31/05/2026
๐๐๐, ๐๐๐๐๐๐๐๐๐๐๐๐ ๐๐๐๐๐๐๐๐๐๐-๐
๐๐๐; ๐๐๐ ๐๐๐๐๐๐๐๐๐๐๐๐ ๐๐ ๐๐๐๐๐๐, ๐๐๐๐๐๐๐๐๐ ๐๐ ๐๐๐๐๐๐๐๐๐๐๐๐ ๐๐๐๐๐๐๐๐๐
Idineklara ang Bayan ng Upi bilang nasa State of Stable Internal Peace and Security (Insurgency-Free) sa isang seremonyal na programa na ginanap noong 29 Mayo 2026 sa Municipal Gymnasium, Barangay Nuro, na dinaluhan ng mga opisyal ng pamahalaan, security sector, at development partners.
Ang deklarasyon ay naging pangunahing highlight ng programa, kasabay ng turnover ng socio-economic interventions sa 160 benepisyaryo ng ASPIRE Project (Assistance for Security, Peace, Integration and Recovery for Advancing Human Security in BARMM). Ayon sa mga tagapag-organisa, ang makasaysayang tagumpay ay patunay ng patuloy na pagsisikap ng LGU Upi at mga katuwang nito sa pagsusulong ng kapayapaan, seguridad, at inklusibong kaunlaran sa mga komunidad na dating apektado ng kaguluhan.
Pinangunahan ng Local Government Unit (LGU) ng Upi ang aktibidad sa pakikipagtulungan ng security sector at ibaโt ibang stakeholder, sa suporta ng United Nations Development Programme (UNDP) sa ilalim ng ASPIRE Project. Isa sa mga tampok na bahagi ng programa ang paglagda sa Memorandum of Partnership Agreement (MOPA) sa pagitan ng LGU Upi, 57th Infantry Battalion ng Philippine Army, at Upi Municipal Police Station. Layunin nitong palakasin ang whole-of-nation approach sa pagpapanatili ng kapayapaan at kaayusan, pagpigil sa muling pag-usbong ng insurhensiya, at pagpapalalim ng koordinasyon ng mga ahensya ng pamahalaan at security forces.
Bilang bahagi ng reintegration at confidence-building measures, isinagawa rin ang appraisal at assessment ng mga isinumiteng armas ng mga dating kaugnay sa loose Small Arms and Light Weapons (SALW) upang matukoy ang angkop na interbensyon at suporta para sa kanilang muling pagsasama sa lipunan at kabuhayan.
Kasabay ng deklarasyon, ipinamigay ang ibaโt ibang livelihood assistance sa mga benepisyaryo, kabilang ang 32 pack ng corn seeds, 59 agricultural tools, 45 bags ng abono, 8 carpentry toolkits, 9 baking equipment sets, 2 sewing machines, 4 motorsiklo, at 1 motorsiklo na may sidecar. Layunin ng mga interbensyon na palakasin ang kabuhayan ng mga benepisyaryo at tiyakin ang sustenableng kapayapaan sa pamamagitan ng konkretong oportunidad pang-ekonomiya.
Dumalo sa programa sina Maguindanao del Norte Governor Hon. Datu Tucao Mastura at Upi Mayor Hon. Ma. Rona Cristina A. Piang-Flores, kasama ang kinatawan mula sa Bangsamoro Transition Authority (BTA-BARMM), kabilang si MP Ramon Piang Sr.
Mula sa peace process mechanisms, nakiisa sina Minister Akmad A. Brahim, Co-Chair ng Joint Normalization Committee (JNCโMILF), at si Mr. Ariel Hernandez, Co-Chair ng JNCโGPH, na kinatawan ni Sittie Sahara Kasan, Secretariat Member ng JNC.
Sa usapin ng peace and security coordination, dumalo rin ang mga opisyal ng Joint Peace and Security Committee (JPSC), kabilang si MGen Francisco Ariel A. Felicidario III (Ret.), Co-Chair ng JPSCโGPH, na kinatawan ni Cpt. Norodin Manguda ng JPST OPCEN, at si Minister Abunawas Maslamama, na kinatawan ni Mr. Almish Guimba, Co-Team Leader ng JPST OPCEN.
Mula sa Armed Forces of the Philippines, kinatawan ang 6th Infantry Division ng Philippine Army sa pamumuno ni MGen Jose Vladimir Cagara, Division Commander, sa pamamagitan ni Col. Ruben G. Aquino INF (GSC) PA, Assistant Division Commander for Reservist and Retiree Affairs.
Mula sa Philippine National Police, si PBGen Christopher Abecia, Regional Director ng PRO-BAR, ay kinatawan ni PCol. George D. Bagundol, Provincial Director ng Maguindanao del Norte Police Provincial Office.
Dumalo rin si BGen Michael A. Santos PA, Brigade Commander ng 603rd Infantry Brigade, na kinatawan ni Col. Glen Loreto T. Caballero INF (GSC) PA, Deputy Brigade Commander.
Kasama rin sa mga panauhin sina Datu Sharifudin Tucao Mastura, Provincial Administrator ng Maguindanao del Norte; Ronnie Arap Jr., Project Specialist ng United Nations Development Programme (UNDP); Hon. Abdila Alabat, Vice Mayor ng LGU Upi; LTC Aeron Gumabao INF (GSC) PA, Battalion Commander ng 57th Infantry Battalion; at PCpt Julius Yutob, Chief of Police ng Upi Municipal Police Station.
Dumalo rin ang mga opisyal ng LGU Upi, Sangguniang Bayan, mga punong barangay, UNDP representatives, at mga benepisyaryo ng ASPIRE Project, na kapwa sumaksi sa makasaysayang kaganapan.
Bilang simbolo ng pagkakaisa at kapayapaan, nagpalipad ng mga kalapati ang mga dumalo bilang tanda ng kolektibong adhikain para sa pangmatagalang kapayapaan, rekonsilasyon, at kaunlaran sa bayan ng Upi.
