BLGU Calabcab, Maco, Davao de Oro

02/09/2026

Skills for brighter opportunities. 🛠️

Apex Mining Co., Inc. and ACT-TACI joined TESDA’s National TECH-VOC Day on 26 August 2026 in Montevista, Davao de Oro, highlighting the power of technical-vocational education in building careers and empowering communities.

17/08/2026

13/08/2026

📢 PAHIBALO | GRADE 12 GRADUATING STUDENTS PROFILING SURVEY

Ang Barangay Local Government Unit (BLGU) sa Barangay Calabcab nagapahigayon og Grade 12 Graduating Students Profiling Survey alang sa tanang kasamtangang residente ug miyembro sa Barangay Calabcab. Kini nga inisyatiba kabahin sa pagpalig-on sa Youth Development Planning aron mas mailhan ug matubag ang mga panginahanglanon ug oportunidad alang sa kabatan-onan sa atong barangay.

Ginaawhag ang tanang Grade 12 graduating students ug ilang mga ginikanan nga motambong ug motubag sa profiling survey.

📌 Palihug kontaka:
Barangay Secretary Melda Inocian
Barangay Record Keeper Jerol Maulias

Mahimo usab nga magpadala og mensahe pinaagi sa BLGU CALABCAB MACO DAVAO DE ORO page.

📲 I-scan ang QR Code aron makompleto ang profiling survey.

https://docs.google.com/forms/d/e/1FAIpQLSe_4DVcDTnxfEyNiLu_y04D6duaiYh_vvgPHqbJxS5vsUxLFQ/viewform?usp=header

🗓️ Deadline sa pagsumite: August 14, 2026

13/08/2026

Mas gipakusgan sa Barangay Local Government Unit (BLGU) Calabcab ang kampanya batok sa illegal nga paggamit sa droga pinaagi sa usa ka Information Education Campaign (IEC) niadtong Agosto 12, 2026.

Girepresentahan NI Hon. Bonefer Maliguid, BADAC Vice Chairman/Committee on Operation, SK Chairman Hon. Jacil Mae Valiente Badac Member/Committee on Advocacy ug Barangay Secretary Melda Inocian, CHRA isip usab ka BADAC Duty Officer. Ang maong kampanya nagtumong sa paghatag og hustong impormasyon sa komunidad kabahin sa mga peligro ug epekto sa illegal nga droga.

Gipasiugda ang responsibilidad sa matag residente sa pagtabang sa pagpugong sa illegal nga paggamit sa droga. Ilabi na ang kabatan-onan, gidasig nga likayan ang mga bisyo ug mga impluwensya nga mahimong makadaot sa ilang kaugmaon.

Padayon nga gipalig-on sa BLGU Calabcab ang panaghiusa tali sa barangay, kabatan-onan, pamilya, ug komunidad aron mapadayon ang kalinaw ug seguridad sa barangay.

13/08/2026

Usa ka mas himsog ug smoke-free nga komunidad ang gitinguha sa Barangay Calabcab pinaagi sa Barangay Anti-Smoking Awareness and Advocacy Program niadtong Agosto 11, 2026.

Si Mary Ann Jaculbe, Registered Midwife (RM), maoy speaker sa programa nga nagtumong sa pagpalapad sa kahibalo sa mga residente mahitungod sa mga peligro ug negatibong epekto sa pagpanigarilyo sa panglawas.

Gipasiugda ang risgo nga dala sa pagpanigarilyo dili lamang sa mga nanigarilyo kondili apil usab sa mga tawo nga naladlad sa a*o sa sigarilyo. Gidasig ilabina ang kabatan-onan nga likayan ang pagpanigarilyo ug uban pang bisyo nga mahimong makadaot sa ilang panglawas ug kaugmaon.

Ang maong advocacy nagpakita sa padayong paningkamot sa barangay sa pagpalambo sa usa ka himsog nga komunidad ug pagdasig sa mga residente nga mopili og mas maayong estilo sa kinabuhi.

13/08/2026

Ang kahimsog sa emosyon ug kinatibuk-ang kaayohan sa kabatan-onan maoy gipunting atol sa Teen Talk and Emotional Well-Being Symposium niadtong Agosto 9, 2026, isip kabahin sa Barangay Adolescent Health and Development Program (BAHDP) panahon sa Purok Kamustahan sa SK Calabcab.

Si Mary Ann Jaculbe, Registered Midwife (RM), nagsilbing speaker nga mipakigbahin og kahibalo kabahin sa pag-atiman sa emosyon, pag-atubang sa mga hagit sa pagkabatan-on, ug pagpalambo sa positibong panghunahuna.

Gidasig ang mga tin-edyer nga mahimong bukas sa pagpakigpulong mahitungod sa ilang mga gibati ug dili mag-inusara sa pag-atubang sa mga problema. Gipasiugda usab ang importansya sa pagpangayo og tabang gikan sa pamilya, health workers, ug ubang kasaligan nga tawo kung gikinahanglan.

Pinaagi sa maong inisyatiba, mas napaduol sa kabatan-onan ang mga impormasyon ug serbisyo nga may kalabotan sa adolescent health ug emotional well-being.