Bayan ng Pamplona

02/09/2026

𝐓𝐔𝐁𝐈𝐆 𝐀𝐓 𝐏𝐀𝐆-𝐀𝐒𝐀: 𝐏𝐫𝐨𝐣𝐞𝐜𝐭 𝐋𝐀𝐖𝐀 𝐚𝐭 𝐁𝐈𝐍𝐇𝐈 𝐧𝐠 𝐃𝐒𝐖𝐃 𝐅𝐎𝟐, 𝐈𝐧𝐢𝐥𝐢𝐩𝐚𝐭 𝐧𝐚 𝐬𝐚 𝟕 𝐀𝐬𝐨𝐬𝐚𝐬𝐲𝐨𝐧 𝐬𝐚 𝐏𝐚𝐦𝐩𝐥𝐨𝐧𝐚

Sa kabila ng matinding banta ng pagbabago ng klima sa sektor ng agrikultura, isang maliwanag na pag-asa ang sumilay para sa mga magsasaka at pamilya sa bayan ng Pamplona. Pormal nang isinagawa ang Ceremonial Turnover ng Project LAWA (Local Adaptation to Water Access) at BINHI (Breaking Insufficiency through Nurturing Harvest for Inclusivity), isang inisyatibo ng Department of Social Welfare and Development Field Office 2 (DSWD FO2) na naglalayong magbigay ng solusyon sa patubig at seguridad sa pagkain.

Idinaos ang makasaysayang seremonya sa Barangay Casitan, sa pamumuno ni Barangay Captain Rose Marie Pagarigan. Naging saksi ang buong komunidad sa pagtanggap ng pitong (7) asosasyon mula sa mga barangay ng Casitan, Cabaggan, Capalalian, Masi, Tabba, Curva, at Abbangkeruan sa mga proyektong magpapatatag sa kanilang kabuhayan sa pamamagitan ng Cash-for-Work at Cash-for-Training programs.

Personal na pinangunahan ni DSWD Field Office 2 Regional Director Lucia Suyu-Alan ang pagturn-over ng proyekto sa lokal na pamahalaan sa pamumuno ni Municipal Mayor Hon. Digna Puzon Antonio. Kasama ni RD Suyu-Alan ang kanyang kinatawan mula sa ORD na sina Regional Executive Assistant Stanley Donato at Administrative Officer III Cleopatra Remudaro. Dumalo rin ang buong kapisanan ng Disaster Response Management Division (DRMD) sa pangunguna ni OIC Division Chief Mylene E. Attaban, Section Head Virginia Magno ng Disaster Response Information and Management Section (DRIMS), Information Officer II Maria Lourdes Martin, Project Development Officers II at I na sina Napoleon Bautista at Mary Joyce Villanueva, at Administrative Assistant III Paula Bautista.

Naging katuwang din sa okasyon ang iba't ibang pambansang ahensya upang ipakitang buo ang suporta ng pamahalaan sa agrikultura at pangingisda. Dumalo si Mr. Clifford Paraggua bilang kinatawan ng Bureau of Fisheries and Aquatic Resources (BFAR) at si Mr. Mienald A. Alas mula sa Office of the Provincial Agriculturist (OPAg). Sa panig naman ng lokal na pamahalaan, naging katuwang ni Mayor Puzon-Antonio sina Municipal Social Welfare and Development Officer Madelyne M. Cadaoas, RSW, at Municipal Agricultural Officer Engr. Maxon A. Panaga.

Sa talumpati ni Regional Director Suyu-Alan, binigyang-diin niya na ang tunay na tagumpay ng Project LAWA at BINHI ay nakasalalay sa pagtutulungan ng bawat isa. Aniya, ang mga pasilidad at pagsasanay na ito ay simula pa lamang ng mas matatag na komunidad laban sa kalamidad.

Buong-puso namang tinanggap ni Mayor Digna Puzon-Antonio ang proyekto ngunit nag-iwan ng isang mahalagang hamon sa mga benepisyaryo. Binigyang-diin ng alkalde ang kahalagahan ng sustainability o ang tuloy-tuloy na pag-aalaga sa proyekto upang hindi ito maging panandalian lamang.

