Real Primary Care Facility

24/02/2026

𝗣𝗔𝗚𝗕𝗜𝗦𝗜𝗧𝗔 𝗡𝗜 𝗚𝗢𝗩. 𝗛𝗘𝗟𝗘𝗡 𝗧𝗔𝗡 𝗦𝗔 𝗥𝗛𝗨 | 𝗣𝗘𝗕𝗥𝗘𝗥𝗢 𝟭𝟲

Personal na bumisita si Gov. Doktora Helen Tan sa Rural Health Unit (RHU) ng Real upang alamin ang kalagayan at kalidad ng mga serbisyong medikal na ipinagkakaloob sa mga Realeño.

Kasama si Mayor Julie Ann O. Macasaet, inilibot sila ni Municipal Health Officer Dra. Maricris Marquita-Uy sa buong pasilidad at ipinaliwanag ang mga programang pangkalusugan at serbisyong patuloy na ipinapatupad para sa mamamayan.

Ipinahayag ni Gov. Helen Tan ang kanyang kasiyahan at pagkilala sa maayos na sistema at organisadong operasyon ng RHU, na patunay ng mahusay na pamamahala at malasakit sa kalusugan ng publiko.

17/02/2026

𝐆𝐎𝐕. 𝐇𝐄𝐋𝐄𝐍 𝐓𝐀𝐍, 𝐁𝐔𝐌𝐈𝐒𝐈𝐓𝐀 𝐒𝐀 𝐑𝐄𝐀𝐋 𝐑𝐔𝐑𝐀𝐋 𝐇𝐄𝐀𝐋𝐓𝐇 𝐔𝐍𝐈𝐓 𝐀𝐓 𝐊𝐈𝐋𝐎𝐋𝐎𝐑𝐎𝐍 𝐄𝐋𝐄𝐌𝐄𝐍𝐓𝐀𝐑𝐘 𝐒𝐂𝐇𝐎𝐎𝐋 | 𝐑𝐄𝐀𝐋𝐄𝐍𝐄𝐖𝐒

Bumisita si Gov. Doktora Helen Tan sa Real Rural Health Unit at pinuri ang maayos na sistema at serbisyo nito para sa mga mamamayan.

Pinasalamatan ng gobernadora ang Lokal na Pamahalaan, sa pangunguna ni Mayor Julie Ann Orozco Macasaet, Sangguniang Bayan at pamunuan ng RHU, sa pagkakaroon ng magandang healthcare service sa bayan.

Nagtungo rin siya sa Kiloloron Elementary School upang magmasid sa isang Grade 1 class para sa Project KID BIBO Teaching Demo Program, na layong palakasin ang kalidad ng edukasyon sa lalawigan.

03/02/2026

‼️𝐏𝐮𝐛𝐥𝐢𝐜 𝐇𝐞𝐚𝐥𝐭𝐡 𝐀𝐝𝐯𝐢𝐬𝐨𝐫𝐲: 𝐂𝐡𝐢𝐜𝐤𝐞𝐧𝐩𝐨𝐱 (𝐁𝐮𝐥𝐮𝐭𝐨𝐧𝐠 𝐓𝐮𝐛𝐢𝐠)

Dahil sa pagkakaroon ng ilang kaso ng Bulutong Tubig o Chickenpox sa bayan ng Real. Ang Real Primary Care Facility (Municipal Health Center) ay nagpapaalala sa mga dapat gawin upang maiwasan na dapuan ng ganitong sakit lalong-lalo na sa mga bata.

Basahin mabuti at ibahagi ang mga impormasyong nakapaloob sa larawan.

✅ Siguraduhing malinis palagi ang katawan
✅️ Umiwas sa mga lugar na maraming tao
✅ Ihiwalay o i-isolate ang sarili kapag nakaramdam o nakadanas ng ilan sa mga sintomas.
✅ Huwang mag-atubiling komunsulta sa pinaka malapit na Barangay Health Station upang maiwasan ang paglala ng karamdaman.

Image Source: Department of Health (Philippines)

02/02/2026

ADVISORY‼️

02/02/2026

Pagbati po ng isang magandang araw!

Ipinababatid po ng aming Tanggapan (Real Primary Care Facility) na available na po mula ngayong araw ang ULTRASOUND services para sa mamamayan ng Real.

