22/04/2026
Water system, farm-to-market roads prayoridad sa probinsya
Lima ka mahinungdanong resolusyon sa Sanggunian Resolution Nos. 173, 174, 175, 176, ug 177-2026 ang bag-ohay pa lamang gi-aprubahan sa Sangguniang Panlalawigan atol sa ika-37 nga regular nga sesyon. Kini nga mga lakang nagpakita sa padayon nga paningkamot sa lokal nga panggamhanan sa pagpalambo sa mga programa ug proyekto nga maghatag og kaayohan sa katawhan.
Pinaagi sa maong mga resolusyon, gitugotan si Gobernador Ma. Angelica Rosedell M. Amante sa pagpirma sa mga kontrata tali sa probinsyal nga gobyerno ug duha ka construction firms alang sa implementasyon sa nagkadaiyang proyekto sa imprastruktura ug suplay sa tubig sa lalawigan.
Ang mga proyekto ipatuman ubos sa Payapa at Masaganang Pamayanan (PAMANA) program sa Office of the Presidential Adviser on Peace, Reconciliation and Unity (OPAPRU).
Usa sa mga prayoridad nga proyekto mao ang pagtukod sa Water System Level III pinaagi sa submersible pump sa Sitio Talaganahaw, Barangay Talo-ao, Buenavista, nga ipatuman sa Regereys Construction and Supply.
Samtang, ipatukod usab ang Potable Water System Level II sa Sitio Linao-Linao, Barangay Lower Olave, Buenavista, aron masiguro ang limpyo ug luwas nga suplay sa tubig alang sa mga residente.
Sa sektor sa imprastruktura sa dalan, gilakip ang pagpaayo ug pag-upgrade sa CalcalonโSampinit Farm-to-Market Road (Phase 1) sa Barangay Malapong, Buenavista, ug ang VinaporโCalabcabonโGosoon Circumferential Road (Phase 1) sa Carmen. Kini nga mga proyekto ipatuman sa Erra Construction and Development Inc.
Ang maong mga resolusyon gipangamahanan ni Provincial Board Member Ryan Jade D. Lim, uban ang suporta nila Provincial Board Members Rodulfo A. Pitogo ug Rey G. Jamboy.