"𝐴𝑛𝑔 𝑡𝑢𝑙𝑜𝑛𝑔 𝑛𝑎 𝑖𝑡𝑜 𝑚𝑢𝑙𝑎 𝑠𝑎 𝐷𝑆𝑊𝐷 𝑎𝑦 𝑖𝑠𝑎𝑛𝑔 𝑚𝑎𝑙𝑎𝑘𝑖𝑛𝑔 𝑏𝑖𝑦𝑎𝑦𝑎, 𝑛𝑔𝑢𝑛𝑖𝑡 𝑎𝑛𝑔 𝑡𝑢𝑛𝑎𝑦 𝑛𝑎 𝑡𝑎𝑔𝑢𝑚𝑝𝑎𝑦 𝑛𝑖𝑡𝑜 𝑎𝑦 𝑛𝑎𝑠𝑎 𝑎𝑡𝑖𝑛𝑔 𝑚𝑔𝑎 𝑘𝑎𝑚𝑎𝑦. 𝐻𝑢𝑤𝑎𝑔 𝑛𝑎𝑡𝑖𝑛𝑔 ℎ𝑎𝑦𝑎𝑎𝑛𝑔 𝑚𝑎𝑔𝑖𝑛𝑔 𝑛𝑖𝑛𝑔𝑎𝑠-𝑘𝑢𝑔𝑜𝑛 𝑙𝑎𝑚𝑎𝑛𝑔 — 𝑚𝑎𝑔𝑎𝑙𝑖𝑛𝑔 𝑎𝑡 𝑚𝑎𝑠𝑖𝑔𝑎𝑠𝑖𝑔 𝑙𝑎𝑛𝑔 𝑠𝑎 𝑢𝑚𝑝𝑖𝑠𝑎. 𝑇𝑖𝑦𝑎𝑘𝑖𝑛 𝑛𝑎𝑡𝑖𝑛 𝑛𝑎 𝑝𝑎𝑛𝑔𝑎𝑛𝑔𝑎𝑙𝑎𝑔𝑎𝑎𝑛 𝑎𝑡 𝑝𝑎𝑙𝑎𝑙𝑎𝑔𝑢𝑖𝑛 𝑛𝑔 𝑏𝑎𝑤𝑎𝑡 𝑎𝑠𝑜𝑠𝑎𝑠𝑦𝑜𝑛 𝑎𝑛𝑔 𝑚𝑔𝑎 𝑟𝑒𝑠𝑒𝑟𝑣𝑜𝑖𝑟 𝑎𝑡 𝑝𝑎𝑛𝑎𝑛𝑖𝑚 𝑛𝑎 𝑖𝑡𝑜 𝑢𝑝𝑎𝑛𝑔 𝑚𝑎𝑔𝑝𝑎𝑘𝑎𝑖𝑛 𝑎𝑡 𝑚𝑎𝑔𝑏𝑖𝑔𝑎𝑦-𝑝𝑎𝑛𝑔𝑘𝑎𝑏𝑢ℎ𝑎𝑦𝑎𝑛 ℎ𝑖𝑛𝑑𝑖 𝑙𝑎𝑛𝑔 𝑛𝑔𝑎𝑦𝑜𝑛𝑔 𝑎𝑟𝑎𝑤, 𝑘𝑢𝑛𝑑𝑖 𝑝𝑎𝑟𝑎 𝑠𝑎 𝑚𝑔𝑎 𝑠𝑢𝑠𝑢𝑛𝑜𝑑 𝑝𝑎𝑛𝑔 ℎ𝑒𝑛𝑒𝑟𝑎𝑠𝑦𝑜𝑛" paalala ni Mayor Puzon-Antonio.

Nangako rin ang alkalde na patuloy na aalalayan ng lokal na pamahalaan, sa pamamagitan ng MSWDO at MAO kasama ang mga kapitan ng pitong barangay, ang mga asosasyon upang matiyak na mananatiling kapaki-pakinabang ang Project LAWA at BINHI sa buong bayan ng Pamplona.

"Let's make PAMPLONA a Beautiful Place to Live."

31/08/2026

𝑰𝒔𝒂𝒏𝒈 𝒎𝒂𝒌𝒂𝒃𝒖𝒍𝒖𝒉𝒂𝒏 𝒂𝒕 𝒎𝒂𝒑𝒂𝒈𝒑𝒂𝒍𝒂𝒏𝒈 𝑨𝒓𝒂𝒘 𝒏𝒈 𝒎𝒈𝒂 𝑩𝒂𝒚𝒂𝒏𝒊 𝒔𝒂 𝒂𝒕𝒊𝒏𝒈 𝒍𝒂𝒉𝒂𝒕!

