Health Alliance for Democracy - Bulacan

12/12/2021

Sa gitna ng pagluwag ng restriskyon at banta ng Omicron variant, pagkilos ng mamamayan ang tunay na pag-asa

Nitong nakaraang Nobyembre 5, inilagay ng Inter-Agency Task Force (IATF) sa Alert Level 2 ang National Capital Region, wala pang isang buwan mula nang idineklarang Alert 3 noong Oktubre 16. Sa Alert Level 3 pinayagan na ang pagbubukas ng sinehan at mga pampublikong atraksyon kasama na dito ang mga venue para sa mga okasyon kagaya ng kasal atbp. Sa alert level 2, wala nang restriksyon sa paglabas ang mga menor de edad.

Sa naging kondukta ng pagluwag ng restriksyon, walang naging malinaw na gabay sa paglabas ng mga menor de edad at mga bata. Nakakabahala din ang mga hindi bakunadong mga menor de edad na gumagala sa mga malls ay posibleng magkalat ng virus. Pinag-isipan din na ibaba agad sa Alert Level 1 ang Metro Manila kahit na hindi pa natatapos ang national vaccination program sa puntong iyon.

Ang pagmamadaling makabalik sa ‘normal’ ay tila isang biglang pihit mula sa halos dalawang taong mahigpit na restriksyon at militaristang tugon. Tinagurian na nga ang bansa na nagpatupad ng pinak**ahabang lockdown sa buong mundo. Kaya hindi maiwasang maging usap-usapan na ng karaniwang mamamayan na tila halalan ang solusyon sa pandemya. Saktong kinakailangang pataasin ang napakababang ratings ng administrasyong Duterte sa mga sarbey; at kailangan ang luwag para makapangampanya ang mga kandidato. Kaya naman kasabay ng pagdumog ng tao sa mga malls at maging sa kontrobersyal na dolomite beach, nagsimula na rin ang pag-iingay at pagtitipon ng mga volunteers ng mga kumakandidato sa pagkapangulo.

Sa gitna ng ganitong mga pagbabago sa bansa, natuklasan ang bagong variant ng COVID19 na tinawag na 'omicron variant' mula sa bansang South Africa. Sa puntong ito, nakumpirma na din na kalat ang variant na ito sa hindi bababa na 15 na bansa. Nagpataw ng travel ban sa ilang mga bansang nagtala ng local infection. Hindi naman nakakapagtaka na magsabi ang ibang mga kababayan natin na hindi sapat ang border control na ito laluna’t sa naging rekord ng pagtugon ng gobyerno sa umpisa ng pandemya, huli na nang maghigpit sa pagpasok ng international flights kahit mula sa bansang Tsina habang ang mga karaniwag mamamayang Pilipino ang nahihirapan sa mga ipinataw na quaragntine protocols.

Sinabi ng World Health Organization na kagaya na lamang sa pagharap sa delta variant, kailangang ang pagpapatuloy at pagpapaunlad sa pagmomonitor ng pamahalaan sa pagkalat ng mga variants sa bansa. Subalit hindi naman naipapatupad ang malawakang libreng testing; at dahil na rin sa mababang antas ng agham at teknolohiya, iisa lamang ang pasilidad na ginagamit ng pamahalaan para sa genome sequencing na kailangan para sa pagtukoy sa iba’t ibang variants.

Marapat lamang ang ginagawang sentralisadong pagbabakuna subalit ang totoo’y hindi ito sapat. Hindi pa rin masusuri kung gaano kabilis at kalala ang pagkalat ng bagong variant. At kung titingnan din ang inaabot mismo ng pagbabakuna, nasa 46% pa lamang ng kabuuang populasyon ang naturukan mula nang magsimulang rumolyo ito. Napag-iiwanang higit ang mga naninirahan sa mga probinsya. Kaya hindi maiwasan ang mga agam-agam sa gitna ng pagluwag ng ekonomiya dahil wala pa sa mayorya ng populasyon ang may bakuna. Maagang bahagi pa lamang ng taon pinuna na ang mababang badyet na inilaan ng pamahalaan para sa bakuna at mga kinakailangan para maisagawa ito kagaya na lamang ng vaccinators atbp. Pinapataas ang posibilidad ng mutations o pagbabago sa virus ang mabagal na antas ng pagbabakuna kaya nagkakaroon ng mga bagong variants kaya napakahalaga na mabukanahan ang pinak**araming bilang ng populasyon.


