Vice- Mayor Engr. Cris Castro

12/04/2026

𝙈𝙖𝙡𝙞𝙜𝙖𝙮𝙖𝙣𝙜 𝙠𝙖𝙖𝙧𝙖𝙬𝙖𝙣 𝙥𝙤, 𝙆𝙖-𝙊𝙗𝙚𝙩!
Kami po ni Konsehal Jonjon Antonio ay nakibahagi sa pagdiriwang ng kaarawan ni Ka-Obet Bonifacio ng Brgy. Siling Matanda, isang masayang okasyon na puno ng kwentuhan, tawanan, at pagkakaisa. Nawa’y patuloy kang biyayaan ng malusog na pangangatawan, kapayapaan ng puso at mas marami pang taon na makakasama ang inyong mga mahal sa buhay.

11/04/2026

11/04/2026

𝙎𝙖 𝙜𝙞𝙩𝙣𝙖 𝙣𝙜 𝙙𝙖𝙡𝙖𝙢𝙝𝙖𝙩𝙞, 𝙢𝙖𝙮 𝙣𝙖𝙜𝙢𝙖𝙢𝙖𝙡𝙖𝙨𝙖𝙠𝙞𝙩.
Sa panahong ito ng pagdadalamhati, kami po ay taos-pusong nakikiisa sa mga Pamilyang Tongco, Capalad, Bantog, Misasa, Fuentes, Santiago, Esperidion, Curay, Sasdicon, Dela Cruz, Manalese, Cablin, Cuizon, Latosa, Maquiling, Cadiz, Bantad-Tano, Bala, Marquez, Madrigal, Ortado, Bantogon, Sadi, Corpuz, Malabriga, Angay-Angay, Durin, Delgado at Nuya.

Kasama si Konsehal Jonjon Antonio, kami po ay nagpaabot ng munting tulong at pakikiramay, bilang pakikiisa sa kanilang pinagdaraanan. Hindi man sapat upang mapawi ang lungkot, hangad po namin na kahit sa simpleng paraan ay maiparamdam ang ating malasakit at suporta.

Nawa’y makatagpo kayo ng lakas at kapayapaan sa gitna ng pagsubok na ito. Patuloy po kayong nasa aming mga panalangin.

10/04/2026

𝙎𝙪𝙥𝙤𝙧𝙩𝙖 𝙨𝙖 𝙠𝙖𝙗𝙖𝙩𝙖𝙖𝙣, 𝙨𝙞𝙜𝙪𝙧𝙖𝙙𝙤 𝙖𝙣𝙜 𝙗𝙪𝙠𝙖𝙨.
Naganap po ang 38th Regular Session ng 12th Sangguniang Bayan ng Pandi, kung saan pangunahing tinalakay ang Annual Investment Plan (AIP) at Annual Budget para sa Taong Piskal 2026 ng iba’t ibang Sangguniang Kabataan sa ating bayan.

Kabilang sa mga napag-usapan ang mga AIP at Budget ng SK ng Barangay Real de Cacarong, Bunsuran II, Mapulang Lupa, Cacarong Bata, Sto. Niño, Masagana, at Bagong Barrio, bilang bahagi ng pagsusulong ng mga programang nakatuon sa kapakanan at pag-unlad ng ating mga kabataan.

Sa bawat pagtalakay at pag-apruba, patuloy nating sinisiguro na ang mga plano at pondo ay magagamit nang maayos at makabuluhan para sa kinabukasan ng ating mga kabataang Pandieño.

10/04/2026

𝙆𝙖𝙗𝙖𝙩𝙖𝙖𝙣 𝙖𝙣𝙜 𝙨𝙪𝙨𝙞 𝙨𝙖 𝙥𝙖𝙜-𝙪𝙣𝙡𝙖𝙙.
Sa isinagawang pagtalakay ng Committee on Finance, Budget and Appropriations sa pamumuno ni Igg. Reynaldo DL. Roxas, Jr., matagumpay na naaprubahan sa committee level ang 𝗔𝗻𝗻𝘂𝗮𝗹 𝗜𝗻𝘃𝗲𝘀𝘁𝗺𝗲𝗻𝘁 𝗣𝗹𝗮𝗻 (𝗔𝗜𝗣) 𝗮𝘁 𝗔𝗻𝗻𝘂𝗮𝗹 𝗕𝘂𝗱𝗴𝗲𝘁 𝗽𝗮𝗿𝗮 𝘀𝗮 𝗧𝗮𝗼𝗻𝗴 𝗣𝗶𝘀𝗸𝗮𝗹 𝟮𝟬𝟮𝟲 𝗻𝗴 𝗦𝗮𝗻𝗴𝗴𝘂𝗻𝗶𝗮𝗻𝗴 𝗞𝗮𝗯𝗮𝘁𝗮𝗮𝗻 𝗻𝗴 𝗕𝗮𝗿𝗮𝗻𝗴𝗮𝘆 𝗕𝘂𝗻𝘀𝘂𝗿𝗮𝗻 𝗜𝗜𝗜.

Sa proseso ng deliberasyon, binigyang-diin ang kahalagahan ng mga programang nakatuon sa pagpapaunlad ng kakayahan, partisipasyon, at kapakanan ng kabataan, upang matiyak na ang pondo ay magagamit sa mga proyektong may tunay na epekto sa kanilang nasasakupan.

Ang pag-aprubang ito ay patunay ng patuloy na pagsuporta sa mga inisyatibong magpapalakas sa boses at papel ng kabataan sa paghubog ng mas maunlad na Barangay.

