DA-Central Visayas

DA-Central Visayas Pls follow our page and like our post.

Vision: A modernized agriculture and fisheries; a diversified rural economy that is dynamic; technologically advanced and internationally competitive.

Mga Young Farmers sa Central Visayas, Mibida sa Ilahang mga Produkto sa usa ka Business-to-Business ActivityNahatagan ug...
05/06/2026

Mga Young Farmers sa Central Visayas, Mibida sa Ilahang mga Produkto sa usa ka Business-to-Business Activity

Nahatagan ug higayon ang mga young farmers ubos sa Young Farmers Challenge (YFC) sa Department of Agriculture- Central Visayas (DA7) nga makapasigarbo sa ilang mga produkto atol sa YFC Program Assessment and Business Conference nga gipahigayon sa Cebu City ning bag-ohay lang.

Tumong sa maong kalihokan ang paghatag ug mas daghang oportunidad sa mga partisipante nga makigkonektar sa mga prospective buyers, business partners, ug uban pang stakeholders sa industriya. Pinaagi niini, mas na-expose sila sa aktuwal nga kalibotan sa pagnegosyo ug nahatagan og kahigayonan nga mapalapdan ang ilang merkado.

Gawas niini, ang maong kalihokan nagsilbi usab nga plataporma aron mas mapalig-on pa ang ilang kahibalo ug kahanas sa pagdumala sa negosyo, marketing, ug pagpalambo sa ilang mga produkto, isip kabahin sa paglig-on sa mga batan-ong agripreneurs sa rehiyon. (Contributed by: J. Dupal / 📝 CL Cajes)

05/06/2026

Migawas sa GMA7 Balitang Bisdak kagahapon, Hunyo 4, 2026.

Pagpatuman sa Executive Order No. 118 nga nagtakda og P50 matag kilo nga price cap sa 5% broken imported rice.

Invitation to Apply for Eligibility and to Bid
05/06/2026

Invitation to Apply for Eligibility and to Bid

04/06/2026

Lantawa ang tipik sa gihimong Animal Facility Inspection sa Department of Agriculture - Central Visayas ubos sa Regulatory Division dinha sa Carmen, Cebu.

Tumong sa gihimong inspeksyon nga mapanalipdan ang kahimsog sa mga hayop nga anaa sa pasilidad. (contributed by: L. Tapao)

Gipahigayon ang 1st Quarter Technical Working Group (TWG) Meeting on Coffee ngadto sa Tuburan, Cebu alang sa pagpalig-on...
04/06/2026

Gipahigayon ang 1st Quarter Technical Working Group (TWG) Meeting on Coffee ngadto sa Tuburan, Cebu alang sa pagpalig-on sa Industriya sa Kape sa Central Visayas.

Malampusong gipahigayon kagahapon, Hunyo 3, 2026 ang maong kalihukan nga nagtumong sa pagpalig-on sa koordinasyon, panagtambayayong, ug hiniusang mga lakang sa nagkalain-laing ahensya ug stakeholders alang sa padayon nga pagpalambo sa industriya sa kape sa Central Visayas.

Ang maong convergence gitambongan sa nagkalain-laing ahensya sa gobyerno sa rehiyon sa pagpanguna sa Department of Agriculture - Central Visayas (DA7) kauban ang Department of Trade and Industry (DTI), Department of Economy, Planning and Development (DepDev), Philippine Coconut Authority (PCA), Philippine Crop Insurance Corporation (PCIC), Agricultural Training Institute (ATI), National Irrigation Administration (NIA), Technical Education and Skills Development Authority (TESDA), ug uban pang mga ahensya sa gobyerno, ingon man usab sa mga representante gikan sa pribadong sektor nga nagpakita sa ilang suporta ug paningkamot alang sa kalamboan sa sektor sa kape.