Ngayong araw, hindi lamang natin ginugunita ang kadakilaan at sakripisyo ng ating mga kilalang bayani sa kasaysayan, kundi binibigyang-pugay din natin ang mga makabagong bayani ng ating lipunan—ang ating mga manggagawa, g**o, OFW, medical frontliners, rescuers, at bawat Pilipinong patuloy na lumalaban at nagmamalasakit para sa kapwa at sa bayan.

Ang tunay na kabayanihan ay hindi nagtatapos sa mga pahina ng ating kasaysayan; ito ay mabubuhay sa ating pang-araw-araw na pagpili na gumawa ng mabuti, maging tapat, at maglingkod sa iba.

Magkakaiba man ang ating mga papel sa lipunan, sama-sama tayong maging liwanag at pag-asa para sa Pilipinas.

Isang pagpupugay sa ating lahat na patuloy na naglilingkod para sa bayan!

— Mayor Digna Puzon Antonio

26/08/2026

𝟑𝟕𝒕𝒉 𝑵𝒂𝒕𝒊𝒐𝒏𝒂𝒍 𝑺𝒕𝒂𝒕𝒊𝒔𝒕𝒊𝒄𝒔 𝑴𝒐𝒏𝒕𝒉 | October 2026

Nakikiisa ang Lokal na Pamahalaan ng Pamplona, sa pamumuno ng ating butihing Mayor, Hon. Digna Puzon Antonio, sa buong bansa sa pagdiriwang ng 𝟑𝟕𝒕𝒉 𝑵𝒂𝒕𝒊𝒐𝒏𝒂𝒍 𝑺𝒕𝒂𝒕𝒊𝒔𝒕𝒊𝒄𝒔 𝑴𝒐𝒏𝒕𝒉 ngayong darating na Oktubre 2026!

Sa temang "𝑻𝑼𝑲𝑳𝑨𝑺 𝑷𝑰𝑳𝑰𝑷𝑰𝑵𝑨𝑺: 𝑺𝒕𝒂𝒕𝒊𝒔𝒕𝒊𝒄𝒔 𝒂𝒔 𝑩𝒆𝒂𝒄𝒐𝒏 𝑻𝒐𝒘𝒂𝒓𝒅𝒔 𝑰𝒏𝒄𝒍𝒖𝒔𝒊𝒗𝒆, 𝑹𝒆𝒔𝒊𝒍𝒊𝒆𝒏𝒕, 𝒂𝒏𝒅 𝑺𝒖𝒔𝒕𝒂𝒊𝒏𝒂𝒃𝒍𝒆 𝑻𝒐𝒖𝒓𝒊𝒔𝒎" ating binibigyang-diin ang kahalagahan ng tamang datos at estatistika. Ito ang nagsisilbing gabay at liwanag sa pagbuo ng mga programa para sa isang inklusibo, matatag, at napapanatiling turismo sa ating bansa—lalo na sa ating sariling bayan na mayaman sa kagandahan at kultura.

Gamitin natin ang lakas ng tamang impormasyon upang mas mapalago pa ang ating komunidad at ipagmalaki ang ganda ng Pilipinas!

𝑳𝒆𝒕'𝒔 𝒎𝒂𝒌𝒆 𝑷𝑨𝑴𝑷𝑳𝑶𝑵𝑨 𝒂 𝑩𝑬𝑨𝑼𝑻𝑰𝑭𝑼𝑳 𝑷𝑳𝑨𝑪𝑬 𝒕𝒐 𝑳𝑰𝑽𝑬.

25/08/2026

19/08/2026

𝐎𝐑𝐈𝐄𝐍𝐓𝐀𝐒𝐘𝐎𝐍 𝐒𝐀 𝐃𝐑𝐔𝐆-𝐅𝐑𝐄𝐄 𝐖𝐎𝐑𝐊𝐏𝐋𝐀𝐂𝐄, 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐈𝐒𝐈𝐍𝐀𝐆𝐀𝐖𝐀 𝐒𝐀 𝐋𝐆𝐔 𝐏𝐀𝐌𝐏𝐋𝐎𝐍𝐀! 🛑

Matagumpay na naisagawa ngayong araw, Agosto 19, 2026, ang One-Day Orientation on the Drug-Free Workplace Program para sa mga opisyal at kawani ng Pamahalaang Lokal ng Pamplona.