09/04/2026

𝙎𝙚𝙧𝙗𝙞𝙨𝙮𝙤𝙣𝙜 𝙢𝙖𝙮 𝙙𝙞𝙧𝙚𝙠𝙨𝙮𝙤𝙣, 𝙥𝙖𝙧𝙖 𝙨𝙖 𝙢𝙖𝙢𝙖𝙢𝙖𝙮𝙖𝙣.
Sa pagpapatuloy ng mga gawain sa Committee on Finance, Budget and Appropriations sa pamumuno ni Igg. Reynaldo DL. Roxas Jr., isa sa mga napagtuunan ng pansin ay ang 𝗔𝗻𝗻𝘂𝗮𝗹 𝗜𝗻𝘃𝗲𝘀𝘁𝗺𝗲𝗻𝘁 𝗣𝗹𝗮𝗻 (𝗔𝗜𝗣) 𝗮𝘁 𝗔𝗻𝗻𝘂𝗮𝗹 𝗕𝘂𝗱𝗴𝗲𝘁 𝗽𝗮𝗿𝗮 𝘀𝗮 𝗧𝗮𝗼𝗻𝗴 𝗣𝗶𝘀𝗸𝗮𝗹 𝟮𝟬𝟮𝟲 𝗻𝗴 𝗕𝗮𝗿𝗮𝗻𝗴𝗮𝘆 𝗣𝗼𝗯𝗹𝗮𝗰𝗶𝗼𝗻, na matagumpay na naaprubahan sa antas ng komite.

Sa masusing paghimay at talakayan, tiniyak na ang bawat programa at proyekto ay nakaangkla sa tunay na pangangailangan ng komunidad, upang masigurong kapaki-pakinabang at may malinaw na direksyon ang paggamit ng pondo.

Ang hakbang na ito ay sumasalamin sa patuloy na pagsisikap na maitaguyod ang responsableng pamamahala at epektibong serbisyo para sa mga mamamayan ng Barangay Poblacion.

08/04/2026

𝙏𝙖𝙥𝙖𝙣𝙜 𝙣𝙜 𝙠𝙖𝙝𝙖𝙥𝙤𝙣, 𝙡𝙖𝙠𝙖𝙨 𝙣𝙜 𝙠𝙖𝙨𝙖𝙡𝙪𝙠𝙪𝙮𝙖𝙣.

Sa aking mga minamahal na Ka-Pandieño,

Ngayong ating ginugunita ang Araw ng Kagitingan, taos-puso po akong nakikiisa sa buong sambayanan sa pagbibigay-pugay sa kabayanihan at sakripisyo ng ating mga bayani na nag-alay ng kanilang buhay para sa kalayaan at kinabukasan ng ating bansa.

Ang diwa ng kagitingan ay hindi lamang matatagpuan sa mga pahina ng kasaysayan, kundi patuloy na nabubuhay sa bawat Pilipino na nagsusumikap, naglilingkod at nagmamalasakit sa kapwa. Sa ating munting paraan, sa pagtupad ng tungkulin, sa pagtutulungan at sa pagkakaisa, naipagpapatuloy natin ang kanilang iniwang halimbawa.

Bilang inyong Pangalawang Punong Bayan, ako po ay nananatiling katuwang ninyo sa pagsusulong ng mga adhikain na magbibigay ng mas maayos, mas ligtas at mas maunlad na Pandi para sa bawat isa.

Nawa’y magsilbing inspirasyon sa atin ang kagitingan ng ating mga Bayani upang patuloy nating harapin ang hamon ng kasalukuyan nang may tapang, integridad, at malasakit.

𝗠𝗮𝗯𝘂𝗵𝗮𝘆 𝗮𝗻𝗴 𝗔𝗿𝗮𝘄 𝗻𝗴 𝗞𝗮𝗴𝗶𝘁𝗶𝗻𝗴𝗮𝗻! 𝗠𝗮𝗯𝘂𝗵𝗮𝘆 𝗮𝗻𝗴 𝗕𝗮𝘆𝗮𝗻 𝗻𝗴 𝗣𝗮𝗻𝗱𝗶!

08/04/2026

𝙏𝙖𝙢𝙖𝙣𝙜 𝙥𝙡𝙖𝙣𝙤, 𝙩𝙪𝙡𝙤𝙮-𝙩𝙪𝙡𝙤𝙮 𝙣𝙖 𝙥𝙧𝙤𝙜𝙧𝙚𝙨𝙤.
Isa sa mga mahahalagang natalakay sa antas ng komite ay ang 𝗔𝗻𝗻𝘂𝗮𝗹 𝗜𝗻𝘃𝗲𝘀𝘁𝗺𝗲𝗻𝘁 𝗣𝗹𝗮𝗻 (𝗔𝗜𝗣) 𝗮𝘁 𝗔𝗻𝗻𝘂𝗮𝗹 𝗕𝘂𝗱𝗴𝗲𝘁 𝗽𝗮𝗿𝗮 𝘀𝗮 𝗧𝗮𝗼𝗻𝗴 𝗣𝗶𝘀𝗸𝗮𝗹 𝟮𝟬𝟮𝟲 𝗻𝗴 𝗕𝗮𝗿𝗮𝗻𝗴𝗮𝘆 𝗠𝗮𝘀𝘂𝘀𝗼, na matagumpay na nakapasa matapos ang masusing deliberasyon ng Committee on Finance, Budget and Appropriations sa pangunguna ni Igg. Reynaldo DL. Roxas, Jr.

Sa isinagawang pagtalakay, siniguro na ang bawat programa at proyekto ay may malinaw na layunin at direktang makakatulong sa pangangailangan ng mga mamamayan ng Barangay Masuso. Ito ay patunay ng seryosong pagtutok sa wastong paggamit ng pondo at maayos na pagpaplano para sa kapakanan ng komunidad.

Patuloy nating susuportahan ang mga hakbang na magdadala ng mas epektibong serbisyo at pangmatagalang kaunlaran para sa Barangay Masuso.