Office of the Municipal Agriculture-Lgu Kolambugan

26/08/2026

"DUHA KA INDIBIDWAL, NADAKPAN TUNGOD SA ILLEGAL FISHING SULOD SA FISH SANCTUARY"

Agusto 26, 2026. Duha ka indibidwal ang nadakpan tungod sa paglapas sa fishery ordinance human sila nasakpan nga nangisda sulod sa Barangay Riverside Punta Reef Fish Sanctuary sa Barangay Riverside, Kolambugan, Lanao del Norte.

Unsay balaod nga ilang nalapas?

Kini nga pagdakop gibase sa Municipal Ordinance No. 1, Series of 2003, “An Ordinance Declaring Barangay Riverside Punta Reef as Fish Sanctuary, Installed at Barangay Riverside, Kolambugan, Lanao del Norte.”

Simple lang ang tumong sa maong ordinance: protektahan ang atong dagat, isda, ug uban pang lamang-dagat, ug pugngan ang mga fishing activities nga dili tugotan sulod sa protected area.

⚠️ PENALTY SA PAGLAPAS

Sumala sa Section 7 – Penal Clause sa ordinance:

🔹 First offense – ₱1,500 nga multa o 10 ka adlaw nga pagkabilanggo
🔹 Second offense – ₱2,500 nga multa o 20 ka adlaw nga pagkabilanggo

🌊 NGANONG IMPORTANTE ANG FISH SANCTUARY?

Ang fish sanctuary dili lang para sa gobyerno, para kini sa atong tanan, labi na sa mga mangingisda.
Kung atong protektahan ang sanctuary, adunay lugar diin ang mga isda ug uban pang marine life mahimong modaghan ug mopadayon sa pagbuhi sa atong kadagatan.

Kung pasagdan nato ang illegal fishing sulod sa sanctuary, maapektuhan dili lang ang karon nga pangisdaan, kundili pati ang panginabuhi sa umaabot nga mga henerasyon.

📢 PAHINUMDOM SA TANAN NGA MANGINGISDA:

Palihug respetohi ang mga boundary ug mga balaod sa Barangay Riverside Punta Reef Fish Sanctuary. Ayaw pagpanagat sulod sa protected area kung kini gidili sa ordinance.

Ang balaod dili para pagpugong sa panginabuhi sa mga mangingisda, gihimo kini aron maprotektahan ang atong panginabuhi ug ang atong kadagatan sa dugay nga panahon.

Ang kaso sa mga nadakpan nga indibidwal pagadumalahon sumala sa ordinance ug sa hustong legal nga proseso.

🐟 PROTEKTAHAN ANG FISH SANCTUARY. RESPETOHON ANG BALAOD. AMPINGAN ANG ATONG KADAGATAN. 🐟

11/08/2026

24/07/2026

24/07/2026

PUBLIC ADVISORY

10/07/2026

25/06/2026

Maayong Adlaw ka-AMIA! Ania ang hulagway sa 10-day Weather Forecast sa atong rehiyon June 22- July 01, 2026).
Mao kini ang mahimo nato nga giya para sa atong uma
ug sa atong mga gingbuhaton sa matag adlaw, adunay mga color legend nga atong mamahimong basehan kung unsa ang kakusog sa ulan. 🌧️
RED - kung walay ulan
YELLOW - kung hinay lang ang ulan
GREEN - kung sakto lang kakusog ang ulan
BLUE - kung kusog ang ulan
Padayon lang gihapon kitang magbinantayon sa dagan sa panahon ka-AMIA ug amping kanunay. 😊
Source: DOST PAGASA

23/06/2026

𝐏𝐀𝐆𝐏𝐀𝐋𝐈𝐆-𝐎𝐍 𝐒𝐀 𝐊𝐀𝐇𝐈𝐁𝐀𝐋𝐎 𝐒𝐀 𝐌𝐆𝐀 𝐌𝐀𝐆-𝐔𝐔𝐌𝐀 𝐏𝐈𝐍𝐀𝐀𝐆𝐈 𝐒𝐀 𝐌𝐎𝐁𝐈𝐋𝐄 𝐒𝐎𝐈𝐋 𝐋𝐀𝐁𝐎𝐑𝐀𝐓𝐎𝐑𝐘 𝐎𝐏𝐄𝐑𝐀𝐓𝐈𝐎𝐍𝐒 𝐓𝐑𝐀𝐈𝐍𝐈𝐍𝐆

Malampusong gipahigayon karong adlawa ang Mobile Soil Laboratory Operations – Training on Proper Soil Sampling/Collection and Qualitative Soil Analysis sa Kolambugan, Lanao del Norte, uban ang partisipasyon sa mga mag-uuma ug mga stakeholders sa sektor sa agrikultura.

Gisugdan ang kalihokan pinaagi sa welcome address ni 𝐑𝐨𝐦𝐞𝐨 𝐙. 𝐕𝐢𝐥𝐥𝐚𝐦𝐞, 𝐌𝐮𝐧𝐢𝐜𝐢𝐩𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 sa Kolambugan, nga nagpasiugda sa kamahinungdanon sa hustong pagdumala ug pag-analisa sa yuta alang sa mas episyente ug produktibong panguma.

Gisundan kini sa Mobile Soil Laboratory Walkthrough nga gipangunahan sa 𝐌𝐒𝐋 𝐓𝐞𝐚𝐦 aron ipakita sa mga partisipante ang mga kagamitan ug serbisyo nga gitanyag sa Mobile Soil Laboratory alang sa pagtabang sa mga mag-uuma sa pag-assess sa kahimtang sa ilang yuta.

Human niini, gipadayon ang pagbansay pinaagi sa mga diskusyon ug demonstrasyon nga gipangunahan ni 𝐌𝐬. 𝐉𝐚𝐜𝐪𝐮𝐞𝐥𝐢𝐧𝐞 𝐒𝐚𝐰𝐚𝐲𝐚𝐧, 𝐒𝐑𝐒 𝐈, 𝐌𝐒𝐋 10. Gituki niini ang hustong pamaagi sa soil sampling ug soil sample preparation, paggamit sa GPS Coordinates pinaagi sa DA Geo-Camera Advance, ug fertilizer recommendation gamit ang FertRight application. Gipahigayon usab ang aktuwal nga demonstrasyon sa qualitative soil analysis pinaagi sa Soil Test Kit aron mapalambo pa ang kahibalo sa mga partisipante sa hustong pagdumala sa yuta ug nutrisyon sa tanom.
Gitapos ang maong kalihokan pinaagi sa pag-apod-apod sa Soil Test Kits (STKs) ngadto sa mga partisipante aron magamit nila kini sa pagmonitor ug pag-evaluate sa kalidad sa yuta sa ilang tagsa-tagsa ka umahan.
Kini nga kalihokan kabahin sa padayon nga paningkamot sa pagpalig-on sa kapasidad sa mga mag-uuma pinaagi sa siyentipikong pamaagi sa pagdumala sa yuta, nga makatampo sa mas taas nga produksyon ug malungtarong kalamboan sa sektor sa agrikultura.