BGU Laturan

08/04/2026

Gipahigayon ang usa ka mahinungdanon nga BCPC Symposium para sa atong mga kabataan ug ilang mga ginikanan ubos sa tema nga: “Safe Homes, Safe Streets: Protect Our Children Today.” Tumong niini nga mahatagan og saktong giya ang matag pamilya batok sa mga hagit sa panahon karon.

Nakahigayon kita ug discuss sa mga topics on Illegal Drugs Awareness uban ni Patrolman Rey Piala (PCR, PNCO). Importante nga mahibal-an sa atong kabataan ang dautang epekto sa droga aron malikayan kini. Apil pud niinin ang Teenage Pregnancy & Family Planning uban ni Ms. Gilda Lagamon (Social Welfare Officer II, MSWDO Libona). Gi-emphasize dinhi ang responsibilidad sa pagka-ginikanan ug ang saktong pagplano sa pamilya.

Dako ang among pasalamat ngadto kang Punong Barangay Liny P. Cabardo ug sa tibuok BCPC Council sa pagpangulo ni Kagawad Rouie Lou P. Barro. Salamat sa inyong walay puas nga suporta ug dedikasyon alang sa kaayohan ug seguridad sa atong mga batan-on. 🫡👏

20/03/2026

Learning Exchange | March 16-19, 2026

Malampusong napahigayon ang usa ka Learning Exchange alang sa mga Opisyales sa Barangay Laturan didto sa Manila, diin nakakuha kami og bililhong mga "best practices" aron mas mapalambo pa ang serbisyo sa atong komunidad. Pinaagi sa dakong suporta ni Mayor Aurelio B. Lopez ug Congressman Jose Manuel "Joeman" Alba, nakabisita kami sa Senate of the Philippines ug sa House of Representatives diin personal namong nakita ang dagan sa paghimo og balaod sa nasod. Mapasalamaton kami og dako kang Senator Juan Miguel “Migz” Zubiri sa iyang mainitong pag-atiman kanamo sa Senate ug sa gi-andam nga panihapon alang sa tibuok grupo. Usa usab sa mga mahinungdanong bahin sa among biyahe mao ang pag-abiabi ni House Speaker Bojie Dy ug ang kahigayonan nga makasulod sa Plenary Session Hall sa Kongreso.

Nahimong highlight usab ang among pagbisita sa Barangay Holy Spirit sa Quezon City aron tun-an ang ilang Wellness Hub, ingon man ang pag-adto sa Base Bahay Foundation aron masuta ang paggamit sa kawayan isip "sustainable" nga materyales sa pagpanukod ug mga balay ug buildings. Mapasalamaton usab kami sa Office of Senator Bam Aquino ug sa tibuok team ni Congressman Alba, ilabi na kang Miss Karen Yanson, sa ilang paggiya kanamo sa tibuok itinerary, lakip na ang pagbisita sa National Museum ug Luneta Park. Kining tanan namong mga nakat-onan gikan sa maong biyahe paningkamotan namong i-apply sa atong barangay sa Laturan aron mas mapalig-on pa ang atong pagdumala ug ang padayon nga paghatag og de-kalidad nga serbisyo sa tanang katawhan! 💚✨

05/02/2026

𝗘𝗠𝗘𝗥𝗚𝗘𝗡𝗖𝗬 𝗛𝗢𝗧𝗟𝗜𝗡𝗘𝗦!

Para sa kasayuran sa tanan, mao kini ang Emergency Hotline sa nagkadaiyang ahensya sa gobyerno. Kung nagkinahanglan ug tabang, pwede kita motawag ani nga mga numero.

Kung aduna lang emerhensiya mo tawag sa mga numero, ang pagtawag sa mga numero alang sa binuang mamahimong masilutan pinasubay sa balaod.

Daghang salamat!

