Assistant GoogleAi, Brgy. Saguing, Saguing (2026)

14/09/2023

Mayor og Board of Director sa SPDA gibisita si Congressman Caoagdan.

Pagpalambo ug pagkoordinar sa aktibong partisipasyon sa tanang sektor aron mapatuman ang ang mga proyekto sa Southern Philippines Development Authority (SPDA) og pakig-alayon sa buhatan ni Cotabato 2nd District Congressman Rudy S. Caoagdan, DPA maoy sentrong tuyo sa pagbisita ni SPDA Board of Director Annabelle Midtimbang Ploteña.

Uban ni Director Ploteña ang iyang bana nga si Esperanza Sultan Kudarat.Mayor Charles Federic R. Ploteña.

Gikalipay sab ni Cong Rudy ang pagbisita sa duha ka opisyal sa kagamhanan.

14/09/2023

Bag-ong Provincial Director sa Tesda-Cotabato gibisita si Congressman Caoagdan.

Nag "Courtesy Call" kang Cotabato 2nd District Congressman Rudy S. Caoagdan, DPA ang bag-ong Provincial Director sa Technical Education and Skills Development Authority (TESDA) Cotabato Office nga si Dir. Relly A. Leysa.

Gi-presenta ni Provincial Director Leysa kang Cong Rudy ang mga programa nga padayong buhaton ug ipatuman sa ahensiya sama sa Technical Education, Skills Development o Scholarship Programs alang sa mga Cotabateño sa pakig-alayon sa buhatan sa Kongresista. Ang edukasyon sa mga kabataan ilabina sa mga kabus nga pamilya ang usa sa mga prayoridad ni Cong Rudy.

Gipasalig ni PD Leysa ug sa iyang ang iyang hugot nga suporta ug kooperasyon kang Congressman Caoagdan sa mga programa og proyekto niini sa ikaduhang distrito sa probinsiya sa Cotabato. Nagpasalamat pod si Director Leysa kay Cong. Rudy sa natukod nga bag ong TESDA Building sa Amas Cotabato , usa ka proyektong gipatuman sa pakig alayon sa buhatan sa Kongresista ug buhatan sa Probinsiya sa Cotabato ni Governor Emmylou Lala Taliño-Mendoza .

Gipaabot ni Cong. Rudy kay Director. Leysa ug Mr. Moneva , iyang Political Affairs Assistant, ang seryosong pag tutok, pagpahiluna ug pagpatuman sa mga Technical Skills Assessment and Training Program ug pag coordinate sa nag ka lain laing ahensiya , ma publiko o pribadong sektor man, nga gusto mutabang sa gustong makahuman sa kurso. Mga programang pang edukasyon nga gina tutukan ug gipahingusgan sa Kongresista, ilabi na sa maayong mga ekwipo nga ilang matun-ang gamiton samtang naa pa sa training program.

Ang bag-ong provincial director gikan sa lungsod sa Tampakan, South Cotabato diin siya nagserbisyo isip Bise Mayor og Municipal Councilor sa nasangpit nga lungsod.

Gi-siguro sab sa Kongresista ang suporta sa bag-ong natudlo nga Provincial Director sa TESDA-Cotabato.

13/09/2023

Disperas sa Pista gibisita ni Congressman Caoagdan.

Nakig abi abi si Cotabato 2nd District Congressman Rudy S. Caoagdan, DPA sa Disperas sa Kapistahan sa Barangay Biangan, Makilala Cotabato. Atol sa Disperas sa Patron ni Sta. Cruz naniudto si Cong Rudy sa balay ni Mr. Paulino Pang ot uban si Barangay Kapitan Reynaldo Monreal og District Supervisor Alejandro Corre.
Prayoridad sa Kongresista ang Kalamboan sa Kabarangayan ilabina sa mga kabus nga pamilya.

10/09/2023

Congressman Caoagdan Guest of Honor and Speaker sa 25th IB (Fireball) Retirees.

Nanguna si Cotabato 2nd District Congressman Rudy S. Caoagdan, DPA sa aktibidad sa 25th Infantry ( Fireball) Battalion Philippine Army Retirees, Active and Surviving Spouse Association of North Cotabato ( Kidapawan Chapter) 12th Year Founding Anniversary program. Isip Guest of Honor and Speaker gipadayag ni Cong Rudy ang importante nga papel sa mga AFP-retiress sa gobyerno og sa komunidad. Gilatid pod sa Kongresista ang iyang mga naagihan bilang isa ka Public Servant ug ang kadugayon sa iyang panerbisyo , mga benepisyo nga madawat sa panahong muabot nga mag retire napod kini. Giklaro sa Kongresista nga panahon sa pagpatuman ug peace and order effort mas dali nga palihukon ang mga retiradong mga sundalo gumikan dili na sila angayan bansayon gumikan diha sila naggikan og mga hanas na.

09/09/2023

Kalamboan sa Kabarangayan gitutukan pag-ayo ni Congressman Caoagdan.

Prayoridad sa mga programa og proyekto ni Cotabato 2nd District Congressman Rudy S. Caoagdan, DPA mao ang kabarangayan sa Ikaduhang Distrito sa Probinsiya sa Cotabato.

