KALAHI-CIDSS San Agustin

07/08/2026

𝐓𝐈𝐍𝐆𝐍𝐀𝐍 | 𝐏𝐚𝐠𝐤𝐢𝐥𝐚𝐥𝐚 𝐬𝐚 𝐏𝐚𝐧𝐠𝐚𝐧𝐢𝐛, 𝐏𝐚𝐠𝐭𝐚𝐡𝐚𝐤 𝐬𝐚 𝐊𝐚𝐭𝐚𝐭𝐚𝐠𝐚𝐧: 𝐏𝐑𝐕𝐀 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐭𝐚𝐩𝐨𝐬 𝐬𝐚 𝐒𝐚𝐧 𝐀𝐠𝐮𝐬𝐭𝐢𝐧, 𝐑𝐨𝐦𝐛𝐥𝐨𝐧

"𝐀𝐧𝐠 𝐤𝐚𝐭𝐚𝐭𝐚𝐠𝐚𝐧 𝐧𝐠 𝐢𝐬𝐚𝐧𝐠 𝐤𝐨𝐦𝐮𝐧𝐢𝐝𝐚𝐝 𝐚𝐲 𝐧𝐚𝐠𝐬𝐢𝐬𝐢𝐦𝐮𝐥𝐚 𝐬𝐚 𝐩𝐚𝐠𝐤𝐢𝐥𝐚𝐥𝐚 𝐬𝐚 𝐦𝐠𝐚 𝐩𝐚𝐧𝐠𝐚𝐧𝐢𝐛 𝐧𝐚 𝐤𝐢𝐧𝐚𝐤𝐚𝐡𝐚𝐫𝐚𝐩 𝐧𝐢𝐭𝐨."Ito ang naging sentro ng matagumpay na pagsasagawa ng Participatory Risk and Vulnerability Assessment (PRVA) sa labinlimang (15) barangay ng San Agustin, Romblon bilang bahagi ng pagpapatupad ng Panahon ng Pagkilos: Philippine Community Resilience Project (PCRP). Sa pamamagitan ng prosesong ito, naging katuwang ang mga komunidad sa pagtukoy at pagsuri mga panganib na kanilang kinahaharap—isang mahalagang hakbang tungo sa pagbuo ng mas matatag, mas handa, at mas ligtas na mga pamayanan.

Mula Hunyo 26 hanggang Agosto 3, 2026, matagumpay na isinagawa ang serye ng mga sub-activities ng PRVA, kabilang ang 𝐕𝐚𝐥𝐢𝐝𝐚𝐭𝐢𝐨𝐧 𝐨𝐟 𝐂𝐨𝐦𝐦𝐮𝐧𝐢𝐭𝐲 𝐏𝐫𝐨𝐟𝐢𝐥𝐞, 𝐂𝐨𝐦𝐦𝐮𝐧𝐢𝐭𝐲 𝐖𝐚𝐥𝐤𝐭𝐡𝐫𝐨𝐮𝐠𝐡, 𝐑𝐢𝐬𝐤 𝐌𝐚𝐩𝐩𝐢𝐧𝐠, 𝐅𝐨𝐜𝐮𝐬 𝐆𝐫𝐨𝐮𝐩 𝐃𝐢𝐬𝐜𝐮𝐬𝐬𝐢𝐨𝐧 (𝐅𝐆𝐃), 𝐚𝐭 𝐏𝐚𝐫𝐭𝐢𝐜𝐢𝐩𝐚𝐭𝐨𝐫𝐲 𝐑𝐢𝐬𝐤 𝐚𝐧𝐝 𝐕𝐮𝐥𝐧𝐞𝐫𝐚𝐛𝐢𝐥𝐢𝐭𝐲 𝐀𝐬𝐬𝐞𝐬𝐬𝐦𝐞𝐧𝐭 (𝐏𝐑𝐕𝐀) 𝐖𝐨𝐫𝐤𝐬𝐡𝐨𝐩. Ang bawat aktibidad ay dinaluhan at aktibong nilahukan ng mga opisyal ng barangay, mga miyembro ng Barangay Development Council (BDC), mga kinatawan mula sa iba't ibang sektor ng komunidad, mga miyembro ng Municipal Resilience Team (MResT), mga Community Volunteers (CVs), at mga kinatawan ng Municipal at Area Coordinating Teams (MCT/ACT). Sa pamamagitan ng malawak na partisipasyon ng iba't ibang stakeholder, natiyak na ang bawat hakbang ng proseso ay naging inklusibo, nakabatay sa aktuwal na karanasan ng komunidad, at sumasalamin sa tunay na kalagayan at pangangailangan ng bawat barangay.