Sa gitna ng krisis, ano nga ba ang naging pagtaas ng kapasidad ng sistemang pangkalusugan? Kinaltasan ang badyet sa kalusugan sa gitna ng pandemya nang di bababa sa 50% sa dati nitong halaga. Habang ginamit naman ang Php10.3-billion na natirang pera mula sa Bayanihan 1 sa imprastraktura. Nakuhang maglaan ng pondo para sa pagtatayo ng swimming pools, convention center, at cruise ship port sa gitna ng kakulangan sa ayuda.

Dito sa Gitnang Luson, mahigit kalahati ng kabuuang bilang ng mga ospital ay kontrolado ng pribadong sektor. Salamin lamang ng pangkabuuang estado ng sistemang pangkalusagan ng bansa, na matagal nang pinapabayaan at nasa hulihan ng prayoridad ng gobyerno at pinagkakakitaan ng iilan.

Napabayaan ang sahod at mga benepisyo ng mga health workers na pumasan sa pagsugpo sa virus. Sukdulang sabihin ng pangulo na magpulis na lamang sila kung talagang gusto nila ang mataas na sahod. Pinukol din ng kritisismo ang administrasyon dahil inuna pang isipin pagpapagawa ng memorial sa halip na unahin ang nararapat na kompensasyon ng mga manggagawang pangkalusugan.

Para matiyak na makamit ng bawat Pilipino ang kalusugan bilang karapatan kailangang matiyak din na naisusulong ang karapatan sa kabuhayan, paninirahan, at maayos na kapiligiran. Ang mga mapagpasyang panlipunang salik na ito ang ilan lamang sa mga batayan para matamasa ng mamamayan ang kumpletong pisikal at mental na kagalingan. Paano makakakain ng masusustansyang pagkain para lumakas ang immune system kung walang hanapbuhay o wala man lang ayuda sa gitna ng lockdowns?

Sa gitna ng pandemya, sadyang tusong isinabay ang pagtutulak ang mga anti-mamamayang proyekto na nagnakaw sa karaniwang tao ng katiyakan sa hanapbuhay. Sa ganitong paraan, dahil sa mga restriksyon, mahirap itong tapatan ng malalaking protesta. Halimbawa na lamang ang pagpapatupad sa jeepney phaseout sa mga mayor na ruta sa Metro Manila na nakaamba rin ang pagpapatupad sa mga sentrong urban dito sa Gitnang Luzon. Tuyong Pasko naman ang naghihintay sa mga mangingisda sa Malolos, Bulacan, at Paombong dahil sa pagtatayo ng airport city ng San Miguel Corporation. Hindi pinahihintulutang mangisda sa mga eryang dati nang pinangingisdaan dahil sa paghuhukay ng draga para mapadaan ang mga barkong lulan ang mga gamit sa konstruksyon ng naturang airport. Tinatayang lalong magiging bahain ang probinsya dahil sa mga nawalang bahura; at hindi mahirap isipin na masama ang epekto nito sa kalusugan dahil sa posibleng dalang sakit ng mataas na tubig.

Sa isang bansang naghihingalo ang ekonomiya at pinapatakbo ang gobyerno ng mga nasa pwesto na parang negosyong pagkakakitaan, napakabulnerable nito sa mga sakuna, lalong higit sa isang krisis pangkalusugan kagaya ng COVID19. Kaya para tunay na makarekober mula sa pandemya, kailangang gamutin hindi lamang ang sintomas ng panlipunang karaingan, kundi lutasin ang dahilan nito.

Matagal nang pinapanatiling walang industriya ang bansa. Kaya walang sapat na oportunidad ang mga manggagawang Pilipino – kalagayang nagtutulak sa mga kababayan natin na makipagsapalaran sa ibang bayan. Nanatiling barat ang sahod, na ginawang lehitimo ng batas tulad ng Herrera Law- hindi sapat para tustusan ang batayang pangangailangan sa araw-araw para mabuhay nang marangal. Nandiyan din ang kontraktwalisasyon na lalong nagpasadlak sa manggagawa sa hirap. Kaya panandalian at walang stabilidad ang mga trabaho ang naghihintay sa karaniwang mamamayan.

Nanatiling nasa monopolyo ng iilan ang malawak na lupang agrikultural sa bansa, na siyang naglagay sa mga magsasaka, ang sektor na may pinak**alaking populasyon, sa sitwasyong wala silang kontrol sa sarili nilang kabuhayan bagkus tali sa pyudal na relasyon sa mga panginoong maylupa. Dahil na rin sa kawalan ng industriya, bansot ang agham at teknolohiya ng bansa, kaya atrasado ang pagsasaka. Nakita natin sa panahon ng pandemya ang kahalagahan ng seguridad sa pagkain subalit hangga’t umiiral ang pyudal na relasyon sa pagsasaka, marami ang magugutom, may pandemya man o wala.

