PCADG Calabarzon - New Account

12/12/2025

Nag One Point Three kana ba?
Source: https://www.facebook.com/.../nag-one.../2349861395444657/...
DISCLAIMER: CTTO of the photos, videos, and optics. No copyright infringement.

11/12/2025

Nag One Point Three kana ba?

Source: https://www.facebook.com/100064876530596/videos/nag-one-point-three-kana-ba-dpcr-pnpchaplainservice-onepointthree/2349861395444657/?mibextid=wwXIfr&share_url=https%3A%2F%2Fwww.facebook.com%2Fshare%2Fv%2F19rnCYmX2u%2F%3Fmibextid%3DwwXIfr&rdid=8W0h5fq8yefKePro

DISCLAIMER: CTTO of the photos, videos, and optics. No copyright infringement.

10/12/2025

10/12/2025

10/12/2025

PNP AT ARTA, PUMIRMA NG KASUNDUAN PARA SA MAS MABILIS NA SERBISYO PUBLIKO

Pinagtibay ng Philippine National Police (PNP) at Anti-Red Tape Authority (ARTA) ang pormal na pagpirma ng Memorandum of Agreement ngayong umaga sa Camp Crame, bilang makabuluhang hakbang tungo sa mas maayos na koordinasyon, mas epektibong operasyon, at may integridad na serbisyo publiko.

Pinirmahan nina Acting Chief PNP, PLTGEN Jose Melencio C. Nartatez Jr., kasama si PLTGEN Bernard C. Banac, ang MOA para sa PNP, habang pinirmahan naman ito ni Secretary Ernesto V. Perez, Director General, para sa ARTA. Dumalo rin sa seremonya si Undersecretary Geneses Abot, Deputy Director for Legal ng ARTA, kasama ang iba pang opisyal mula sa dalawang ahensya.

Binibigyang-diin ng MOA ang pagkakaisa ng dalawang ahensya upang palakasin ang mga mekanismo na magbabawas ng red tape, magpapasimple ng proseso ng gobyerno, at magbibigay ng katiyakan na ang serbisyo publiko ay mas mabilis, malinaw, at may pananagutan—lahat ay naayon sa bisyon ng Pangulong Ferdinand R. Marcos Jr. para sa Bagong Pilipinas.

“Through this agreement, we are taking concrete steps to reduce red tape and enhance efficiency. Sa pamamagitan ng pagtutulungan natin, masisiguro natin na ang serbisyo publiko ay hindi lang mabilis at maayos, kundi tapat at maaasahan din,” sabi ni PLTGEN Nartatez.

Dagdag pa niya, “This also gives the PNP an opportunity to strengthen coordination and streamline internal processes, so that every service we provide—whether licensing, documentation, or other public-facing functions—is faster, easier, and more accountable. Lahat ng Pilipino deserve ang gobyernong mabilis, maayos, at tapat.”

Ang kasunduang ito ay nagpapakita ng kahalagahan ng pagtutulungan ng mga ahensya, bilang patunay ng kanilang paninindigan na alisin ang hadlang sa gobyerno at maghatid ng mas mabilis, mas madaling ma-access, at mas epektibong serbisyo publiko.

Ang pagpirma ng MOA ay magsisilbing bagong kabanata sa pakikipagtulungan ng PNP at ARTA, na nagpapatibay sa pangako ng dalawang ahensya sa mas mahusay, malinaw, at may integridad na serbisyo para sa bawat Pilipino.

10/12/2025

₱6.23-M SMUGGLED PLYWOOD, NADISKUBRE NG PNP; CHINESE NATIONAL ARESTADO SA PAMPANGA

Ang isang karaniwang hapon sa San Simon, Pampanga ay nauwi sa isang matagumpay na operasyon laban sa ilegal na kalakalan nang madiskubre ng Philippine National Police, sa ilalim ng pamumuno ni PLTGEN Jose Melencio C. Nartatez Jr., ang malaking imbakan ng smuggled na plywood na nakatago sa loob ng isang commercial compound nitong Lunes—isang operasyon na nagbunyag hindi lamang ng paglabag sa batas pangkonsyumer kundi pati na rin ng isang improvised firearm na natagpuan sa isang opisina.

Pinagsanib na pwersa ng Criminal Investigation and Detection Group Regional Field Unit 3 (CIDG RFU 3), Pampanga Provincial Field Unit (Pampanga PFU), at San Simon Municipal Police Station (San Simon MPS) ang nagserve ng Search Warrant No. 25-0424 (M) sa loob ng isang business premises sa Global Aseana Park 1, Brgy. Dela Paz, San Simon, Pampanga. Ang operasyon, na isinagawa mula 4:00 PM hanggang 8:00 PM noong December 8, 2025, ay nagresulta sa pagkakaaresto ng isang Chinese national at pagkakakumpiska ng malaking bilang ng ipinagbabawal na consumer goods.

