Protective Services Division FO XII

23/07/2026

PANOORIN | DSWD AKSYON SA DOSE

31 barangay ng Glan, Sarangani Province, matagumpay na napasok ng DSWD FO XII para maihatid ang Social Pension sa mga lolo at lola.

Sa kabila ng mapuputik na daan, matatarik na kabundukan, at iba pang hamon sa paglalakbay, nagpatuloy ang Department of Social Welfare and Development (DSWD) Field Office XII, katuwang ang mga ahensya ng pamahalaan at mga uniformed personnel, upang matiyak na maipamahagi ang Social Pension Program for Indigent Senior Citizens sa bawat kwalipikadong benepisyaryo.

Tunghayan kung paano isinakatuparan ng DSWD FO XII ang misyong mailapit ang serbisyo ng pamahalaan sa mga senior citizen, saan mang sulok ng Glan.

♥️

23/07/2026

Mga senior citizen sa Glan, masayang tinanggap ang kanilang social pension

Glan, Sarangani Province – Sa kabila ng mga pagsubok na idinulot ng lindol at pagbaha sa bayan ng Glan, nananatiling matatag at puno ng pag-asa ang mga senior citizen na masayang tinanggap ang kanilang social pension mula sa Department of Social Welfare and Development (DSWD) Field Office XII sa ilalim ng Social Pension Program for Indigent Senior Citizens.

Isa sa mga benepisyaryo si Estrella Pasaporte, 72 taong gulang mula sa Barangay Baliton, Glan, na taos-pusong nagpahayag ng pasasalamat sa tulong na kanyang natanggap. Aniya, malaking ginhawa ang social pension dahil magagamit niya ito sa pagbili ng bigas at iba pang pangunahing pangangailangan. Ibinahagi rin niya na sa pamamagitan ng masustansyang pagkain ay nananatili siyang malusog at wala pa siyang iniinom na maintenance na gamot.

Si Lola Estrella ay isa lamang sa libu-libong mga nakatatandang benepisyaryo sa Glan na patuloy na nakikinabang sa programa. Sa gitna ng mga hamong dulot ng kalamidad, nagsisilbing mahalagang suporta ang social pension upang matugunan ang kanilang pang-araw-araw na pangangailangan at mapanatili ang kanilang dignidad at kagalingan.

Patuloy na isinusulong ng DSWD Field Office XII ang Social Pension Program alinsunod sa Republic Act No. 9994, o ang Expanded Senior Citizens Act of 2010, na inamyendahan ng Republic Act No. 11916, bilang pagkilala at pagpapahalaga sa mahalagang ambag ng mga nakatatandang Pilipino sa lipunan.

♥️

09/07/2026

PANOORIN| DSWD DOSE UPDATE NGAYON
Nagtapos ngayong araw ang 57 trainees ng Area Vocational Rehabilitation Center (AVRC) ng DSWD Field Office XII sa iba't ibang vocational at rehabilitation training programs.

Kabilang sa mga natapos nilang kurso ang Basic Massage Therapy, Basic Computer Operation, Basic Cooking, Basic Bread and Pastry Production, Basic Crop Production, at Social Rehabilitation Training Program.

09/07/2026

BASAHIN: Mensahe ni Dir. Loreto Jr. V. Cabaya ng DSWD FO XII para sa mga nagsipagtapos na trainee ng AVRC ng DSWD Field Office XII.

"Hindi hadlang ang kapansanan upang makapagtapos at maabot ang inyong mga pangarap. Nais naming dugtungan ang pagmamahal at suporta na ibinibigay ng inyong pamilya, kaya narito ang DSWD—laging handang umalalay sa inyong sektor. Today, you graduate not only with skills, but with stronger determination for a brighter future."

Patuloy ang DSWD sa paghahatid ng pag-asa, oportunidad, at serbisyong nagbibigay-kakayahan sa ating mga person with disabilities, upang magkaroon sila ng mas maayos, produktibo, at mas maliwanag na kinabukasan.