Sa pangunguna ng ating Punong Bayan, Mayor Digna Puzon Antonio at sa pakikipagtulungan ng Philippine Drug Enforcement Agency (PDEA) Regional Office II sa ilalim ng pamumuno ni Dir. Gil Cesario P. Castro at IA Ma. Editha R. Bunagan (Provincial Officer) at ng PNP Pamplona Station, layunin ng gawaing ito na maitaguyod ang integridad at kaligtasan sa loob ng tanggapan para sa mas maayos na paglilingkod sa bayan, makisunod sa mga alituntunin ng Dangerous Drugs Board (DDB) at Civil Service Commission (CSC) kaugnay ng pagkakaroon ng Drug-Free Workplace at palakasin ang kamalayan at kaalaman ng bawat empleyado laban sa iligal na droga.

Maraming salamat sa PDEA Regional Office II sa inyong walang sawang pagsuporta sa ating munisipyo upang mapanatiling ligtas at drug-resilient ang ating komunidad!

"𝑳𝒆𝒕'𝒔 𝒎𝒂𝒌𝒆 𝑷𝑨𝑴𝑷𝑳𝑶𝑵𝑨, 𝒂 𝑩𝑬𝑨𝑼𝑻𝑰𝑭𝑼𝑳 𝑷𝑳𝑨𝑪𝑬 𝒕𝒐 𝑳𝑰𝑽𝑬."

17/08/2026

𝑷𝑨𝑴𝑷𝑳𝑶𝑵𝑨 𝑯𝒀𝑴𝑵, 𝑶𝑷𝑰𝑺𝒀𝑨𝑳 𝑵𝑨 𝑰𝑵𝑰𝑳𝑼𝑵𝑺𝑨𝑫 𝑺𝑨 𝑻𝑨𝑩𝑩𝑨 𝑬𝑳𝑬𝑴𝑬𝑵𝑻𝑨𝑹𝒀 𝑺𝑪𝑯𝑶𝑶𝑳; 𝑩𝑨𝒀𝑨𝑵𝑮 𝑷𝑨𝑴𝑷𝑳𝑶𝑵𝑨, 𝑲𝑰𝑵𝑰𝑳𝑨𝑳𝑨 𝑩𝑰𝑳𝑨𝑵𝑮 “𝑴𝑶𝑺𝑻 𝑨𝑪𝑻𝑰𝑽𝑬 𝑳𝑮𝑼” 𝑺𝑨 𝑳𝑨𝑴𝑩𝑨𝑲 𝑵𝑮 𝑪𝑨𝑮𝑨𝒀𝑨𝑵!🇵🇭✨🌴

Tuloy-tuloy ang pag-aani natin ng tagumpay at pagkakaisa!

Ngayong umaga ng Lunes, matagumpay na dinala ng Lokal na Pamahalaan ng Pamplona, sa pangunguna ng ating masipag na Punong Bayan, Hon. Digna Puzon Antonio, kasama ang LGU Choir at Baranggay Tabba Baranggay Council, ang Official Pamplona Hymn sa mga mag-aaral at g**o ng Tabba Elementary School sa kanilang Flag Raising Ceremony.

Isang pambihirang gulat at labis na kagalakan ang sumalubong sa ating Punong Bayan nang magsimulang tumugtog ang musika. Hindi napigilan ni Mayor Digna na mamangha at mapahanga dahil sabay-sabay at kabisadung-kabisado nang inawit ng mga mag-aaral ng Tabba ES ang bawat titik at himig ng ating bagong himno! Ang kanilang malilinis na tinig at maagang pagyakap sa ating Himno ay tunay na nagpapatunay ng kanilang maagang pagmamahal at pagmamalaki sa ating bayan.

Bukod sa pagbabahagi ng himno, nag-iwan din ng isang makabuluhan at puno ng inspirasyong mensahe si Mayor Digna para sa mga batang mag-aaral: "Ang karunungan ay mas nagniningning kung ito ay may kalakip na kabutihang-asal at pagmamahal sa kapwa."