Nagsimula ang proseso sa 𝐕𝐚𝐥𝐢𝐝𝐚𝐭𝐢𝐨𝐧 𝐨𝐟 𝐂𝐨𝐦𝐦𝐮𝐧𝐢𝐭𝐲 𝐏𝐫𝐨𝐟𝐢𝐥𝐞,kung saan sama-samang sinuri at pinagtibay ng mga kalahok ang mga datos tungkol sa populasyon, kabuhayan, kalusugan, edukasyon, imprastraktura, pamamahala, at iba pang mahahalagang impormasyon ng barangay. Sa pamamagitan ng prosesong ito, natiyak na ang mga datos na magsisilbing batayan ng mga susunod na gawain ay tumpak, napapanahon, at sumasalamin sa aktuwal na kalagayan ng komunidad.

Kasunod nito ay ang 𝐂𝐨𝐦𝐦𝐮𝐧𝐢𝐭𝐲 𝐖𝐚𝐥𝐤𝐭𝐡𝐫𝐨𝐮𝐠𝐡, kung saan aktuwal na nilibot ng mga kalahok ang iba't ibang bahagi ng barangay upang obserbahan ang mga lugar na madalas maapektuhan ng iba't ibang hazard at matukoy ang mga umiiral na panganib, kahinaan, at mga likas na yaman ng komunidad. Ang mga obserbasyong nakalap mula sa pag-iikot ay isinapinal sa pamamagitan ng Risk Mapping, kung saan sama-samang iginuhit at minarkahan sa community map ang eksaktong lokasyon ng mga hazard, mga lugar na lantad sa panganib, mahahalagang imprastraktura, kabahayan, at iba pang mahahalagang obserbasyon mula sa walkthrough. Sa pamamagitan ng risk map, nagkaroon ang bawat barangay ng isang malinaw at biswal na paglalarawan ng kanilang risk landscape na magsisilbing mahalagang gabay sa pagpaplano ng mga hakbang sa disaster risk reduction at pagpapaigting ng katatagan ng komunidad.

Mas pinalalim pa ang pagsusuri sa pamamagitan ng 𝐅𝐨𝐜𝐮𝐬 𝐆𝐫𝐨𝐮𝐩 𝐃𝐢𝐬𝐜𝐮𝐬𝐬𝐢𝐨𝐧 (𝐅𝐆𝐃), kung saan naibahagi ng mga magsasaka, mangingisda, at kababaihan ang kanilang mga karanasan, obserbasyon, at pananaw tungkol sa mga panganib na nararanasan sa kanilang komunidad. Ang kanilang mga salaysay ay nagbigay ng mahalagang konteksto sa mga datos na nakalap at nagsilbing batayan sa mas malalim na pag-unawa sa mga suliranin at pangangailangan ng bawat barangay.

Bilang huling bahagi ng proseso, isinagawa ang 𝐏𝐚𝐫𝐭𝐢𝐜𝐢𝐩𝐚𝐭𝐨𝐫𝐲 𝐑𝐢𝐬𝐤 𝐚𝐧𝐝 𝐕𝐮𝐥𝐧𝐞𝐫𝐚𝐛𝐢𝐥𝐢𝐭𝐲 𝐀𝐬𝐬𝐞𝐬𝐬𝐦𝐞𝐧𝐭 (𝐏𝐑𝐕𝐀) 𝐖𝐨𝐫𝐤𝐬𝐡𝐨𝐩, kung saan sama-samang tinukoy at binigyang-prayoridad ng komunidad ang mga pangunahing panganib batay sa magnitude, urgency, nature of causes, at community coping capacity. Sinuri rin ang mga sanhi at epekto ng bawat panganib at natukoy ang mga umiiral na coping capacities o mga lakas, kakayahan, at mekanismo ng barangay sa paghahanda, pagtugon, at pagbangon mula sa mga sakuna at iba pang banta.