Dahil umiiral ang ganitong kaayusan, sadyang nagbibigay puwang sa mga dayuhan at pribadong mga entidad. Madaling makita ito sa pagkatali sa mga dayuhang dambuhalang kumpanya ng mga gamot para magkaroon ng bakuna sa bansa. Sa halip na tumindig at umasa sa sarili, kagaya ng tinahak na landas ng Cuba na nakalikha ng sarili nilang bakuna, ibinebenta ng gobyerno ang kasarinlan ng bansa, kapalit ng mga dayuhang puhunan, murang lakas-paggawa, murang pagkukuhanan ng hilaw na materyales, at pamilihan ng kanilang mga produkto. Isang dahilan din ang labis na pag-asa sa ugnayang-panlabas kung bakit napakahirap para sa gobyerno na isara ang hangganan ng bansa bilang pagpigil sa pagpasok ng COVID, mula sa mga flights sa Tsina at iba pang mga bansa na may malaking puhunan sa Pilipinas.

Lalong nagpapahirap sa mamamayang Pilipino, ang sistematikong pagpapabaya at ang pagbubukas ng pamumuhunan ng mga dayuhan at lokal na kapitalista sa serbisyong pangkalusugan. Halimbawa na lamang, ang monopolyo ng iilan sa manupaktura ng gamot, ang sanhi ng mataas ng persyo ng mga ito na hindi kayang maabot ng karaniwang mamamayan.

Habang hindi pa tuluyang nakakarekober sa COVID19, sinasabi ng mga eksperto na hindi ito ang huling pandemya na mararanasan ng sangkatauhan. Kaya kailangang panghawakan ang leksyong itinuturo sa atin ng realidad na naranasan ngayong pandemya. Sa kalagayang, ang itinutulak ng gobyerno ang interes ng iilan, sa gitna ng paghihirap ng nakakarami, walang ibang aasahan kundi ang sariling kolektibong pagsisikap ng mamamayan na maabot ang isang lipunang nakatindig sa sarili at hindi sunod-sunuran sa dikta ng dayuhan; at binibigyang prayoridad ang kalusugan at kagalingan ng mamamayan. Kailangang panghawakan ng taumbayan diwa ng bayanihan, pagdadamayan, at pagtutulungan na ipinamalas sa paglulunsad ng community pantries at idireksyon ito sa pagkamit ng mas pang matagalang pangangailangan.

Mahahawi ang landas patungo sa mas panatag at malusog na bukas sa pamamagitan ng ating pag-aaral hinggil sa kalusugan at lipunan, sa pagpapalakas ng kapasidad sa pagharap sa problemang kalusugan sa batayang antas sa ating hanay, at sa pakikipag-kapitbisig sa bawat aping sektor para sama-samang kumilos upang itaguyod ang karapatan sa kalusugan at tunay na panlipunang pagbabago. #

Cupin, Bea. (November 4, 2021). Metro Manila under Alert Level 2 beginning November 5. Rappler. https://www.rappler.com/nation/metro-manila-alert-level-2-november-5-21-2021/

Teodoro, Luis V. (November 5, 2021). Rush to normalcy. Luis Teodoro. https://www.luisteodoro.com/rush-to-normalcy/?fbclid=IwAR0ctJ9VZX2R3cSqtk486Uc1swt8CfbCFCOrvgiiuvIRPBc8EgbtGY54Gf0

Sguazzin, Antony. (November 30, 2021). How a Missing Gene Led South African Scientists to Find Omicron. Bloomberg. https://www.bloomberg.com/news/articles/2021-11-30/how-south-african-scientists-found-the-troubling-omicron-strain

World Health Organization. (November 28, 2021). Update on Omicron. World Health Organization. https://www.who.int/news/item/28-11-2021-update-on-omicron

Esguerra, Darryl John. (August 3, 2020). Want higher pay? Join the police force, Duterte tells nurses. Inquirer. https://newsinfo.inquirer.net/1315808/want-higher-pay-join-police-force-duterte-tells-nurses

Gonzales, Catherine. (December 3, 2021). Metro Manila now ‘very low risk’ for COVID-19 – OCTA research. Inquirer. https://newsinfo.inquirer.net/1523384/metro-manila-now-very-low-risk-for-covid-19-octa-research

