22/07/2026
https://www.facebook.com/share/1L97XiX8z5/
๐ MAY STICKER BA NA GANITO SA BAHAY NINYO?
๐ธ P2,000 UPLIFT PROGRAM | FACT CHECK
Napansin mo ba ang sticker na ito sa inyong bahay?
Kung meron, malamang ay nakadalaw ang enumerator ng 2024 Census of Population and Community-Based Monitoring System (POPCEN-CBMS) at naitala ang impormasyon ng inyong sambahayan.
Kung wala naman kayong sticker o hindi kayo na-interview, huwag agad magbigay ng konklusyon. Maaaring walang tao sa bahay noong dumaan ang enumerator, hindi kayo naabutan sa oras ng pagbisita, o may iba pang dahilan kung bakit hindi naisagawa ang panayam. Gayunpaman, ang 2024 POPCEN-CBMS ang isa sa mga pangunahing pinagkunan ng datos ng pamahalaan sa pagtukoy ng mga poor at near-poor na sambahayan para sa iba't ibang programang panlipunan, kabilang ang UPLIFT Program.
Naalala ba ninyo na may dumating na enumerator at nagtanong tungkol sa inyong pamilya, bahay, kabuhayan, trabaho, edukasyon, at iba pang mahahalagang impormasyon?
Ang mga datos na ito ang nagsisilbing batayan sa pagpaplano ng mga programa ng pamahalaan at sa pagtukoy ng mga pamilyang maaaring makatanggap ng iba't ibang uri ng tulong.
Sino ang mga benepisyaryo ng UPLIFT Program?
๐น Group 1 โ Mga benepisyaryo ng 4Ps at Walang Gutom Program na tatanggap ng isang beses na โฑ2,000.
๐น Group 2 โ Humigit-kumulang 2.5 milyong poor at near-poor households na natukoy sa pamamagitan ng CBMS, na tatanggap ng โฑ2,000 bawat buwan sa loob ng anim na buwan.
๐น Group 3 โ Humigit-kumulang 1.5 milyong low-income SSS members na may buwanang sahod na โฑ20,000 pababa at na-cross-match sa CBMS database, na tatanggap din ng โฑ2,000 bawat buwan sa loob ng anim na buwan.
๐ข Paglilinaw
Nilinaw ni DSWD Secretary Rex Gatchalian na hindi ang DSWD ang bumuo ng listahan ng mga benepisyaryo para sa Group 2 at Group 3 ng UPLIFT Program. Ang listahan ay nagmula sa Philippine Statistics Authority (PSA) batay sa 2024 POPCEN-CBMS.
Ang naging tungkulin ng DSWD ay ang cross-matching at beripikasyon ng listahang ibinigay ng PSA upang matiyak ang maayos na pagpapatupad ng programa. Binigyang-diin din niya na walang kapangyarihan ang DSWD, sinumang politiko, opisyal, o lokal na pamahalaan (LGU) na magdagdag o mag-alis ng pangalan sa listahan ng mga benepisyaryo.
โAwtomatiko bang kasama sa โฑ2,000 UPLIFT Program ang may POPCEN-CBMS sticker?
Hindi po. Ang POPCEN-CBMS sticker ay patunay lamang na ang inyong sambahayan ay napuntahan at na-interview ng Philippine Statistics Authority (PSA). Hindi ito awtomatikong nangangahulugan na kwalipikado o kasama na sa mga tatanggap ng โฑ2,000 UPLIFT Program. Ang pagpili ng mga benepisyaryo ay nakabatay pa rin sa pagsusuri at beripikasyon ng mga nakalap na datos.
๐ Mahahalagang Paalala
โ๏ธ Walang aplikasyon para mapasama sa listahan ng mga benepisyaryo.
โ๏ธ Hintayin ang opisyal na anunsyo ng inyong LGU, MSWDO/CSWDO, o DSWD para sa iskedyul ng payout.
โ๏ธ Makiisa sa bawat lehitimong census at survey na isinasagawa ng pamahalaan. Ang bawat tamang impormasyong ibinibigay ng mamamayan ay mahalagang batayan sa pagbuo ng mga programa, paglalaan ng pondo, at pagtukoy sa mga pamilyang higit na nangangailangan ng tulong.
---
๐ DISCLAIMER
Ang impormasyong nakasaad sa post na ito ay batay sa mga opisyal na pahayag at impormasyong inilabas ng Department of Social Welfare and Development (DSWD) at Philippine Statistics Authority (PSA). Layunin lamang nitong magbahagi ng tamang impormasyon sa publiko.
Para sa opisyal na impormasyon at mga pinakabagong anunsyo, bisitahin ang:
๐ DSWD โ https://www.dswd.gov.ph
๐ Philippine Statistics Authority (PSA) โ https://psa.gov.ph
https://psa.gov.ph/content/2024-census-population-popcen-population-counts-declared-official-president
Related Post:
https://www.facebook.com/100064248926814/posts/1467838562034427/?app=fbl
https://www.facebook.com/100064248926814/posts/1465225142295769/
Kung mayroon pa kayong mga katanungan tungkol sa inyong rekord sa CBMS, kwalipikasyon sa programa, o iskedyul ng payout, hinihikayat kayong makipag-ugnayan sa pinakamalapit na PSA, DSWD, MSWDO/CSWDO, o sa inyong lokal na pamahalaan upang makakuha ng opisyal at pinakabagong impormasyon.
