Municipal Health Office - Rizal, Palawan

28/08/2026

💙 𝐍𝐀𝐓𝐈𝐎𝐍𝐀𝐋 𝐅𝐀𝐌𝐈𝐋𝐘 𝐏𝐋𝐀𝐍𝐍𝐈𝐍𝐆 𝐌𝐎𝐍𝐓𝐇 𝐂𝐄𝐋𝐄𝐁𝐑𝐀𝐓𝐈𝐎𝐍 2026 💙
📍 Barangay Panalingaan, Rizal, Palawan

Ngayong araw ay matagumpay na ginanap sa Barangay Panalingaan ang selebrasyon ng National Family Planning Month, na may temang nagbibigay-diin sa kahalagahan ng responsableng pagpaplano para sa mas malusog at mas maayos na pamilya. 👨‍👩‍👧‍👦💙

Bilang bahagi ng selebrasyon, isinagawa rin ang iba’t ibang Health Services para mailapit sa ating mga kababayan ang kinakailangang serbisyong pangkalusugan, kabilang ang:

🩻 Libreng Chest X-ray para sa Active TB Case Finding
👨‍👩‍👧‍👦 Family Planning Services
🥗 Nutrition Services – weighing at height measurement
🦟 Malaria Services
❤️ PhilPEN Services
🏥 PhilHealth YAKAP Services
🧪 Libreng Laboratory Examinations

Nagkaroon din ng Information, Education and Communication (IEC) tungkol sa Breastfeeding para sa ating mga nanay, bilang pakikiisa sa pagdiriwang ng National Breastfeeding Month. Isinagawa rin ang IEC tungkol sa Family Planning, upang mas maunawaan ng bawat pamilya ang kahalagahan ng tamang kaalaman at pagpapasya para sa kalusugan ng ina, anak, at buong pamilya. 🤱💙

Taos-pusong nagpapasalamat ang Municipal Health Office sa pangunguna ni OIC-MHO Rutchel Escabal Laborera,RN sa mainit na pakikiisa at suporta ng Barangay Panalingaan, sa pangunguna ng kanilang Punong Barangay Kapt. Rolando Khu, Kagawad on Health Emelyn Baraguga, mga Community Volunteer Health Workers (CVHWs), Municipal Midwife, at HRH Nurse.

Maraming salamat din sa patuloy na suporta ng ating Municipal Mayor Norman S. Ong at Vice Mayor Maria Gracia Goh Macasaet-Zapanta sa mga programa at serbisyong pangkalusugan ng Municipal Health Office. 🙏💙

Sa pamamagitan ng sama-samang pagkilos ng ating health workers, barangay officials, at komunidad, patuloy nating inilalapit ang kalusugan at serbisyong pangkalusugan sa bawat pamilya.

💙 Serbisyong Pangkalusugan, Hatid sa Bawat Barangay!
👨‍👩‍👧‍👦 Planado ang Pamilya, Mas Malusog ang Kinabukasan!

27/08/2026

🤰💗 PARA SA ATING MGA BUNTIS NA NANAY!

Kasalukuyang isinasagawa ang Ultrasound Service ni Dr. Areza para sa ating mga buntis, bilang bahagi ng patuloy na pangangalaga sa kalusugan nina Nanay at Baby. 👩‍⚕️🩺

Mayroon din tayong libreng laboratory tests para sa mga buntis tulad ng HIV, Syphilis, at Hepatitis B, na mahalagang bahagi ng prenatal care.

Kasabay nito, nagbibigay rin ng IEC ang ating MNAO upang dagdagan ang kaalaman ng ating mga nanay tungkol sa tamang pangangalaga sa kanilang kalusugan habang nagbubuntis. 💕

📍 Pumunta sa inyong Barangay Health Station para sa schedule ng inyong prenatal check-up at ultrasound. Magtanong sa inyong Barangay Midwife para sa karagdagang impormasyon at schedule.

Alagang Nanay, Protektadong Baby! 🤰👶❤️

27/08/2026

25/08/2026

🚫 HUWAG MANIWALA SA FAKE NEWS!

