13/05/2026
MAGANDANG BALITA! PASADO NA SA 2ND READING ANG EXPANDED ANTI-VAWC ACT π§‘
Pasado na sa Second Reading ang panukalang Expanded Anti-Violence Against Women and Their Children (E-VAWC) Act, isa sa mga panukalang batas na isinusulong ni Assistant Minority Leader at 4K Party-list Representative Iris Montes para sa mas matibay na proteksyon ng kababaihan at mga bata.
Layunin ng panukalang batas na palawakin ang saklaw ng βviolence against women and their childrenβ upang maisama hindi lamang ang tradisyunal na anyo ng pang-aabuso, kundi pati ang mga karahasang isinasagawa o pinahihintulutan ng Estado. Pinalalawak din nito ang depinisyon ng psychological violence upang masaklaw ang pamimilit sa kababaihan at mga bata na makasaksi ng pang-aabuso sa loob ng pamilya o pornograpiya.
Kasama rin sa panukala ang pagtugon sa mga pang-aabusong gumagamit ng information and communications technology (ICT), electronic devices, at digital media. Sa ilalim nito, mapapanagot ang mga sangkot sa pagpapakalat ng intimate videos, mahalay na content, at malisyosong paggamit ng pagkakakilanlan online.
Ipinag-uutos din ng panukala sa Department of Social Welfare and Development, mga lokal na pamahalaan, at Department of Health na tiyaking may sapat na shelter, counseling, rehabilitation, livelihood assistance, at medical support para sa mga biktima ng VAWC.
