Municipality of Looc Public Information Office, poblacion, looc, romblon, Looc (2026)

04/09/2026

𝐆𝐑𝐀𝐍𝐃 𝐎𝐏𝐄𝐍𝐈𝐍𝐆 | 𝐁𝐀𝐋𝐀𝐓𝐔𝐂𝐀𝐍 𝐏𝐎𝐔𝐋𝐓𝐑𝐘 𝐒𝐋𝐏 𝐀𝐒𝐒𝐎𝐂𝐈𝐀𝐓𝐈𝐎𝐍

Fresh Egg Production Enterprise

📅 September 2, 2026 | 9:00 AM
📍 Barangay Balatucan, Looc, Romblon

Pormal nang binuksan ang Balatucan Poultry SLP Association – Fresh Egg Production Enterprise, isang livelihood project sa ilalim ng Sustainable Livelihood Program (SLP) na naglalayong makapagbigay ng dagdag na pagkakakitaan at mas matatag na kabuhayan para sa mga benepisyaryo sa Barangay Balatucan, habang nagsisilbi ring karagdagang lokal na mapagkukunan ng sariwang itlog upang makatulong na matugunan ang pangangailangan ng ating bayan.

Nagbigay ng inspirational message si 𝗠𝗿. 𝗚𝗮𝗿𝗲 𝗔. 𝗚𝗮𝗮, 𝗦𝗟𝗣 𝗣𝗿𝗼𝘃𝗶𝗻𝗰𝗶𝗮𝗹 𝗖𝗼𝗼𝗿𝗱𝗶𝗻𝗮𝘁𝗼𝗿, na nagbigay-diin sa kahalagahan ng pagkakaroon ng mga livelihood opportunities na makatutulong sa pagpapaunlad ng kabuhayan ng mga komunidad.

Ipinahayag naman ni Municipal 𝐌𝐚𝐲𝐨𝐫 𝐀𝐭𝐭𝐲. 𝐋𝐢𝐬𝐞𝐭𝐭𝐞 𝐌. 𝐀𝐫𝐛𝐨𝐥𝐞𝐝𝐚 ang kanyang kasiyahan sa pagkakaroon ng ganitong livelihood enterprise sa Looc. Tiniyak niya ang buong suporta ng Pamahalaang Bayan sa asosasyon at hinikayat ang mga miyembro na huwag mag-atubiling lumapit sa LGU kung nangangailangan ng technical assistance o iba pang kinakailangang suporta. Hangad ng Punong Bayan ang patuloy na paglago at tagumpay ng asosasyon.

Dumalo rin si 𝐇𝐨𝐧. 𝐈𝐫𝐞𝐧𝐞 𝐌𝐨𝐫𝐠𝐚𝐝𝐨, Sangguniang Panlalawigan Member – 2nd District, bilang pakikiisa at suporta sa pagkakaroon ng dagdag na livelihood opportunity para sa mga Loocnon.

Si 𝐌𝐫. 𝐆𝐢𝐥𝐛𝐞𝐫𝐭 𝐅. 𝐅𝐚𝐛𝐞𝐥𝐥𝐚, 𝐒𝐋𝐏-𝐏𝐃𝐎 𝐈𝐈, ang naging in-charge sa implementation ng proyekto, katuwang ang mga kinauukulang SLP personnel at community members.

Special thanks kay 𝐌𝐬. 𝐖𝐢𝐧𝐝𝐞𝐞 𝐁𝐚𝐫𝐜𝐞𝐧𝐚, 𝐏𝐫𝐨𝐣𝐞𝐜𝐭 𝐃𝐞𝐯𝐞𝐥𝐨𝐩𝐦𝐞𝐧𝐭 𝐎𝐟𝐟𝐢𝐜𝐞𝐫 𝐈𝐈, na naging mahalagang bahagi sa pagtukoy sa mga pangangailangan ng ating mga komunidad at sa pagbibigay ng oportunidad na magkaroon ng mga proyektong maaaring magsilbing sustainable source of livelihood para sa mga Loocnon.

