Municipality of Looc Public Information Office, poblacion, looc, romblon, Looc (2026)

03/06/2026

𝐁𝐀𝐆𝐎𝐍𝐆 𝐒𝐈𝐋𝐈𝐃-𝐀𝐑𝐀𝐋𝐀𝐍, 𝐁𝐀𝐆𝐎𝐍𝐆 𝐏𝐀𝐆-𝐀𝐒𝐀 𝐏𝐀𝐑𝐀 𝐒𝐀 𝐌𝐆𝐀 𝐌𝐀𝐆-𝐀𝐀𝐑𝐀𝐋 𝐍𝐆 𝐂𝐀𝐌𝐀𝐍𝐃𝐀𝐆

Camandag, 4 Hunyo , 2026 – Pormal nang inagurahan at binasbasan ang isang unit ng bagong classroom building sa 𝐉𝐨𝐬𝐞 𝐌. 𝐒𝐨𝐥𝐢𝐬 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥 sa Barangay Camandag na pinondohan ng LGU-Looc, na nakatakdang magamit agad ng mga mag-aaral sa pagsisimula ng darating na school year.

Pinangunahan ni 𝐌𝐚𝐲𝐨𝐫 𝐋𝐢𝐬𝐞𝐭𝐭𝐞 𝐀𝐫𝐛𝐨𝐥𝐞𝐝𝐚 ang seremonya kasama si Vice Mayor B**g Osorio, mga miyembro ng Sangguniang Bayan, Municipal Engineer Genecris Lachica, MPDO Alfred Bancoro, Punong Barangay Robert Palacio at mga kagawad. Ang kanilang pagdalo ay nagpapakita ng patuloy na suporta ng lokal na pamahalaan sa pagpapabuti ng mga pasilidad pang-edukasyon sa bayan.

Bilang bahagi ng programa, isinagawa ang ribbon-cutting ceremony na pinangunahan ni Head Teacher Darwin Frogosa, hudyat ng opisyal na pagbubukas at kahandaan ng bagong silid-aralan para sa paggamit ng mga mag-aaral at g**o.

Nagpahayag naman ng taos-pusong pasasalamat si Public School District Supervisor Dr. Ace Rufon sa Lokal na Pamahalaan ng Looc sa pangunguna ni Mayor Arboleda at gayundin sa lahat ng naging katuwang sa pagsasakatuparan ng proyekto. Ayon sa kanya, malaking tulong ang bagong pasilidad upang mapabuti ang kalidad ng pag-aaral at matugunan ang pangangailangan ng lumalaking populasyon ng mga mag-aaral sa paaralan.

Ang bagong classroom building ay isang mahalagang hakbang tungo sa pagpapalakas ng sektor ng edukasyon sa Barangay Camandag. Inaasahang makatutulong ito sa paglikha ng mas komportable, ligtas, at angkop na kapaligiran sa pagkatuto para sa mga mag-aaral.

Patuloy namang isinusulong ng pamahalaang bayan ang mga programang nakatuon sa pagpapaunlad ng edukasyon bilang bahagi ng layunin nitong mabigyan ng dekalidad na serbisyo at mas magandang kinabukasan ang bawat kabataan sa komunidad.

📸 Ma’am Mary Joy T. Tolentino

!

03/06/2026

🇵🇭 𝗝𝗢𝗕 𝗙𝗔𝗜𝗥 AT ONE-STOP SHOP GOVERNMENT SERVICES, HATID NG LGU LOOC NGAYONG ARAW NG KALAYAAN!

Bilang bahagi ng pagdiriwang ng 𝗜𝗸𝗮-𝟭𝟮𝟴 𝗔𝗿𝗮𝘄 𝗻𝗴 𝗞𝗮𝗹𝗮𝘆𝗮𝗮𝗻 ng Pilipinas, magkakaroon ng Job Fair 2026 sa ating bayan sa darating na Hunyo 12, 2026 sa Looc Public Plaza mula 9:00 ng umaga hanggang 4:00 ng hapon.

Nag-imbita ang Pamahalaang Bayan ng Looc ng limang (5) ahensya, kabilang ang dalawang (2) overseas agencies, upang magbigay ng mas maraming oportunidad sa trabaho para sa ating mga kasimanwa. Bukas ito para sa lahat ng naghahanap ng trabaho at nagnanais magkaroon ng mas magandang kinabukasan.