Sa mensahe ni Undersecretary for Special Concerns and for Official Development Assistance (ODA), USEC Jerome V. Oliveros, iyang gipahibalo nga ang Tuburan, Cebu himuon nga Coffee Industry Development Office (CIDO) Sub-Office sa Central Visayas, usa ka mahinungdanong lakang aron mas mapahingusgan ang research, production, processing, ug marketing sa kape sa rehiyon.

Atol sa maong convergence, gipahigayon usab ang Turn-over Ceremony sa usa ka ektaryang yuta nga maoy tukoran sa maong sub-office.

Sa iyang mensahe, gihagit ni USEC Oliveros ang mga coffee grower sa Tuburan ug sa tibuok CV nga dili lamang kutob sa produksiyon ug pag-suplay sa coffee beans sulod sa nasud, kondili maningkamot usab nga maabot ang internasyonal nga merkado pinaagi sa pag-export sa dekalidad nga produktong kape gikan sa rehiyon.

Mitambong usab sa maong kalihokan si Regional Technical Director for Research and Regulations, Dr. Wilberto O. Castillo, kinsa mipresentar sa mga programa, proyekto, ug mga interbensyon nga gisuportahan sa DA7 sugod sa tuig 2027. Sumala kaniya, ang maong mga inisyatiba nagtumong sa pagpalapad sa coffee production areas, pagpausbaw sa kalidad sa produksyon, ug paghatag og mas daghang oportunidad sa atong mga mag-uuma sa kape.

Gipasiugda usab ni Dir. Castillo ang mga posibling interbensyon nga ihatag sa mga coffee farmers hangtod sa tuig 2031, lakip na ang produksyon support, capability trainings, post-harvest facilities, processing assistance, ug market linkage.

Pinaagi sa hiniusang paningkamot sa gobyerno, pribadong sektor, ug mga coffee stakeholders, padayon nga gipakita nga ang industriya sa kape sa tunga-tungang kabisay-an adunay dakong potensyal nga mahimong mas lig-on, kompetitibo, ug sustainable dili lamang sa lokal nga merkado kondili usab sa global nga industriya sa kape. (contributed by: J. Mabuting)

Daily Price Index (DPI), June 4, 2026
04/06/2026

Daily Price Index (DPI), June 4, 2026

DA7 nagpahigayon og Foodlane Training ug Orientation sa BoholNagpahigayon ang Department of Agriculture Central Visayas ...
04/06/2026

DA7 nagpahigayon og Foodlane Training ug Orientation sa Bohol

Nagpahigayon ang Department of Agriculture Central Visayas pinaagi sa Agribusiness and Marketing Assistance Division (AMAD), og Foodlane Training and Orientation niadtong Hunyo 3, 2026 sa Tagbilaran City, Bohol

Tumong niini nga mapalig-on ang implementasyon sa Foodlane Program ug ang koordinasyon tali sa mga lokal nga panggamhanan ug mga law enforcement agencies.

Atol sa kalihokan, gihisgutan ang mga importanteng diskusyon nga adunay kalabutan sa Foodlane Program, lakip ani kung unsay pasabot sa Foodlane Project, Food Sufficiency Program sa Department of Agriculture, Republic Act 12022 o Anti-Agricultural Economic Sabotage Act, ug Food Safety.

Gipresentar usab ang Professionalism ug Anti-Extortion (Kotong) Awareness, ingon man ang pag-ila ug pag-verify sa opisyal nga DA Foodlane Accreditations.

Gipalawom usab ang pagsabot sa mga partisipante kabahin sa Truck Ban Exemption ug Traffic Violations, diin gihisgutan ang hierarchy of rules, sakop sa exemption, non-exemptible safety violations, cite-and-release protocol, ug conflict resolution.

Lakip sa programa ang Inter-Agency Convergence and Incident Command, Interactive Workshop ug Hands-on Document and Technical Drill, ug Road Safety for Agricultural Transporters nga nagtutok sa pagdumala sa mga conflict scenarios, pag-atubang sa expired o non-accredited nga mga sakyanan, ug uban pang mga sitwasyon nga mahimong masugatan sa pagpatuman sa Foodlane Program.

