Mayor Ronald "Bokwet" B. Cosico

04/08/2026

PUBLIC ADVISORY TO PROTECT BUYERS, OWNERS/SELLERS AND ONLINE MARKETERS

BEWARE OF UNLICENSED/COLORUM BROKERS & AGENTS‼️

It is illegal to sell properties without a PRC License (RA 9646). Always ask for the Broker's full name and License # to verify with PRC (https://verification.prc.gov.ph/).

• Agents/Salespersons area also required to have PRC Accreditation under a supervising Broker.

• Do not transact with "colorum" or unlicensed agents and brokers to protect your money/property.

• In addition, both brokers and agents selling subdivision projects must provide their DHSUD registration ID (PD957).

• It is also illegal to sell subdivided lots/projects without DHSUD License to Sell.

Real estate is a big investment; PROTECT IT!

04/08/2026

ANUNSYO!

Ang Pamahalaang Bayan ng Paete, katuwang ang Mabuhay Deseret Foundation at The Medical City Eye Center, ay muling magsasagawa ng Free Eye Check-Up para sa mga mamamayan ng Paete.

Inaanyayahan ang lahat ng nais magpatingin ng kanilang mga mata upang samantalahin ang pagkakataong ito. Ang programang ito ay naglalayong makatulong sa maagang pagtukoy at pag-aalaga sa kalusugan ng ating mga mata.

Limited slots available.
Register at the Office of the Municipal Mayor.
Please look for Ma'am Elna.

03/08/2026

02/08/2026

Sa ngalan ng Pamahalaang Bayan ng Paete, at bilang isang lingkod-bayan at kasapi ng aking minamahal na simbahan, taos-puso kong ipinapaabot ang aking pagbati sa pagdiriwang ng ika-124 na Anibersaryo ng Proklamasyon ng Iglesia Filipina Independiente.

Nawa'y patuloy tayong gabayan at pagpalain ng Panginoon, patatagin sa pananampalataya, at bigyan ng lakas upang maisabuhay ang ating misyon ng paglilingkod sa Diyos at sa kapwa. Dalangin ko ang patuloy na pagkakaisa, paglago, at tagumpay ng ating Simbahan sa mga susunod pang henerasyon.

01/08/2026

Mga kababayan,

Ako po ay taos-pusong humihingi ng inyong suporta. Isang malaking karangalan po ang aking nominasyon sa Philippines Choice Awards 2026, isang pagkilalang nagbibigay-pugay sa mga indibidwal na nagsusulong ng mahusay, tapat, at makabuluhang paglilingkod.

Kung karapat-dapat po ako sa inyong tiwala at suporta, hinihiling ko po ang inyong boto.

Paraan ng pagboto:
I-click ang mismong post ng Philippine's Choice Award at maari na kayong makaboto sa pamamagitan ng:

• Like = 1 boto
• Share = 2 boto

Ang bawat like at share ay hindi lamang suporta sa akin, kundi pagkilala rin sa ating sama-samang pagsisikap na makapaghatid ng tapat at maayos na serbisyo para sa bawat Paeteño.

Maraming salamat po sa inyong walang sawang tiwala at suporta. Patuloy po nating isusulong ang isang Gobyernong Tapat, Para sa Diyos at Bayan.

26/07/2026

Maligayang ika-112 Anibersaryo sa Iglesia Ni Cristo!

Nawa'y patuloy na maging inspirasyon ang pananampalataya sa paglilingkod sa kapwa, pagmamahal sa bayan, paninindigan sa katotohanan, at pagtataguyod ng katarungan para sa ikabubuti ng lahat.

Maligayang pagdiriwang!

24/07/2026

Maligayang Kapistahan, Bayan ng Paete!

Sa pagdiriwang ng Ika-309 Kapistahan ni San Santiago Apostol, ating Patron at Pintakasi, nawa'y maging daan ang okasyong ito upang lalo pang pagtibayin ang ating pananampalataya, pagkakaisa, at pagmamahal sa ating mayamang kultura at pamana.

Kasabay ng masayang pagdiriwang, ipagpatuloy natin ang sama-samang pagkilos tungo sa isang mas maunlad, mas maayos, at mas matatag na Bayang Masining.

Maligayang Kapistahan sa bawat Pateño! Mabuhay ang Bayan ng Paete!

23/07/2026

22/07/2026

July 21, 2026 | Nagsagawa ng courtesy call sa tanggapan ng inyong lingkod si Bb. Kyla Caguin, na magiging kinatawan ng Bayan ng Paete sa Laguna’s Five Prettiest 2026.

Buong puso nating ipinapaabot ang ating suporta at taos-pusong pagbati sa kanyang pagdadala ng pangalan at dangal ng ating bayan sa nasabing patimpalak. Nawa’y magsilbi siyang inspirasyon sa ating mga kabataan sa pamamagitan ng kanyang kagandahan, talino, at kumpiyansa.

Buong Paete ang sumusuporta sa iyo. Hangad namin ang iyong tagumpay at nawa’y maiuwi mo ang karangalan para sa ating bayan.

22/07/2026

July 21, 2026 | Nagsagawa ng courtesy call sa tanggapan ng inyong lingkod si Unno Markcus Kaeden G. Lalo, na magiging kinatawan ng ating bansa bilang bahagi ng Team Pilipinas–Batang Laguna Basketball Team sa World Youth Championship 2026 na gaganapin sa Singapore mula August 6–9, 2026.

Buong puso nating ipinapaabot ang suporta at panalangin para sa kanyang matagumpay na paglahok sa pandaigdigang kompetisyon. Nawa’y maging inspirasyon ang kanyang dedikasyon at husay sa mas marami pang kabataang Pilipino.

Good luck, Unno Markcus Kaeden G. Lalo! Ipagmalaki mo ang Pilipinas at ang Lalawigan ng Laguna. Ang Pamahalaang Bayan ng Paete ay buong pusong sumusuporta sa iyo.