Higit pa sa pagbuo ng mga community profile at risk maps, ipinakita ng buong proseso ng PRVA ang kahalagahan ng 𝐂𝐨𝐦𝐦𝐮𝐧𝐢𝐭𝐲 𝐃𝐫𝐢𝐯𝐞𝐧 𝐃𝐞𝐯𝐞𝐥𝐨𝐩𝐦𝐞𝐧𝐭 (𝐂𝐃𝐃), kung saan ang mga mamamayan mismo ang pangunahing katuwang sa pagtukoy ng mga isyu, pagbabahagi ng kanilang kaalaman at karanasan, at paghubog ng mga solusyong angkop sa kanilang komunidad. Sa pamamagitan ng aktibong pakikilahok ng bawat sektor, nabuo ang isang mas komprehensibo, inklusibo, at batay sa ebidensyang pag-unawa sa mga panganib na kinahaharap ng bawat barangay.
Sa matagumpay na pagkumpleto ng PRVA sa lahat ng labinglimang barangay ng San Agustin, nakapaglatag ang bawat komunidad ng matibay na pundasyon para sa pagbuo ng Community Resilience Plan (CRP) at iba pang mga proyektong magpapalakas ng kanilang katatagan at kakayahang makaiwas, makatugon, at makabangon mula sa mga sakuna. Higit sa lahat, pinatunayan ng proseso na ang sama-samang pagkilos, pakikilahok, at pagbabahagi ng kaalaman ng komunidad ang susi sa pagbuo ng mga pamayanang higit na handa at matatag sa harap ng anumang hamon ng kinabukasan.





Inihanda ni: Jeselle F. Faa - Project Development Officer II/Community Facilitator
Sinuri at iniwasto ni: Diseree M. Rotoni - Project Development Officer III/Area Coordinator

06/08/2026

𝐓𝐈𝐍𝐆𝐍𝐀𝐍: 𝐓𝐚𝐭𝐥𝐨𝐧𝐠 𝐏𝐮𝐧𝐨𝐧𝐠 𝐁𝐚𝐫𝐚𝐧𝐠𝐚𝐲, 𝐍𝐚𝐛𝐢𝐠𝐲𝐚𝐧 𝐧𝐠 𝐏𝐚𝐮𝐧𝐚𝐧𝐠 𝐎𝐫𝐲𝐞𝐧𝐭𝐚𝐬𝐲𝐨𝐧 𝐬𝐚 𝐍𝐚𝐥𝐚𝐥𝐚𝐩𝐢𝐭 𝐧𝐚 𝐌𝐮𝐧𝐢𝐜𝐢𝐩𝐚𝐥 𝐑𝐞𝐬𝐢𝐥𝐢𝐞𝐧𝐜𝐞 𝐏𝐥𝐚𝐧𝐧𝐢𝐧𝐠 (𝐌𝐑𝐏)

Kasabay ng isinagawang Community Walkthrough and Risk Mapping sa Barangay Bachawan, nagkaroon ng pagkakataon na magkasama sina Punong Barangay Hon. Ruben M. Monzales ng Barangay Buli, Punong Barangay Hon. Esteban P. Mangap ng Barangay Camantaya, at Punong Barangay Hon. Helen M. Moton ng Barangay Bachawan. Sinamantala ni ACT–Technical Facilitator Engr. Jerwin D. Villanueva ang pagkakataong ito upang personal na ipabatid sa kanila ang mahahalagang detalye tungkol sa nalalapit na Municipal Resilience Planning (MRP) na gaganapin sa Agosto 13–15, 2026, kung saan inaasahang lalahok ang lahat ng Punong Barangay ng mga kalahok na barangay sa ilalim ng DSWD KALAHI-CIDSS Philippine Community Resilience Project (PCRP): Panahon ng Pagkilos.

Sa naging talakayan, nagpahayag ng interes ang tatlong Punong Barangay at nagtanong tungkol sa mga pangunahing paksa at layunin ng Municipal Resilience Planning. Bilang tugon, ipinaliwanag ni Engr. Villanueva na ang MRP ang magsisilbing mahalagang yugto ng pagpaplano kung saan pagsasama-samahin at susuriin ang mga naging resulta ng Participatory Resilience and Vulnerability Assessment (PRVA) na isinagawa sa bawat barangay.

Ibinahagi rin niya na ang mga datos at impormasyong nakalap mula sa Community Walkthrough and Risk Mapping, Focus Group Discussions (FGDs), at PRVA Workshop ang magiging pangunahing batayan sa pagtukoy ng mga isyung dapat tugunan at sa pagbuo ng mga prayoridad na hakbang para sa pagpapalakas ng katatagan ng bawat komunidad laban sa mga panganib at epekto ng kalamidad.

