Office of the Municipal Agriculturist-Pamplona Agri

25/08/2026

Inaanyayahan ng Opisina ang lahat ng magsasaka at mangingisda sa ating bayan na dumalo at makiisa sa KADIWA ng Pangulo
📅 September 14, 2026
📍 LGU Municipal Ground

Suportahan natin ang lokal! 🇵🇭

💙💙

Sariwang ani ng Project BINHI, itinampok sa Kadiwa sa Echague, Isabela

PROJECT LAB UPDATES | Mula sa kanilang sariling taniman, dinala ng mga partner-beneficiaries ng Project BINHI mula sa Brgy. San Manuel at Villa Rey, Echague, Isabela ang kanilang sariwang ani sa isinagawang Kadiwa ng Pangulo ng Department of Agriculture.

Sa pakikipagtulungan ng Local Government Unit (LGU) ng Echague, naibenta ng mga benepisyaryo ang mga gulay mula sa kanilang Project BINHI, kabilang ang talong, okra, sitaw, upo, kangkong, patola, talbos ng kamote at dahon ng saluyot.

Naging pagkakataon din ang aktibidad upang maipakita ang bunga ng kanilang pagsisikap sa pagpapatupad ng Project BINHI at makatulong sa pagpapalakas ng food production sa komunidad.

Ang Kadiwa ng Pangulo ay programa ng pamahalaan sa ilalim ng administrasyon ni Pangulong Ferdinand R. Marcos Jr. na naglalayong magbigay ng abot-kayang pagkain sa mga mamamayan at makatulong sa mga lokal na magsasaka, mangingisda at maliliit na negosyo na direktang maibenta ang kanilang mga produkto.

Para sa mga benepisyaryo, ang bawat gulay na kanilang naibenta ay bunga ng kanilang sama-samang pagsisikap na mapanatili at mapalago ang Project BINHI.

25/08/2026

20/08/2026

Naipamahagi na ang ikalawang tranche ng Participatory Coconut Planting Program (PCPP) sa mga coconut farmers na may kabuuang target na 100 ektarya para sa expansion area sa ating bayan.

Ang programang ito ay ipinatutupad ng Philippine Coconut Authority (PCA) at layunin nitong hikayatin at suportahan ang ating mga coconut farmers sa pagpaparami ng sariling coconut seedlings na siya ring itatanim sa mga expansion areas. Sa pamamagitan nito, mas mapapalawak ang mga taniman ng niyog at madaragdagan ang oportunidad para sa mas maunlad na kabuhayan ng ating mga magniniyog.

Kasama sa aktibidad ang kinatawan ng ating butihing Mayora, Hon. Digna Puzon-Antonio, na si Ms. Zharina Tayawa, ang mga Regional Technical Staff ng PCA Region Office at ang Office of the Municipal Agriculturist ng Pamplona.

Sama-sama para sa mas malawak, mas masagana, at mas matatag na industriya ng niyog!

Naregta a Pamplona! 🌴🥥

20/08/2026

Nabigyan ng kabuuang 25,000 tilapia fingerlings ang mga benepisyaryo ng Project LAWA at BINHI sa mga Barangay ng Casitan, Capalalian, Curva, Cabaggan, Masi, Tabba, at Abbangkeruan, mula sa Bureau of Fisheries and Aquatic Resources (BFAR) at Office of the Provincial Agriculturist (OPA)-Cagayan.

Ito ay bunga ng kahilingan ng ating butihing Mayora, Hon. Digna Puzon-Antonio, at pinangasiwaan ng Office of the Municipal Agriculturist at MSWDO.

Layunin ng programang ito na makatulong sa pagpapalakas ng produksyon ng isda, mapalawak ang alternatibong kabuhayan, at mapabuti ang seguridad sa pagkain ng mga benepisyaryong komunidad. Mahalaga rin ito sa pagbibigay ng dagdag na pagkakakitaan at pagpapaunlad ng lokal na produksyon.

Maraming salamat sa BFAR at OPA-Cagayan sa patuloy na suporta sa Pamplona! 🤝🐟🌾

20/08/2026

19/08/2026

2-Day Training on Effective Automated Weather Station Data Collection and Simple Analysis
📍 Casitan, Pamplona | August 18–19, 2026

Matagumpay na natapos ang dalawang araw na pagsasanay na inorganisa ng Bureau of Soils and Water Management (BSWM), katuwang ang LGU Pamplona at Casitan SWISA.

Layunin ng pagsasanay na mapalawak ang kakayahan ng mga kalahok sa paggamit ng weather data upang maging mas wasto at napapanahon ang pagpaplano at pagdedesisyon sa mga gawaing pang-agrikultura, lalo na sa pagtatanim, pamamahala ng tubig, at paghahanda sa mga epekto ng pagbabago ng panahon.

Mahalaga ang ganitong kaalaman upang mas maging data-driven, climate-smart, at resilient ang ating mga magsasaka at komunidad.

Taos-pusong pasasalamat sa BSWM sa mahalagang kaalaman at patuloy na suporta sa sektor ng agrikultura ng Pamplona!

Naregta A Pamplona!

18/08/2026

Training on effective Automated Weather Station (AWS) Data Colletion, simple analysis and utilization
Day 1 (August 18, 2026)
Pamplona, Cagayan

17/08/2026

14/08/2026

13/08/2026

Salwadan tayu dagiti taraken tayu Ka-Agri.

Iwasan tayu iti agiwaras ti FAKE NEWS!!!

Iti laeng Opisina iti pormal nga paggapwan ti impormasyon maipanggep dagiti sakit iti Baboy ken dadduma pay nga dingwen.