Ang kalihokan gitambongan sa mga representante gikan sa nagkadaiyang 22 ka mga Local Government Units (LGUs) sa Bohol, Traffic Management Offices (TMOs), ug kapulisan aron masabtan ug mapalig-on ang implementasyon sa Foodlane Project nga nagtumong sa pagpasayon sa pagbiyahe sa mga sakyana nga nagkarga og mga produktong agrikultural ug pagkaon. 📝JM Itang / 📷 A. Peligro & R. Damalerio

DA-7 ug BJMP-7 nagtinabangay sa pagpalig-on sa implementasyon sa Sagip Saka Act alang sa kaayohan sa mga mag-uuma ug PDL...
03/06/2026

DA-7 ug BJMP-7 nagtinabangay sa pagpalig-on sa implementasyon sa Sagip Saka Act alang sa kaayohan sa mga mag-uuma ug PDL

Gidapit sa Bureau of Jail Management and Penology (BJMP) Region VII ang Department of Agriculture - Central Visayas (DA-7) aron maghatag og Sagip Saka Orientation, diin girepresentahan ang ahensya nila Regional Technical Director for Operations Engr. Cirilo N. Namoc, Agribusiness and Marketing Assistance Division (AMAD) Chief Aurea P. Madrio, ug uban pang mga kawani sa AMAD.

Ang maong kalihokan, nga gipahigayon sa Cebu City Jail Annex, Brgy Kalunasan, Cebu City, gibuhat isip tubag sa hangyo sa BJMP nga mapalawom ang ilang pagsabot sa Republic Act No. 11321 o Sagip Saka Act, ilabina sa mga probisyon niini nga may kalabutan sa procurement process ug sa direktang pagpalit sa mga produkto gikan sa mga mag-uuma ug mangingisda.

Sumala ni JSUPT Elsie Eireen R. Alcomendras, adlaw-adlaw nga nag-atiman ang BJMP sa liboan ka Persons Deprived of Liberty (PDLs), busa importante nga masabtan pag-ayo ang mga mekanismo sa balaod aron masiguro ang episyente ug legal nga pagpalit sa agricultural ug fishery products samtang naghatag usab kini og mas daghang oportunidad sa mga mag-uuma.

Sa laing bahin, gihisgutan usab ni Dir. Namoc ang kamahinungdanon sa pag-organisa ug pag-consolidate sa mga mag-uuma ngadto sa mga asosasyon ug kooperatiba aron matigom ang ilang produksyon ug mas matubag ang dagkong panginahanglan sa merkado. Matud niya, pinaagi sa consolidation, mas mapalig-on ang kapasidad sa mga mag-uuma sa pagsuplay sa mga institutional buyers sama sa BJMP.

Samtang, sa mensahe ni JSSUPT Nanding N. Bayle, iyang gipasiugda nga ang kalamboan dili mahimong tinuod nga progreso kung adunay mga sektor sa katilingban nga mabilin sa kalisod. Iyang gidasig ang pagtinabangay sa tanang ahensya sa gobyerno aron mas mapauswag ang panginabuhian sa matag Pilipino.

Isip resource speaker, gipresentar ni Madrio ang mga importanteng probisyon sa Sagip Saka Act, lakip na ang mga oportunidad ug proseso alang sa government procurement gikan sa mga accredited Farmers Cooperatives and Associations (FCAs).

Gitambongan usab ang kalihokan sa mga jail warden gikan sa nagkalain-laing pasilidad sa BJMP sa mga probinsiya sa Cebu ug Bohol, mga kawani sa BJMP Region VII, ug mga representante sa FCAs sama sa First Consolidated Cooperative Along Tañon Seaboards (FCCT), Cobcawa Multipurpose Cooperative, Campangga Alayon Multipurpose Cooperative (CAMPCO), ug Cambinocot Multipurpose Cooperative. Ang maong mga organisasyon nakighinabi alang sa inisyal nga panaghisgot kabahin sa mga produktong mahimo nilang masuplay ug sa mga panginahanglanon sa nagkalainlaing jail facilities sa rehiyon. 📝CL Cajes

Hello mga Ka-AMIA!Nakapangamdam na ba ta sa atong mga aktibidadis sa umahan sa mga musunod nga napulo ka adlaw? Ania ang...
03/06/2026

Hello mga Ka-AMIA!

