Vice- Mayor Engr. Cris Castro

08/05/2026

08/05/2026

𝗞𝗔𝗔𝗚𝗔𝗣𝗔𝗬 𝗦𝗔 𝗢𝗥𝗔𝗦 𝗡𝗚 𝗣𝗔𝗚𝗟𝗨𝗟𝗨𝗞𝗦𝗔.
Sa aking pag-iikot kasama si Konsehal Jonjon Antonio, isa na namang pagkakataon ang makiramay at makidalamhati sa ating mga kababayang nawalan ng mahal sa buhay. Sa bawat tahanang aming napuntahan, dama ang bigat ng lungkot, ngunit kasabay nito ang pagnanais na maipadama na may mga taong handang umalalay at makiisa.

Sa simpleng pagdalaw at pag-abot ng munting tulong, hangad naming kahit papaano ay maibsan ang kanilang pinagdaraanan. Hindi man nito mapawi ang sakit ng pagkawala, nawa’y magsilbi itong paalala na hindi sila nag-iisa sa panahong ito.

Patuloy po kaming makikidamay at mananatiling kasama ninyo sa oras ng pangangailangan.

07/05/2026

𝗧𝗜𝗪𝗔𝗟𝗔 𝗡𝗜𝗡𝗬𝗢, 𝗜𝗡𝗦𝗣𝗜𝗥𝗔𝗦𝗬𝗢𝗡 𝗡𝗔𝗠𝗜𝗡.
Maraming salamat po sa ating mga kababayang patuloy na dumadalaw sa ating tanggapan, sa mga naglalaan ng oras upang magbahagi ng kanilang saloobin, magtanong at makipag-ugnayan.

Sa bawat pagbisita ninyo, mas lalo naming nauunawaan ang tunay na kalagayan ng ating Bayan. Ang inyong tiwala at pakikipag-ugnayan ang nagsisilbing inspirasyon upang lalo pa naming pagbutihin ang aming paglilingkod.

Nandito po kami hindi lamang upang maglingkod, kundi upang makinig at maging katuwang ninyo sa bawat hakbang.

Maraming salamat po sa patuloy ninyong pagtitiwala.

06/05/2026

𝗦𝗔 𝗕𝗔𝗪𝗔𝗧 𝗣𝗔𝗦𝗔𝗗𝗔, 𝗠𝗔𝗬 𝗞𝗪𝗘𝗡𝗧𝗢𝗡𝗚 𝗣𝗜𝗡𝗔𝗣𝗔𝗞𝗜𝗡𝗚𝗚𝗔𝗡
Sa ating muling pag-iikot, naglaan tayo ng oras upang kumustahin ang ating mga Ka-TODAng Pandieño, makinig sa kanilang mga kwento, sa hamon ng biyahe at sa araw-araw nilang paghahanapbuhay.

Sa bawat usapan, mas lalo nating nauunawaan ang kanilang pinagdaraanan, mula sa pagtaas ng gastusin hanggang sa paghina ng pasada. Simpleng pangungumusta man, mahalaga na maramdaman nila na may nakikinig at handang umalalay. Patuloy po tayong makikiisa sa paghahanap ng mga paraan upang kahit papaano ay gumaan ang kanilang kalagayan.

Maraming salamat sa inyong sipag at tiyaga, kayo ay mahalagang bahagi ng ating Bayan.

05/05/2026

𝗧𝗨𝗟𝗢𝗬-𝗧𝗨𝗟𝗢𝗬 𝗔𝗡𝗚 𝗔𝗞𝗦𝗬𝗢𝗡, 𝗣𝗔𝗥𝗔 𝗦𝗔 𝗞𝗔𝗣𝗔𝗞𝗔𝗡𝗔𝗡 𝗡𝗚 𝗕𝗔𝗬𝗔𝗡.
Naganap po ang 𝟰𝟮𝗻𝗱 𝗥𝗲𝗴𝘂𝗹𝗮𝗿 𝗦𝗲𝘀𝘀𝗶𝗼𝗻 𝗻𝗴 𝟭𝟮𝘁𝗵 𝗦𝗮𝗻𝗴𝗴𝘂𝗻𝗶𝗮𝗻𝗴 𝗕𝗮𝘆𝗮𝗻 𝗻𝗴 𝗣𝗮𝗻𝗱𝗶, kung saan patuloy nating tinalakay ang mahahalagang usapin at panukalang makatutulong sa kapakanan ng ating mga kababayan. Sa bawat sesyon, pinagtitibay natin ang ating layunin na makapaghatid ng maayos na pamamahala, malinaw na direksyon at serbisyong may malasakit para sa buong Bayan. Ang mga hakbang na ito ay bahagi ng ating patuloy na pagsusumikap na maisulong ang mas maunlad at mas maayos na kinabukasan para sa bawat Pandieño.

03/05/2026

𝙈𝙖𝙥𝙖𝙜𝙥𝙖𝙡𝙖𝙣𝙜 𝙪𝙢𝙖𝙜𝙖 𝙥𝙤, 𝙢𝙜𝙖 𝙆𝙖-𝙋𝙖𝙣𝙙𝙞𝙚𝙣̃𝙤
Ngayong Lunes, Mayo 04, 2026, panibagong linggo na naman ang ating haharapin, nawa’y maging puno ito ng sigla, pag-asa at positibong pananaw sa bawat gawain. Simulan natin ang araw na may determinasyon at malasakit sa isa’t isa.

Ingat po sa pagpasok sa trabaho at sa inyong mga lakad. Nawa’y maging maayos, ligtas at produktibo ang inyong buong Linggo!