DA-Central Visayas

DA-Central Visayas Pls follow our page and like our post.

Vision: A modernized agriculture and fisheries; a diversified rural economy that is dynamic; technologically advanced and internationally competitive.

DA7 nagpalig-on sa pagpatuman sa Sagip Saka Act sa BoholMalampusong gipahigayon sa Department of Agriculture – Central V...
06/08/2026

DA7 nagpalig-on sa pagpatuman sa Sagip Saka Act sa Bohol

Malampusong gipahigayon sa Department of Agriculture – Central Visayas (DA7), pinaagi sa Agribusiness and Marketing Assistance Division (AMAD), ang Orientation on the Sagip Saka Act (Republic Act No. 11321) sa Tagbilaran City, Bohol.

Gitambongan kini sa 63 ka mga partisipante nga gilangkuban sa mga Municipal Agriculturist ug mga miyembro sa Bids and Awards Committee (BAC) gikan sa nagkalain-laing Local Government Units (LGUs) sa probinsya sa Bohol.

Gipasiugda sa maong oryentasyon ang mga nag-unang probisyon sa Sagip Saka Act, ilabina ang Farmers and Fisherfolk Enterprise Development Program (FFEDP) nga nagsilbing komprehensibong plano sa pagpalig-on sa kapasidad sa mga mag-uuma ug mangingisda aron makahimo og mas lig-on, organisado, ug kompetitibong mga negosyo.

Gihisgutan usab ang mekanismo sa Negotiated Procurement, nga nagtugot sa direktang pagpalit sa mga ahensya sa gobyerno sa mga produktong agrikultura ug pangisdaan gikan sa mga akreditadong Farmers' and Fisherfolk Cooperatives and Associations (FCAs).

Pinaagi niini, mapakunhod ang papel sa mga middlemen, mapalambo ang kita sa mga mag-uuma ug mangingisda, ug mapalapad ang ilang oportunidad sa merkado pinaagi sa procurement sa gobyerno.

Kabahin usab sa kalihokan ang pagpaila sa Farmers and Fisherfolk Enterprise Development Information System (FFEDIS), diin gipasabot ang proseso sa pagparehistro, paghimo og account alang sa Negotiated Procurement, ug ang mga benepisyo sa FFEDP sa pagpalambo sa kapasidad ug kompetensya sa mga FCAs.

Gitapos ang oryentasyon pinaagi sa usa ka open forum diin aktibong nangutana ug nangayo og mga klaripikasyon ang mga partisipante bahin sa implementasyon sa Sagip Saka Act, procurement procedures, ug FFEDIS registration.

Ang maong kalihokan kabahin sa padayon nga paningkamot sa DA7 sa pagpalig-on sa kapasidad sa mga LGUs aron mapalambo ang episyente nga pagpatuman sa Sagip Saka Program ug mapadayon ang pag-abli sa mas dagkong oportunidad sa merkado alang sa mga mag-uuma ug mangingisda sa Central Visayas. (contributed by: A. Madreo & I. Cortes / 📝F. Orozco)

Daily Price Index (DPI), August 6, 2026
06/08/2026

Daily Price Index (DPI), August 6, 2026

Direkta gikan sa usa ka mag-uuma nga nagtikad pinaagi sa organikong paagi, kinsa nakabenepisyo sa mga interbensyon gikan...
06/08/2026

Direkta gikan sa usa ka mag-uuma nga nagtikad pinaagi sa organikong paagi, kinsa nakabenepisyo sa mga interbensyon gikan sa Department of Agriculture - Central Visayas (DA-7) ubos sa Organic Agriculture Program.

PRDPUPDATE | Sayri ug basaha ang mga kalambuan ingon man mga balita kalabot sa pagpatuman sa Department of Agriculture-...
05/08/2026

PRDPUPDATE | Sayri ug basaha ang mga kalambuan ingon man mga balita kalabot sa pagpatuman sa Department of Agriculture-Philippine Rural Development Project Scale-Up (DA-PRDP Scale-Up) sa Central Visayas pinaagi sa pag click sa link sa ubos👇

https://heyzine.com/flip-book/46d34dc910.html


-Up

Daily Price Index (DPI), August 5, 2026
05/08/2026

Daily Price Index (DPI), August 5, 2026

Mas hapsay nga implementasyon sa mga proyekto ug interbensiyon, tumong sa Department of Agriculture - Central Visayas (D...
05/08/2026

Mas hapsay nga implementasyon sa mga proyekto ug interbensiyon, tumong sa Department of Agriculture - Central Visayas (DA-7) Operations Group Coordination and Planning Workshop.