(November 28, 2021). Philippines tightens boder controls to keep out Omicron variant. Reuters. https://www.reuters.com/world/asia-pacific/philippines-buy-extra-20-mln-doses-pfizers-covid-19-vaccine-2021-11-28/

Juno, Jennifer and Adam Wheatley. (November 29, 2021). Are new COVID variants like Omicron linked to low vaccine coverage? Here’s what science says. The Conversation. https://theconversation.com/are-new-covid-variants-like-omicron-linked-to-low-vaccine-coverage-heres-what-the-science-says-170262

Gascon, Melvin. (September 13, 2021). P10.3- billion ‘savings’ in 2020 used to fund infra, not COVID fight – Colmenares. Inquirer. https://newsinfo.inquirer.net/1486914/p10-3-b-2020-savings-used-to-fund-infra-not-covid-fight-colmenares

29/09/2021

SITWASYON NG MGA MANGGAGAWANG PANGKALUSUGAN NG GITNANG LUZON

Kamakaylan, matagumpay na nailunsad ang una sa mga serye ng konsultasyon ng mga manggagawang pangkalusugan sa Central Luzon. Ibinahagi ng mga dumalo ang kanilang karanasan sa loob ng ospital at lugar ng paggawa. Hindi kaiba sa danas ng manggagawang pangkalusugan sa ibang panig ng bansa, pinabayaan na ng gobyerno ang tungkulin nitong mabigyan ng kaukulang proteksyon ang mga frontliners ng rehiyon. Pangalawang taon na ng pandemya pero hanggang ngayon kulang pa rin ang PPE’s para sa kanila gayundin walang mandatory swabbing na siyang magtutukoy sino sa kanilang hanay ang mayroong COVID-19.

Sa mga kaso ng nagka-COVID, kailangan pa nilang patunayan na wala silang pagkukulang sa pagpoprotekta sa sarili bago sila mabigyan ng tulong ng ospital. Sa pinak**asahol, sila pa ang sinisisi ng administrasyon ng ospital sa pagkakaroon ng COVID-19 sa halip na bigyan ng kaukulang tulong dahil bahagi na ng kanilang gawain ang risgo ng pagkakaroon ng virus.

Binabarat din ang pondong dapat nakalaan sa Special Risk Assistance (SRA) at Hazard Pay. Pinag-iiba pa ang SRA sa magkakaibang kategorya at ang Hazard Pay naman ay binabawasan pa. At ang iba ay pahirapan pa kung paano makakatanggap ng SRA at Hazard Pay.

Tampok din ang kakulangan ng tao sa mga ospital at infirmary. Inilinaw naman ng tagapangulo ng AHW na si Robert Mendoza na mayroong mga plantilla positions na ibubukas batay sa naging mga dayalogo ng unyon sa mga Senador.

Lantad ang kawalan ng badyet na inilalaan para sa kalusugan kahit na isa itong serbisyong panlipunan na dapat lamang natitiyak ng pamahalaan na natatamasa ng mamamayan, dagdag pa na batayang karapatan ng bawat isa ang kalusugan. Sa planong pambansang badyet para sa kasunod na taon, 242.0B ang planong ilaan na badyet para sa Department of Health, pero sa aktwal 79.9B o sangkatlo agad ng nasabing badyet ng DOH ay mapupunta sa PhilHealth, maraming mga ospital ang kakaltasan ng pondo gaya ng PGH at Lung Center of the Philippines. Mayroon din mga COVID-19 referral hospital ang hindi pinaglaanan ng Capital Outlay na mahalaga ngayon dahil dito kinukuha ang pondo para sa pagbili ng mga equipment at iba pang kagamitan ng ospital sa pagharap sa COVID-19. Ito ay sa kabila na ang bansa ay nahaharap sa krisis dulot ng pandemya na kung tutuusin malinawa dapat sa pamahalaan na dapat bigyan ng malaking pondo ang pampublikong pangkalusugan sa panahon ngayon.

Ang pagkaltas ng badyet sa kalusugan ay bahagi ng sistemang panlipunan na nakakiling sa maykapital. Ibinubukas ang mga serbisyong panlipunan at iba pang public utilities sa pribadong sektor upang ang mga ito ay kanilang pagkakitaan. Inilalaan naman ang malaking pondo ng mamamayan sa DPWH para magbigay daan sa pagtatayo ng mga imprastraktura na pagkakakitaan din ng dayuhang may kapital, partikular sa ilalim ng administrasyong Duterte, mga Chinese investors ang nakikinabang. Sa ganitong kalakaran, ang pagtitiyak at pagsusulong ng interes ng iilang maykapital ang nagiging papel ng pamahalaan, pabago-bago man ang administrasyon. Sa dulo, ang kapakanan at karapatan ng manggagawang pangkalusugan at ng mamamayan ang tinatapakan.

