03/08/2026
πππ‘π§ππͺπ | ππ¦π¦ππ¦π¦π ππ‘π§ π πππ§ππ‘π πππ£ππππππ¬π’π‘ ππππ‘π π¦π π ππππ π£π¨π¦π’π‘π π£πππ¦ππ¨ππ’π π¦π πππ-π³π΄ ππ₯ππͺ π‘π π πππ¦ππ¬π¦ππ¬ π¨π ππ¬π§π π§πππ¨πππ ππ’π‘π πππ¦π§ππ©ππ
Hulyo 22, 2026
LGU MAGSAYSAY β Gipahigayon sa Lokal nga Panggamhanan sa Magsaysay ang Assessment Meeting kaniadtong Hulyo 22, 2026 adlawng Myerkules, didto sa Tourism Office, Poblacion, Magsaysay, Misamis Oriental, alang sa malampusong pagsaulog sa ika-78 Araw ng Magsaysay ug 10th Tagulambong Festival aron masusi ang kinatibuk-ang kalampusan sa mga kalihokan ug mahibal-an ang mga aspeto nga angay pang mapalambo alang sa umaabot nga mga selebrasyon.
Gitambongan ang maong panagtigum ni Municipal Administrator Sir Arnold Jarn Ford G. Buhisan, Sangguniang Bayan (SB) Member Hon. Amor Deloso, Municipal Agriculture Officer Sir Patrick Ralph Pahalla, Municipal Disaster Risk Reduction and Management (MDRRM) Officer Sir Neil Obedencio, Sangguniang Kabataan (SK) Federation President Hon. Xyllona Marie Ratilla, ug Tourism Officer Sir Shiegfred R. Abucejo, uban sa ubang mga opisyal ug kawani sa nagkalain-laing buhatan sa Munisipyo.
Gihisgutan atol sa miting ang mga kalampusan sa matag aktibidadis, ang mga hagit nga nasinati sa pagpatuman sa mga kalihokan, ug ang mga rekomendasyon aron mas mapalambo pa ang paghatag og serbisyo sa publiko sa umaabot nga Araw ng Magsaysay ug Tagulambong Festival sunod tuig. Gipasiugda usab ang kamahinungdanon sa padayon nga panaghiusa ug kooperasyon sa tanang sektor aron masiguro ang mas malampuson ug mas makahuluganon nga pagsaulog sa mga umaabot nga tuig.
Ang nasangpit nga assessment meeting, gipakita sa Lokal nga Panggamhanan sa Magsaysay ubos sa liderato ni Dalangpanan Mayor Hon. Charlie B. Buhisan ang padayon nga paningkamot sa pagpalambo sa kalidad sa mga programa ug kalihokan, isip kabahin sa ilang dedikasyon sa paghatag og mas episyente nga serbisyo ug pagpalig-on sa kultura, turismo, ug panaghiusa sa katawhang Magsaysaynon.
Gisulat ni Dinmel John Supatan