Nasamsam sa operasyon ang 2,752 piraso ng 18mm Crocodile Phenolic Plywood at 4,272 piraso ng 12mm Crocodile Phenolic Plywood, pawang may sukat na 4 ft x 8 ft, na may kabuuang halagang ₱6,231,200.00, kasama ang iba’t ibang dokumento ng negosyo. Natuklasan din sa opisina ang isang improvised shotgun (sumpak) at apat na 12-gauge slugs. Ang naarestong dayuhan ay nasa kustodiya ngayon ng CIDG RFU 3 para sa dokumentasyon at tamang disposisyon.

Kaakibat ng PNP Focused Agenda, ipinapakita ng operasyong ito ang patuloy na pagtutok ng PNP sa Enhanced Managing Police Operations, lalo na sa pagpigil sa mga ilegal na negosyo na naglalagay sa panganib sa mga mamimili at sumisira sa patas na kalakalan. Binibigyang-diin nito ang determinasyon ng PNP na protektahan ang publiko at tiyaking mananagot ang mga lumalabag sa batas.

Binigyang-diin ni PNP Acting Chief PLTGEN Nartatez Jr. ang kahalagahan ng maagap at matibay na pagpapatupad ng batas para sa kaligtasan ng mga komunidad.
“This operation proves our commitment to protect the public from unlawful activities that compromise safety and fairness in trade. Hindi tayo papayag na abusuhin ang ating mga mamamayan, lalo na sa mga gawaing labag sa batas,” aniya.

Habang pinalalakas pa ng PNP ang mga anti-crime initiatives nito sa ilalim ng direktiba ni Pangulong Ferdinand R. Marcos Jr., patuloy na sinisiguro ng PNP ang publiko sa pangitain nito: ang “Bagong PNP para sa Bagong Pilipinas: Serbisyong mabilis, tapat, at nararamdaman.”

10/12/2025

PNP-FDA JOINT RAID, BUMUWAG SA ILEGAL NA COOKING OIL OPERATION SA MINDORO

Nakasamsam ang Philippine National Police (PNP) sa ilalim ng pamumuno ni Acting Chief PNP PLTGEN Jose Melencio C. Nartatez Jr. ng mahigit P1.8 milyon halaga ng umano’y ilegal na cooking oil sa isinagawang operasyon noong Disyembre 4, 2025 sa Barangay Sta. Rita, Pinamalayan, Oriental Mindoro.

Isinagawa ang pinagsanib na operasyon ng PNP-Criminal Investigation and Detection Group (CIDG) Oriental Mindoro Provincial Field Unit, Food and Drug Administration (FDA) Regional Office 4B, at Pinamalayan Municipal Police Station, alinsunod sa PNP Focused Agenda para paigtingin ang law enforcement operations at tiyakin ang kaligtasan ng publiko.

Arestado ang isang lalaking suspek na kinilalang si “Mike,” empleyado ng isang pribadong korporasyon, dahil sa umano’y pagbebenta at pakikipagkalakalan ng cooking oil na walang rehistro sa FDA—isang paglabag sa Food and Drug Administration Act of 2009.

Nasamsam mula sa lugar ang 43 pakete na naglalaman ng 2,615 bote ng unregistered cooking oil na tinatayang nagkakahalaga ng P1,842,478.07.

Ipinagbabawal ng Food and Drug Administration Act of 2009 ang paggawa, pag-angkat, pagbebenta, o pamamahagi ng anumang health at food product nang walang kaukulang permit mula sa FDA, dahil maaaring magdulot ng panganib ang mga produktong hindi dumaan sa wastong pagsusuri.

Pinuri ni Acting Chief PNP PLTGEN Jose Melencio C. Nartatez Jr. ang mga yunit na nagsagawa ng operasyon at binigyang-diin ang matibay na paninindigan ng PNP para sa proteksyon ng mamimili:

“Hindi lang kriminalidad ang tinututukan ng PNP, kasama rito ang mga illegal activities that endanger public health. This operation is a clear example of our commitment to protect Filipino consumers.”

Binigyang-diin pa niya na ang tagumpay ng operasyon ay kaakibat ng prinsipyo ng Bagong PNP para sa Bagong Pilipinas: Serbisyong Mabilis, Tapat at Nararamdaman.

