Mujiv S. Hataman

Home
Philippines
Quezon City
Mujiv S. Hataman

Governor of Basilan Province. Proud Moro, Proud Basileño
(1)

29/05/2026

Congratulations!

Isang Basileño ang mag-uuwi ng gold medal para sa Basilan at Bangsamoro sa Palarong Pambansa na kasalukuyang idinaraos sa Agusan Del Sur.

Buong lalawigan ay proud sayo Al Ghamidie J. Hamja sa iyong tagumpay bilang Gold Medalist sa Pencak Silat – Tanding (Class E) bilang kinatawan ng BARMM mula Basilan.

Ang iyong dedikasyon at husay ay inspirasyon sa ating mga kabataan at malaking karangalan para sa Basilan.

27/05/2026

EID'L ADHA MESSAGE

Assalamu alaikum Warahmatullahi Wabarakatuh

Sa araw na ito, nagkakaisa tayo sa paggunita sa dakilang sakripisyo, katapatan, at walang pag-aalinlangang pagsunod ni Propeta Ibrahim kay Allah (SWT). Ito ay isang paalala na ang tunay na pananampalataya ay nasusukat hindi lamang sa salita, kundi sa lalim ng ating kahandaang mag-alay ng sarili para sa mas mataas na layunin—para sa Kanya, sa ating pamilya, at sa kapakanan ng ating kapwa.

Ang Eid’l Adha ay hindi lamang panahon ng pagdiriwang; ito ay isang paalala na handa tayong magsakripisyo na maging instrumento ng kapayapaan at pagkakaisa. Sa kabila ng mga pagsubok na ating kinakaharap, ang diwa ng pagpapakasakit at pagbabahagi ng biyaya sa mga nangangailangan ang siyang nagpapatatag sa ating komunidad.

Nawa’y ang pagpapalang dulot ng araw na ito ay magdala ng higit pang pag-unawa, pagmamahalan, at katarungan sa ating lalawigan at sa buong bansa. Sama-sama nating itaguyod ang isang lipunang may malasakit at pagkilala sa dignidad ng bawat tao.

Muli, mula sa aking pamilya, isang tapat at maligayang Eid Mubarak sa inyong lahat!

26/05/2026

Eid Mubarak sa inyo at sa inyong mga mahal sa buhay! Nawa’y maging paalala ang Eid na ito ng kahalagahan ng pagtutulungan, sakripisyo, at pagmamahal sa kapwa.

25/05/2026

Magsama-sama tayo sa darating na Salatul Eid’l Adha—isang pagtitipon ng panalangin,sakripisyo, pasasalamat, at pagkakaisa ng ating pananampalataya.

Magkita-kita tayo ngayong Mayo 27, 2026 (Miyerkules), alas-6:30 ng umaga sa Isabela City Grandstand.

Karangalan nating makasama sa banal na pagtitipong ito sina Dr. Aboulkhair S. Tarason (President, Basilan Ulama Supreme Council) bilang Imam, at Dr. Abunnapis O. Abdulmajid, SCL (Commissioner, NCMF) naman bilang ating Khatib.

Magkita-kita tayo roon para sa isang mapayapa at makasaysayang pagdiriwang. Insha Allah

19/05/2026

OPISYAL NA PAHAYAG NI GOV. MUJIV HATAMAN UKOL SA KASALUKUYANG SITWASYON SA BARMM

Bismilllah

Assalamu Alaikum warah matullahi taala wa barakatu

Hindi natin maikakaila na nitong mga huling araw, nakatutok ang pansin ng lahat sa mga naglalabasang balita at ulat hinggil sa sitwasyon ngayon sa BARMM. Sa kabila ng mga ingay, ng mga espekulasyon, at ng mga nagbabadyang tensiyon, ang ating mariing panawagan sa lahat: maging mahinahon tayo. Iwasan nating dumagdag sa kung mayroon mang umiiral na di pagkakaunawaan.