📅 Petsa: June 12, 2026 (Biyernes)
⏰ Oras: 9:00 AM – 4:00 PM
📍 Lugar: Looc Public Plaza

Kasabay nito, magkakaroon din ng ONE-STOP SHOP GOVERNMENT SERVICES upang mas mapadali ang pagproseso ng inyong mga dokumento.

🏢 Mga Serbisyong Maaaring Ma-avail:
• SSS
• PhilHealth
• PSA
• Pag-IBIG Fund
• Police Clearance
• ESTI
• RSU

📌 𝘗𝘢𝘢𝘭𝘢𝘭𝘢: 𝘈𝘯𝘨 𝘊𝘰𝘮𝘮𝘦𝘮𝘰𝘳𝘢𝘵𝘪𝘷𝘦 𝘗𝘳𝘰𝘨𝘳𝘢𝘮 𝘱𝘢𝘳𝘢 𝘴𝘢 𝘈𝘳𝘢𝘸 𝘯𝘨 𝘒𝘢𝘭𝘢𝘺𝘢𝘢𝘯 𝘢𝘺 𝘮𝘢𝘨𝘴𝘪𝘴𝘪𝘮𝘶𝘭𝘢 𝘯𝘢𝘮𝘢𝘯 𝘯𝘨 𝘨𝘢𝘯𝘢𝘱 𝘯𝘢 7:00 𝘯𝘨 𝘶𝘮𝘢𝘨𝘢 𝘴𝘢 𝘱𝘢𝘳𝘦𝘩𝘰𝘯𝘨 𝘭𝘶𝘨𝘢𝘳.

Para sa iba pang detalye, maaari pong bumisita sa 𝗣𝗘𝗦𝗢 𝗢𝗳𝗳𝗶𝗰𝗲 at hanapin lamang si Mrs. Josefa “Bebot” Del Prado sa 2nd Floor ng Municipal Building.

Dalhin ang inyong resume at iba pang kinakailangang dokumento at samantalahin ang pagkakataong ito. Ibahagi rin ang impormasyong ito sa inyong pamilya at mga kaibigan.

Magkita-kita po tayo ngayong June 12!

03/06/2026

MALUGOD NA PAGBATI!

Ipinapaabot ng buong komunidad ng Looc ang taos-pusong pagbati kay Ma. Mae G. Antonio ng Barangay Limon Norte sa kanyang matagumpay na pagpasa sa May 2026 Certified Public Accountant (CPA) Licensure Examination.

Ang tagumpay na ito ay bunga ng kanyang sipag, tiyaga, at dedikasyon sa pag-abot ng kanyang mga pangarap. Nawa'y magsilbi itong inspirasyon sa mga kabataang Loocnon na patuloy na magsikap at mangarap nang mataas.

Ipinagmamalaki ka ng buong bayan ng Looc. Nawa'y magpatuloy ang iyong tagumpay sa napili mong propesyon at maging daan ito sa mas marami pang biyaya at oportunidad.

Muli, taos-pusong pagbati, CPA Ma. Mae G. Antonio!

02/06/2026

𝐉𝐎𝐈𝐍𝐓 𝐌𝐄𝐒𝐖𝐁 - 𝐆𝐀𝐃 𝐆𝐅𝐏𝐒 - 𝐋𝐂𝐀𝐓-𝐕𝐀𝐖𝐂 - 𝐌𝐂𝐏𝐂 - 𝐋𝐂𝐂𝐀 - 𝐌𝐓𝐂 𝟐𝐍𝐃 𝐐𝐔𝐀𝐑𝐓𝐄𝐑 𝐌𝐄𝐄𝐓𝐈𝐍𝐆 | 𝐉𝐔𝐍𝐄 𝟎𝟐, 𝟐𝟎𝟐𝟔

Ngayong hapon, matagumpay na isinagawa ang Joint Council Meeting kung saan tinalakay ang mahahalagang ulat, programa, at inisyatibo ng iba't ibang tanggapan ng lokal na pamahalaan upang higit pang mapaunlad ang serbisyo para sa mamamayan.

ibinahagi ni Mr. Ronald Fetalsana ng Municipal Social Welfare and Development Office (MSWDO) ang mga programa at serbisyong nakatuon sa kapakanan ng mga benepisyaryo at mga sektor na nangangailangan ng tulong mula sa pamahalaan.

