15/04/2026
Gihingusgan sa Peopleโs Administration ang usa ka patas nga pagrekrut og mga pulis sa Dakbayan sa Mati karong adlawa, Abril 14, 2026, sa Pelaez Boardroom. Pinaagi sa pag-reorganisa sa Ad Hoc Recruitment Board, tinguha ni Mayor Joel Mayo Almario nga mapatigbabaw ang transparency sa tibuok proseso subay sa NAPOLCOM Memorandum Circular No. 2021-01.
Gilangkuban ang board nila ni SP Committee on Peace and Order Chair Francisco Bardon, DILG-CLGOO Atty. Louie Limbaro, Acting COP PLTCol Frederick Sa-ao, ug Philippine Red Cross representative Leamor Templa kinsa hugot nga gitun-an ang mga background ug kwalipikasyon sa matag aplikante aron ang labing angayan lamang ang makaserbisyo alang sa seguridad sa mga katawhan.
Sa pagkakaron, mokabat sa 20 ka aplikante, siyam ka lalaki ug onse ka babaye, ang ginasusi alang sa unom ka bakanteng slots sa siyudad. Ang maong mga pwesto gibahin sa upat ka slots para sa lalaki ug duha para sa babaye. Kini nga lakang kabahin sa tumong sa lokal nga panggamhanan sa pagpili og mga de-kalidad nga miyembro sa kapulisan alang sa kalinaw sa matag komunidad. | CIO
Together, Yes We Protect
Para Sa Tanan
#๐
๐๐๐ฅ๐๐๐ญ๐ข
#๐๐๐ซ๐๐ง๐ ๐๐ฒ๐๐จ๐๐ฅ๐๐ ๐๐ซ๐๐ง๐๐จ
