Pambansang Kaisahan ng Makabayang Magbubukid

10/08/2026

𝐋𝐔𝐁𝐎𝐆 𝐒𝐀 𝐊𝐀𝐏𝐀𝐁𝐀𝐘𝐀𝐀𝐍 𝐀𝐓 𝐊𝐀𝐓𝐀𝐊𝐒𝐈𝐋𝐀𝐍 𝐍𝐆 𝐏𝐀𝐌𝐀𝐇𝐀𝐋𝐀𝐀𝐍

Sa tuwing humahagupit ang bagyo, kabilang ang mga mangingisda at maralitang komunidad sa pinaka bulnerable, nilulubog at winawasak ang tirahan at kabuhayan.

Ngunit hindi lamang bagyo ang dahilan.

Mas pinalalala ng mga proyektong tulad ng reklamasyon ang panganib sa mga komunidad na nasa baybayin. Binabago ang daluyan ng tubig, sinisira ang likas na proteksyon ng baybayin, at inilalagay sa higit na panganib ang tirahan at kabuhayan ng mga umaasa sa dagat.

Ngayon, habang maraming bayan ang lubog sa baha, hindi maaaring isisi lahat sa lakas ng bagyo. Ang paulit-ulit na pagkalubog ng mga komunidad ay sumasalamin sa kapabayaan ng pamahalaan na tiyaking ligtas ang mamamayan at mapangalagaan ang kanilang kabuhayan.

Hindi kalamidad ang dapat maging normal.
Hindi pagkawasak ang dapat tanggapin ng mamamayan.
Sa bawat pamilyang nawawalan ng tahanan, sa bawat mangingisdang nawawalan ng kabuhayan, at sa bawat komunidad na muling nilulubog ng baha

Itigil ang mga proyektong nagpapalala sa panganib!
Protektahan ang mangingisda at mga komunidad sa baybayin!
Panagutin ang pamahalaan sa kapabayaan at pagtaksil sa mamamayan.

21/07/2026

[FB LIVE Coverage]
ＩＩＳＡＮＧ ＢＵＢＯＮＧ ＴＡＹＯ!
𝙄𝙗𝙖-𝙞𝙗𝙖 𝙥𝙚𝙧𝙤 𝙞𝙞𝙨𝙖
Sa gitna ng lumalalang krisis sa pabahay at tinatayang 8.2 milyong kakulangan sa yunit ng pabahay sa bansa, mahalagang maiparinig ang tinig ng mga maralita, manggagawa, mangingisda at iba pang sektor na patuloy na naninindigan para sa sapat at ligtas na pampublikong pabahay.
Tatalakayin sa briefing ang mga layunin ng kampanya at ang serye ng mga aktibidad na magtatapos sa paggunita ng World Habitat Day 2026.
Samahan ninyo kami. Tulungan nating maihatid sa mas maraming mamamayan ang panawagan para sa karapatan sa sapat na pampublikong pabahay!

[FB LIVE Coverage]
ＩＩＳＡＮＧ ＢＵＢＯＮＧ ＴＡＹＯ!
𝙄𝙗𝙖-𝙞𝙗𝙖 𝙥𝙚𝙧𝙤 𝙞𝙞𝙨𝙖

Sa gitna ng lumalalang krisis sa pabahay at tinatayang 8.2 milyong kakulangan sa yunit ng pabahay sa bansa, mahalagang maiparinig ang tinig ng mga maralita, manggagawa, mangingisda at iba pang sektor na patuloy na naninindigan para sa sapat at ligtas na pampublikong pabahay.

Tatalakayin sa briefing ang mga layunin ng kampanya at ang serye ng mga aktibidad na magtatapos sa paggunita ng World Habitat Day 2026.

Samahan ninyo kami. Tulungan nating maihatid sa mas maraming mamamayan ang panawagan para sa karapatan sa sapat na pampublikong pabahay!

08/06/2026

𝐌𝐀𝐌𝐀𝐌𝐀𝐘𝐀𝐍, 𝐊𝐔𝐌𝐈𝐋𝐎𝐒 𝐀𝐓 𝐋𝐔𝐌𝐀𝐘𝐀
𝐌𝐔𝐋𝐀 𝐒𝐀 𝐊𝐎𝐍𝐓𝐑𝐎𝐋 𝐍𝐆 𝐈𝐌𝐏𝐄𝐑𝐘𝐀𝐋𝐈𝐒𝐌𝐎, 𝐊𝐑𝐈𝐒𝐈𝐒, 𝐊𝐎𝐑𝐔𝐏𝐒𝐘𝐎𝐍
𝐀𝐓 𝐊𝐀𝐏𝐀𝐁𝐀𝐘𝐀𝐀𝐍 𝐍𝐆 𝐆𝐔𝐁𝐘𝐄𝐑𝐍𝐎!