Ipinaliwanag din ni Engr. Villanueva na sa Municipal Resilience Planning ay tatalakayin ang mga pamantayan o criteria sa pagtukoy at pag-priyoridad ng mga posibleng subproject, upang matiyak na ang mga panukalang proyekto ay nakabatay sa aktuwal na pangangailangan, kahinaan, at mga panganib na naranasan ng bawat barangay. Sa pamamagitan ng prosesong ito, magiging malinaw kung alin sa mga natukoy na isyu ang higit na nangangailangan ng agarang pagtugon at nararapat bigyang prayoridad.

Ang maikling pag-uusap na ito ay nagsilbing mahalagang paunang oryentasyon para sa tatlong Punong Barangay bago ang Municipal Resilience Planning. Higit sa lahat, pinagtibay nito ang kahalagahan ng bukas na komunikasyon at koordinasyon sa pagitan ng DSWD KALAHI-CIDSS at ng mga lokal na pamahalaan upang matiyak ang isang maayos, inklusibo, at makabuluhang proseso ng pagpaplano para sa mas matatag at mas ligtas na mga komunidad.

Inihanda ni: Engr. Jayson B. Manalon MCT – Community Facilitator
Sinuri nina: Engr. Jerwin D. Villanueva – Technical Facilitator at Jeselle F. Faa - Community Facilitator
Inaprubahan ni: Diseree M. Rotoni – Area Coordinator

24/07/2026

17/07/2026

𝐓𝐈𝐍𝐆𝐍𝐀𝐍 𝐏𝐚𝐫𝐭𝐢𝐜𝐢𝐩𝐚𝐭𝐨𝐫𝐲 𝐑𝐢𝐬𝐤 𝐚𝐧𝐝 𝐕𝐮𝐥𝐧𝐞𝐫𝐚𝐛𝐢𝐥𝐢𝐭𝐲 𝐀𝐬𝐬𝐞𝐬𝐬𝐦𝐞𝐧𝐭: 𝐒𝐚𝐦𝐚-𝐬𝐚𝐦𝐚𝐧𝐠 𝐏𝐚𝐠𝐭𝐮𝐤𝐨𝐲 𝐬𝐚 𝐦𝐠𝐚 𝐏𝐚𝐧𝐠𝐚𝐧𝐢𝐛 𝐓𝐮𝐧𝐠𝐨 𝐬𝐚 𝐌𝐚𝐬 𝐌𝐚𝐭𝐚𝐭𝐚𝐠 𝐧𝐚 𝐏𝐚𝐦𝐚𝐲𝐚𝐧𝐚𝐧

Matagumpay na isinagawa ang pagsisimula ng Participatory Risk and Vulnerability Assessment (PRVA) sa ilalim ng KALAHI-CIDSS Panahon ng Pagkilos: Philippine Community Resilience Project (PCRP) sa Barangay Dubduban at Barangay Doña Juana noong Hulyo 10, 2026. Ang aktibidad ay dinaluhan ng mga Community Volunteers na napili para sa iba't ibang sub-activities ng Participatory Risk and Vulnerability Assessment Workshop, kasama ang mga miyembro ng Barangay Development Council (BDC), bilang pagpapakita ng kanilang aktibong pakikiisa sa pagtatasa ng kalagayan ng kanilang pamayanan.

Layunin ng PRVA Workshop na matukoy at masuri ang mga umiiral na panganib, kahinaan, kakayahan, at yaman ng komunidad sa pamamagitan ng isang participatory at evidence-based na proseso. Sa aktibidad na ito, naging mahalaga ang pakikilahok ng mga residente at lokal na lider upang maibahagi ang kanilang mga karanasan at kaalaman hinggil sa mga panganib na nararanasan ng barangay, kabilang ang mga epekto ng kalamidad at pagbabago ng klima.
Sa workshop na ito, naging mahalagang batayan ang mga naging resulta ng PRVA sub-activities, kabilang ang Community Profile Validation, Walkthrough o Risk Mapping, at Focused Group Discussions (FGDs) sa iba't ibang sektor ng komunidad. Sa bawat hakbang ng proseso, aktibong nagbahagi ang mga kalahok ng kanilang mga karanasan, lokal na kaalaman, at obserbasyon hinggil sa mga panganib at epekto ng kalamidad at pagbabago ng klima sa kanilang barangay.
Sa pamamagitan ng sama-samang pagsusuri at talakayan, nakapaglatag ang mga kalahok ng mahalagang impormasyon na magsisilbing batayan sa pagbuo ng mga plano at pamumuhunan para sa pagpapalakas ng katatagan (resilience) ng kanilang komunidad. Ipinakita rin ng aktibidad ang kahalagahan ng pagtutulungan ng pamahalaang barangay at ng mamamayan sa pagbuo ng mga solusyong angkop sa kanilang lokal na pangangailangan.
Ang matagumpay na pagsisimula ng PRVA sa Barangay Dubduban at Barangay Doña Juana ay patunay ng patuloy na pagkakaisa at aktibong pakikilahok ng komunidad sa pagtataguyod ng isang ligtas, handa, at matatag na pamayanan. Sa pamamagitan ng KALAHI-CIDSS Panahon ng Pagkilos: Philippine Community Resilience Project, patuloy na binibigyang-lakas ang mga komunidad upang maging pangunahing katuwang sa pagpaplano at pagpapatupad ng mga hakbang tungo sa pangmatagalang pag-unlad at katatagan.