Kasunod nito ibinahagi ni Mrs. Anne adriguez ng Municipal Environment and Natural Resources Office (MENRO) ang mga naging aktibidad kaugnay ng pagdiriwang ng Earth Day, eco-waste management, at mga susunod na programa tulad ng Waste Analysis and Characterization Training, pagdiriwang ng Environment Week, at pagpapatupad ng programang "Basura Palit Bigas." Tinalakay rin ang kasalukuyang estado ng mga Materials Recovery Facility (MRF) sa mga barangay bilang bahagi ng patuloy na pagpapaigting ng solid waste management sa bayan.

Sumunod naman ang ulat si si Mr. Gil Rio Gaño mula sa Municipal Tourism Office ukol sa mga naging paghahanda at koordinasyon para sa mga tourism events at festival activities ng bayan. Binigyang-diin din ang kahalagahan ng pakikipagtuwang sa iba't ibang sektor upang mapalakas ang turismo at maisulong ang mga natatanging atraksyon ng Looc.

Nagbigay rin ng ulat si Ms. May Noval ng Municipal Civil Registrar (MCR) hinggil sa kanilang mga programa at aktibidad, kabilang ang mga hakbang sa pagpapalawak ng serbisyo sa mamamayan at iba pang inisyatibo para sa mas mahusay na civil registration services.

Dinaluhan ang naturang pagpupulong ni 𝐌𝐚𝐲𝐨𝐫 𝐋𝐢𝐬𝐞𝐭𝐭𝐞 𝐌𝐞𝐝𝐢𝐧𝐚 𝐀𝐫𝐛𝐨𝐥𝐞𝐝𝐚 kasama ang mga Barangay Captains, CSOs, at Department Heads, na nagbigay ng kani-kanilang updates at suporta para sa mas maayos na pagpapatupad ng mga programa ng ating bayan.

!

02/06/2026

MDRRMC 2nd Quarter Meeting 2026

Kaninang umaga, nagsagawa ng Municipal Disaster Risk Reduction and Management Council (MDRRMC) 2nd Quarter Meeting para sa taong 2026 na pinangunahan ni LDRRMO Sir Neil F. Fopalan.

Sa kanyang paalala, binigyang-diin ni Sir Neil sa lahat ang kahalagahan ng agarang pagsasagawa ng mga hakbang pangkaligtasan ngayong kasagsagan ng rainy season. Kabilang dito ang pagkukumpuni ng mga sirang bubong, pagputol o pag-aalis ng mga punong maaaring mabuwal at tumama sa mga kabahayan, paglilinis at pag-aayos ng mga kanal upang maiwasan ang pagbabara, at iba pang posibleng panganib na dulot ng masamang panahon.

Sa nasabing pagpupulong, inaprubahan din ng konseho ang procurement ng isang bagong multi-purpose rescue vehicle na higit pang magpapalakas sa kakayahan ng bayan sa pagtugon sa mga emerhensiya.

Nagbigay rin ng accomplishment report ang MDRRMO para sa 2nd Quarter ng taong 2026, na naglalaman ng mga naging aktibidad at hakbang ng opisina sa pagpapatupad ng mga programa para sa kaligtasan at kahandaan ng mamamayan.

Patuloy ang pagpapatibay ng koordinasyon ng bawat ahensya upang masig**o ang kahandaan at kaligtasan ng bawat Loocnon.

02/06/2026

𝗧𝗜𝗡𝗚𝗡𝗔𝗡 | Nagsagawa ng Ikalawang Kwarter na Municipal Peace and Order Council (MPOC) at Municipal Anti-Drug Abuse Council (MADAC) Joint Meeting

Pinangunahan ni Municipal Government Local Operations Officer (MGLOO) Christine Meyette Fabellon-Latoja ang isinagawang 2nd Quarter Municipal Peace and Order Council (MPOC) at Municipal Anti-Drug Abuse Council (MADAC) Joint Meeting ngayong June 2, 2026 sa Municipal Session Hall upang talakayin ang kasalukuyang kalagayan ng kapayapaan, kaayusan, at kampanya kontra iligal na droga sa bayan.