Para sa kaligtasan ng ating mga anak, maging mapanuri sa mga impormasyong nakikita online. Huwag agad maniwala o mag-share ng hindi beripikadong impormasyon tungkol sa bakuna.

💉 Ang MR-SIA ay para sa mga batang 6–59 buwang gulang upang dagdagan ang proteksyon laban sa tigdas at rubella.

✅ Tamang impormasyon, tamang desisyon, protektadong bata!

25/08/2026

🍽️💧 𝐀𝐋𝐀𝐌𝐈𝐍 𝐀𝐍𝐆 𝐅𝐎𝐎𝐃 & 𝐖𝐀𝐓𝐄𝐑-𝐁𝐎𝐑𝐍𝐄 𝐃𝐈𝐒𝐄𝐀𝐒𝐄𝐒!

Ang Food & Water-Borne Diseases (FWBD) ay mga sakit na maaaring makuha mula sa pagkain o inuming tubig na kontaminado ng virus, bacteria, o parasites. Maaari rin itong kumalat sa pamamagitan ng maruruming kamay at paligid, at pakikisalamuha sa taong may impeksyon.

⚠️ Paano ito kumakalat?
🍛 Kontaminadong pagkain at inumin
🤧 Pagkahawa mula sa taong may sakit
👐 Maruruming kamay at paligid

✅ Paano tayo makakaiwas?
• Ugaliing maghugas ng kamay gamit ang sabon at malinis na tubig, lalo na bago kumain at pagkatapos gumamit ng palikuran.
• Uminom ng ligtas at malinis na tubig.
• Siguraduhing malinis, maayos ang pagkakaluto at tamang pag-iimbak ng pagkain.
• Panatilihing malinis ang kusina, mga kagamitan at paligid.
• Iwasang maghanda o humawak ng pagkain kung ikaw ay may sakit.

💙 Kalusugan ay nagsisimula sa malinis na kamay, ligtas na pagkain, at malinis na tubig.

Makipagtulungan tayo upang maiwasan ang pagkalat ng Food & Water-Borne Diseases sa ating komunidad!

📢 Maging maingat. Maging malinis. Maging ligtas!

19/08/2026

🌸 FAMILY PLANNING: PLANADO, RESPONSABLE, AT HANDA 🌸

Ang Family Planning ay tumutulong sa mag-asawa at indibidwal na magpasya kung kailan, ilang anak, at gaano kalayo ang pagitan ng bawat pagbubuntis.

💜 Bakit mahalaga?
Nakatutulong ito sa kalusugan ng ina at anak, pag-iwas sa hindi planadong pagbubuntis, at mas maayos na paghahanda para sa pangangailangan ng pamilya.

✨ Maraming pagpipilian: Implant, IUD, pills, injectables, condom, LAM, fertility awareness methods, tubal ligation at vasectomy.

👉 Alamin ang method na swak sa iyo! Kumonsulta sa inyong Barangay Health Station, Midwife, Nurse, o Doctor para sa tamang impormasyon at counseling.

Planado ang pamilya, mas handa sa kinabukasan! 💜

18/08/2026

𝐀𝐋𝐀𝐌 𝐌𝐎 𝐁𝐀?
𝐁𝐚𝐤𝐮𝐧𝐚 𝐈𝐧𝐟𝐨𝐫𝐬𝐞𝐫𝐲𝐞 #8

Pagkatapos mabakunahan, maaaring makaranas ang bata ng banayad na lagnat, pananakit o pamamaga sa bahagi ng tinurukan. Ito ay normal na senyales na gumagawa ng proteksyon ang katawan laban sa sakit.

Bago isagawa ang pagbabakuna, handang-handa ang ating mga health workers upang tiyaking ligtas ang bawat batang mababakunahan. Patuloy din nilang mino-monitor ang anumang reaksyon pagkatapos ng pagbabakuna.

Ang seryosong reaksyon sa bakuna ay napakabihira, ngunit ang panganib ng tigdas at rubella ay mas mataas kung hindi mababakunahan ang bata.