Sa kasalukuyan, lantad na lantad na ang paghihingalo ng sistemang pangkalusugan ng bansa at ang sistemang panlipunan sa kabuuan. Kitang-kita ang pagtalikod ng pamahalaan sa kanyang tungkulin na pangalagaan ang kalusugan ng kanyang mamamayan sa pamamagitan nang pagtitiyak ng kapakanan ng mga manggagawang pangkalusugan kung kaya't nakita rin ngayong panahon ng krisis, sa gitna ng kapabayaan ng kinauukulan, ang pagdadamayan ng mamamayan. Sabi nga, “tayo-tayo na ang nagtutulungan.” At ang diwa ng bayanihan na ito ang tinatanaw ng AHW na maipalaganap pa sa mas marami pang hanay ng frontliners mga susunod pang ilulunsad na diskusyon. Natunghayan din sa karanasan ng mga ospital na may unyon na mula sa pagbubuklod at paglulunsad ng sama-samang pagkilos, sa pamamagitan nito ay naigigiit ng mga manggagawang pangkalusugan ang kanilang karapatan at natatamasa ang tagumpay.

Layon ng AHW - Central Luzon na maglunsad pa ng serye ng mga diskusyon para magbahaginan ng karanasan at magsuportahan ang mga manggagawang pangkalusugan ng rehiyon. Mula doon, mabigyan ng solusyon ang kagyat na mga problemang kanilang kinakaharap. Tinatanaw din na ang mga konsultasyong ito ang magiging daan para higit pang maunawaan ng sektor ang mas malaking panlipunang konteksto na ugat ng kanilang mahirap na kalagayan sa ngayon; at makita ang kahalagahan ng pakikipagkaisa sa mas malawak na mamamayan na nananawagan ng tunay na panlipunang pagbabago.

Para sa mga katanungan kaugnay ng sahod, benepisyo at iba pang usapin ng mga manggagawang pangkalusugan sa Central Luzon, maaari nyo kaming i-message sa aming page o sa Messenger account: Alliance of Health Workers - Central Luzon. #

24/09/2021

HEALTH WORKERS NG GITNANG LUZON, TUMINDIG!

Inaanyayahan ang mga manggagawang pangkalusugan ng Gitnang Luzon mula sa mga pampublikong ospital at pribadong institusyon bukas ng ika-2 n.h. para sa gaganaping talakayan ukol sa kasalukuyang kalagayan ng mga health workers sa bansa kasama na ang lagay ng badyet para sa sektor ng kalusugan. Sa mga nais dumalo nasa ibaba po ang link para sa ating pre-registration upang makatanggap ng link para sa pulong via Zoom.

Kaya't halina mga manggagawang pangkalusugan ng Central Luzon at ating pagkaisahin ang ating hanay para sa pag-abot ng ating mga karapatan!

https://tinyurl.com/y2anzw6b

23/09/2021

https://www.facebook.com/101295552302320/posts/111741837924358/

HANDA NA BA KAYO?

KITA KITS sa sabado mga manggagawang pangkalusugan ng Gitnang Luzon at ating pagkaisahin ang ating hanay tungo sa pag-abot ng ating mga karapatan!

https://tinyurl.com/y2anzw6b

21/09/2021

TAMA NA! SOBRA NA! WAKASAN NA!

Ngayong araw ay inaalala natin ang buhay ng mga Pilipinong tumindig upang wakasan ang tiranya at diktadurya sa panahon ng Batas Militar sa ilalim ng pinatalsik na pangulong Marcos.

Ang Health Alliance for Democracy – Bulacan ay nangangakong patuloy na gugunitain ang araw na ito at masigasig na titindig upang hindi na muling maulit ang anumang pagtatangkang pag-apak sa ating mga karapatan at demokrasya ng ating bansa.

Sa kasalukuyan, litaw na litaw ang pagkakatulad ng rehimeng Duterte sa panahon ng diktador na si Marcos. Pareho silang gumagamit ng pananakot at pandarahas sa mamamayan upang makapanatili sa kapangyarihan. Sa gitna ng pandemya, ginagamit na panakot upang supilin ang tinig ng taumbayan sa pamamagitan ng quarantine, Anti-Terror Law, kaliwa’t kanang red-tagging, extrajudicial killings, pagpapaigting sa militarisasyon sa bansa, at atake sa kalayaan ng pamamahayag. Ang lahat ng ito ay patuloy na nangyayari sa loob ng halos kulang dalawang taon nang pagtitiis sa palpak na tugon sa pandemya at krisis na dulot nito sa kabuhayan ng mga bulnerableng sektor.