Lahat tayo, bilang bahagi ng Bangsamoro, ay may sagradong tungkulin na protektahan ang BARMM. Hindi lamang ito bilang isang pisikal na institusyon o estruktura ng gobyerno. Ang BARMM ay monumento ng ating kasaysayan at produkto ng mahabang dekada ng pakikipaglaban ng ating mga mujahideen. Ito ay dinilig ng dugo, pawis, at buhay ng mga nag-alay ng sarili para sa ating kalayaan, at binuhat ng walang-sawang suporta at panalangin ng buong sambayanang Moro. Ang kapayapaang hawak natin ngayon ay hindi regalo—ito ay ipinaglaban.

Kaya naman, hindi natin dapat pahintulutan na ang ating mga pinagsumikapan ay maapektuhan ng mga panandaliang usapin o mga hidwaan na maaari namang pag-usapan. Ang kasalukuyang mga usapin sa pamamahala at transisyon ay hindi dapat maging dahilan upang tayo ay magkawatak-watak. Dapat natin itong harapin nang may katwiran, hustisya, at pagkakaisa.

Ipakita natin sa buong bansa at sa buong mundo na ang Bangsamoro ay may sapat na integridad, at may kakayahang mamahala nang may prinsipyo at mataas na pagpapahalaga sa kapayapaan. Magtulungan tayo upang masiguro na ang ating mga proseso ay magiging malinis, tapat, at mapayapa. Manatili tayong mapagmatyag, ngunit laging mahinahon.

Higit sa lahat, manatili tayong nagkakaisa. Anumang unos ang dumarating sa atin ngayon, basta’t tapat tayo sa tunay na diwa ng pakikibaka para sa kabutihan ng Bangsamoro, sama-sama nating mapagtatagumpayan ito.

18/05/2026

Alhamdulillah. Ngayong araw, nagtipon-tipon tayo sa Raayat Hall para sa Pagsulut duk Pagduwa'a. Masaya kong ibinabalita na pormal nating naayos ang sigalot sa pagitan ng apat na grupo ng ating mga Commander mula sa Bancuang, Bohebaka, Banah, at Bohelebbeng.

Nilagdaan na nila ang Amicable Settlement Agreement. Ang kapayapaang ito ay hindi lang para sa atin ngayon—para ito sa kinabukasan ng ating mga anak at ng buong Raayat.

Magsama-sama tayo para sa pangmatagalang kapayapaan sa Basilan.

15/05/2026

Dinaluhan natin ang turnover at distribution ng 375 heavy duty cooler boxes para sa mahigit 60 fisher folks associations sa Basilan.

Sa tulong ng Japan Embassy, FAO, at MAFAR Basilan sa pamumuno ni Provincial Director Hanie Junuban, patuloy nating pinapalakas ang kabuhayan ng ating mga mangingisdang Basileño. Kasama din natin sa naturang turnover si Lamitan City Mayor Oric Furigay.

Maraming salamat kina First Secretary Hidenori Akasaka, FAO Representative Lionel Dabbadie, at sa lahat ng partner agencies at LGUs na katuwang natin para mas mapaunlad ang sektor ng pangisdaan sa Basilan.

13/05/2026

Maligayang kaarawan kay Sec. Mar Roxas —isang mabuting kaibigan at tunay na lingkod-bayan. Maraming salamat sa inyong patuloy na malasakit at dedikasyon sa serbisyo publiko.

Wishing you good health, happiness, at marami pang birthdays na puno ng biyaya. Happy Birthday, Sec. Mar!

08/05/2026

Taos-pusong pagbati kay Dr. Abunnapis O. Abdulmajid, SCL sa kanyang pagkakatalaga bilang Commissioner ng National Commission on Muslim Filipinos (NCMF).

Nawa’y maging matagumpay ang inyong panunungkulan sa pagsusulong ng kapakanan ng Muslim Filipinos, ng Bangsamoro community, at ng mas malawak na Ummah.

Ikinagagalak din ng marami nating kababayan sa Basilan ang pagkakaroon ng isang Basileño na maglilingkod sa mahalagang tungkuling ito.

Nawa’y magpatuloy ang inyong dedikasyon at malasakit sa serbisyo publiko.

Address

Room 310, South Wing Annex Bldg. House Of Representatives, Batasan Hills
Quezon City
1126

Website

http://mujivhataman.org/

Alerts

Be the first to know and let us send you an email when Mujiv S. Hataman posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mujiv S. Hataman:

Shortcuts

Want your organization to be the top-listed Government Service in Quezon City?