Inihanda ni: Reyjelyn D. Policarpio- Community Facilitator
Iniwasto at pinatotohanan ni : Diseree M. Rotoni- Area Coordinator
Isinilarawan nina:
Engr. Jayson B. Manalon- Municipal Community Facilitator
Engr. Jeff Bryan M. Mijares- Municipal Techincal Facilitator

16/07/2026

𝐓𝐈𝐍𝐆𝐍𝐀𝐍!!!!

𝐌𝐚𝐬𝐮𝐬𝐢𝐧𝐠 𝐏𝐚𝐠𝐡𝐚𝐡𝐚𝐧𝐝𝐚, 𝐌𝐚𝐬 𝐌𝐚𝐤𝐚𝐛𝐮𝐥𝐮𝐡𝐚𝐧𝐠 𝐓𝐚𝐥𝐚𝐤𝐚𝐲𝐚𝐧

𝐇𝐮𝐥𝐲𝐨 𝟗, 𝟐𝟎𝟐𝟔 – Sa likod ng bawat matagumpay na Focused Group Discussion (FGD) ay ang kahandaan ng mga facilitator na gabayan ang komunidad sa pagbabahagi ng kanilang mga karanasan, pananaw, at mga hamong kinakaharap. Bilang paghahanda sa patuloy na implementasyon ng Participatory Resilience Vulnerability Assessment (PRVA), nagsagawa ang Area at Municipal Coordinating Team (A/MCT) ng Focused Group Discussion orientation at coaching session kasama si 𝑪𝒐𝒎𝒎𝒖𝒏𝒊𝒕𝒚 𝑫𝒆𝒗𝒆𝒍𝒐𝒑𝒎𝒆𝒏𝒕 𝑶𝒇𝒇𝒊𝒄𝒆𝒓 𝑰𝑰 𝐉𝐞𝐬𝐮𝐬 𝐌𝐚𝐫𝐢𝐧𝐨 sa DSWD KALAHI-CIDSS Office.
Layunin ng isinagawang coaching na higit pang palakasin ang kakayahan ng mga facilitator at co-facilitator sa pagsasagawa ng Focused Group Discussion, isa sa mahahalagang aktibidad sa ilalim ng Participatory Risk and Vulnerability Assessment (PRVA).Sa pamamagitan ng pagbabahaginan ng mga karanasan at pagbibigay ng mga praktikal na gabay, mas naging malinaw sa mga kalahok ang wastong proseso ng pagpapadaloy ng FGD at ang mahalagang papel nito sa pagkuha ng makatotohanang impormasyon mula sa komunidad.
Sa buong talakayan, ibinahagi ni Community Development Officer III Jesus Marino ang mahahalagan pamamaraan upang maging mas epektibo at matagumpay ang mga isasagawang Focused Group Discussion sa mga susunod na barangay. Binigyang-diin niya ang kahalagahan ng tamang paraan ng pagtatanong, aktibong pakikinig, at paglikha ng isang bukas at komportableng kapaligiran upang malayang maibahagi ng mga kalahok ang kanilang tunay na karanasan at pananaw. Ipinaalala rin niya na mahalagang matukoy ang ugat ng mga suliranin sa pamamagitan ng mas malalim na pagtatanong upang makabuo ng angkop at epektibong mga interbensyon para sa komunidad.
Naging pagkakataon din ang aktibidad upang mailahad ng mga miyembro ng A/MCT ang kanilang mga karanasan at mga hamong naranasan sa aktuwal na implementasyon ng PRVA sa mga barangay. Sa pamamagitan ng bukas na talakayan, nabigyan ng kasagutan ang mga katanungan ng bawat isa at naibahagi ang mga epektibong pamamaraan na magsisilbing gabay sa mga susunod pang Focused Group Discussion.
Habang patuloy na isinasagawa ang PRVA sa iba't ibang barangay, pinatutunayan ng mga ganitong gawain na ang matagumpay na pagpapatupad nito ay nagsisimula sa maayos na paghahanda at patuloy na pagpapalakas ng kakayahan ng mga nagpapatupad. Sa pamamagitan ng sama-samang pagkatuto at pagbabahaginan ng kaalaman, mas nagiging handa ang Area at Municipal Coordinating Team na magsagawa ng mas makabuluhan at epektibong Focused Group Discussion na magbibigay ng matibay na batayan sa pagbuo ng mga interbensyong tutugon sa pangangailangan ng komunidad at mag-aambag sa pagbuo ng mas matatag, mas ligtas, at mas matibay na kinabukasan.