Habang patuloy na naghihirap ang sambayanan dahil sa patuloy na paglobo nang tinatamaan ng bayrus at nangangamatay rito, mga Pilipinong nawawalan ng trabaho, punuang mga ospital, at ang patuloy na pagkahapo ng ating mga manggagawang pangkalusugan ay siya namang pag-alingasaw ng mga baho ng rehimeng Duterte kaugnay sa isyu ng kurapsiyon sa pondong laan sa kalusugan. Kitang-kita na kagaya noon ni Marcos ay laganap din ang pagnanakaw sa kaban ng bayan sa ilalim ng pamahalaang Duterte at ang mas nakakagalit dito ay tila mukhang sinamantala ang pandemya upang isagawa ang pandarambong na ito batay na rin sa imbestigasyon ng senado na kung saan lumitaw na nagprocure ang pamahalaan ng mga kagamitang medikal nang hindi dumadaan sa bidding at ibinigay pa ang bilyong kontrata sa Pharmally na isang kahina-hinalang kumpanya na nagbigay ng overpriced na presyo ng mga produkto. Dagdag pa sa ating galit ay ang masahol na pagtatanggol ni Duterte sa mga sangkot sa anomalyang ito gaya ni Michael Yang.

Hindi rin maitatanggi ang pagkakapareho ni Marcos at Duterte na parehong mga ganid at hayok sa kapangyarihan. Kamakailan lamang ay inihayag ni Duterte ang kanyang plano na tumakbo bilang bise-presidente sa darating na halalan sa susunod na taon. Tila ang dahilan sa hakbang na ito ay upang makaiwas sa kanyang mga pananagutan sa likod ng napakaraming insidente ng patayan at krimen laban sa mga sibilyan at inosenteng personalidad na maituturing bilang extra-judicial killings.

Lantad din ang pagiging tuta ni Duterte gaya ni Marcos noon, sa kasalukuyan ay kita kung paanong patuloy na umaasa si Duterte sa suporta mula sa Tsina para sa mga kinukurakot na pautang na may kaakibat na napakataas na interes at sa US para sa mga armas na siyang ginagamit upang supilin ang sambayanan.

Ang mga ganitong pangwawalanghiya sa ating bayan at sa maraming Pilipino ay dapat nang mawakasan. Matagal nang hindi masikmura ng taumbayan ang palpak, kurap, tuta, at pasistang rehimen ni Duterte.

Kaya naman mga kasama, huwag nating hayaan na maulit muli ito sa mga darating pa na panahon. Ngayong ika-49 anibersaryo ng Batas Militar ni Marcos ay kolektibo nating ipahayag ang ating galit, pagkilos, at pagtindig upang wakasan si Duterte at ang mga kagaya nila ni Marcos.

18/09/2021

https://www.facebook.com/27254475167/posts/10159781633235168/

16/09/2021

https://www.facebook.com/101295552302320/posts/107251805040028/

"MAGKAISA AT TUMINDIG: KONSULTASYON HINGGIL SA KALAGAYAN NG MGA MANGAGAWANG PANGKALUSUGAN SA GITNANG LUZON"

Inaanyayahan po namin ang lahat ng mga health workers na nagtatrabaho sa pampubliko at pribado ospital at institusyon sa Central Luzon na lumahok sa gagawing konsultasyon kaugnay ng mga benepisyo, pasahod, at iba pa. Para sa mga dagdag na katanungan maari ninyo kaming i-message sa Alliance of Health Workers - Central Luzon.

Pagkaisahin natin ang ating mga boses at sama-samang sumulong para sa pagbabago.

https://tinyurl.com/y2anzw6b

15/09/2021

https://www.facebook.com/1588813518098977/posts/2954626014851047/

11/09/2021

Isa ka ba sa mga nurse, radtech, pharmacist, nursing aide, janitor, o security guard mula sa ospital dito sa Gitnang Luzon at kasama ng maraming frontliners na nahaharap sa kasalukuyan sa mga suliraning may kinalaman sa pasahod at benepisyo?

Mga manggagawang pangkalusugan ng Gitnang Luzon, panahon na para tayo ay magsama-sama para sa ating mga karapatan!

