04/08/2026
#𝐢𝐄𝐧𝐠𝐚𝐠𝐞 🙋♂️🙋🏼♀️Aramon asin makisumaro sa paghaman kan proponidong ordinansa ni Konsehal Omar Buenafe, an 𝗡𝗮𝗴𝗮 𝗖𝗶𝘁𝘆 𝗥𝗼𝗮𝗱 𝗢𝗯𝘀𝘁𝗿𝘂𝗰𝘁𝗶𝗼𝗻 𝗣𝗿𝗲𝘃𝗲𝗻𝘁𝗶𝗼𝗻 𝗮𝗻𝗱 𝗦𝗮𝗳𝗲 𝗧𝗿𝗮𝗳𝗳𝗶𝗰 𝗙𝗹𝗼𝘄 𝗢𝗿𝗱𝗶𝗻𝗮𝗻𝗰𝗲 𝗼𝗳 𝟮𝟬𝟮𝟲. 🛣️
👉 Highlights:
Ipinagbabawal kan ordinansa an pagkaag kan mga dae otorisadong speed humps, barikada, asin iba pang sagabal sa pampublikong tinampo tanganing protehiran an mga motorista, siklista, pedestrians, asin mga vulnerable light vehicle users.
Mandato kaini na an gabos na traffic-calming devices mag-agi sa traffic engineering study, road safety assessment, estriktong pagsunod sa mga standards kan DPWH, asin pag-aprubar kan gobyerno, mantang tinatawan man an alkalde asin mga otoridad kan kapangyarihan na halion tulos an mga delikadong road obstruction na mayong paenot na abiso.
Nagtatao man ini nin progressive fines na nagpoon sa P2,000.00 para sa enot na pagbalgar, P3,000.00 sa ikaduwa, asin abot P5,000.00 kaiba an posibleng pagkakulong nin abot anom na bulan para sa ikatolong pagbalgar asin mga masunod pa, kaiba an pagpapakusog sa existing road clearing ordinances kan syudad.
🌐 Basahon an kabilugan kan proponidong ordinansa digdi:
https://www2.naga.gov.ph/.../proposed-ordinance-naga.../
📧 Ipaabot an saindong mga suhestyon o hiling manungod sa ordinansang ini sa comment section sa ibaba o ipadara sa email address na [email protected] o [email protected] 👇