“Ito ang uri ng serbisyong hinihingi ng ating Pangulong Ferdinand R. Marcos Jr. — a police service that is proactive, responsive, and people-centered. Asahan ninyong mas paiigtingin pa ng PNP ang ganitong operasyon,” dagdag pa ng Acting Chief PNP PLTGEN Nartatez.

Muling nananawagan ang PNP sa publiko na maging mapagmatyag at agad na i-report sa mga awtoridad ang anumang kahina-hinalang aktibidad na may kinalaman sa pamemeko o iligal na bentahan ng consumer products.

10/12/2025

PNP PINAIIGTING ANG SEGURIDAD SA ILALIM NG “LIGTAS PASKUHAN 2025”

Habang papalapit ang kapaskuhan, pinaiigting ng Philippine National Police ang mga paghahanda para masigurong ligtas at payapa ang pagdiriwang ng bawat Pilipino. Sa ilalim ng “Ligtas Paskuhan 2025,” mahigit 70,000 pulis, kasama ang mga auxiliary units at mga katuwang na grupo, ang ide-deploy sa iba’t ibang lugar sa bansa para bantayan ang seguridad ngayong holiday season.

Ayon kay Acting Chief PNP, PLTGEN Jose Melencio C. Nartatez Jr.: “We want everyone to enjoy the holidays without fear. Our officers will be highly visible in key areas, ready to respond quickly, and actively preventing incidents before they happen.”

Kasama sa deployment ang 70,744 PNP personnel, 6,892 auxiliary units, at 24,526 assets na itatalaga sa mga himpilan ng pulisya, mga lugar ng simbahan, pangunahing kalsada, terminals, malls, pasyalan, at mga itinalagang fireworks zones, lalo na sa Disyembre 24 at 31.

Sa bilang na ito, 12,695 ang tututok sa mga lugar ng pananampalataya, 6,530 sa transportation hubs, 7,838 sa mga pangunahing kalsada, at 6,691 sa commercial areas. May naka-standby ding dagdag na personnel sa mga tourist sites at sa mga lugar na may bentahan ng paputok.

Matagal na ring naghahanda ang mga lokal na yunit ng pulisya. Nagsagawa sila ng seminars tungkol sa tamang paggamit ng paputok at patuloy ang pag-iinspeksyon sa mga tindahan nito. Sabi ni Acting Chief PLTGEN Nartatez: “We want to minimize firecracker-related injuries this year. Education, enforcement, and presence are key.”

Magdadagdag ng K9 units sa mga pantalan habang ang EOD teams ay nakaantabay sa mga pampublikong lugar para masiguro na walang banta o kahina-hinalang bagay. Nakahanda rin ang mga medical units, kasama ang PNP General Hospital, para sa anumang firecracker-related injuries.

Pinaiigting rin ng PNP Anti-Cybercrime Group ang online monitoring. Ani Acting Chief PLTGEN Nartatez: “Holiday scams spike during this season. We are actively tracking fraudulent travel bookings, fake online selling schemes, credit card fraud, and other cybercrimes so the public can shop and travel safely.”

Iginiit din niya ang kahalagahan ng pagtutulungan ng mga ahensya:
“Our work with the LTO, MMDA, and local government units is essential to managing traffic and ensuring safe travel throughout the holiday rush. Every agency has a role, and we are working together closely.”

Patuloy din ang pagpapatupad ng one-strike policy, lalo na sa mga insidente ng ilegal na pagpapaputok ng baril. Ayon sa Acting Chief:
“Commanders are expected to act immediately on any incident… If a case remains unsolved beyond 36 hours, commanders will be held responsible.”

Hinikayat din niya ang publiko na maging alerto:
“Our officers are ready, but public vigilance is equally important. If you see something suspicious, report it. Safety is a shared effort.”

Muling pinaalala ng PNP na bawal pa rin ang ilang uri ng paputok sa ilalim ng RA 7183, tulad ng piccolo, watusi, lolo thunder, giant bawang, at iba pang delikadong paputok—kahit saan mang lugar.

Dagdag pa ni PLTGEN Nartatez: “Safety is everyone’s responsibility… With our officers on the ground and the public working with us, we are confident that Ligtas Paskuhan 2025 will allow every Filipino to celebrate with joy and peace of mind.”

Sa kabuuan, tiniyak ng PNP na magiging mas ligtas at mas maaliwalas ang pagdiriwang ng Pasko para sa lahat, alinsunod sa adhikaing “Bagong PNP para sa Bagong Pilipinas: Serbisyong Mabilis, Tapat, at Nararamdaman.”