Sa pamamagitan ng pagtutulungan ng SLP, LGU, at ng komunidad, patuloy nating binibigyang-daan ang mga oportunidad na hindi lamang nagbibigay ng kabuhayan, kundi nakatutulong din sa pangangailangan ng ating sariling bayan.

Mabuhay ang Balatucan Poultry SLP Association!
Hangad namin ang inyong patuloy na pag-unlad at tagumpay!

04/09/2026

📢 𝐋𝐎𝐒𝐓 𝐀𝐍𝐃 𝐅𝐎𝐔𝐍𝐃 𝐀𝐍𝐍𝐎𝐔𝐍𝐂𝐄𝐌𝐄𝐍𝐓

Humihingi po kami ng tulong at malasakit sa publiko upang mahanap ang isang 𝐁𝐋𝐀𝐂𝐊 𝐏𝐎𝐔𝐂𝐇 na naiulat na nawawala.

Ayon sa may-ari, ang pouch ay huling hawak o nakita sa bandang tindahan ng prutas at gulay sa Barangay Madalag. Ito ay naglalaman ng humigit-kumulang ₱𝟏𝟎,𝟎𝟎𝟎 na cash, pati na rin ng mahahalagang 𝐈𝐃 𝐜𝐚𝐫𝐝𝐬 𝐚𝐭 𝐀𝐓𝐌 𝐜𝐚𝐫𝐝.

Kung sakaling may nakakita o nakapulot ng naturang pouch, mangyaring makipag-ugnayan kay 𝐌𝐚𝐫𝐤 𝐀𝐥𝐮𝐛𝐨𝐠 sa pamamagitan ng:
📩 Private Message (PM)
📞 0928 540 9896

Maaari rin itong isurrender sa pinakamalapit na kinauukulang awtoridad o tanggapan upang maibalik sa tunay na may-ari.

Maraming salamat po sa inyong malasakit at pakikipagtulungan.

!

03/09/2026

September 2, 2026

𝗠𝗚𝗔 𝗞𝗔𝗚𝗔𝗡𝗔𝗣𝗔𝗡 𝗦𝗔 | 𝗞𝗔𝗟𝗔𝗛𝗜-𝗖𝗜𝗗𝗦𝗦 𝗗𝗔𝗬 𝟭: 𝗠𝗨𝗡𝗜𝗖𝗜𝗣𝗔𝗟 𝗥𝗘𝗦𝗜𝗟𝗜𝗘𝗡𝗖𝗘 𝗣𝗟𝗔𝗡𝗡𝗜𝗡𝗚 𝗪𝗢𝗥𝗞𝗦𝗛𝗢𝗣

Sama-samang isinagawa ng mga Community Volunteers, BResT, MResT, at ACT/MCT Staff ang unang araw ng Municipal Resilience Planning Workshop, na naglalayong makabuo ng isang Multi-Year Municipal Resilience Plan para sa bayan ng Looc.

Ang workshop na ito ay nakabatay sa mga naging resulta ng Participatory Risk and Vulnerability Assessment (PRVA) na isinagawa sa mga komunidad—kung saan mismong mga mamamayan at community volunteers ang naging bahagi sa pagtukoy ng mga panganib, kahinaan, at mga pangangailangang dapat bigyang-prayoridad ng ating mga barangay.

Hindi lamang ito tungkol sa paggawa ng isang plano. Ito ay tungkol sa pakikinig sa komunidad, pagtutulungan, at sama-samang pagbuo ng mga solusyong tunay na makatutugon sa pangangailangan ng mga Loocnon.

Sa pagtutulungan ng komunidad at ng Lokal na Pamahalaan, unti-unting binubuo ang isang plano na makatutulong upang mas maging handa ang ating bayan sa mga banta ng natural disasters, maprotektahan ang ating mga kabuhayan, at mapalakas ang kakayahan ng bawat komunidad na makabangon sa panahon ng kalamidad.