09/07/2026

57 residente ng DSWD XII AVRC, nagtapos sa ikalawang graduation ceremony

Koronadal City – Isang panibagong yugto ng pag-asa ang ipinagdiwang ng 57 residente ng Area Vocational Rehabilitation Center (AVRC) ng Department of Social Welfare and Development Field Office XII (DSWD XII) matapos silang magtapos sa ginanap na 2nd Graduation and Recognition Ceremony sa Agua Frio Garden, Barangay Sta. Cruz, Koronadal City.

Masayang nagmartsa ang mga nagsipagtapos at tinanggap ang kanilang mga sertipiko bilang pagkilala sa matagumpay nilang pagtatapos sa iba't ibang kursong inaalok ng AVRC XII. Kabilang dito ang Basic Massage Therapy, Basic Computer Operation (para sa mga Orthopedically Handicapped at Deaf), Basic Cooking, Basic Bread and Pastry Production, Basic Crop Production, at Social Rehabilitation Training Program.

Sa kanyang mensahe, tiniyak ni Regional Director Loreto Jr. V. Cabaya ang patuloy na pagpapalakas ng mga programa ng AVRC XII sa pamamagitan ng pagtatayo ng bago at mas malaking pasilidad na kasalukuyan nang isinasagawa. Layunin nitong mapalawak ang kapasidad ng sentro upang mas marami pang persons with disabilities mula sa buong SOCCSKSARGEN ang mabigyan ng pagkakataong makakuha ng pagsasanay, rehabilitasyon, at kabuhayan.

Patuloy na isinusulong ng DSWD XII ang mga programang nagbibigay ng pantay na oportunidad at nagpapalakas sa kakayahan ng mga persons with disabilities tungo sa mas produktibo at mas makabuluhang pamumuhay.

♥️

09/07/2026

BASAHIN: Department of Social Welfare and Development (DSWD) Field Office XII Protective Services Division (PSD) Chief Nanig C. Sanoy expressed her appreciation to the parents and guardians of the AVRC trainees who successfully completed their vocational courses.

She said during her speech:
"The DSWD is not only about ayuda or financial assistance—it is also committed to empowering people through developmental programs.

Sa inyo mga AVRC trainee graduates, ang tagumpay na ito ay hindi lamang isang oportunidad para sa inyo, kundi isang inspirasyon para sa marami. At higit sa lahat, ang inyong mga magulang ang tunay na pinakamasaya sa tagumpay na inyong nakamit.

Congratulations once again!"

The DSWD remains committed to delivering programs and services that empower and uplift the lives of the Filipino people.

♥️

09/07/2026

TINGNAN | Nagsagawa ng pagpupulong ang mga kawani ng Social Pension Program for Indigent Senior Citizens (SPISC) ng Department of Social Welfare and Development (DSWD) Field Office XII mula sa iba't ibang Local Government Units (LGUs) sa lalawigan ng Sultan Kudarat sa Tacurong City.

Tinalakay sa pulong ang mga mahahalagang update at kalagayan ng pagpapatupad ng Social Pension Program sa bawat LGU, kabilang ang kasalukuyang estado ng kanilang mga social pension beneficiaries.

Layunin ng aktibidad na ito na higit pang paigtingin ang koordinasyon at pagpapatupad ng programa upang matiyak ang maagap, maayos, at episyenteng paghahatid ng serbisyo sa mga benepisyaryo ng Social Pension Program sa buong lalawigan.

❤️

21/06/2026

BASAHIN:‼️

Ang tanggapan ng Social Pension Program for Indigent Senior Citizens ng Department of Social Welfare and Development (DSWD FO XII) ay matatagpuan na sa Alba Street, Barangay Zone III, Koronadal City.

Layunin ng paglipat na ito na magkaroon ng mas maluwag at mas maayos na tanggapan upang higit na mapaglingkuran at matugunan ang pangangailangan ng mas maraming kliyente kaugnay ng programa.

Para sa karagdagang impormasyon at mga katanungan, maaaring makipag-ugnayan sa aming Social Pension Program page: https://www.facebook.com/share/1Kmyhf7mga/?mibextid=wwXIfr o sa DSWD FO XII page: https://www.facebook.com/share/193euFthse/?mibextid=wwXIfr

♥️

06/06/2026