03/09/2026
PRESS RELEASE
September 1, 2026
PROVINCIAL TOP 9 MOST WANTED PERSON SA KASONG R**E, NADAKPAN SA BISLIG COMPONENT CITY POLICE STATION
BISLIG CITY, SURIGAO DEL SUR — Malampusong nadakpan sa Bislig Component City Police Station (BCCPS) ubos sa pag dumala ni PCPT NICOLE B. POSTRANO, ang usa ka Provincial Top 9 Most Wanted Person sa Surigao del Sur nga giakusahan sa krimen nga R**e, atol sa usa ka targeted manhunt operation niadtong August 31, 2026, sa Purok-1, Barangay Burboanan, Bislig City.
Ang suspek giila lamang sa alyas “Juls,” minyo, usa ka building guard sa LGU-Bislig, ug residente sa Purok-1, Barangay Burboanan, Bislig City.
Si alyas “Juls” nadakpan mga alas 4:00 sa hapon pinaagi sa bisa sa Warrant of Arrest alang sa kaso nga R**e, diin walay piyansa nga girekomendar. Ang maong warrant gi-isyu niadtong June 10, 2026, sa Acting Presiding Judge sa Regional Trial Court in Cities, Branch 29, 11th Judicial Region, Bislig City.
Ang operasyon gipangulohan sa mga personnel sa Bislig Component City Police Station, uban sa suporta sa Regional Intelligence Unit 13 – Provincial Intelligence Task Force Surigao del Sur (RIU13 PIT-SDS) ug personnel sa 1301st Mobile Company, Regional Mobile Force Battalion 13 (RMFB 13).
Ang pagdakop nahimo base sa nakolekta ug napamatud-ang impormasyon pinaagi sa target intelligence packet, nga gigamit isip giya sa operating team sa ilang pagpangita ug pagsubay sa wanted person.
Atol sa pagpatuman sa warrant, hugot nga gisunod sa mga operating personnel ang legal nga mga pamaagi. Gipahibalo ang suspek sa iyang constitutional rights ubos sa Miranda Doctrine, lakip ang Anti-Torture Warning, aron maseguro ang hustong pagtratar ug pagrespeto sa iyang mga katungod.
Human sa pagdakop, ang suspek gidala ngadto sa Bislig Component City Police Station alang sa hustong booking procedure, medical evaluation, ug custodial processing, samtang gihulat ang iyang hustong turnover ngadto sa nag-isyu nga korte.
Gipahayag ni PCPT NICOLE B. POSTRANO, Officer-in-Charge (OIC), Bislig Component City Police Station, ang iyang pagdayeg sa mga personnel nga nalambigit sa operasyon tungod sa ilang kakugi ug determinasyon sa pagsubay ug pagdakop sa mga wanted persons.
“Ang malampusong pagdakop sa maong wanted person nagpakita sa padayon nga paningkamot sa Bislig Component City Police Station sa pagpatuman sa balaod ug pagsiguro sa kaluwasan sa atong komunidad. Ang atong kapulisan magpadayon sa pagpalig-on sa atong manhunt operations batok sa mga wanted persons aron mapanalipdan ang katawhan ug mapadayon ang kalinaw ug kahapsay sa Bislig City,” matud ni PCPT NICOLE B. POSTRANO.
Ang Bislig Component City Police Station nagpahinumdom sa publiko nga ang kooperasyon sa komunidad importante sa pagpakigbatok sa krimen. Gidasig ang mga residente nga motabang pinaagi sa paghatag og tukmang impormasyon ngadto sa kapulisan bahin sa presensya o lihok sa mga wanted persons sa ilang lugar.
Ang Bislig Component City Police Station (BCCPS) magpadayon sa walay hunong nga pagpatuman sa mga balaod ug manhunt operations batok sa mga kriminal ug wanted persons aron masiguro ang usa ka luwas, malinawon, ug hapsay nga komunidad alang sa tanang Bisliganon.