Bisita ang Kongresista sa 55th Founding Anniversary sa Barangay Cabilao, Makilala Cotabato diin gi-abi-abi siya ni Kapitana Annalyn Villas. Swerte ang mga lumulupyo sa Brgy Cabilao gumikan halos mag-abot ang proyekto sa Congressional District ,Provincial Government og LGU-Makilala. Dunay 10 milyon pesos nga proyekto si Governor Emmylou Lala Taliño-Mendoza nga subject for implementation sa Barangay Cabilao sa Lungsod sa Makilala. Ang Covered Court ug ang stage kung asa gipahigayon ang programa sa Anibersaryo gumikan pod sa pondo sa Gobernadora ingon pa ang Kongresista. Mga programang panimalay ug uban pang proyekto gumikan sa National Government Fund sa pag responde sa mga naapektuhan sa kalamidad sama sa linog, nga napahiluna tungod sa determinasyon ni Cong. Rudy nga mapadagayday ang pondo ngadto sa nanginahanglan. Gidayeg pod ni Cong Rudy si Mayor Armando Quibod ug mga konsehales sa ilang napatuman nga mga proyekto, mga nahimo sa mga bag o ug niaging mga opisyales.

Sa kasamtangan muabot na 4 bilyon pesos ang pundo sa Kongresista sa umaabot nga 2024 og sigurado nga daghan ang makabenepisyo niini ilabina sa mga kabus nga pamilya. Gipaabot pod sa Kongresista sa mga ginikanan nga suportahan ang ilang mga anak nga makalingkawas sa kalisod sa kinabuhi pinaagi sa pagtungha sa kolehiyo ug paghuman sa kurso , ug mao kini ang gina tutukan sa Kongresista , ang padayong pagsuporta sa mga gustong mutungha sa Kolehiyo.

09/09/2023

Congressman Caoagdan, Minda og DTI nagpulong sa kalamboan sa Cotabato.

Suportado ni Cotabato 2nd District Congressman Rudy S. Caoagdan, DPA ang mga inisyatibo sa pagpalambo pa sa Metro Arakan Valley Complex for the development of Agricuture Trading Center. Si Cong Rudy nagsuporta sa proyekto ug nagdasig sa pagpalapad sa proyekto ngadto sa usa ka malungtarong industrial complex. Ang proyekto inabagan sa Mindanao Development Authority (MINDA) uban ang Department of Trade and Industry (DTI). Atol sa pulong nila Minda Officer Joey Recimilla og opisyal sa DTI si Mr. Federico C. Ealdama, nagkasabot sila uban ang Kongresista nga magtinabangay aron mapalambo pa ang Metro Arakan Valley Complex.

08/09/2023

Mga Jail Officers nag " Courtesy Call" kang Congressman Caoagdan.

Gibisita si Cotabato 2nd District Congressman Rudy S. Caoagdan, DPA sa mga opisyales sa Bureau of Jail Management and Penology (BJMP).

KIni gilangkuban nila Kabacan District Jail Warden - Jail Inspector Luzviminda S. Lobino
NCDJ- Male Dorm Warden - Jail Chief Inspector Teddy G Uchi.l, NCDJ-Female Dorm Warden-JO3 Lhea A Chatto, Kidapawan City Jail Warden- Jail Chief Inspector Joe Anthony M Gargarita, Makilala District Jail Warden og Jail Chief Inspector Cornelio Erwin B. Griño lll.
Tuyo sa mga "BJMP Officers" nga sila matabangan sa mga nag-una nilang proyekto og programa sa pakig-alayon sa buhatan sa Kongresista.

07/09/2023

Pulong alang sa Kalamboan uban si Congressman Caoagdan.

Bisita ni Cotabato 2nd District Congressman Rudy S. Caoagdan, DPA. sa RC Farm si Arakan Cotabato MayorJeam " Nonoy" Villasor.
Naa sab sila Board Member Rene Rubino, Board Member RJ Caoagdan og mga barangay opisyal gikan sa lungsod sa Arakan..Gihisgutan sa pulong ang pagpalig on pa sa serbisyo alang sa katawhan sa pakig alayon sa buhatan sa Kongresista..

01/09/2023

Congressman Caoagdan gibisita sa mga opisyal sa militar.

Nagpulong sila Cotabato 2nd district Congressman Rudy S. Caoagdan, DPA og mga opisyal sa militar. Tumong sa ilang gihisgutan nga mapalig-on pa ang Peace and Order situation sa Probinsya sa Cotabato.
Kinahanglan nga mahan-ay ang seguridad Ilabina nga nagsingabot ang Barangay og SK election. Lakip ang mga programa sa militar sa pakig alayon sa buhatan sa Kongresista.

Mitambong sa pulong sila Brigadier General Patricio Ruben P Amata INF (GSC) PA 1002nd Infantry Brigade, PA , Lieutenant Colonel Julius C. Paclibar sa 72nd IB og Lieutenant Colonel Anthony Fer S. Solamo sa 39th IB. Giklaro ni Cong Rudy nga ang hugot nga alyado sa militar, kapulisan og mga lokal nga opisyal sa Probinsiya sa Cotabato dako og natabang alang sa kahapsay og kalinaw..

01/09/2023

NBI Officer gibisita si Congressman Caoagdan.

Mihangyo og tabang kang Cotabato 2nd District Congressman Rudy S. Caoagdan, DPA ang National Bureau of Investigation (NBI). Matud ni Agent in Charge NBI Cotabato District Officer Romeo P. Cotingjo , sila mihangyo kang Cong Rudy nga sila matabangan ug matukuran og buhatan sa Kidapawan City.

Positibo sab ang tubag sa Kongresista sa hangyo sa NBI diin iagi pa kini sa proseso ug intervention sa Kongresista aron kapangitaan og pundo sa pakig alayon sa ubang ahensiya sa gobyerno.

Assistant GoogleAi

14/09/2023

14/09/2023

13/09/2023

10/09/2023

09/09/2023

09/09/2023

08/09/2023

07/09/2023

01/09/2023

01/09/2023

Address

Website

Alerts

Shortcuts

Share

Category