02/06/2026
๐๐๐๐๐ | ๐๐๐๐๐๐๐ ๐๐๐๐๐ - ๐๐ฎ๐ง๐ ๐-๐๐, ๐๐๐๐
Sa espwersos ka lokal na gobyierno ka Bula, sa pamamayo ka kanatong Alkalde, Honorable Manuel A. Ibasco Jr., kaiba ya buong konseho ka Sanggunian, boot po namong ipaisi sa ngamin lalo na sa mga komyuter na migka-agko po kita libreng sakay sa loog kadi Bula saka sa paluwas ka Bula magpoon ka petsa 8 hasta petsa 17 kading bulan na Hunyo.
Ini program aka local na govierno bilang simbag sa padagos na krisis sa enerhiya. Ini po binabaoy na Local Transport Sector Support Program, na nagmamawot mag tao kin ayuda sa mga driver, operator, commuters, saka iba pang stakeholders.
Adi po ya mga ruta ka jeepney:
๐Bula โ Naga
๐Bula โ Nabua
๐Loop Service (Centro-Ombao Polpog-Lirag and vv)
๐Centro โ Taisan
๐Centro โ Itangon
๐Centro โ San Francisco
Sa mga tricycle man po:
๐San Roque Pob-Sagrada-Salvacion-San Jose
๐Centro - Panoypoyan
๐Panoypoyan - Sto Nino
๐Panoypoyan - Palsong
๐Bagumbayan - San Miguel
๐Portico - Fabrica
๐Sto. Domingo - San Isidro - San Agustin - San Ramon
๐Sitio Priela - Causip Proper
๐Balaogan - Lubgan
๐Palsong - La Purisima
Uya mga lunadan sana po na agko karatula uya mig tao kin libreng sakay. Uya mga jeepneys po available sana sira pag peak hours: alas sais hasta alas nueve kin ramrag, dangan alas tres hasta alas sais kin apon.
Ayat man po namo a kaninyong suporta na mag scan ka QR Code na nakapaskil sa mga jeepney o tricycle para maipaabot uya sainyong komento, reklamo, o suhestyon manungod sa pag implementar ka programang ini.
Inaayat man ya kaninyong pagtugot na magsurat ka kaninyong mga ngaran saka iba pang impormasyon. Ini para madali namong masubaybayan ya pag implementar saka pagreport manungod ka programa. Inaasigurar po namo na uya mga itao ninyong impormasyon magigin confidential segun sa pag otob sa Data Privacy Act of 2012.
Magkaburunyog kita bilang mga Bulaeรฑo/Bulaeรฑa na magtarabang na mabawasan an krisis sa enerhiya na kanatong kinakaampang.
Dios magbalos.
