Municipality of Mawab

05/06/2026

𝗞𝗔𝗔𝗬𝗢𝗛𝗔𝗡 𝗦𝗔 𝗣𝗔𝗡𝗚𝗟𝗔𝗪𝗔𝗦, 𝗞𝗔𝗟𝗔𝗠𝗕𝗢𝗔𝗡 𝗦𝗔 𝗦𝗘𝗥𝗕𝗜𝗦𝗬𝗢

Padayon nga gipalig-on sa LGU Mawab ubos sa liderato ni Mayor Myrill Apit, MPA ang usa ka himsog ug aktibong workplace pinaagi sa regular nga Zumba kada Byernes alang sa tanang empleyado.

Kini nga kalihokan nagpalambo sa kahimsog, panaghiusa, ug mas lig-on nga serbisyo alang sa katawhan.

03/06/2026

𝐌𝐀𝐖𝐀𝐁, 𝐀𝐍𝐃𝐀𝐌 𝐍𝐀 𝐁𝐀 𝐌𝐎? 💪🏻💚

Panahon na aron ipakita ang imong talento sa basketball ug volleyball! Kung ikaw usa ka residente sa Mawab ug adunay kahanas sa duwa, ayaw na pagduha-duha.

Apil sa atong 𝐆𝐨𝐯𝐞𝐫𝐧𝐨𝐫’𝐬 𝐂𝐮𝐩 𝟐𝟎𝟐𝟔 𝐁𝐚𝐬𝐤𝐞𝐭𝐛𝐚𝐥𝐥 𝐚𝐧𝐝 𝐕𝐨𝐥𝐥𝐞𝐲𝐛𝐚𝐥𝐥 𝐓𝐫𝐲𝐨𝐮𝐭𝐬 ug mahimong kabahin sa team nga magrepresentar sa atong lungsod sa Mawab.

📍𝐕𝐨𝐥𝐥𝐞𝐲𝐛𝐚𝐥𝐥 𝐓𝐫𝐲𝐨𝐮𝐭𝐬
June 5, 2026 | Sawangan Gymnasium
8:00 AM - 12:00 Noon - Men
1:00 PM - 5:00 PM - Women
Walay age limit

📍𝐁𝐚𝐬𝐤𝐞𝐭𝐛𝐚𝐥𝐥 𝐓𝐫𝐲𝐨𝐮𝐭𝐬
June 5, 2026 | Mawab Municipal Gymnasium
1:00 PM – 5:00 PM | Kinahanglan natawo year 2001 pataas

Kini na ang inyong higayon nga makasuot sa ngalan sa Mawab ug ipakita ang inyong abilidad sa tibuok probinsya.

Ayaw kahadlok og sulay. Basin ikaw na ang sunod nga mudala sa dungog sa atong lungsod!

Kita-kits sa tryouts! 🏀🏐

03/06/2026

03/06/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐒𝐢𝐫 𝐀𝐦𝐞!

Sa niining espesyal nga adlaw, ang tibuok Local Government Unit of Mawab nagpaabot sa among kinasingkasing nga pagtimbaya kanimo. Salamat sa imong dedikasyon, integridad, ug walay kakapoy nga serbisyo isip usa ka kasaligan nga kawani sa Municipal Accounting Office.

Hinaut nga ang Ginoo magpadayon sa pagpanalangin kanimo ug sa imong pamilya pinaagi sa maayong panglawas, kalipay, kalinaw sa kasingkasing, ug daghang mga panalangin sa umaabot nga mga tuig.

Padayon nga mahimong inspirasyon pinaagi sa imong maayong pag-alagad sa katawhan sa Mawab.

Malipayong Adlawng Natawhan, Mr. Amelito S. Lucas!

03/06/2026

𝐁𝐀𝐒𝐈𝐂 𝐂𝐔𝐒𝐓𝐎𝐌𝐄𝐑 𝐒𝐄𝐑𝐕𝐈𝐂𝐄 𝐒𝐊𝐈𝐋𝐋𝐒 𝐒𝐄𝐌𝐈𝐍𝐀𝐑-𝐖𝐎𝐑𝐊𝐒𝐇𝐎𝐏

Ubos sa liderato ni Mayor Myrill Apit, MPA, malampusong napahigayon ang Basic Customer Service Skills Seminar-Workshop niadtong Hunyo 2, 2026 sa Function Hall, Old RHU Building.

Gitambongan kini sa tanang office frontliners ug mga personnel nga naka-assign sa mga front desks sa nagkadaiyang departamento sa LGU Mawab aron mapalambo pa ang ilang kahibalo, kahanas, ug propesyonalismo sa paghatag og serbisyo publiko.

Tumong sa maong seminar nga mapalig-on ang maayong pakigkomunikar, husto nga pag-atubang sa mga kliyente, ug ang paghatag og episyente, matinahuron, ug kalidad nga serbisyo alang sa tanang lumulupyo nga nagkinahanglan og serbisyo gikan sa lokal nga panggamhanan.

Pinaagi sa padayon nga paghatag og mga kapasidad-building activities sama niini, gisiguro sa LGU Mawab nga ang matag empleyado andam ug adunay igong kahibalo aron mas mapauswag pa ang serbisyo publiko alang sa katawhan.

Padayon ang LGU Mawab sa pagpalambo sa kalidad sa serbisyo alang sa matag Mawabnon.

03/06/2026

Ubos sa liderato ni Mayor Myrill Apit, MPA, malampusong napahigayon ang Massive Anti-Rabies Vaccination alang sa mga iro ug iring sa Barangay SaoSao isip kabahin sa padayon nga programa sa lokal nga panggamhanan alang sa kahimsog ug kaluwasan sa komunidad.

Pinaagi sa hiniusang paningkamot sa Municipal Agriculture Office ug sa suporta sa mga opisyal sa barangay, daghang mga binuhi sa kahayopan ang nabakunahan batok sa rabies aron malikayan ang pagkaylap sa maong sakit ug mapanalipdan ang katawhan ug mga hayop.

Ang maong kalihokan usa ka pagpamatuod sa padayon nga paghatag og serbisyo sa LGU Mawab alang sa kaayohan sa mga lumulupyo ug sa pagpalambo sa responsableng pag-atiman sa mga binuhi.

Daghang salamat sa tanang pet owners ug mga residente sa Barangay SaoSao nga nakiisa ug nagsuporta sa maong kalihokan.

Bakunahi ang inyong mga iro ug iring. Magtinabangay kita alang sa luwas, himsog, ug rabies-free nga komunidad!

02/06/2026

02/06/2026

02/06/2026