𝙎𝙖 𝙝𝙪𝙡𝙞, 𝙞𝙞𝙨𝙖 𝙖𝙣𝙜 𝙡𝙖𝙮𝙪𝙣𝙞𝙣: 𝙜𝙖𝙢𝙞𝙩𝙞𝙣 𝙣𝙖𝙣𝙜 𝙬𝙖𝙨𝙩𝙤, 𝙢𝙖𝙠𝙖𝙗𝙪𝙡𝙪𝙝𝙖𝙣, 𝙖𝙩 𝙥𝙖𝙧𝙖 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙣𝙖𝙠𝙖𝙧𝙖𝙧𝙖𝙢𝙞𝙣𝙜 𝙇𝙤𝙤𝙘𝙣𝙤𝙣 𝙖𝙣𝙜 𝙢𝙜𝙖 𝙥𝙤𝙣𝙙𝙤𝙣𝙜 𝙞𝙥𝙞𝙣𝙖𝙜𝙠𝙖𝙠𝙖𝙩𝙞𝙬𝙖𝙡𝙖 𝙨𝙖 𝙆𝘼𝙇𝘼𝙃𝙄-𝘾𝙄𝘿𝙎𝙎. 🧡

🌱 Sama-sama sa pagbuo ng mas ligtas, matatag, at resilient na Bayan ng Looc.

!

03/09/2026

Palengke Update | September 03, 2026

Kasalukuyang ganap at mga alok ngayong umaga sa Looc Public Market.

03/09/2026

🚨 𝗥𝗢𝗔𝗗 𝗡𝗢𝗧𝗜𝗖𝗘 | 𝗙𝗨𝗡 𝗥𝗨𝗡 𝗥𝗢𝗨𝗧𝗘

Bilang bahagi ng paggunita sa LGU Looc Family Day 2026, magkakaroon ng Fun Run bukas, Biyernes, September 4, 2026, na magsisimula ganap na 5:00 AM.

📍 Assembly Point: Looc Public Plaza
⏰ Assembly Time: 4:30 AM
🏃 Starting Time: 5:00 AM

📝 PAALALA SA MGA SASALI:
Pwede po ang lahat na nais makiisa at sumali for fun! 😊 Para sa pre-registration, maaaring magtungo sa RHU Looc at hanapin si Girty Sta. Maria.

Paalala lamang po na ang mga prizes ay para lamang sa LGU employees at attached agencies ng Looc. Kaya welcome po ang lahat na makisali at makisaya, ngunit ang mga hindi kabilang sa nasabing grupo ay hindi po eligible sa mga premyo. Maraming salamat po sa pang-unawa!

🚗 𝗣𝗔𝗔𝗟𝗔𝗟𝗔 𝗦𝗔 𝗠𝗚𝗔 𝗠𝗢𝗧𝗢𝗥𝗜𝗦𝗧𝗔:
Hinihikayat ang lahat ng motorista na mag-ingat, magdahan-dahan, at maging alerto sa mga rutang madadaanan ng mga kalahok sa Fun Run.

🏃 𝗙𝗨𝗡 𝗥𝗨𝗡 𝗥𝗢𝗨𝗧𝗘:
📍 𝙇𝙤𝙤𝙘 𝙋𝙪𝙗𝙡𝙞𝙘 𝙋𝙡𝙖𝙯𝙖 → 𝘿𝙚𝙤 𝘼𝙣𝙙𝙖 → 𝘾𝙖𝙗𝙪𝙜𝙖𝙤 → 𝙗𝙖𝙗𝙖 𝙣𝙜 𝘿𝙤𝙣 𝙈𝙤𝙙𝙚𝙨𝙩𝙤, 𝙋𝙪𝙣𝙩𝙖 → 𝙉𝙖𝙩𝙞𝙤𝙣𝙖𝙡 𝙃𝙞𝙜𝙝𝙬𝙖𝙮 → 𝙥𝙖𝙗𝙖𝙡𝙞𝙠 𝙨𝙖 𝙇𝙤𝙤𝙘 𝙋𝙪𝙗𝙡𝙞𝙘 𝙋𝙡𝙖𝙯𝙖

Inaasahan ang pakikiisa at pang-unawa ng ating mga motorista upang maging ligtas at maayos ang daloy ng aktibidad.

