Mayor Marissa Manigsaca

07/03/2026

Maayong gabie, Rizalnon!

Giawhag nako ang tanan nga magbinantayon kanunay sa mga scammer. Gusto nakong ipahibalo sa tanan nga mao ra kini ang akong opisyal nga page ug wala nay lain.

Kung adunay mo-mensahe ninyo ug mangayo ug personal nga impormasyon, kwarta, o unsa pa man nga tabang nga daw gikan kuno nako, palihog ayaw gyud ninyo hatagi ug impormasyon. Likayi ang pag-reply ug i-report dayon ang maong account.

Ang tinuod nga komunikasyon gikan sa atong opisina ipahibalo pinaagi lamang sa opisyal nga page ug opisyal nga channels sa munisipyo.

Magbinantayon kita kanunay aron malikayan ang mga malimbongon nga tawo online. Kung adunay kahadlok o pagduda nga scam, palihog i-inform dayon ang atong LGU o barangay officials.

Daghang salamat ug Amping kanunay, Rizalnon!

22/08/2025

Daghang Salamat Mayor Truita and Mayor Aviles sa inyong pagbisita sa among Lungsod.

03/07/2025

Isip inyong mayor, dako akong garbo ug kalipay sa pagdawat karong adlawa sa atong mga batan-ong kampyon nga nagdala ug dungog sa lungsod sa Rizal.

Ang inyong disiplina, ug determinasyon usa ka inspirasyon sa tanan. Padayon sa pagpaningkamot ug sa pagrepresenta sa atong lungsod nga puno sa garbo ug dungog.

Congratulations, mga Rizalianon Champions! Ang inyong kalampusan, kalampusan sa lungsod

01/07/2025

Dako nakong pasalamat sa inyong pagsalig ug suporta atol sa atong Official Turnover and Oath Taking Ceremony kagahapon, Hunyo 30, 2025. Kini nga seremonya usa ka timaan sa atong panaghiusa ug determinasyon nga ipadayon ang matinud-anong pagserbisyo alang sa kalambuan sa lungsod sa Rizal.

Sa tanang katawhan sa atong 22 ka barangay, sa akong pamilya, supporters, mga kauban sa serbisyo, ug sa Team RGM—daghang salamat sa inyong padayon nga suporta ug pagtuo sa akong liderato. Sa bag-ong kapitulo sa atong panaguban, mas lig-onon pa nato ang atong pag serbisyo sa katawhang rizal.

Padayon ta, Rizal! 💚

25/06/2025

Mapasalamaton ako sa mainitong pagdawat sa katawhan sa Purok 6, Barangay Sebaca, atol sa ilang selebrasyon sa Araw ng Purok 6. Usa ka bibong kasinatian ang akong nasaksihan—gikan sa pump boat racing, bugsay, ug langoy, hangtod sa pagtilaw sa ilang abunda ug lamiang ani, ilabi na ang preskong seafoods. Nagpakita kini sa ilang kusog, panaghiusa, ug garbo sa kultura. Usa kini ka selebrasyon nga takos gayud pasidunggan.

Padayon sa paglambo, Purok 6! ❤️

25/06/2025

Paghiusa alang sa mas lig-on nga lokal nga panggamhanan.

Nalipay ug mapasalamaton ko sa oportunidad nga makatambong sa usa ka espesyal nga panagtigom uban ang mga bag-ong napiling mga mayor sa 1st Congressional District sa Zamboanga del Norte, kauban ang atong pinangga nga Congressman Pinpin Uy.

Kini nga panagtigom nagsimbolo sa among panlantaw ug paningkamot nga magtinabangay sa pagpasiugda sa epektibo, matinud-anon, ug malasakit nga pagserbisyo publiko. Padayon ang kolaborasyon tali sa lokal ug nasyonal nga liderato alang sa tinuod nga kalamboan sa atong distrito.

18/06/2025

BALASAHIN CULMINATION ACTIVITY

Mainiton akong pagpasalamat sa tanang kabataan, ginikanan, ug barangay officials nga miapil ug misalmot sa atong BALASAHIN: Basahin, Alamin at Sabihin nga kalihukan.

Kini nga inisyatiba usa ka paningkamot sa pagpalambo sa abilidad sa pagbasa, pagsabot, ug epektibong pakigkomunikar sa atong kabatan-onan. Sa tabang sa mga ginikanan ug barangay officials, napakita nato nga kung magtinabangay ang komunidad, dako ang atong mahimo alang sa edukasyon ug kaugmaon sa mga kabataan.

Ingon inyong Inahan sa lungsod, akong ipadayag ang akong tibuok suporta sa mga programa nga nagatukod og mas lig-on nga pundasyon para sa edukasyon ug pag-uswag sa Rizal. Padayon ta sa pagpaningkamot alang sa mas maayong ugma!

18/06/2025

Usa ka simple nga kalihokan ang among gipahigayon sa Barangay South Mapang Covered Court.

Kauban si Vice Mayor Jose Salac ug ang mga volunteers, naglunsad kami og feeding program alang sa mga kabataan, inubanan sa paghatag og libreng school supplies alang sa ilang umaabot nga klase.

Kini usa lamang ka paagi sa among padayon nga paningkamot nga masuportahan ang edukasyon sa kabataan—ang kaugmaon sa atong lungsod.

Dili lang kini serbisyo; kini pagpakita sa among tinuod nga pag-atiman.

17/06/2025

Join us for the RIZAL Eco - TRAIL RUN 2025 a thrilling outdoor adventure in celebration of the Maniway Prutas Festival! Experience the beauty of nature as you run through the scenic trails of Rizal, Zamboanga del Norte.

The event will take place on September 7, 2025 for the 5km, 10km and 25km.

Registration Link below: 👇
https://forms.gle/t2iKs4jNoVjXYAox5

12/06/2025