25/03/2026
Kahapon March 24, 2025 ,
Ay nagkaroon ng maikling pag-uusap sa tahanan ni Ma’am Rose Icarangal Davies kaugnay sa pagsasakatuparan ng barangay resolusyon na iniakda ng inyong lingkod, Kapitana Marjorie R. Galvez.
* Ito ay nagbibigay ng pagkilala kay Ma’am Cristina B. Icarangal, na mas kilala ng marami bilang “mami,” bilang indibidwal na nasa likod ng pagkakatatag ng Balian Tricomplex—na kinabibilangan ng mga paaralang VOGMES, Balian INHS, at BCC.
Ilan sa mga mahahalagang napag-usapan ay ang mga sumusunod:
1. Si Ma’am Rose Icarangal Davies at ang kanyang pamilya ay magbibigay ng isang (1) medalya para sa mag-aaral na makapagtatamo ng pinakamataas na marka sa bawat paaralan—VOGMES, Balian INHS, at BCC—tuwing year-end rites. Ang parangal na ito ay tatawaging “Cristina B. Icarangal Academic Awardee.”
2. Ang Comite de Festejo 2025, sa pangunguna ni Ma’am Rose Icarangal Davies, ay magkakaloob ng proyektong Free Flow na nagkakahalaga ng isang daang libong piso (Php 100,000.00) .
Ang proyektong ito ay hiningi Ng inyong lingkod upang makatulong sa ating Komunidad at Paaralan bilang karagdagang mapagkukunan ng tubig ng Barangay Balian.(Ang nasabing free-flow ay itatayo sa BINHS na ikokonekta din sa linya Ng Tubig Ng Balian)
3. Upang matugunan ang kakulangan sa handwashing area sa Paaralang Balian INHS bunsod ng lumalaking bilang ng mga mag-aaral, makikipag-ugnayan sa mga stakeholders at sa samahang Balian USA upang maisakatuparan ang pagpapatayo nito.
4. Upang maging ganap na opisyal ito ay gagawaan ng MOA ng Sangguniang Barangay at pipirma sa isang deed of donation sa paraalang Balian INHS.
Naging bahagi ng plano si Kagawad Alexis Salamatin na may hawak ng kometiba ng edukasyon at si Teacher James Pasco bilang kinatawan ng SPTA at paaralang Balian INHS.
Maraming salamat po, Ma’am Rose Icarangal Davies at sa inyong pamilya, sa patuloy na malaking ambag at suporta sa paaralan at sa buong Barangay Balian.