Sa Araw ng Kasarinlan, Hunyo 12, muling ibabalot ng estado ang sarili sa pambansang watawat, at magpupukol ng mga hungkag na talumpati tungkol sa kalayaan. Para sa masang Pilipino, ang selebrasyong ito ay nagaganap sa gitna ng di maikubling katotohanan. Ang tunay na kasarinlan ay hindi mararamdaman sa isang bayang bihag ng krisis sa ekonomiya, korupsyon, sirkus ng mga dinastiya, at lantarang pagbebenta ng soberanya sa mga dayuhang imperyalistang kapangyarihan.

𝐒𝐚 𝐇𝐮𝐧𝐲𝐨 𝟏𝟐, 𝐦𝐚𝐠𝐤𝐢𝐭𝐚-𝐤𝐢𝐭𝐚 𝐭𝐚𝐲𝐨 𝐬𝐚 𝐦𝐠𝐚 𝐥𝐚𝐧𝐬𝐚𝐧𝐠𝐚𝐧 𝐚𝐭 𝐭𝐚𝐥𝐚𝐤𝐚𝐲𝐚𝐧 𝐩𝐚𝐫𝐚 𝐢𝐛𝐚𝐧𝐝𝐞𝐫𝐚 𝐚𝐧𝐠 𝐭𝐮𝐧𝐚𝐲 𝐧𝐚 𝐤𝐚𝐡𝐮𝐥𝐮𝐠𝐚𝐧 𝐚𝐭 𝐧𝐚𝐢𝐬 𝐧𝐠 𝐦𝐚𝐦𝐚𝐦𝐚𝐲𝐚𝐧𝐠 𝐤𝐚𝐥𝐚𝐲𝐚𝐚𝐧!

08/06/2026

🌾✊ NAKIKIISA ANG PKMM SA PANAWAGAN PARA SA TUNAY NA REPORMANG AGRARYO

Sa isinagawang press conference kaugnay ng kampuhan ng mahigit 500 magsasaka sa harap ng Department of Agrarian Reform (DAR), binigyang-diin ni Ka Jhun ng Pambansang Kaisahan ng Makabayang Magbubukid sa Pilipinas (PKMM) ang matagal nang panawagan ng mga magsasaka para sa lupa, hustisya, at disenteng kabuhayan.

Sa ika-38 taon ng CARP, nananatiling lupang walang magsasaka at magsasakang walang lupa ang realidad sa kanayunan. Habang nagpapatuloy ang pangangamkam ng lupa, land conversion, at paglabag sa karapatan ng mga benepisyaryo ng repormang agraryo, patuloy ding lumalala ang krisis sa pagkain at kahirapan sa kanayunan.

Nakikiisa ang PKMM sa panawagang agarang resolbahin ang mga nakabinbing kasong agraryo, ipamahagi ang natitirang mga lupang agrikultural, at tiyakin ang sapat na suporta sa mga magsasaka upang maging produktibo at sustenable ang kanilang pagsasaka.

Lupa para sa nagbubungkal! Ipaglaban ang tunay na repormang agraryo!

30/05/2026

26/05/2026

𝗣𝗔𝗛𝗔𝗬𝗔𝗚
𝗔𝗥𝗔𝗪 𝗡𝗚 𝗠𝗔𝗡𝗚𝗜𝗡𝗚𝗜𝗦𝗗𝗔

Sumama at Lumahok:
Mayo 29, 2026 sa Paggunita sa Araw ng Mangingisda:
• Manila Bay: 7:00 AM, March-protest sa Mendiola Bridge, Manila.
• Zambales: 8:00–10:00 AM, Fluvial protest sa Masinloc;
• Sarangani Bay: 7:00-9:00AM, Banner drop and program
• Illana Bay: 7:00 AM, Banner drop, Marine Sanctuary; 9:00–11:00
AM Indoor activity.
• Metro Cebu: 7:00–9:00 AM, Banner drop and program
• Lamon Bay: Fluvial protest, 7:30 AM, Tignoan to Ungos Port.
• Tayabas Bay: 7:00-9:00 AM Talao-Talao to Dalahican fishport;
banner drop and program

𝗔𝗻𝗴 𝗣𝗮𝗻𝗴𝗶𝘀𝗱𝗮𝗮𝗻 𝗮𝘆 𝗣𝗮𝗿𝗮 𝘀𝗮 𝗧𝗮𝗼, 𝗛𝗶𝗻𝗱𝗶 𝘀𝗮 𝗠𝗮𝗹𝗮𝗹𝗮𝗸𝗶𝗻𝗴 𝗡𝗲𝗴𝗼𝘀𝘆𝗼 𝗮𝘁 𝗞𝗼𝗿𝗽𝗼𝗿𝗮𝘀𝘆𝗼𝗻!

28/04/2026

𝙎𝙖 𝙈𝙖𝙮𝙤 𝙐𝙣𝙤, 𝙋𝙖𝙣𝙙𝙖𝙞𝙜𝙙𝙞𝙜𝙖𝙣𝙜 𝘼𝙧𝙖𝙬 𝙣𝙜 𝙋𝙖𝙜𝙜𝙖𝙬𝙖,
𝙎𝙪𝙢𝙖𝙢𝙖 𝙨𝙖 𝙋𝙖𝙜𝙠𝙞𝙡𝙤𝙨!

