ELY DELA CRUZ

27/02/2026

𝐁𝐀𝐑𝐀𝐍𝐆𝐀𝐘 𝐑𝐎𝐒𝐀𝐑𝐈𝐎 | Coordination with Pasig Peace and Order Action Line for Road Clearing Operation

Nakipagpulong tayo sa Pasig Peace and Order Department – Action Line Division para sa mas maayos na koordinasyon kaugnay ng ating Transmitted Request for Road Clearing Operations.

Masusing napag-usapan ang mga hakbang at proseso upang masigurong maayos, patas, at organisado ang implementasyon ng clearing operations sa ating barangay.

Saklaw ng operasyon ang kahabaan ng Dr. Sixto Antonio Avenue, Rosario Boulevard, at Westbank Floodway. Layunin nito na mapanatili ang kaayusan, kaligtasan, at mas maayos na daloy ng trapiko sa ating mga pangunahing kalsada.

Bilang Punong Barangay, mahalaga sa akin na ang bawat hakbang ay dumaan sa tamang proseso at koordinasyon para sa kapakanan ng lahat.

Mangyaring abangan ang susunod na anunsyo para sa schedule ng operasyon matapos ang assessment at planning.

Maraming salamat po sa inyong pakikiisa. 💚🤝

27/02/2026

𝐁𝐀𝐑𝐀𝐍𝐆𝐀𝐘 𝐑𝐎𝐒𝐀𝐑𝐈𝐎 | Public Service Update

Ngayong February 23, 2026, nagsagawa ng flushing operation ang Fire and Rescue Team FT17 sa dumping sites ng Purok 2 at Purok 3 dito sa Barangay Rosario. 🚒
Malaking tulong ang ganitong operasyon para mapanatiling maayos, malinis, at ligtas ang ating komunidad.

Maraming salamat sa Fire and Rescue Team FT17 sa mabilis at maaasahang serbisyo. 💚

27/02/2026

MAGANDANG ARAW!!
PANOORIN: ✨ FEBRUARY 2026 HIGHLIGHTS! ✨
heto ang ilan sa mga programa, proyekto, at aktibidad na matagumpay nating naisakatuparan! 💙
Patuloy po tayong kumikilos para sa mas maunlad, at mas maayos dahil ang tunay na serbisyo ay tapat, bukas, at para sa lahat. 🙏💚
Maraming salamat sa walang sawang tiwala at suporta.

27/02/2026

𝐁𝐀𝐑𝐀𝐍𝐆𝐀𝐘 𝐑𝐎𝐒𝐀𝐑𝐈𝐎 | APEC Students Community Program Proposal

Nagpresenta ng kanilang mga proposed community programs ang mga mag-aaral mula sa APEC Schools kina Kagawad Karen Cruz, Kagawad Benny Antonio, at SK Chairman Tyrone Jethro Monakil ngayong araw.

Ilan sa kanilang mga mungkahi ay nakatuon sa pagpapalakas ng youth engagement, community service, at mga proyektong makakatulong sa ating barangay.

Nananatiling bukas ang tanggapan ng Barangay Rosario sa mga ganitong inisyatibo na humuhubog sa kakayahan sa serbisyo at leadership ng ating mga kabataan.

Hinihikayat natin ang mas marami pang kabataan na makilahok at makiisa para sa patuloy na pag-unlad ng ating komunidad.

Maraming salamat, APEC Students! 🤝💚

26/02/2026

𝐁𝐀𝐑𝐀𝐍𝐆𝐀𝐘 𝐑𝐎𝐒𝐀𝐑𝐈𝐎 | Pasig City BFP Courtesy Visit

Ngayong umaga, malugod naming pinaunlakan ang Courtesy Visit ng Bureau of Fire Protection – Pasig City, sa pangunguna ng ating Punong Barangay Kap. Ely Dela Cruz, Sr., kasama si Kagawad Benny Antonio.

Kinatawan ni SFO4 Jaifer M. Talampas ang kanilang tanggapan at nakipag-ugnayan sa atin upang talakayin ang mga estratehiya bilang paghahanda sa nalalapit na Fire Prevention Month ngayong Marso.

Bilang komunidad, mahalagang tayo ay maging handa at mapagmatyag. Pinapaalalahanan ang lahat na siguraduhing fire-safe ang ating mga tahanan at kapaligiran.

Barangay Rosario, makiisa po tayo sa darating na Fire Prevention Campaign. Inaasahan ang pagsisimula ng mga aktibidad sa mga susunod na araw.

Manatiling ligtas, Rosario! 🔥🤝

26/02/2026

𝐁𝐀𝐑𝐀𝐍𝐆𝐀𝐘 𝐑𝐎𝐒𝐀𝐑𝐈𝐎 | Community Partnership

Masaya akong ibahagi na may ilan pang mga mag-aaral mula sa Pamantasan ng Lungsod ng Pasig (PLP) ang bumisita at nakipag-ugnayan sa Barangay Rosario Government para sa kanilang community immersion under NSTP-CWTS.

