28/07/2026
Human sa atong pagtambong sa ikalimang State of the Nation Address (SONA) ni Pangulong Ferdinand “Bongbong” Marcos Jr., usa lang ang akong gustong ipaabot sa atong mga kaigsoonan ang pagsalig nga gihatag sa Presidente usa ka dakong responsibilidad nga angay tubagon pinaagi sa matinud-anong pag-alagad ug konkretong mga resulta.
Nagpasalamat kita sa padayon nga pagsalig sa atong mga lider ug sa tanang katawhan. Isip inyong Kongresista, magpadayon kita sa pagtrabaho aron masuportahan ang mga programa ug mga balaod nga makatabang sa pagpauswag sa kinabuhi sa matag Pilipino ug sa atong mga komunidad.
Ang atong tumong dili lang ang paghimo og mga saad, kondili ang paghatag og tinuod nga serbisyo, maayong pagdumala, ug mga programa nga adunay klarong epekto sa kinabuhi sa katawhan. Ang matag pondo sa gobyerno kinahanglan magamit sa husto, tin-aw, ug may tinuoray nga pagpanubag.
Sa katapusan, ang atong giuna mao ang kaayohan sa katawhan. Dili kini panahon sa walay pulos nga panaglalis, kondili panahon sa panaghiusa ug pagtinabangay. Mas gamay’ng pulitika, mas daghang serbisyo. Mas gamay’ng estorya, mas daghang binuhatan. Alang sa atong distrito. Alang sa matag Pilipino.