Mag-ingat sa daan at bigyang-daan ang ating mga runners! 🏃‍♀️🏃‍♂️

📅 September 4, 2026 | 5:00 AM
Assembly point - looc public plaza
Assembly time - 4:30 am
📍 Fun Run Route: Tingnan ang kalakip na route map

01/09/2026

Akala mo may iba kang kailangang patawarin.

Pero minsan…

sarili mo pala.

Pinapatawad mo ang sarili mo sa mga maling desisyon.
Sa mga pagkakataong hindi ka naging sapat.
Sa mga pagkakataong pinili mong manahimik.
Sa mga pagkakataong nagkamali ka.

Hindi ibig sabihin ng pagpapatawad na kinakalimutan mo ang nangyari.

Ibig sabihin, pinipili mong hindi na dalhin habang-buhay ang bigat nito.

At dito nagsisimula ang isang simpleng tanong:

Kung may taong kailangan mong patawarin ngayon…
kaya mo rin bang patawarin ang sarili mo?

September 1 — National Forgiveness Day.
Isang araw para magpatawad. Isang pagkakataon para magsimulang muli.

01/09/2026

Haze mula Indonesia, nararanasan sa ilang bahagi ng Luzon

Nakaranas ng pagbaba ng kalidad ng hangin ang ilang lugar sa Luzon dahil sa haze na naobserbahan sa Metro Manila, CALABARZON, at MIMAROPA.

Batay sa DENR–Environmental Management Bureau (DENR-EMB), posibleng nagmula ang haze sa usok ng mga forest fire sa Kalimantan, Indonesia. Tinatayang nadadala ito patungo sa Pilipinas ng hanging Habagat, na nagdudulot ng malabong kondisyon sa ilang lugar.

Bukod sa pagbawas ng visibility, maaari ring magkaroon ng epekto sa kalusugan ang matagal na pagkakalantad sa maruming hangin. Kabilang sa maaaring maranasan ang pag-ubo, pangangati ng mata at lalamunan, at hirap sa paghinga.

Partikular na pinapayuhang mag-ingat ang mga bata, senior citizens, buntis, at mga indibidwal na may kondisyon sa puso o baga dahil mas maaari silang maapektuhan ng polusyon sa hangin.

Samantala, hinihikayat ang publiko na bawasan ang oras na ginugugol sa labas at iwasan muna ang mga aktibidad na nangangailangan ng matinding pisikal na pagsisikap kapag kapansin-pansin ang haze.

Para sa mga kinakailangang lumabas, inirerekomendang magsuot ng maayos na mask upang makatulong na mabawasan ang paglanghap ng mga particle mula sa maruming hangin.

Patuloy namang pinapayuhan ang publiko na subaybayan ang mga opisyal na ulat tungkol sa air quality at mga susunod na abiso mula sa mga kinauukulang ahensya.

!

01/09/2026

𝐓𝐈𝐍𝐆𝐍𝐀𝐍: Mainit na tinanggap ng Bayan ng Looc ang mga kinatawan ng Sunlight Air, ang Public Relations agency nito, at ang mga kilalang media partners at travel content creators noong Agosto 28, 2026.

Ang nasabing pagbisita ay bahagi ng apat na araw na Sunlight Air–Romblon LGU Key Opinion Leaders (KOL) and Media Familiarization Tour na ginanap noong Agosto 25 hanggang 29. Layunin nitong mai-promote ang mayamang kultura, lokal na pagkain, at mga natural na pasyalan sa Romblon, kasabay ng pagtatampok sa mas mabilis na biyahe papunta sa lalawigan sa pamamagitan ng bagong Clark–Tablas route ng Sunlight Air.

Bilang isang bayan na aktibong nagsusulong ng Sustainable Development Goal (SDG) 14: Life Below Water at kilala bilang “Marine Basket of Romblon,” ipinagmalaki ng lokal na pamahalaan ang malinis na karagatan at yamang-dagat nito sa ginanap na pormal na pagtanggap sa Barangay Agojo.