𝑷𝑨𝑮𝑲𝑰𝑳𝑨𝑳𝑨 𝑺𝑨 𝑩𝑨𝒀𝑨𝑵 𝑵𝑮 𝑷𝑨𝑴𝑷𝑳𝑶𝑵𝑨 𝑺𝑨 𝑪𝑶𝑪𝑶𝑵𝑼𝑻 𝑴𝑶𝑵𝑻𝑯 𝑪𝑬𝑳𝑬𝑩𝑹𝑨𝑻𝑰𝑶𝑵 🥥🏆

Isang malaking karangalan din para sa ating munisipalidad na ma-recognize bilang “𝐌𝐨𝐬𝐭 𝐀𝐜𝐭𝐢𝐯𝐞 𝐋𝐨𝐜𝐚𝐥 𝐆𝐨𝐯𝐞𝐫𝐧𝐦𝐞𝐧𝐭 𝐔𝐧𝐢𝐭” sa buong Lambak ng Cagayan dahil sa ating patuloy na suporta at aktibong pagpapatupad ng mga programa at proyekto para sa ating mga coconut farmers!

Ang pagkilalang ito ay iginawad nitong Coconut Month Celebration noong August 11, 2026, sa City of Ilagan, Isabela. Tinanggap ng ating Municipal Agriculturist na si Engr. Maxon A. Panaga at Dr. Nick Ranjo ang parangal bilang mga opisyal na kinatawan ng ating butihing Municipal Mayor, Hon. Digna Puzon-Antonio.

Kasabay nito, buong pagmamalaki ring kinilala ang Bagu Coconut Planters Association bilang “Most Active Coconut Organization”—isang malinaw na patunay ng kanilang aktibong pakikilahok, pakikipagtulungan, at dedikasyon sa pagsusulong ng mga programa para sa industriya ng niyog sa ating bayan.

Maraming salamat sa Philippine Coconut Authority (PCA) Regions I, II & CAR at sa Agricultural Training Institute – Regional Training Center 02 (ATI-RTC 02) sa pagkilala at pagtitiwala!

Naregta A Pamplona! 💙

"ʟᴇᴛ'ꜱ ᴍᴀᴋᴇ ᴘᴀᴍᴘʟᴏɴᴀ, ᴀ ʙᴇᴀᴜᴛɪꜰᴜʟ ᴘʟᴀᴄᴇ ᴛᴏ ʟɪᴠᴇ." 💙❤️💚






🌴🥥

💙💙

12/08/2026

𝐏𝐀𝐌𝐏𝐋𝐎𝐍𝐀 𝐏𝐑𝐈𝐃𝐄: 𝐊𝐚𝐛𝐚𝐛𝐚𝐲𝐚𝐧𝐠 𝐬𝐢 𝐏𝐁𝐆𝐞𝐧. 𝐇𝐚𝐧𝐬𝐞𝐥 𝐌. 𝐌𝐚𝐫𝐚𝐧𝐭𝐚𝐧 (𝐑𝐞𝐭.), 𝐈𝐭𝐢𝐧𝐚𝐥𝐚𝐠𝐚 𝐧𝐢 𝐏𝐚𝐧𝐠𝐮𝐥𝐨𝐧𝐠 𝐌𝐚𝐫𝐜𝐨𝐬 𝐉𝐫. 𝐛𝐢𝐥𝐚𝐧𝐠 𝐔𝐬𝐞𝐜. 𝐧𝐠 𝐀𝐧𝐭𝐢-𝐓𝐞𝐫𝐫𝐨𝐫𝐢𝐬𝐦 𝐂𝐨𝐮𝐧𝐜𝐢𝐥!

Isang mainit at taos-pusong pagbati mula sa buong Bayan ng Pamplona, sa Pamumuno ni Mayor Digna Puzon Antonio, para sa ating ipinagmamalaking kababayan, si 𝐏𝐁𝐆𝐞𝐧. 𝐇𝐚𝐧𝐬𝐞𝐥 𝐌. 𝐌𝐚𝐫𝐚𝐧𝐭𝐚𝐧 (𝐑𝐞𝐭.), sa kanyang pagkakatalaga bilang 𝑬𝒙𝒆𝒄𝒖𝒕𝒊𝒗𝒆 𝑫𝒊𝒓𝒆𝒄𝒕𝒐𝒓 𝒏𝒈 𝑨𝒏𝒕𝒊-𝑻𝒆𝒓𝒓𝒐𝒓𝒊𝒔𝒎 𝑪𝒐𝒖𝒏𝒄𝒊𝒍–𝑷𝒓𝒐𝒈𝒓𝒂𝒎 𝑴𝒂𝒏𝒂𝒈𝒆𝒎𝒆𝒏𝒕 𝑪𝒆𝒏𝒕𝒆𝒓 (𝑨𝑻𝑪-𝑷𝑴𝑪) na may ranggong 𝑼𝒏𝒅𝒆𝒓𝒔𝒆𝒄𝒓𝒆𝒕𝒂𝒓𝒚 ni 𝑷𝒂𝒏𝒈𝒖𝒍𝒐𝒏𝒈 𝑭𝒆𝒓𝒅𝒊𝒏𝒂𝒏𝒅 "𝑩𝒐𝒏𝒈𝒃𝒐𝒏𝒈" 𝑴𝒂𝒓𝒄𝒐𝒔 𝑱𝒓.! 🇵🇭

