26/06/2026
🛡️ PAALALA PARA SA LAHAT NG MGA MAGULANG, MGA KATUWANG SA KOMUNIDAD, MGA MAG-AARAL, MGA G**O, AT MGA KAWANI 🏫
Bilang bahagi ng patuloy na pangako ng Merville Elementary School (MervES) na mapanatili ang isang ligtas, maayos, at child-friendly na kapaligiran sa paaralan, patuloy nating ipinatutupad at pinaiigting ang ating mga Alituntunin sa Seguridad upang mapangalagaan ang kapakanan ng bawat mag-aaral, g**o, kawani, magulang, at bisita.
Kabilang sa mga ipinatutupad na hakbang ang:
✅ Mahigpit na pamamahala sa pagpasok ng mga bisita;
✅ Pagsasagawa ng kinakailangang inspeksyon sa mga gamit kung kinakailangan;
✅ Mahigpit na pagpapatupad ng mga patakaran ng paaralan; at
✅ Pagtiyak na walang ipinagbabawal na kagamitan o anumang mapanganib na bagay o sangkap na naipapasok sa loob ng paaralan.
Bilang karagdagang hakbang sa pagpapanatili ng kaligtasan, patuloy ding nakikipag-ugnayan ang paaralan sa ating Barangay at iba pang kinauukulang awtoridad upang higit pang mapalakas ang seguridad, lalo na sa oras ng pagpasok at paglabas ng mga mag-aaral. Kabilang dito ang pagpapanatili ng kaayusan sa paligid ng paaralan at pagmamanman sa mga pangunahing daanan upang matiyak ang ligtas na pag-uwi ng ating mga mag-aaral.
Ang kaligtasan ay hindi lamang responsibilidad ng mga nakatalagang security personnel at kawani ng paaralan—ito ay pananagutan ng bawat miyembro ng ating komunidad. Inaanyayahan namin ang lahat na maging mapagmatyag, disiplinado, at aktibong makiisa sa pagpapanatili ng isang ligtas at maayos na kapaligiran sa pagkatuto.
PAALALA SA LAHAT:
✅ Magpakita ng wastong pagkakakilanlan (ID) kung kinakailangan.
✅ Sumunod sa lahat ng alituntunin at patakaran ng paaralan.
✅ Maging mapagmatyag at agad iulat ang anumang kahina-hinalang kilos o sitwasyon.
✅ Makipagtulungan sa mga awtorisadong kawani at security personnel ng paaralan.
Sama-sama nating itaguyod ang isang ligtas, disiplinado, at positibong kapaligiran para sa ating mga mag-aaral.
💙 Kaligtasan ng bawat isa, tagumpay ng buong paaralan.
