2nd Palawan Provincial Mobile Force Company

05/08/2026

04/08/2026

𝟮𝗡𝗗 𝗣𝗔𝗟𝗔𝗪𝗔𝗡 𝗣𝗠𝗙𝗖, 𝗡𝗔𝗞𝗜𝗜𝗦𝗔 𝗦𝗔 𝗥𝗘𝗧𝗢𝗢𝗟𝗘𝗗 𝗖𝗢𝗠𝗠𝗨𝗡𝗜𝗧𝗬 𝗦𝗨𝗣𝗣𝗢𝗥𝗧 𝗣𝗥𝗢𝗚𝗥𝗔𝗠 – 𝗧𝗔𝗥𝗔𝗕𝗜𝗔𝗡𝗚𝗔𝗡 𝗦𝗘𝗥𝗕𝗜𝗦𝗬𝗢 𝗖𝗔𝗥𝗔𝗩𝗔𝗡 𝗦𝗔 𝗥𝗢𝗫𝗔𝗦, 𝗣𝗔𝗟𝗔𝗪𝗔𝗡

Agosto 4, 2026 – Nakiisa ang mga tauhan ng 2nd Palawan PMFC sa isinagawang Retooled Community Support Program (RCSP) – Tarabiangan Serbisyo Caravan sa Barangay San Isidro, Roxas, Palawan, na pinangunahan ng Local Government Unit of Roxas sa pamumuno ni Hon. Pedy B. Sabando, Municipal Mayor.

Layunin ng programa na mailapit ang mga pangunahing serbisyo ng pamahalaan sa mga residente ng barangay. Kabilang sa mga serbisyong ipinagkaloob ang libreng gamot, medical at dental check-up, mga programa ng TESDA, serbisyo mula sa Municipal Agriculture Office (MAO), Municipal Civil Registrar (MCR), Municipal Social Welfare and Development (MSWD), at iba pang tanggapan ng lokal na pamahalaan.

Bilang suporta sa nasabing programa, nagbigay rin ang 2nd Palawan PMFC ng libreng gupit sa mga residente bilang bahagi ng kanilang patuloy na community outreach at serbisyo publiko.

Patuloy na nakikipagtulungan ang 2nd Palawan PMFC sa mga lokal na pamahalaan at iba pang katuwang na ahensya upang maisulong ang mga programang nagtataguyod ng kapayapaan, kaunlaran, at mas matatag na ugnayan sa pagitan ng kapulisan at komunidad.

04/08/2026

𝟯𝗥𝗗 𝗣𝗟𝗔𝗧𝗢𝗢𝗡, 𝟮𝗡𝗗 𝗣𝗔𝗟𝗔𝗪𝗔𝗡 𝗣𝗠𝗙𝗖 𝗡𝗔𝗚𝗦𝗔𝗚𝗔𝗪𝗔 𝗡𝗚 𝗣𝗢𝗟𝗜𝗖𝗘 𝗩𝗜𝗦𝗜𝗕𝗜𝗟𝗜𝗧𝗬 𝗦𝗔 𝗣𝗢𝗥𝗧 𝗕𝗔𝗥𝗧𝗢𝗡, 𝗦𝗔𝗡 𝗩𝗜𝗖𝗘𝗡𝗧𝗘

Agosto 4, 2026– Nagsagawa ng police visibility ang mga tauhan ng 3rd Platoon, 2nd Palawan PMFC sa Barangay Port Barton, San Vicente, Palawan bilang bahagi ng patuloy na pagpapatupad ng mga hakbang upang mapanatili ang kapayapaan at kaayusan sa komunidad.

Sa isinagawang aktibidad, nagsagawa ang mga pulis ng pagpapatrolya at pakikipag-ugnayan sa mga residente, mga motorista, at mga negosyante upang mapalakas ang police presence at makapagbigay ng kapanatagan sa publiko. Kasabay nito, hinikayat din ang mga mamamayan na maging mapagmatyag at makiisa sa kapulisan sa pamamagitan ng maagap na pag-uulat ng anumang kahina-hinalang aktibidad.

Patuloy na magsasagawa ang 2nd Palawan PMFC ng mga police visibility at iba pang community engagement activities bilang suporta sa layunin ng Philippine National Police na makamit ang isang ligtas, maayos, at mapayapang pamayanan.

04/08/2026

𝟮𝗡𝗗 𝗣𝗔𝗟𝗔𝗪𝗔𝗡 𝗣𝗠𝗙𝗖 𝗡𝗔𝗚𝗦𝗔𝗚𝗔𝗪𝗔 𝗡𝗚 𝗗𝗜𝗔𝗟𝗢𝗚𝗨𝗘 𝗔𝗧 𝗡𝗔𝗠𝗔𝗛𝗔𝗚𝗜 𝗡𝗚 𝗜𝗘𝗖 𝗠𝗔𝗧𝗘𝗥𝗜𝗔𝗟𝗦 𝗦𝗔 𝗥𝗢𝗫𝗔𝗦, 𝗣𝗔𝗟𝗔𝗪𝗔𝗡

Agosto 4, 2026– Bilang bahagi ng pinaigting na kampanya sa crime prevention at pagpapatibay ng ugnayan sa komunidad, nagsagawa ang kapulisan ng 2nd Palawan Provincial PMFC ng dialogue at pamamahagi ng Information, Education, and Communication (IEC) materials sa mga residente ng Bayan ng Roxas.

Sa isinagawang aktibidad, nagbigay ang mga pulis ng mahahalagang impormasyon hinggil sa anti-criminality, public safety, at iba pang mga programang naglalayong mapanatili ang kapayapaan at kaayusan sa komunidad. Hinikayat din ang mga mamamayan na maging mapagmatyag at makiisa sa agarang pag-uulat ng anumang kahina-hinalang aktibidad sa kanilang lugar.

Patuloy na magsasagawa ang 2nd Palawan PMFC ng mga kahalintulad na aktibidad bilang suporta sa layunin ng PNP na mapalakas ang partisipasyon ng komunidad sa pagpapanatili ng kapayapaan at kaayusan.