Ang Operations Group maoy giila nga implementing arm sa DA-7, nga adunay mahinungdanong papel sa pagpatuman sa mga programa, proyekto, ug interbensiyon sa ahensya alang sa mga mag-uuma ug mangingisda. Busa, gipahigayon ang Coordination and Planning Workshop aron mapalig-on ang koordinasyon ug mapahapsay ang implementasyon sa mga inisyatiba sa departamento.

Lakip sa mga gihisgutan atol sa workshop ang nagkalainlaing mga isyu ug hagit nga nasinati sa pagpatuman sa mga programa, mga lakang aron masulbad kini, ingon man ang pagplano sa umaabot nga mga kalihokan. Girepaso usab ang mga target ug kalihokan ubos sa BED 1, BED 2, ug BED 3 aron masiguro ang episyente ug organisadong pagpatuman niini.

Aron makahatag og giya ug dugang nga direksiyon, mitambong usab si Regional Executive Director Angel C. Enriquez ug Regional Technical Director for Research and Regulations Dr. Wilberto O. Castillo. Ilang gipaambit ang mga rekomendasyon ug mga prayoridad nga makatabang sa Operations Group nga gipangulohan ni Regional Technical Director for Operations Engr. Cirilo N. Namoc sa pagpalig-on sa implementasyon sa mga programa sa ahensya.

Ang maong workshop gipahigayon gikan Agosto 3 hangtud 4, 2026. Gilauman nga ang mga nahisgotan ug naplano atol sa maong panagtigom magresulta sa mas episyente ug estratehikong pagpatuman sa mga proyekto ug interbensiyon sa rehiyon. 📝CL Cajes

Panagtigom sa mga nagkalainlaing meat processors sa nasud, gipahigayon sa Sugbo; DA Sec. Laurel, misalmot isip keynote s...
05/08/2026

Panagtigom sa mga nagkalainlaing meat processors sa nasud, gipahigayon sa Sugbo; DA Sec. Laurel, misalmot isip keynote speaker

Luyo sa mga lamiang produktong karne nga atong mapalit sa merkado mao ang dedikasyon sa mga meat processor nga nagpadayon sa paghatag og dekalidad ug luwas nga mga produkto alang sa mga konsumidor. Subay niini, nagpundok ang mga nagkalainlaing meat processor sa nasud dinhi sa Sugbo alang sa pagsaulog sa ika-37 nga anibersaryo sa Philippine Association of Meat Processors Inc. (PAMPI), nga gipahigayon sa Lapu-Lapu City sulod sa tulo ka adlaw gikan Agosto 2 hangtud Agosto 5, 2026.

Aron ipadayag ang suporta sa Department of Agriculture (DA), ilabi na sa pagpalambo sa industriya sa livestock, misalmot si DA Secretary Francisco Tiu Laurel Jr. isip keynote speaker sa maong kalihokan. Sa iyang mensahe, iyang gipaambit ang mga lakang ug programa sa DA nga nagtumong sa dugang nga pagpalambo sa livestock industry sa nasud. Gidayeg usab niya ang mga meat processor isip mahinungdanong kaabag sa pagpalig-on sa sektor, tungod kay dako ang ilang natampo dili lamang sa agrikultura kondili lakip usab sa ekonomiya sa nasud pinaagi sa paghatag og mga dekalidad nga produktong karne.

Dako usab ang pasalamat sa PAMPI pinaagi ni Jerome D. Ong, Chief Executive Officer sa CDO Foodsphere, Inc. ug Vice President sa PAMPI, sa pagsalmot ni Secretary Laurel sa maong kalihokan. Gidayeg niya ang mga inisyatiba ug programa nga gipatuman sa DA ug mipasalig nga magpadayon ang PAMPI sa paghatag og suporta sa mga lakang nga ipatuman sa ahensya alang sa kalamboan sa industriya.

Ang maong dakong panagtigom gisalmotan sa mga kompanya ug stakeholders nga nalambigit sa food manufacturing, packaging, cold chain logistics, ug infrastructure nga may kalabotan sa meat processing industry.