Unang nagbigay ng ulat si PMAJ Richard M. Obsid, ang bagong Acting Chief of Police ng Looc Municipal Police Station (MPS). Sa kanyang presentasyon, inilahad niya na bumaba ang index crime rate ng bayan kumpara noong 2025. Gayunpaman, naitala ang bahagyang pagtaas ng monthly crime rate na pangunahing dulot ng magkakasunod na insidente ng aksidente sa kalsada.

Ibinahagi rin ng Looc MPS ang pagpapatuloy ng kanilang scholarship program para sa ilang piling mag-aaral sa bayan. Kung matatandaan, ang programang ito ay unang inilunsad sa ilalim ng pamumuno ni PMAJ Anthony Angio bilang isa sa mga innovation programs ng Looc MPS.

Bilang pagpapakita ng suporta sa nasabing programa, nangako rin si Mayor Lisette ng karagdagang buwanang tulong pinansyal para sa mga benepisyaryo nito.

Nagbigay rin ng kanilang ulat ang Bureau of Fire Protection (BFP) Looc sa pangunguna ni Fire Chief Rene Acedente, kung saan tinalakay ang kanilang mga naging aktibidad, accomplishments, at iba pang mahahalagang usapin kaugnay ng fire safety at disaster preparedness sa bayan.

Sa pamamagitan ng regular na pagpupulong ng MPOC at MADAC, patuloy na napapalakas ang koordinasyon ng mga ahensya at sektor upang mapanatili ang kapayapaan, kaayusan, at kaligtasan ng bawat Loocnon.

02/06/2026

Palengke Update | June 2, 2026

Kasalukuyang ganap at mga alok ngayong umaga sa Looc Public Market.

01/06/2026

Tara makiisa at makisaya sa pagdiriwang ng 𝗙𝗶𝗲𝘀𝘁𝗮 𝗻𝗴 𝗦𝗶𝘁𝗶𝗼 𝗦𝗮𝗺𝗽𝗮𝗴𝘂𝗶𝘁𝗮 ngayong June 1–2, 2026! Narito ang mga nakatakdang aktibidad mula 6:30 ng gabi hanggang 12:00 ng hatinggabi.

𝗝𝘂𝗻𝗲 𝟭 – 𝗠𝗶𝘀𝘀 𝗚𝗮𝘆 𝗣𝗮𝗴𝗲𝗮𝗻𝘁
📍 Looc Public Plaza
𝗝𝘂𝗻𝗲 𝟮 – 𝗥𝗮𝘃𝗲 𝗣𝗮𝗿𝘁𝘆

𝗧𝗮𝗯𝗹𝗲 𝗥𝗮𝘁𝗲: ₱300
𝗣𝗮𝗮𝗹𝗮𝗹𝗮:
• Bare tables ang ibibigay

Malugod na pagbati sa mga taga Sitio Sampaguita sa pagdiriwang ng inyong fiesta.
Ang pagdiriwang na ito ay pagpapakita ng pagkakaisa ng Sitio Sampaguita, Barangay Poblacion.

01/06/2026

LOOC, KINILALANG HUWARAN SA KAMPANYA KONTRA DROGA; NAGKAMIT NG BALANGAY SEAL OF EXCELLENCE AWARD

ROMBLON, Romblon – Muling pinatunayan ng Bayan ng Looc na sa Sama-samang Pagsisikap, bunga ay Maayos at Ligtas na Pamayanan! matapos nitong tanggapin ang prestihiyosong Balangay Seal of Excellence Award noong Mayo 27, 2026 sa ginanap na seremonya sa Horizon Hotel, Bayan ng Romblon, Romblon.

Tinanggap ni Vice Mayor B**g Osorio ang parangal bilang kinatawan ng Lokal na Pamahalaan ng Looc, bilang pagkilala sa matagumpay nitong pagpapatupad ng mga programang naglalayong mapanatili ang kapayapaan, kaayusan, at kaligtasan ng mamamayan laban sa banta ng ilegal na droga.

Ang Balangay Seal of Excellence Award ay ang pinakamataas na pagkilala na iginagawad ng Philippine Drug Enforcement Agency (PDEA) sa mga lokal na pamahalaan na nagpapakita ng natatanging pagganap sa pagpapatupad ng Barangay Drug Clearing Program. Iginagawad ito sa mga LGU na nakapagpanatili ng mga barangay na drug-cleared at nakasunod sa mahigpit na pamantayan ng mga ahensyang kasangkot sa kampanya kontra ilegal na droga.