Dala ang kanyang subok na karanasan sa operasyon, intelligence, at mahabang serbisyo sa Philippine National Police (PNP)—kabilang ang pamumuno sa CIDG, HPG, at PRO-4A—patuloy niyang paglilingkuran ang bansa sa mas mataas na antas ng pambansang seguridad.

Ang buong pamahalaan at mamamayan ng Pamplona ay lubos na nagmamalaki sa iyong bagong misyon.

𝐂𝐨𝐧𝐠𝐫𝐚𝐭𝐮𝐥𝐚𝐭𝐢𝐨𝐧𝐬, 𝐔𝐬𝐞𝐜. Hansel Matamis Marantan! 🎉🫡

11/08/2026

𝐔𝐏𝐋𝐈𝐅𝐓 𝐀𝐒𝐒𝐈𝐒𝐓𝐀𝐍𝐂𝐄 𝐏𝐀𝐘𝐎𝐔𝐓, 𝐈𝐏𝐈𝐍𝐀𝐌𝐀𝐇𝐀𝐆𝐈 𝐒𝐀 𝐏𝐀𝐌𝐏𝐋𝐎𝐍𝐀! 🇵🇭💸

MABILISANG TULONG PARA SA MGA PAMILYANG PAMPLONEÑO! ❤️

Ipinamahagi na ngayong araw, August 11, 2026, ang tulong-pinansiyal mula sa Unified Package for Livelihoods, Industry, Food, and Transport (UPLIFT) Assistance Program. Ang programang ito ay nakatuon sa pag-alalay sa ating mga mamamayang nasa ilalim ng poverty threshold, near-poor, at mga pamilyang mababa ang kita.

Pinangunahan ng ating masipag na Punong Bayan, Hon. Digna Puzon Antonio, kasama ang Municipal Social Welfare and Development Office (MSWDO), ang matagumpay na payout na ginanap sa Pamplona Cultural and Sports Center—isang araw lamang matapos ang kanilang masigasig na registration drive para sa mga eligible beneficiaries.

Ang UPLIFT Assistance Program ay isang mahalagang inisyatibo ng ating Pangulong Ferdinand R. Marcos Jr. bilang bahagi ng pambansang tugon sa krisis sa enerhiya na nagdudulot ng pagtaas sa presyo ng petrolyo at pangunahing bilihin.

Isang malaking pasasalamat sa ating Pamahalaang Pambansa, sa pamumuno ni Mayor Digna Puzon-Antonio at sa MSWDO, sa mabilis, maayos, at tapat na paghahatid ng serbisyo at suporta sa bawat pamilyang Pamploneño!

10/08/2026

𝐈𝐒𝐀𝐍𝐆 𝐏𝐑𝐎𝐃𝐔𝐊𝐓𝐈𝐁𝐎𝐍𝐆 𝐀𝐑𝐀𝐖 𝐒𝐀 𝐏𝐀𝐌𝐏𝐋𝐎𝐍𝐀: 𝐌𝐚𝐲𝐨𝐫 𝐃𝐢𝐠𝐧𝐚 𝐏𝐮𝐳𝐨𝐧-𝐀𝐧𝐭𝐨𝐧𝐢𝐨, 𝐏𝐢𝐧𝐚𝐧𝐠𝐮𝐧𝐚𝐡𝐚𝐧 𝐚𝐧𝐠 𝐈𝐛𝐚'𝐭-𝐈𝐛𝐚𝐧𝐠 𝐒𝐞𝐫𝐛𝐢𝐬𝐲𝐨 𝐚𝐭 𝐏𝐫𝐨𝐠𝐫𝐚𝐦𝐚 𝐬𝐚 𝐁𝐚𝐲𝐚𝐧! ☀️

Isang produktibo at makabuluhang araw ang salubong sa ating bayan sa pangunguna ng ating Punong Bayan, Hon. Digna Puzon Antonio! Walang humpay ang paghahatid ng serbisyo publiko para sa iba't-ibang sektor ng ating komunidad ngayong araw, Agosto, 10, 2026.