Isip pagpakita usab sa suporta sa DA-Central Visayas ug sa pagtubag sa mga panginahanglan sa maong kalihokan, mitambong usab si Regional Executive Director Angel C. Enriquez, inubanan nila Regional Technical Director for Operations Engr. Cirilo N. Namoc ug Regional Technical Director for Research and Regulations Dr. Wilberto O. Castillo. 📝CL Cajes

Usa ka dakong kalampusan alang sa agrikultura sa Bohol ang pagpasar sa Hava's Greenhouse nga nahimutang sa Dauis isip un...
05/08/2026

Usa ka dakong kalampusan alang sa agrikultura sa Bohol ang pagpasar sa Hava's Greenhouse nga nahimutang sa Dauis isip unang PhilGAP-certified industrial-scale hydroponic farm sa probinsya.

Ang sertipikasyon gipangunahan sa Department of Agriculture-Bureau of Plant Industry (DA-BPI) pinaagi sa inspeksyon sa uma, uban sa suporta sa Department of Agriculture-Central Visayas (DA-7) Regulatory Division.

Atol sa inspeksyon, gisusi sa mga evaluator ang pagsunod sa Hava's Greenhouse sa mga kinahanglanon sa Philippine Good Agricultural Practices (PhilGAP) lakip ang food safety, kalidad sa produkto, environmental management, ug kahimsog ug kaluwasan sa mga trabahante.

Nahimutang ang Hava's Greenhouse sa Dauis, Bohol, usa ka lugar nga duol sa mga restaurant, resort ug uban pang establisemento nga maoy nag-unang merkado sa ilang mga produkto.

Ang greenhouse nagtanom og siyam ka klase sa lettuce, lakip ang Green Wave, Red Wave, Romaine, Crimson Frills, Red Velvet Butterhead, Ruby Frizzy, Emerald Frills, Verdant Crown ug Jade Frizzy.

Matag semana, makaani ang uma og 500 hangtud 600 ka kilo sa lettuce. Ang tanang tanom gitubo gamit ang hydroponics o soil-free farming, diin gigamit ang tukmang nutrient solution ug tubig-uwan nga giproseso alang sa produksyon. Ang matag ani usab adunay kumpletong record gikan sa pagtanom hangtud sa pagbaligya, nga nagsiguro sa 100 porsyentong traceability sa produkto.

Gamit ang digital agriculture system, awtomatikong moabli ug mosira ang sunshade system sa greenhouse depende sa temperatura sa sulod aron mapadayon ang hustong kahimtang sa tanom. Pinaagi sa modernong teknolohiya, tukmang datos ug saktong nutrient management, nakaabot ang Hava's Greenhouse og hapit 99.9 porsyento nga survival rate sa ilang mga tanom. Bisan adunay gamay'ng reject tungod sa tip burn, luwas gihapon kini nga kaonon ug mabaligya.

Ang ilang mga produkto nag-supply sa mga restaurant, resort, hotel ug samgyupsal houses sa Bohol.

Matud ni General Manager Elvie Grace Ganchero, gipili nila ang hydroponic farming aron mas episyente ang produksyon ug walay mausik nga kahinguhaan. Matud pa niya, gikan sa liso hangtud sa pag-ani, gipaningkamotan sa kompanya nga magamit pag-usab ang mga materyales ug tubig-uwan isip kabahin sa ilang sustainable farming practices. Ilang tumong nga ang presko ug luwas nga mga utanon gikan sa greenhouse diretso dayon maabot sa lamesa sa mga konsumidor.

Ubos sa liderato ni Chair of the Board William Gelman, nagpadayon ang Hava's Greenhouse sa pagpalambo sa modernong agrikultura sa Bohol samtang naghatag usab kini og mga oportunidad sa trabaho alang sa mga residente sa Dauis.

Ang inspeksyon gihimo nila Cristac A. Serenio, Agricultural Products Inspector III, ug Ariel P. Alcoseba, Agriculturist I, sa Bureau of Plant Industry, uban ni Donald Joy Ejorpe, Agriculturist I sa DA-7 Regulatory Division.

Ang Hava’s Greenhouse usa ka ehemplo sa paghiusa sa modernong teknolohiya, food safety, environmental sustainability ug episyenteng produksyon sa agrikultura.