29/01/2026

CLEAN-UP DRIVE: Zero Waste Month 2026

In celebration of Zero Waste Month, the Barangay Council of Laturan, together with our dedicated volunteers, conducted a simultaneous clean-up activity earlier today at 6:30 AM. 🧹🧤

Kini nga kalihokan, subay sa Proclamation No. 760, gipasiugdahan sa Libona Municipal Government aron mapalig-on ang atong kampanya sa proper solid waste management! ♻️

Thank you to our officials and volunteers for your hard work! 🇵🇭✨

05/01/2026

21/12/2025

Ang panaghiusa mao ang tinuod nga diwa sa Pasko! ❤️✨

Barangay Laturan’s Tapok sa Pasko 2025 was a beautiful success! Seeing our volunteers, Purok leaders, and schools working hand-in-hand with our IP brothers and sisters and our vibrant LGBTQ+ community proves that in Laturan, walay mabiyaan.

The event was filled with laughter and excitement during our games and raffle draws! A huge "Thank You" to all our generous sponsors. Special mention to our First Gentleman for the surprise additional raffle—10 lucky winners went home with half a sack of rice each! 🍚🎁

Dili lang kini basta selebrasyon, kundi simbolo sa atong paghigugmaay. Thank you for making this Christmas unforgettable! 🎄🤝

Merry Christmas, Laturanons!

18/12/2025

Nagmalampuson ang gipahigayon nga Team Building Activity sa tibuok pwersa sa BGU Laturan didto sa Mura Bpra, Initao. Kini nga kalihokan gitambongan sa atong SK Council, Barangay Volunteers (BHW, CVO, Lupon Members), ug ang atong mga kugihan nga Purok Presidents.

Tumong niining maong aktibidad ang mas pagpalig-on sa atong panaghiusa aron mas mapalambo pa ang serbisyo para sa atong mga ka-barangay.

Kini nga kalihokan dili mamahimong posible kung wala ang lig-on nga suporta sa atong Punong Barangay Liny P. Cabardo. Daghang salamat, Kap, sa imong walay pag-ubos nga paggiya kanamo!

Dako usab ang among pasalamat kang Mayor Aurelio Lopez sa paghatag og transportasyon para sa among luwas nga pagbiyahe. 🚌✨

Padayon sa pag-alagad, Team Laturan!

15/12/2025

Maayong gabii sa tanan, atong pahinumdoman ang tanan‼️

Alang sa mga tag-iya/nag-operate og GCash machine dinhi sa Barangay Laturan, palihug pagbantay ug ayaw gyud pagkompiyansa karong panahuna.

Naay mga indibidwal nga naghulog og 'play money' (dulaan nga kwarta) sa machine, dayon magpa-refund kuno kay 'wala nabasa' o 'na-reject' kuno sa machine.

IMPORTANTE! Susiha og maayo ang kwarta sa dili pa mo-refund o mohatag og serbisyo‼️‼️

14/12/2025

𝗗𝗘𝗖𝗘𝗠𝗕𝗘𝗥 𝟮𝟬𝟮𝟱 𝗖𝗔𝗟𝗘𝗡𝗗𝗔𝗥 𝗢𝗙 𝗔𝗖𝗧𝗜𝗩𝗜𝗧𝗜𝗘𝗦 ✨

Barangay Laturan! Ania na ang atong mga kalihokan karong Disyembre nga puno sa kalingawan, panaghiusa, ug diwa sa Pasko! 🎄

🗓 December 20
🎁 Tapok sa Pasko

🗓 December 22
🏃 Amazing Race
🏀🏐 Ballgames

🗓 December 23
🧠 Quiz Bowl
🏀🏐 Ballgames

🗓 December 24
🎄 Pasko sa mga Bata
🏀🏐 Ballgames
🏅 Awarding
🎶 Disco

🗓 December 31
🎶 Disco

Magkahiusa kita sa kalipay ug kalingawan karong Disyembre. Kita-kits! 💪⚡

11/12/2025

December 9 - 10, 2025

That's a wrap! Great assessment and planning session uban ang BGU Laturan team at the beautiful Duka Jong! 💜✨