06/10/2026
πππππππ ππ, ππππ
Patuloy po nating isinasagawa ang Feeding Program para sa mga mag-aaral ng ating mga Child Development Center sa buong bayan ng Cabiao.
Layunin ng programang ito na matugunan ang pangangailangan ng ating mga kabataan sa wastong nutrisyon, sa pamamagitan ng pagbibigay ng masustansya at sapat na pagkain. Mahalaga ito upang makatulong sa kanilang malusog na paglaki, maayos na pangangatawan, at mas aktibong pakikilahok sa kanilang pag-aaral at mga gawain sa paaralan.
Hindi lamang po pagkain ang hatid ng programang ito. Isa rin itong paraan upang maipakita ang ating malasakit at patuloy na suporta sa kalusugan at kapakanan ng mga batang Kabyawenyo, lalo na sa kanilang mahalagang yugto ng paglaki at pag-unlad.
At ngayong araw, nagtungo naman po tayo sa Barangay Sinipit upang masaksihan ang isinagawang feeding program para sa ating mga batang mag-aaral sa Child Development Center.
Sa pamamagitan ng sama-samang pagkilos ng ating pamahalaang lokal, mga g**o ng child development center at mga magulang, patuloy nating maisusulong ang isang komunidad na nagbibigay-halaga sa kalusugan, nutrisyon, at kinabukasan ng bawat batang Kabyawenyo.
Dahil para sa ating mga bata, ang bawat masustansyang pagkain ay dagdag-lakas para sa kanilang paglaki, pagkatuto, at pag-abot sa kanilang mga pangarap.