Abangan.

https://www.facebook.com/101295552302320/posts/103478655417343/

Isa ka ba sa mga nurse, radtech, pharmacist, nursing aide, janitor, o security guard mula sa ospital dito sa Gitnang Luzon at kasama ng maraming frontliners na nahaharap sa kasalukuyan sa mga suliraning may kinalaman sa pasahod at benepisyo?

Mga manggagawang pangkalusugan ng Gitnang Luzon, panahon na para tayo ay magsama-sama para sa ating mga karapatan!

Abangan.

02/09/2021

PAKINGGAN ANG SIGAW NG BAYAN, DUQUE PATALSIKIN!

Ang Health Alliance for Democracy - Bulacan kasama ang iba pang sektor ay masidhing inirerehistro ang panawagan para sa isang masusing imbestigasyon at malinaw na resolusyon para sa mga isyu ng korupsiyon na kinasasangkutan ng Kagawaran ng Kalusugan, PhilHealth, at ng kalihim nito na si Francisco Duque III, kaugnay ito ng mga inilabas na report ng COA noong nakaraang taon na nagpapakita ng anomalya sa bilyong pondo na nakalaan para sa serbisyong pangkalusugan partikular sa pagtugon sa nararanasang pandemya sa kasalukuyan.

Isinusulong ng HEAD - Bulacan na panagutin at bigyan ng karampatang parusa ang mga sangkot sa isyu ng korupsiyon mula sa nangyayaring imbestigasyon ngayon ng Senado at Kongreso at bilang panimula nga ay marapat na patalsikin na si Duque mula sa Kagawaran ng Kalusugan.

Hindi katanggap-tanggap ang mga kuwestiyonableng paraan ng paggasta at mga transakyon na nagkakahalaga ng P67.3 B habang patuloy na nagdurusa at pinagkakaitan ng maayos at makatuwiran na pasahod, benepisyo, at kondisyon sa loob ng mga ospital ang mga manggagawang pangkalusugan. Mula sa malungkot nilang karanasan dagdag pa ang delikadong sitwasyon sa loob ng mga ospital dala ng banta mismo sa kanila ng COVID ay hindi na rin nakakapagtaka kung bakit marami sa kanila ang napipilitan na umalis sa kanilang mga pinapasukang ospital o hindi kaya ay mangibang bansa na lamang.

Sa ngayon ay umabot na sa 2 milyong Pilipino ang tinamaan ng virus at patuloy pa itong nadadagdagan habang walang maayos at malinaw na plano ang pamahalaan partikular ang DOH kung paano tutugunan ang pandemya na higit isang taon nang nagpapahirap sa taumbayan mula sa kalusugan hanggang sa kanilang mga kabuhayan.

Pila-pilang pasyente sa mga ospital, kakulangan sa mga pasilidad at k**a, kawalan ng sapat na ayuda habang ang mga personalidad na dikit kay Duterte mula sa imbestigasyon ng senado ay kanya-kanyang maibubulsa ng pera gaya halimbawa ng P41.8 B halaga ng pondo na inilipat sa PS-DBM na ginamit upang bumili ng overpriced na PPE na nakakapagtaka lang dahil marami sa mga manggagawang pangkalusugan ay walang magamit at umaasa sa mga donasyon ng mga pribadong sektor dahil sa kakulangan o kawalan nito. Dagdag rin ang P8 B halaga naman ng kontrata na iginawad sa Pharmally Pharmaceutical Corporation na walang track record at kredibilidad upang makakuha ng isang malaking kontrata mula sa pamahalaan. Ang korporasyong ito ay lumalabas na mula sa isa sa mga crony ni Duterte na si Michael Yang na nasa likod ng mga overpriced na medical equipments batay sa imbestigasyon ng senado.

Ang mga pangyayaring ito ay hindi na bago. Matagal ng balot sa korupsiyon ang DOH at PhilHealth ngunit dahil patuloy na hindi nareresolba ay naging sistemiko na. Malinaw na repleksyon ito ng pagiging atrasado ng ekonomiya ng bansa na wala man lamang batayang industriya ng gamot kaya nasasamantala ito ng mga gahamang pulitiko upang makapangurakot. Kaya susing usapin ang pagtatayo ng mga batayang industriya tulad ng kemikal at parmasyutika, upang maisakatuparan ito kailangan magkaroon ng totoong nagsasariling internasyunal na polisiya na hindi natatali sa dikta ng US at Tsina at kasabay nito kailangang linisin ang sistema sa gobyerno para maisakatuparan ito.

