25/04/2026
SK NIGHT 2026: Gabi ng Pagkakaisa at Pagbangon
Magandang araw, mga ka-barangay!
Sa gitna ng patuloy na krisis at mga hamon na kinakaharap ng ating komunidad at ng bansa, pinili ng Sangguniang Kabataan na gawing mas makabuluhan ang Gabi ng Kabataan. Isang pagtitipon na hindi lamang nakatuon sa kasiyahan kundi higit sa lahat ay para sa pagtugon sa agarang pangangailangan, kahandaan, at sama samang pagbangon.
Ngayong gabi, ating itatampok ang diwa ng kabataang may malasakit. Kabataang handang makiisa, magbahagi, at umagapay para sa kapakanan ng bawat isa. Kaakibat ng temang Empowering Youth Night, layunin ng programang ito na tumugon sa kasalukuyang hamon ng kahirapan, limitadong oportunidad, at mga pangyayaring nakaapekto sa kabuhayan at kaligtasan ng komunidad.
Tampok sa ating programa ang
โข Pamamahagi ng emergency kits bilang tugon sa isyu ng energy at power interruptions, na may lamang kagamitang tulad ng powerbank at flashlight para sa panahon ng brownout at kakulangan sa kuryente
โข First aid kits para sa agarang pagtugon sa mga emergency at pagpapatibay ng kahandaan ng bawat pamilya
โข NegoSyoKart bilang suporta sa kabuhayan ng kabataan at pamilya na apektado ng pagtaas ng bilihin at limitadong kita
โข Feeding program bilang isang one time assistance ngayong gabi, upang maibahagi ang simpleng pagkain na makatutulong na maibsan ang gutom sa oras ng programa
Bilang paalala na sa kabila ng mga pagsubok ay may kasiyahan at pag-asa, makakasama rin natin si DJ Gio na maghahatid ng musika at kasiyahan bilang simbolo ng pagkakaisa at patuloy na pagbangon ng komunidad.
Paalala
Ang programang ito ay isang cost event. Kaugnay nito, mayroong available na tables and chairs para sa inyong komportableng pagdalo. Ang malilikom ay idadagdag sa mga gagamitin at gastusin ng programa upang mas mapalawak pa ang mga serbisyong maibabahagi sa komunidad. Para sa kumpletong detalye, mangyaring tingnan ang karagdagang impormasyon sa mismong post.
Sa gitna ng krisis, nananatili ang ating paninindigan. Hindi tayo susuko, sa halip tayo ay kikilos, magtutulungan, at sabay sabay na babangon bilang isang matatag na komunidad.
Kaya naman, inaanyayahan po namin ang lahat na makiisa ngayong gabi sa isang pagtitipong puno ng layunin, malasakit, at pag-asa!