Ang pagkilalang ito ay bunga ng sama-samang pagsisikap ng lokal na pamahalaan, mga barangay officials, law enforcement agencies, at ng buong komunidad sa pagpapatupad ng mga programang nakatuon sa pagpigil sa paglaganap ng ilegal na droga at sa pagsusulong ng ligtas at maayos na pamayanan.

Nagpahayag naman ng pasasalamat si Vice Mayor Osorio sa lahat ng naging bahagi ng tagumpay na ito. Aniya, ang parangal ay hindi lamang para sa mga opisyal ng bayan kundi para sa bawat Loocnon na nakiisa sa mga programa ng pamahalaan upang mapanatili ang katahimikan at kaayusan sa kanilang komunidad.
Magsisilbing inspirasyon ang pagkilalang ito upang higit pang paigtingin ang mga programang pangkaligtasan at pangkaunlaran ng bayan para sa kapakinabangan ng kasalukuyan at susunod na henerasyon.

Ang pagkakamit ng Balangay Seal of Excellence Award ay patunay na ang Bayan ng Looc ay patuloy na nagsisikap na maging huwaran sa mahusay na pamamahala, responsableng pamumuno, at pagpapatupad ng mga programang nagtataguyod ng isang ligtas, maayos, at maunlad na komunidad.

!

01/06/2026

HINDI NA KAILANGANG LUMAYO: GRADE 7 SA GUINHAYAAN INTEGRATED SCHOOL, PORMAL NANG BINUKSAN

Looc, Romblon — 29 Mayo 2026

Isang mahalagang tagumpay para sa sektor ng edukasyon sa bayan ng Looc ang nalalapit na pagbubukas ng Grade 7 program sa Guinhayaan Integrated School (GIS) ngayong Hunyo 2026.

Sa pamamagitan ng pag-apruba ng Department of Education (DepEd), mas mapapalapit na ang oportunidad sa sekondaryang edukasyon para sa mga mag-aaral mula sa mga barangay ng Guinhayaan, Manhac, Tuguis, Comodom, at Madalag. Inaasahang mababawasan nito ang hirap sa pagbiyahe ng mga estudyante at mas marami ang mahihikayat na magpatuloy sa pag-aaral hanggang high school.

Nagpahayag ng pasasalamat ang pamunuan ng paaralan sa DepEd Division of Romblon sa pangunguna ni Sir Roger Capa, gayundin sa Looc District sa pamumuno ni Sir Ace, para sa kanilang suporta at pagtulong upang maisakatuparan ang pag-apruba ng programa.
Kinilala rin ang dedikasyon ng mga g**o at ng pamunuan ng Guinhayaan Integrated School sa pangunguna ni Mam Roxanne, na nagsumikap upang matugunan ang mga kinakailangang proseso para sa pagbubukas ng Grade 7.

Boung-pusong nagpasalamat ang komunidad kina Mayor Lisette Medina Arboleda, Congressman Budoy Madrona at Governor Trina Firmalo-Fabic para sa kanilang patuloy na pagsusulong at suporta sa edukasyon hindi lang sa bayan ng Looc kundi maging sa lalawigan ng Romblon. Kinilala rin ang suporta ng Sangguniang Panlalawigan, mga miyembro ng Sangguniang Bayan ng Looc sa pangunguna ni Vice Mayor B**g Osorio, mga barangay officials, mga magulang, at iba pang stakeholder na patuloy na sumusuporta sa mga programang pang-edukasyon para sa kapakanan ng mga kabataan.

Ayon sa mga residente, ang pagbubukas ng Grade 7 sa Guinhayaan Integrated School ay isang malaking hakbang tungo sa mas inklusibo at mas madaling akses sa edukasyon para sa mga kabataang Loocnon.

Patuloy namang umaasa ang komunidad sa paggabay ng Diyos upang higit pang mapalawak at mapaunlad ang mga programang pang-edukasyon sa kanilang lugar.

!

Municipality of Looc Public Information Office

03/06/2026

03/06/2026

03/06/2026

02/06/2026

02/06/2026

02/06/2026

02/06/2026

01/06/2026

01/06/2026

01/06/2026

Address

Telephone

Website

Alerts

Contact The Organization

Shortcuts

Share