Ang pagsambulat ng mga krisis na ito sa mamamayan ay hindi na dapat pang palampasin pa sapagkat habang patuloy na nangyayari ang mga ito ay mas nagiging mailap para sa marami ang pagkakaroon ng akses sa kanilang karapatan sa isang dekalidad na serbisyong pangkalusugan at panlipunan at ang maayos na kalagayan para sa ating mga manggagawang pangkalusugan.

MAT BENEFIT, IBIGAY, IBIGAY NA!
SRA BENEFIT, IBIGAY, IBIGAY NA!
AHDP BENEFIT, IBIGAY, IBIGAY NA!
DOH, PANAGUTIN! DUQUE, PATALSIKIN! DUTERTE WAKASAN!
BUDGET PANGKALUSUGAN, DAGDAGAN, DAGDAGAN, HUWAG BAWASAN!

01/09/2021

DOH and PHILHEALTH blunders manifest the government's ineptness and corruption!

The mismanaged Php 67 B of DOH budget has provoked the ire of the public and private health workers. Despite the Covid-19 surge, Secretary Francisco Duque III has been oblivious to the dire situation of overwhelmed public hospitals and health front liners languishing in their harrowing situation. Patients who have nowhere to go pile up in temporary wards in public hospitals as their beds have exceeded full capacity. Sec. Duque was roused only from his deep slumber when health front liners under the Alliance of Health Workers (AHW), Filipino Nurses United (FNU), and other health groups from both public and private hospitals considered a mass leave.

Since the start of the pandemic last year, health workers repeatedly called on the DOH for mass hiring of nurses and doctors to meet the increasing needs for health personnel during the pandemic. Yet, the calls remained unheeded by Sec. Duque. Amidst the excruciating situation, the few remaining health workers have been steadfast in their work while silently nursing their own physical and mental stress. even setting aside their fear of being infected with the disease themselves. For them, their daily encounter with patients dying is so emotionally draining.

Worse, as the Covid-19 rages on, the over-worked health workers remained underpaid. A significant number of them are still waiting for their Special Risk Allowance (SRA), Meal, Accommodation and Transportation Allowance (MAT) and other benefits provided for in Bayanihan 2. The delay and non-payment of these allowances while billions of pesos of DOH funds have been unobligated indicate the lack of support by the Duterte regime of the health front liners and are the reasons they express their rage against the regime. Moreover, Duque did not even bother to consider that in any Covid-19 hospital setting, all health workers are highly susceptible to infection. Thus, under the SRA Guidelines that the DOH implemented, the SRA was allotted only for those with direct contact with Covid patients.

The issue with the health workers is just among other issues the DOH has shown to be palpak. That Duque is inept and incompetent is rightly so. He acts merely on the cue of the IATF which is dominated by ex-military officers and bureaucrat capitalists. Thus, the government's Covid-19 response has become more militarist and anti-people rather than compassionate and caring. And no necessary updating on effective health strategy and tactics have been made. The governments inept Covid-19 response lacks the foresight for an urgent, coordinated, and science-based plan for the entire country. A comprehensive plan should be the government's top priority so the country could race against time and control the fast-spreading and contagious Covid-19 virus. But it does not seem to be the priority of the Duterte regime. Instead, Duterte urgently prodded Congress to pass the Anti Terror Law which has strengthened and legalized his fascist rule.

Being the Chairman of Philhealth is another major fault of Sec. Duque. Philhealth is another palpak program of the government. Philhealth has been a bonanza for corrupt officials ever since. Corruption, which seem to be inherent in Philhealth, continued under Duques watch such as the Php 15B Interim Reimbursement Mechanism (IRM).

The lack of transparency and accountability of both DOH and Philhealth make them fertile grounds for corruption, which amidst the pandemic is highly immoral. And President Duterte who could stop the plunder has failed to do so. The "bugbog na kami" of Philhealth Chief Gierran is the same as Duque's "winarak nyo kami". The public's reaction is, "You had it coming".

The DOH and Philhealth issues are just the tip of the iceberg put in spotlight by the pandemic. The dysfunctional health care system and the insurance-based PhilHealth are obviously running along the neo-liberal tracks particularly the privatization of public health care system. Thus, health care is becoming a business enterprise rather than one of service. This clearly deprives the Filipino people of their basic right to health, the very just reason for Filipinos to fight for a free, comprehensive, progressive and tax-based health care.

Enough of incompetent and corruption-ridden leadership of Secretary Duque. Furthermore, let us unite and put an end to corruption, end the criminally negligent and fascist Duterte regime. # #

! !

August 30, 2021

References:

Dr. Edelina De la Paz, Chairperson, 09178113298
Albert Pascual, Secretary-General , 09227404204