![[ɴᴏɴ ꜰɪʀᴇ ʀᴇʟᴀᴛᴇᴅ.]Sa ngalan ng Bumberong May Malasakit, kami po ay taos-pusong nakikiramay sa pagpanaw ni It's Me Kayce...](https://img4.govserv.org/019/531/1287140780195315.jpg)
29/05/2026
[ɴᴏɴ ꜰɪʀᴇ ʀᴇʟᴀᴛᴇᴅ.]
Sa ngalan ng Bumberong May Malasakit, kami po ay taos-pusong nakikiramay sa pagpanaw ni It's Me Kaycee
Bagama’t hindi man siya nakipaglaban sa apoy, isa naman siyang tunay na mandirigma sa laban ng buhay. Buong tapang niyang hinarap ang pagsubok ng karamdaman na cancer, at naging inspirasyon ng katatagan, pag-asa, at pagmamahal sa kanyang pamilya at mga taong nagmamahal sa kanya.
Maraming salamat, Kaycee, sa ipinakitang lakas ng loob at hindi pagsuko sa gitna ng matinding hamon ng buhay. Ang iyong alaala ay mananatiling buhay sa puso ng lahat ng iyong naantig at napasaya. Hindi man madali ang sakit na iniwan ng iyong pagpanaw, ang pagmamahal at masasayang alaala mo ay mananatiling gabay at lakas ng iyong naiwan na pamilya at mga kaibigan.
Sa iyong pamilya at mga mahal sa buhay, nawa’y matagpuan ninyo ang tibay ng loob at kapanatagan sa gitna ng pagdadalamhati. Hindi kayo nag-iisa sa panahong ito, at kasama ninyo kami sa panalangin para sa kanyang walang hanggang kapayapaan.
“Ang tunay na bayani ay hindi lamang nasusukat sa laban na kanyang hinarap, kundi sa tapang na kanyang ipinakita hanggang sa huli.”