Nakapangamdam na ba ta sa atong mga aktibidadis sa umahan sa mga musunod nga napulo ka adlaw?

Ania ang napulo (10) ka adlaw nga Farm Weather Outlook ug Advisory alang sa Rice ug Corn commodity sa probinsya sa Cebu gikan Hunyo 1 hangtud Hunyo 10, 2026.

Mga nalakip nga lugar: Alcantara, Alcoy, Alegria, Aloguinsan, Argao, Asturias, Badian, Balamban, Bantayan, Barili, Boljoon, Borbon, Carmen, Catmon, City of Bogo, City of Carcar, City of Cebu, City of Lapu-Lapu, City of Mandaue, City of Naga, City of Talisay, City of Toledo, Compostela, Consolacion, Cordova, Daanbantayan, Dalaguete, Danao City, Dumanjug, Ginatilan, Liloan, Madridejos, Malabuyoc, Medellin, Minglanilla, Moalboal, Oslob, Pilar, Pinamungahan, Poro, Ronda, Samboan, San Fernando, San Francisco, San Remigio, Santa Fe, Santander, Sibonga, Sogod, Tabogon, Tabuelan, Tuburan ug Tudela.

Lantawa ang mga hulagway mga ka-AMIA alang sa detalye sa Impact, Climate Resilient Agriculture (CRA) practices ug DA support sa mga musunod nga adlaw.

Hello mga Ka-AMIA!Nakapangamdam na ba ta sa atong mga aktibidadis sa umahan sa mga musunod nga napulo ka adlaw? Ania ang...
03/06/2026

Hello mga Ka-AMIA!

Nakapangamdam na ba ta sa atong mga aktibidadis sa umahan sa mga musunod nga napulo ka adlaw?

Ania ang napulo (10) ka adlaw nga Farm Weather Outlook ug Advisory alang sa Rice ug Corn commodity sa probinsya sa Bohol gikan Hunyo 1 hangtud Hunyo 10, 2026.

Mga nalakip nga lugar: Albuquerque, Alicia, Anda, Antequera, Baclayon, Balilihan, Batuan, Bien Unido, Bilar, Buenavista, Calape, Candijay, Carmen, Catigbian, City of Tagbilaran, Clarin, Corella, Cortes, Dagohoy, Danao, Dauis, Dimiao, Duero, Garcia Hernandez, Getafe, Guindulman, Inabanga, Jagna, Lila, Loay, Loboc, Loon, Mabini, Maribojoc, Panglao, Pilar ug President Carlos P. Garcia, Albuquerque, Alicia, Anda, Antequera, Baclayon, Balilihan, Batuan, Bien Unido, Bilar, Buenavista, Calape, Candijay, Carmen, Catigbian, City of Tagbilaran, Clarin, Corella, Cortes, Dagohoy, Danao, Dauis, Dimiao, Duero, Garcia Hernandez, Getafe, Guindulman, Inabanga, Jagna, Lila, Loay, Loboc, Loon, Mabini, Maribojoc, Panglao, Pilar, President Carlos P. Garcia, Sagbayan, San Isidro, San Miguel, Sevilla, Sierra Bullones, Sikatuna, Talibon, Trinidad, Tubigon, Ubay ug Valencia.

Lantawa ang mga hulagway mga ka-AMIA alang sa detalye sa Impact, Climate Resilient Agriculture (CRA) practices ug DA support sa mga musunod nga adlaw.

(PART 2 OF 2)

Address

Maguikay
Maguikay
6014

Website

Alerts

Be the first to know and let us send you an email when DA-Central Visayas posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to DA-Central Visayas:

Shortcuts

Share

Category