban sa pamumuno ni Mayor Ariel M. Non at pakikipagtulungan ng Basketball Committee sa pangangasiwa ni Coun. Jason Arriola ay magpapasiklab ang dalawang inaabangang grupo sa Exhibition Game: ang Team Piokers at ang Team Kauntol, na gaganapin sa bukas, Sabado, ika-29 ng Agosto 2026, ganap na ika-7:00 ng gabi sa Roy Padilla Memorial Stadium.

Magkakaroon ng parada ng mga Teams kasama ang kanikanilang mga Muses na susundan ng isang Opening Program kasama ang buong Basketball Community at mga manonood.

Inaanyayahan ang bawat Mambuleño na tunghayan ang paglalaro ng mga kilalang atleta kabilang na ang mga aktibong manlalaro ng PBA na sina Beau Belga, Japet Aguilar, at Jhonard Clarito mula sa koponan ng Rain or Shine. Halina’t saksihan ang galing at diwa ng pagkakaisa sa pagbubukas ng Mayor’s Cup — isang programa para sa bawat MANlalaro ng Jose Panganiban!

13/08/2026

FOOD BAZAAR STALL OWNERS NAGTIPON-TIPON PARA SA PAGHAHANDA SA 2026 FIESTA CELEBRATION

Mula sa Lokal na Pamahalaan ng Jose Panganiban, sa pamumuno ni Mayor Ariel M. Non, sa pangunguna ng Municipal Tourism Office, sa pangangasiwa ni Narcisus D. Panganiban III. Isang malaking bahagi ng paghahanda sa darating na Fiesta Celebration ng ating bayan ang pagtitipon at pagkakaroon ng pag-uusap. Ang mga namamahala sa mga food stalls ay nagkaroon ng pag-uusap sa mga hakbang na gagawin para sa mas maayos, mas maganda, at mas ligtas na Food Hub.

Layunin ng pagpupulong na ito na mas mapaganda ang serbisyo, siguruhin ang kalinisan, at mas mapaganda pa ang ayos ng ating mga food stalls. Ang bawat isa ay nagtulungan at nagkaisa upang maibigay ang suhestiyon para sa ikabubuti ng nakararami.

09/08/2026

Happy Birthday! DOT Regional Director Herbie Aguas🎂

Taos-pusong pagbati mula sa Lokal na Pamahalaan ng Jose Panganiban, sa pangunguna ni Mayor Ariel M. Non, sa pamamagitan ng Jose Panganiban - Municipal Tourism Office, sa pangunguna ni Municipal Tourism Officer Former Coun. Tres Panganiban kasama ang lahat ng mga staff at mga mangagagawang panturismo sa Jose Panganiban.

Nawa’y patuloy kayong pagpalain ng mabuting kalusugan at tagumpay sa inyong paglilingkod at pagsusulong ng turismo sa rehiyon. Mabuhay po kayo! 🎉🌴

04/08/2026

𝐁𝐔𝐋𝐀𝐋𝐀𝐂𝐀𝐎 𝐏𝐈𝐂𝐍𝐈𝐂 𝐆𝐑𝐎𝐕𝐄: 𝐊𝐀𝐏𝐀𝐘𝐀𝐏𝐀𝐀𝐍 𝐀𝐓 𝐓𝐀𝐍𝐀𝐖𝐈𝐍, 𝐇𝐀𝐋𝐈𝐍𝐀'𝐓 𝐓𝐔𝐊𝐋𝐀𝐒𝐈𝐍!

Hanap mo ba ay lugar na may preskong hangin, magandang tanawin, at perpekto para sa pagsasama-sama ng pamilya at magkakaibigan? Tamang-tama ito para sa piknik, pagkuha ng litrato, pagmamasid sa paglubog ng araw, o simpleng pagpapahinga lamang mula sa abalang araw.

Halina’t tuklasin at ipagmalaki ang sariling atin! 💚

04/08/2026

𝐘𝐎𝐔𝐑 𝐖𝐄𝐋𝐋𝐍𝐄𝐒𝐒 𝐄𝐒𝐂𝐀𝐏𝐄 𝐀𝐖𝐀𝐈𝐓𝐒 𝐈𝐍 𝐉𝐎𝐒𝐄 𝐏𝐀𝐍𝐆𝐀𝐍𝐈𝐁𝐀𝐍💆‍♀️🌿

Pagkatapos ng masiglang pamamasyal, narito ang mga pwedeng pasyalanan para sa tunay na pahinga. Damhin ang kakaibang ginhawa mula sa mga dalubhasang masahe, tradisyonal na hilot, at mga serbisyong pantuwang sa katawan at isipan.

Let every touch soothe your senses! 🧖‍♀️🌊

04/08/2026

☕ 𝐒𝐈𝐏, 𝐒𝐀𝐕𝐎𝐑, & 𝐃𝐈𝐒𝐂𝐎𝐕𝐄𝐑

Masarap magsimula o magtapos ng araw sa ating bayan habang hawak ang paborito mong kape. Nariyan ang mga kainan sa tabing-dagat, sa sentro, at sa mga magagandang pwesto na handang tumanggap sa inyo.

Tell us what you love most about drinking coffee in our town! 📝

30/07/2026

TULOY-TULOY ANG SAYA AT SARAP SA ATING FOOD BAZAAR🥘🍹

Nandito pa rin ang iba’t ibang paboritong kakanin, meryenda, pangunahing ulam, at mga nakakarefresh na inumin na siguradong babagay sa panahon.

Huwag nang magpahuli! Halina’t tangkilikin ang sarap at galing ng ating mga lokal na nagtitinda.

27/07/2026

3-DAY TOURISM FAIR 2026, MATAGUMPAY NA NAGTAPOS

Opisyal na nagtapos kahapon ang tatlong araw na pagdiriwang ng Tourism Fair 2026 na naging makulay at matagumpay. Sa pakikipagtulungan ng Lokal na Pamahalaan ng Jose Panganiban sa ilalim ng pamumuno ni Mayor Ariel M. Non, katuwang ang mga kawani ng Municipal Tourism Office.

Ang programa ay ginanap sa SM City Daet kung saan dagsa ang dumalo at nakilahok sa iba’t ibang gawain. Bukod sa mga lokal na residente at mga bisita, naging makabuluhan din ang pagdalo ng maraming mag-aaral na nagkaroon ng pagkakataong makilala nang mas malalim ang mga likas na yaman, magagandang tanawin, at mga natatanging produkto at kultura ng bayan ng Jose Panganiban.

Layunin nito na palakasin ang turismo sa bayan ng Jose Panganiban, magbigay ng tulong sa mga lokal na negosyante, at ipagmalaki ang likas na ganda at yaman ng bayan hindi lamang sa loob ng lalawigan kundi pati na rin sa ibang panig ng bansa.

26/07/2026

LAST DAY: EXPLORE CAMNORTE TRAVEL AND TOURISM FAIR 2026 ✨

Huwag nang palampasin — nandito pa rin ang booth ng Jose Panganiban, dito lang sa SM City Daet! 📍 Ito na ang huling pagkakataon ninyong bumisita!

Sa pangunguna ni Mayor Ariel M. Non at ng Jose Panganiban Municipal Tourism Office, halina’t sabay-sabay nating tuklasin, maranasan, at ipagmalaki ang ganda ng ating bayan!

VISIT THE JOSE PANGANIBAN BOOTH TODAY ✨