Kabilang sa mga dumalo sa pamamasyal ang mga kilalang travel creators tulad nina Explore with Chelo PH, Byahecho, Explore with Vince, The Pinoy Traveler, Pampanguena Visits, TRAVELORIIE, Will Explore Philippines and World, Gerald Laagan, at Ann Tristine. Nakasama rin sa nasabing tour ang mga pangunahing media outfit gaya ng Rappler, Spot.ph, 8List, at Manila Bulletin.

Naging posible rin ang maayos na pagpapatuloy sa mga panauhin sa tulong nina Ma’am Mariah Roxanne at Mr. Mar, na bukas-palad na nagpahiram ng kanilang pribadong pasyalan sa dalampasigan ng Agojo.

Binigyang-diin ng Pamahalaang Lokal ng Looc na patuloy nilang isinusulong ang community-led at sustainable tourism, kung saan ang pakikipagtulungan ng mamamayan, pagpapahalaga sa kultura, at pangangalaga sa kalikasan ang susi sa pagbibigay ng maganda at makabuluhang karanasan sa bawat turistang bumibisita sa bayan.

!

01/09/2026

LGU Looc Flag Raising Ceremony | September 01, 2026

!

28/08/2026

AUGUST 28, 2026

𝗡𝗔𝗧𝗜𝗢𝗡𝗔𝗟 𝗟𝗨𝗡𝗚 𝗠𝗢𝗡𝗧𝗛 𝟮𝟬𝟮𝟲 | 𝗛𝗘𝗔𝗟𝗧𝗛𝗬 𝗟𝗨𝗡𝗚𝗦, 𝗛𝗘𝗔𝗟𝗧𝗛𝗬 𝗣𝗜𝗟𝗜𝗣𝗜𝗡𝗔𝗦

“TB ay Labanan, Buhay ay Ingatan.”

Sa pagdiriwang ng National Lung Month, nagsama-sama ang mga indibidwal na apektado ng TB, kanilang pamilya, at Barangay Health Workers (BHWs) upang palakasin ang kamalayan at sama-samang kumilos para sa maagap na pagtukoy at tamang gamutan ng TB.

Binigyang-diin sa programa ang kahalagahan ng maagang pagtukoy, tamang gamutan, at suporta ng pamilya at komunidad sa bawat indibidwal na apektado ng TB.

Naghatid ng mensahe si Dra. Mary Ann Gado, na kumatawan din kay Mayor Lisette M. Arboleda, na patuloy na nagsusulong ng accessible at libreng serbisyong pangkalusugan para sa mga Loocnon, kabilang ang TB treatment at iba pang serbisyong hatid ng RHU Looc.

🏆 ISANG KARANGALAN PARA SA RHU LOOC!

Kinilala si Nurse Jenjen Espino, Program Manager, bilang MOST OUTSTANDING TB PROGRAM CHAMPION sa TB & HIV Data Quality Check and Awarding Ceremony 2026.

Nakamit din ng RHU Looc ang pagkilala sa 100% Provider-Initiated Counseling and Testing (PICT) mula sa Provincial Health Office (PHO).

Dumalo rin si Ms. Mary Jane Faderogaya ng PHO, habang nagbigay naman si Mr. John Mark Gaan, PDOHO Romblon, ng lecture na “TB 101: Alamin ang TB, Sugpuin ang TB.”

Sa tamang kaalaman, maagap na pagpapasuri, tamang gamutan, at suporta ng komunidad, mas maraming buhay ang ating mapoprotektahan.

Healthy Lungs, Healthy Pilipinas!
TB ay Labanan, Buhay ay Ingatan!

Municipality of Looc Public Information Office

04/09/2026

04/09/2026

03/09/2026

03/09/2026

03/09/2026

01/09/2026

01/09/2026

01/09/2026

01/09/2026

28/08/2026

Address

Telephone

Website

Alerts

Contact The Organization

Shortcuts

Share

Listing takedown request