17/02/2026
Ang Municipal General Services Office (MGSO), naghatag og kinasingkasing nga pasalamat sa atong mga kugihan nga street sweepers nga nag-alagad matag adlaw gikan 3:00 sa buntag hangtod 10:00 sa buntag aron mapadayon ang kalimpyo ug kahapsay sa atong mga kadalanan. Ang ilang sakripisyo sa sayong kabuntagon tinuod nga inspirasyon sa pag-alagad sa komunidad. ๐งนโจ
Nagpasalamat usab ang opisina sa maayong pagpangulo ni Madam Anita Tan-Arancon, atong Municipal General Services Officer, ug kang Mayor Oliver โNoyโ D. Ceniza sa padayon nga suporta ug pagdasig sa among team. Magkahiusa kami sa pagpaningkamot alang sa mas limpyo ug mas maayong Pantukan.
#๐๐ง๐๐ข๐๐ง๐๐๐๐ฌ๐จ | DALAN SA LUNGSOD SA PANTUKAN KADLAWON PALANG LIMPYO NA! HAYAG NA LIMPYO PA!
Kadlawon pa lamang, limpyo na ang mga kalsada sa lungsod sa Pantukan, Davao de Oro, tungod sa gihimong sayong pagpanilhig sa mga dedikadong sakop sa Lokal nga Panggamhanan (LGU). Sugod alas 3:00 hangtod alas 5:00 sa buntag, ginasiguro sa maong grupo nga makuha ang mga sagbot ug basura sa dalan aron nindot tan-awon ang palibot sa dili pa magsugod ang adlaw-adlaw nga buluhaton sa mga lumulupyo. Ang maong inisyatibo nagpakita sa taas nga matang sa disiplina ug seryosong paningkamot sa lungsod alang sa pagmintinar sa kalimpyo sa ilang komunidad.
Ang maong kalihokan gipangulohan ni Mayor Oliver "Kuya noy" Ceniza uban sa lig-on nga suporta gikan sa Sangguniang Bayan sa Pantukan. Gawas sa paningkamot sa LGU, nagpabilin usab ang hagit ug pahinumdom ngadto sa tanang mga residente nga mahimong responsable sa ilang kaugalingong mga basura. Pinaagi sa saktong pagdumala sa basura sa matag panimalay ug negosyo, mas mapadayon ang kahapsay ug kahinlo sa tibuok lungsod nga mapahimuslan sa tanang katawhan.
SOURCE: LGU Pantukan Official Update / Primera News