𝑭𝒍𝒂𝒈 𝑹𝒂𝒊𝒔𝒊𝒏𝒈 𝑪𝒆𝒓𝒆𝒎𝒐𝒏𝒚 𝒂𝒕 𝑷𝒂𝒎𝒂𝒎𝒂𝒉𝒂𝒈𝒊 𝒏𝒈 𝑷𝒂𝒂𝒍𝒂𝒍𝒂 𝒔𝒂 𝑷𝒂𝒎𝒑𝒍𝒐𝒏𝒂 𝑵𝒂𝒕𝒊𝒐𝒏𝒂𝒍 𝑺𝒄𝒉𝒐𝒐𝒍 𝒐𝒇 𝑭𝒊𝒔𝒉𝒆𝒓𝒊𝒆𝒔
Nakiisa si Mayor sa ginanap na pagtataas ng watawat sa Pamplona National School of Fisheries (PNSF) kasama ang ating LGU Choir at ang Barangay Council ng Barangay Abbangkeruan. Layunin ng pagbisitang ito ang familiarization at pagsasanay para sa ating opisyal na Pamplona Hymn upang mas maipagmalaki at maikintal sa puso ng bawat mamamayan ang ating lokal na awitin. Pagkatapos nito, nag-iwan si Mayor ng mahahalagang paalala at pangaral sa mga mag-aaral ng PNSF tungkol sa kahalagahan ng edukasyon, disiplina sa sarili, at ang pagiging responsableng kabataan sa ating lipunan.

𝑷𝒂𝒈-𝒊𝒊𝒔𝒂𝒏𝒈 𝑫𝒊𝒃𝒅𝒊𝒃
Pagkatapos ng Flag raising Ceremony ng mga kawani ng Gobyerno ng ating bayan, deretso agad si Mayor sa kanyang tanggapan upang mangasiwa ng seremonya ng dalawang magkasunod na kasal ng ating mga kababayan. Sa harap ng Diyos at ng batas, opisyal niyang pinagbuklod ang kanilang pagmamahalan at nag-iwan ng payo para sa pagbuo ng isang matatag, masaya, at may takot sa Diyos na pamilya.

𝑪𝒐𝒖𝒓𝒕𝒆𝒔𝒚 𝑪𝒂𝒍𝒍 𝒏𝒈 𝑩𝒂𝒈𝒐𝒏𝒈 𝑶𝒇𝒇𝒊𝒄𝒆𝒓 𝑰𝒏 𝑪𝒉𝒂𝒓𝒈𝒆 𝒏𝒈 𝑩𝑭𝑷-𝑷𝒂𝒎𝒑𝒍𝒐𝒏𝒂 𝑺𝒕𝒂𝒕𝒊𝒐𝒏
Mainit ding tinanggap ni Mayor sa kanyang tanggapan ang bagong talagang Officer In Charge ng Bureau of Fire Protection (BFP) sa ating bayan, na si SFO3 Christopher M. Addun. Sa kanilang pagpupulong, tinalakay ang mga hakbangin para sa pagpapanatili ng kaligtasan sa sunog, mga programa para sa paghahanda sa sakuna, at ang patuloy na pagtutulungan ng LGU at BFP para sa kapakanan ng bawat Pamploneño.

𝑷𝒂𝒈𝒑𝒓𝒐𝒕𝒆𝒌𝒕𝒂 𝒔𝒂 𝑲𝒂𝒍𝒊𝒌𝒂𝒔𝒂𝒏 𝒂𝒕 𝑾𝒊𝒍𝒅 𝑳𝒊𝒇𝒆
Ipinamalas muli ng ating bayan ang pangangalaga sa ating likas na yaman! Kaagad na inatasan ni Mayor ang Municipal Environment and Natural Resources Office (MENRO) sa pangunguna ni Mr. Severino J-IV Tayawa, katuwang ang CENRO-Sanchez MIRA, na ligtas na ibalik sa Pamplona River ang isang giant softshell turtle. Ang nasabing pagong, na may sukat na 22 inches ang haba at 16 inches ang lapad, ay kusang isinuko ng ating mga responsableng mangingisda mula sa Barangay Masi na sina Mr. Edward Guillermo, Mr. Michael Guillermo, at Mr. Kevin Siriban. Isang malaking pasasalamat sa ating mga mangingisda sa kanilang pakikiisa sa pagprotekta sa ating aquatic ecosystem!

