05/06/2026
Person with Disability Congress 2026
Naimbitar kita sadton nakalabay nga ika-2 san Hunyo 2026, sa Persons with Disability Congress sayu nga makusog nga pahinumdom nga an inklusibo nga komunidad diri natutukod pinaagi la sin mga polisiya, kundi pinaagi sin pagpamati, pakig-upod, ngan pagkilala sa dignidad san tagsa nga tawo.
Sa kada istorya nga aton nabatian, sa kada tingog nga aton ginhatagan sin espasyo, mas napaimod nga an aton mga sangkay nga mga Persons with Disabilities diri la mga benepisyaryo san kauswagan. Sira an mga lider, mga inspirasyon, ngan mga kaupod sa paghurma san mas maupay nga kabubuwason para sa ngatanan.
"Nothing About Us, Without Us" labaw pa in sin sayu nga slogan, sayu ini nga panawagan para sin tinuod nga partisipasyon. Kay waray desisyon nga angay paghimuon para sa ira nga waray sira dida sa lamesa. Waray programa nga masusugad nga inklusibo kun diri ginpapamatian an ira mga tingog. Waray gobyerno nga tinuod kun may nahihibilin nga mga sektor.
An tinuod nga kusog san sayu nga komunidad nasusukol diri pinaagi san kadamo san iya mga proyekto, kundi pinaagi san iya kapasidad nga atamanon an ngatananโbisan ananu an ira kahimtang, kapasidad, o kinabuhi.
Padayon naton nga himuon an aton probinsya nga lugar kun diin an kada tawo naiimod, napapamatian, ginrirespeto, ngan gin-uupdan.
Kay an tinuod nga kauswagan diri nasusukol sa kahitaas san aton naabot, kundi sa kadamo san aton nahidara ngan nahiupod pakadto sa ungod nga kauswagan.