💉 𝐇𝐮𝐰𝐚𝐠 𝐡𝐚𝐲𝐚𝐚𝐧𝐠 𝐦𝐚𝐧𝐚𝐢𝐠 𝐚𝐧𝐠 𝐭𝐚𝐤𝐨𝐭 𝐬𝐚 𝐦𝐚𝐥𝐢𝐧𝐠 𝐢𝐦𝐩𝐨𝐫𝐦𝐚𝐬𝐲𝐨𝐧. 𝐏𝐚𝐛𝐚𝐤𝐮𝐧𝐚𝐡𝐚𝐧 𝐚𝐧𝐠 𝐢𝐧𝐲𝐨𝐧𝐠 𝐚𝐧𝐚𝐤 𝐬𝐚 𝐌𝐑 𝐒𝐈𝐀 𝐚𝐭 𝐛𝐢𝐠𝐲𝐚𝐧 𝐬𝐢𝐲𝐚 𝐧𝐠 𝐩𝐫𝐨𝐭𝐞𝐤𝐬𝐲𝐨𝐧𝐠 𝐧𝐚𝐫𝐚𝐫𝐚𝐩𝐚𝐭.

Sama-sama nating tiyakin na bawat batang Palaweño ay ligtas, malusog, at protektado.

18/08/2026

𝐀𝐋𝐀𝐌 𝐌𝐎 𝐁𝐀?
𝐁𝐚𝐤𝐮𝐧𝐚 𝐈𝐧𝐟𝐨𝐫𝐬𝐞𝐫𝐲𝐞 #7

Hindi natin alam kung kailan maaaring kumalat ang tigdas o rubella. Kapag nagkaroon na ng outbreak, maaaring huli na ang lahat para sa mga batang hindi pa protektado.

Ang pagbabakuna ay hindi hinihintay kapag may sakit na. Ginagawa ito upang maiwasan ang pagkakasakit at maprotektahan ang ating mga anak bago pa sila malantad sa virus.

Sa pamamagitan ng MR SIA, mas maraming bata ang magkakaroon ng dagdag na proteksyon laban sa tigdas at rubella—mga sakit na maaaring magdulot ng malubhang komplikasyon.

💉 Huwag nang maghintay. Dalhin ang inyong anak sa pinakamalapit na MR SIA vaccination site ngayong Agosto. 𝘼𝙣𝙜 𝙗𝙖𝙠𝙪𝙣𝙖 𝙖𝙮 𝙇𝙄𝘽𝙍𝙀, 𝙇𝙄𝙂𝙏𝘼𝙎, 𝙖𝙩 𝙀𝙋𝙀𝙆𝙏𝙄𝘽𝙊!

Abangan ang susunod na mga “Alam Mo Ba? Bakuna InfoSerye” para sa mahahalagang impormasyon tungkol sa MR SIA at Vitamin A Supplementation.

18/08/2026

🤧🦠 INFLUENZA-LIKE ILLNESS (ILI) AWARENESS

Alamin. Mag-ingat. Agapan.

Ang Influenza-Like Illness (ILI) ay karaniwang may lagnat at ubo, na maaaring may kasamang sipon, sore throat, pananakit ng katawan, sakit ng ulo, at panghihina.

📌 Paano mapoprotektahan ang sarili at pamilya?

🧼 Ugaliing maghugas ng kamay gamit ang sabon at tubig.
😷 Magsuot ng mask kung may ubo, sipon, o iba pang sintomas sa paghinga.
🤧 Takpan ang bibig at ilong kapag uubo o babahing.
🏠 Kung may sakit, manatili muna sa bahay at iwasang makisalamuha nang malapitan sa iba.
💧 Uminom ng sapat na tubig at magpahinga.
🌬️ Panatilihing malinis at maaliwalas ang mga tahanan at paligid.
🏥 Magpakonsulta sa Rural Health Unit (RHU) kung kinakailangan.

🚨 Huwag balewalain ang mga sintomas. Kung may hirap sa paghinga, patuloy o mataas na lagnat, matinding panghihina, o lumalalang kondisyon, agad na magpakonsulta sa pinakamalapit na health facility.

💙 Ang kalusugan ay responsibilidad nating lahat. Sa simpleng pag-iingat, makatutulong tayo upang maiwasan ang pagkalat ng respiratory illnesses sa ating komunidad.