𝐏𝐀𝐀𝐋𝐀𝐋𝐀 𝐒𝐀 𝐋𝐀𝐇𝐀𝐓: Kung kayo man ay makakahuli o makakakita ng ganitong uri ng hayop o anumang endangered wildlife, pakiusap na huwag itong saktan o patayin. Agad po itong ipagbigay-alam at isuko sa tanggapan ng MENRO upang maibalik nang ligtas sa kanilang natural na tirahan.

Patuloy tayong magtulungan para sa mas maunlad, ligtas, at luntiang Pamplona! 💙❤️💚🧡

Mabuhay ang Bayan ng Naregta A Pamplona!

05/08/2026

🏛️ 𝐏𝐀𝐍𝐆𝐔𝐍𝐀𝐇𝐈𝐍𝐆 𝐒𝐄𝐑𝐁𝐈𝐒𝐘𝐎 𝐀𝐓 𝐒𝐓𝐑𝐀𝐓𝐄𝐆𝐈𝐂 𝐀𝐋𝐈𝐆𝐍𝐌𝐄𝐍𝐓 𝐍𝐆 𝐏𝐆𝐂, 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐈𝐍𝐈𝐋𝐔𝐍𝐒𝐀𝐃 𝐒𝐀 𝐁𝐀𝐘𝐀𝐍 𝐍𝐆 𝐏𝐀𝐌𝐏𝐋𝐎𝐍𝐀

Direktang inilapit ng Pamahalaang Panlalawigan ng Cagayan ang iba’t ibang mahahalagang tulong at programa nito para sa mga mamamayan sa pamamagitan ng isinagawang People’s Day at Strategic Alignment na ginanap sa Bayan ng Pamplona ngayong araw.

Pinangunahan ng Ama ng Lalawigan, Gobernador Edgar "Tatay Egay" Aglipay, ang malawak na distribusyon ng serbisyo kasama ang ating butihing Mayor Digna Puzon-Antonio, mga lokal na opisyal, at mga pinuno ng iba't ibang departamento ng Kapitolyo ng Cagayan.

Sa pamamagitan ng pagtutulungan ng PGC at ng Lokal na Pamahalaan ng Pamplona, iba't ibang sektor mula sa mga barangay ang nakinabang sa mga sumusunod na libreng serbisyo:

Aspektong Medikal: Libreng check-up, dental services, pamamahagi ng mga gamot, at feeding program para sa kalusugan ng komunidad.
Sektor ng Agrikultura: Pamamahagi ng mga punlang gulay at pagpaparehistro ng mga magsasaka at mangingisda sa Philippine Crop Insurance Corporation (PCIC) para sa kanilang accident policy insurance.
Tulong Alay ng Kapitolyo: Libreng legal services at iba pang programang panlipunan mula sa iba’t ibang tanggapan ng pamahalaang panlalawigan.

Binigyang-diin ni Gobernador Aglipay sa kanyang mensahe na hindi titigil ang kanyang administrasyon sa paghahanap ng mga paraan upang matiyak na ang bawat pamilyang Cagayano ay nakatatanggap ng kaukulang kalinga ng gobyerno. Ipinaliwanag niya na ito ang tunay na diwa ng kanyang "No Household Left Behind" (NHLB) Program—ang siguraduhing walang maiiwang pamilya, lalo na ang mga magsasaka, mangingisda, at iba pang kabilang sa vulnerable sectors.

Nagpahayag naman ng kanyang buong suporta at pasasalamat si Mayor Digna Puzon Antonio sa inisyatibang ito ng PGC. Ayon sa punong bayan, malaki ang maitutulong ng ganitong istratehikong pag-align ng mga programa upang mas mapabilis, mas seryoso, at mas epektibong maihatid ang mga solusyon sa pangangailangan ng mga mamamayan ng Pamplona.

Ang People’s Day at Strategic Alignment ay bahagi ng patuloy na misyon ng Pamahalaang Panlalawigan na palawigin ang presensya ng Kapitolyo sa bawat bayan, habang pinagtitibay ang ugnayan sa mga lokal na pamahalaan para sa mas mabilis na pag-unlad ng buong Cagayan.