Ang serbisyong ito ay layong magbigay ng mas maagang pagsusuri at mas maayos na pangangalagang pangkalusugan, lalo na para sa mga nangangailangan ng medical imaging.

Ito po ay libre lamang para sa mga active philhealth members. Makikidala lamang po ng inyong philhealth id at doctor’s request.

Inaanyayahan po ang lahat ng kwalipikadong mamamayan na makipag-ugnayan sa health center para sa iskedyul at karagdagang detalye.

Maraming salamat po at umaasa po kami sa inyong pakikiisa.

20/01/2026

PANOORIN: 𝘼𝙣𝙤 𝙖𝙣𝙜 𝙈𝙖𝙡𝙖𝙨𝙖𝙠𝙞𝙩 𝘾𝙚𝙣𝙩𝙚𝙧? 🏬

20/01/2026

Ang 𝐌𝐚𝐥𝐚𝐬𝐚𝐤𝐢𝐭 𝐂𝐞𝐧𝐭𝐞𝐫 ay nagbibigay ng pinagsama-samang tulong medikal at pinansyal para sa mga pasyente sa mga pampublikong ospital.

Alamin paano makakahingi ng tulong sa Malasakit Center. 🤝

13/01/2026

10/12/2025

𝐇𝐄𝐀𝐋𝐓𝐇 𝐒𝐔𝐌𝐌𝐈𝐓 𝟐𝟎𝟐𝟓 | 𝐃𝐄𝐂𝐄𝐌𝐁𝐄𝐑 𝟎𝟗, 𝟐𝟎𝟐𝟓

Matagumpay na isinagawa ngayong araw ang Health Summit sa Municipal Covered Court ng Bayan ng Real. Ang mahalagang pagtitipon ay pinangunahan ni Mayor Julie Ann O. Macasaet, sa pamamagitan ni Bb. Charybel Aumentado, katuwang si Dra. Maricris M. Uy ng Rural Health Unit (RHU).

Isinagawa rin sa naturang Health Summit ang paggagawad ng parangal para sa mga nagpamalas ng husay sa serbisyong pangkalusugan. Pinarangalan bilang Top Performing Barangay in delivering Health Services ang mga sumusunod:
• 1st – Brgy. Kiloloron
• 2nd – Brgy. Pandan
• 3rd – Brgy. Poblacion Uno

Personal na dumalo sina Vice Mayor Diana Abigail Diestro-Aquino, kasama si Konsehala Michelle Avanica. Nakasama sa gawain ang ating Barangay Health Workers, Barangay Nutrition Scholars (BNS), ilang kagawad, at mga Punong Barangay na sina Kap. Ronnie Gacayan, Kap. Randy Astrera, Kap. Maribel T. Leus, at Kap. Iñeng Dugayo Jr.

Tunay na isang makabuluhang araw ito ng pagkilala at pagpapalakas ng serbisyong pangkalusugan, na nagpapakita ng matibay na dedikasyon para sa mas malusog at mas maalagang Bayan ng Real. Patuloy na itataguyod ng Pamahalaang Bayan ang mga inisyatibang magpapaunlad sa kalidad ng buhay ng bawat Realeño.

10/12/2025

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐌𝐮𝐧𝐢𝐜𝐢𝐩𝐚𝐥𝐢𝐭𝐲 𝐨𝐟 𝐑𝐞𝐚𝐥! 🎉✨️

Our municipality through the Municipal Health Office is recognized for its exemplary documentation of Good Practices in Health for 2024, spotlighting the initiative “𝐁𝐢𝐠𝐚𝐬 𝐊𝐚𝐩𝐚𝐥𝐢𝐭 𝐧𝐠 𝐋𝐢𝐠𝐭𝐚𝐬 𝐚𝐭 𝐊𝐮𝐦𝐩𝐥𝐞𝐭𝐨𝐧𝐠 𝐁𝐚𝐤𝐮𝐧𝐚." Awarded during the DOH CHD Calabarzon Regional Integrated Awarding Ceremony with theme "Bayanihan para sa Kalusugan, Pagpupugay sa Sama-samang Tagumpay ng CaLaBaRZon!" held in Tagaytay City.

24/11/2025