Padayon usab nga gisuportahan sa DA-7 ang mga inisyatibo nga nagpalig-on sa PhilGAP compliance ug modernong produksyon, aron mas daghang mag-uuma ug agricultural enterprises sa Central Visayas ang makapadayon sa kompetisyon samtang naghatag og mas luwas ug de-kalidad nga pagkaon sa katawhan. 📝JM Bragas

05/08/2026

Migawas sa GMA7 Balitang Bisdak niadtong Hulyo 30, 2026.

- National Rice Assessment gipahigayon aron mapalambo ang produksyon sa humay

Central Visayas, gipasigarbo ang lokal nga produkto sa WOFEX 2026Gipakita sa Central Visayas ang kalidad ug potensyal sa...
04/08/2026

Central Visayas, gipasigarbo ang lokal nga produkto sa WOFEX 2026

Gipakita sa Central Visayas ang kalidad ug potensyal sa lokal nga mga produktong pang-agrikultura pinaagi sa partisipasyon sa Department of Agriculture – Central Visayas (DA-7) sa World Food Exposition (WOFEX) 2026, nga gipahigayon niadtong Hulyo 29 hangtud Agosto 1, 2026 sa World Trade Center, Pasay City.

Pinaagi sa Agribusiness and Marketing Assistance Division (AMAD), gisuportahan sa DA-7 ang partisipasyon sa duha ka exhibitors gikan sa rehiyon — ang Balai Cacao Enterprises ug Tan Inong Manufacturing Corporation — sa pagpasundayag ug pagpamaligya sa ilang lokal ug value-added agricultural products.

Ang WOFEX usa sa pinakadako ug labing inila nga food trade events sa Pilipinas. Sulod sa kapin duha ka dekada, nahimong importanteng venue kini alang sa food, beverage, ug hospitality industries, diin gipundok ang mga producers, buyers, chefs, exporters, distributors, ug uban pang stakeholders alang sa pagpalapad sa koneksyon, pagpaambit sa kahibalo, ug pagpalambo sa negosyo.

Gipasiugda sa Balai Cacao Enterprises ang nagkalain-laing cacao-based products, lakip ang 100% pure tablea nga anaa sa 150g, 225g, 500g, ug 1kg variants; 70% tablea sweetened with muscovado; premium tablea variants; ug nagkalain-laing chocolates sama sa dark, milk, dried mango, almond, sesame, chia, ug cashew chocolates. Gipakita usab niini ang mga chocolate-coated treats sama sa banana chips ug dried mango, cacao nuggets nga dark ug milk chocolate, ug roasted cacao nibs nga sweetened ug adunay mixed nuts.

Isip kabahin sa marketing assistance, gi-link sa DA-7 ang Balai Cacao Enterprises ngadto sa mga packaging suppliers aron makatabang sa pag-upgrade sa pouch packaging sa ilang tablea, nga gitumong sa pagpauswag sa presentasyon sa produkto ug pagpalig-on sa kakompetitibo niini sa merkado.

Samtang, gipasiugda sa Tan Inong Manufacturing Corporation ang Asin Tibook, usa sa mga heritage product sa Bohol, nga anaa sa small ug regular sizes.

Giabagan usab sa DA-7 ang patigayon pinaagi sa mga sugyot alang sa pagpauswag sa corrugated shipping boxes ug pag-update sa nutrition labeling aron mas mapadayag ang natural mineral profile sa produkto.

Dili lamang kutob sa product showcasing ang partisipasyon sa DA-7 sa WOFEX 2026. Aktibo usab nga gipadali sa AMAD ang market linkage activities pinaagi sa pagkonektar sa duha ka exhibitors ngadto sa mga potensyal nga exporters, chefs, food vloggers, resellers, ug rebranding companies.

Pinaagi niini, gihatagan og dugang oportunidad ang mga local food enterprises sa Central Visayas nga makasulod sa mas lapad nga merkado, makapalambo sa ilang product presentation ug branding, ug makaporma og bag-ong business partnerships.

Ang partisipasyon sa Central Visayas sa WOFEX 2026 nagpakita sa padayong paningkamot sa DA-7 sa pagpalig-on sa agribusiness development, market access, ug competitiveness sa mga lokal nga produkto, samtang gipasiugda ang kalidad ug nilahing mga produktong gihimo sa atong mga producers sa rehiyon. (Contributed by: LJ Mole / 📝F. Orozco)

Address

Maguikay
Maguikay
6014

Website

Alerts

Be the first to know and let us send you an email when DA-Central Visayas posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to DA-Central Visayas:

Shortcuts

Share

Category