Ipapamalas ang nagkakaisang paglaban ng mga manggagawa, lahat ng masang anakpawis at mamamayang inaapi at pinagsasamantalahan sa buong mundo sa tambalang krisis at gerang kagagawan at pakana ng numero unong terorista sa mundo-- ang imperyalismong US.

𝖬𝖺𝗇𝗀𝗀𝖺𝗀𝖺𝗐𝖺 𝖺𝗍 𝖬𝖺𝗆𝖺𝗆𝖺𝗒𝖺𝗇, 𝖬𝖺𝗀𝗄𝖺𝗂𝗌𝖺! 𝖳𝗎𝗍𝗎𝗅𝖺𝗇 𝖺𝗇𝗀 𝖦𝖾𝗋𝖺 𝗇𝗀 𝖴𝖲 𝗌𝖺 𝖨𝗋𝖺𝗇! 𝖦𝗎𝖻𝗒𝖾𝗋𝗇𝗈’𝗒 𝖯𝖺𝗇𝖺𝗀𝗎𝗍𝗂𝗇 𝗌𝖺 𝖪𝗈𝗋𝖺𝗉𝗌𝗒𝗈𝗇 𝖺𝗍 𝖪𝖺𝗉𝖺𝖻𝖺𝗒𝖺𝖺𝗇 𝗌𝖺 𝖡𝖺𝗒𝖺𝗇!

18/04/2026

Peasant Conversation sa Pandaigdigang Araw ng Pakikibaka ng mga Magsasaka

Quezon City — Kahapon Abril 17, nagtipon ang mga lider-magsasaka, mangingisda, katutubo, manggagawa, kababaihan, kabataan, at iba pang progresibong pwersa sa “Peasant Conversation: Bridging Calls of the Past with the Struggles of the Present” bilang militanteng paggunita sa Pandaigdigang Araw ng Pakikibaka ng mga Magsasaka.

Ginugunita ng araw na ito ang masaker sa Eldorado do Carajás sa Brazil, kung saan brutal na pinaslang ang 21 magsasakang walang lupa noong 1996 habang ipinaglalaban ang tunay na repormang agraryo. Hanggang ngayon, nananatiling buhay ang kanilang laban—isang pakikibakang patuloy na dinadala ng milyun-milyong magsasaka, mangingisda, at manggagawang agrikultural sa buong mundo para sa lupa, pagkain, at dignidad.

Pinangunahan ang aktibidad ng PANGISDA-Pilipinas, PKMM, at Kilusan para sa Pambansang Demokrasya (KILUSAN), kasama ang KAISA KA, LUPA, Focus on the Global South, LILAK, Youth for Nationalism and Democracy (YND), STEP GEN, mga kinatawan ng akademya, SINAG, at iba pang lider-magsasaka at kaalyado upang higit pang patatagin ang laban para sa soberanya sa pagkain.

Mariing tinuligsa sa talakayan ang patuloy na pang-aagaw ng lupa, sapilitang pagpapalayas, at lumalalang kagutuman sa kanayunan. Sa gitna ng walang tigil na pagtaas ng presyo ng langis at abono, at sa harap ng pandaigdigang krisis, lalo pang ibinabaon sa kahirapan ang mga magsasaka at mangingisda. Sa kabila ng mga batas na diumano’y para sa reporma, nananatiling kontrolado ng malalaking korporasyon at dayuhang interes ang sistema ng pagkain—isang malinaw na patunay ng malubhang kawalan ng hustisya sa kanayunan.

Itinampok din ang mga kaso ng paglabag sa karapatang pantao at ang sistematikong pagsasantabi sa mga magsasaka, kasabay ng pagpapatibay ng pagkakaisa ng iba’t ibang sektor upang labanan ang pang-aapi at pagsasamantala.

Iginiit ng Peoples Food Sovereignty PH na ang tunay na solusyon ay ang pagpapatupad ng tunay na repormang agraryo, pagsusulong ng agroekolohiya, at pagkamit ng ganap na soberanya sa pagkain. Ang pakikibaka ng mga magsasaka sa Brazil tatlong dekada na ang nakalipas ay malinaw na sumasalamin sa patuloy na laban ng mga magsasaka at mangingisda sa Pilipinas sa kasalukuyan.

“Ang dugong dumanak sa Eldorado do Carajás ay hindi lamang alaala—ito ay panawagan para sa tuloy-tuloy na paglaban. Sa Pilipinas, hindi titigil ang mga magsasaka at kababaihan sa kanayunan sa pagharap sa pang-aagaw ng lupa at imperyalistang kontrol sa sistema ng pagkain. Ang ating pagkakaisa ang ating pinakamalakas na sandata,” pahayag ng Peoples Food Sovereignty PH.