Sa kanilang pagbisita, inilatag nila ang kanilang mga planong pangkalikasan at mga adbokasiya na nakatuon sa pangangalaga ng ating kapaligiran dito sa Barangay Rosario. 🌱

Maraming salamat, PLP students, sa inyong malasakit at hangaring makapag-ambag sa pag-unlad ng ating bayan. Tuloy-tuloy lang ang pagtutulungan! 🤝💚

23/02/2026

𝐁𝐀𝐑𝐀𝐍𝐆𝐀𝐘 𝐑𝐎𝐒𝐀𝐑𝐈𝐎 | Courtesy Visit & Oath-Taking of Foundation of St. Joseph the Worker Officers

Ngayong February 20, 2026, pormal na nanumpa sa tungkulin ang mga bagong officers ng Foundation of St. Joseph the Worker.

Ang Barangay Rosario Government ay kaisa ninyo sa pagsusulong ng mga programang makatutulong sa ating mga ka-barangay. Bukas ang aming tanggapan para sa patuloy na koordinasyon at mas matibay na pagtutulungan.

Pagbati po sa inyong panunungkulan bilang ganap na officers. Nawa’y maging matagumpay ang bawat adhikain ng inyong foundation para sa ikabubuti ng ating komunidad. 💚

23/02/2026

𝐁𝐀𝐑𝐀𝐍𝐆𝐀𝐘 𝐑𝐎𝐒𝐀𝐑𝐈𝐎 | Barangay Council Executive Session

Noong February 18, 2026, pormal kaming nagtipon para sa isang Executive Session ng Barangay Rosario Council.

Kasama ang ating mga Kagawad ng Sangguniang Barangay, Secretary, Treasurer, at SK Chairman, tinalakay namin ang mga mahahalagang agenda na nakatuon sa kapakanan at patuloy na pag-unlad ng ating komunidad. 📑

Mahalaga na maayos, malinaw, at may direksyon ang bawat hakbang ng ating pamahalaang barangay para sa mas epektibong serbisyo sa ating mga ka-barangay.

Tuloy-tuloy lang tayo sa pagtatrabaho para sa Barangay Rosario. 💚🤝

23/02/2026

𝐁𝐀𝐑𝐀𝐍𝐆𝐀𝐘 𝐑𝐎𝐒𝐀𝐑𝐈𝐎 | Holy Mass for Ash Wednesday

Noong Feb 18, sama-sama tayong nagkaroon ng Holy Mass bilang paggunita sa Ash Wednesday—isang solemn na umaga ng panalangin at pagninilay.

Bilang Punong Barangay, dalangin ko na magsilbi itong panahon ng kataimtiman, pagpapakumbaba, at paglapit sa Panginoon para sa ating lahat.

Nawa’y patuloy na pagpalain ang ating Barangay Rosario at ang bawat pamilya sa ating komunidad. 🙏💚

23/02/2026

𝐁𝐀𝐑𝐀𝐍𝐆𝐀𝐘 𝐑𝐎𝐒𝐀𝐑𝐈𝐎 | Oplan Kaayusan (OK) sa Rosario

Nakiisa tayo sa Oplan Kaayusan (OK) na isinagawa sa Barrio Masikip, Jenny’s Ave., kasama si Mayor Vico Sotto, Coun. Angelu de Leon, at iba’t ibang departments ng Pasig LGU.

Ang ating Barangay Council, personal din tayong nag-ikot sa area at nakipag-usap sa mga residente para masiguro ang kaayusan at agarang matugunan ang mga concerns sa ating lugar. 🤝

Ang Oplan Kaayusan ay hindi lang simpleng pagbisita—ito ay direktang pakikipag-ugnayan sa komunidad para maihatid ang immediate assistance at mas mapalakas ang ugnayan ng pamahalaan at mamamayan.

Para sa akin, ang tunay na serbisyo-publiko ay hindi lang ginagawa sa loob ng opisina—kundi sa mismong komunidad, kasama ang mga tao.

Maraming salamat sa lahat ng ka-barangay na nakiisa at tumulong. Tuloy-tuloy lang tayo sa pag-aayos at pagpapabuti ng Barangay Rosario. 💚❤️

20/02/2026

𝐀𝐃𝐕𝐈𝐒𝐎𝐑𝐘 | 𝐖𝐚𝐭𝐞𝐫 𝐈𝐧𝐭𝐞𝐫𝐫𝐮𝐩𝐭𝐢𝐨𝐧 - 𝐌𝐚𝐧𝐢𝐥𝐚 𝐖𝐚𝐭𝐞𝐫 𝐌𝐚𝐢𝐧𝐭𝐞𝐧𝐚𝐧𝐜𝐞

Date: Simula bukas, February 20, 2026 (FRIDAY) hanggang February 21, 2026 (SATURDAY)
Time: 10:00 PM to 4:00 AM
Location: In front of Caltex along Amang Rodriguez

May inaasahan pong water service interruption sa area bukas, bunsod ng maintenance activity (step testing) ng Manila Water. Maraming salamat po sa inyong pang-unawa, mga ka-barangay!

20/02/2026