Inihanda Ni: Hazel Mae M. Magracia-AO IV
Iniwasto Ni: Diseree M. Rotoni-PDO III/AC

09/07/2026

𝐓𝐈𝐍𝐆𝐍𝐀𝐍 I 𝐏𝐚𝐠𝐤𝐚𝐤𝐚𝐢𝐬𝐚 𝐩𝐚𝐫𝐚 𝐬𝐚 𝐊𝐚𝐥𝐢𝐤𝐚𝐬𝐚𝐧: 𝐒𝐚𝐦𝐚-𝐬𝐚𝐦𝐚𝐧𝐠 𝐏𝐚𝐠𝐥𝐢𝐥𝐢𝐧𝐢𝐬 𝐬𝐚 𝐁𝐚𝐲𝐛𝐚𝐲𝐢𝐧 𝐧𝐠 𝐁𝐫𝐠𝐲. 𝐂𝐚𝐫𝐦𝐞𝐧 𝐁𝐢𝐥𝐚𝐧𝐠 𝐏𝐚𝐠𝐠𝐮𝐧𝐢𝐭𝐚 𝐬𝐚 𝐖𝐨𝐫𝐥𝐝 𝐄𝐧𝐯𝐢𝐫𝐨𝐧𝐦𝐞𝐧𝐭 𝐃𝐚𝐲

Bilang pagpapakita ng malasakit sa kalikasan at pagkilala sa mahalagang papel ng bawat isa sa pangangalaga ng kapaligiran, nakiisa ang DSWD KALAHI-CIDSS Philippine Community Resilience Project (PCRP) Area at Municipal Coordinating Team ng San Agustin, Romblon sa isinagawang Coastal Clean-Up Drive Activity noong Hunyo 24, 2026 sa baybayin ng Barangay Carmen.

Pinangunahan nina Area Coordinator 𝗗𝗶𝘀𝗲𝗿𝗲𝗲 𝗠. 𝗥𝗼𝘁𝗼𝗻𝗶 at Municipal Area Coordinator 𝗘𝗻𝗴𝗿. 𝗞𝗲𝗻𝗻𝗲𝘁𝗵 𝗙. 𝗠𝘂𝗹𝗲𝘁𝗮 ang pakikilahok ng KALAHI-CIDSS PCRP Area Coordinating Team sa nasabing gawain bilang pakikiisa sa pagdiriwang ng World Environment Day. Ang kanilang aktibong partisipasyon ay sumasalamin sa layunin ng programa na hindi lamang magtaguyod ng matatag at matibay na mga komunidad, kundi pati na rin ng isang ligtas at napapanatiling kapaligiran.

Sa pangunguna ni 𝗠𝗮𝘆𝗼𝗿 𝗔𝗮𝗿𝗼𝗻 𝗝𝗮𝗺𝗲𝘀 𝗖. 𝗠𝗮𝗱𝗿𝗼𝗻𝗮, nagtipon-tipon ang iba't ibang ahensya ng pamahalaan, institusyon, at mga organisasyon upang magsagawa ng malawakang paglilinis sa baybayin. Kabilang sa mga nakiisa ang mga kinatawan mula sa Coast Guard Sub-Station San Agustin, Bureau of Fire Protection (BFP) San Agustin, San Agustin Municipal Police Station, Romblon State University (RSU) – San Agustin Campus, mga Civil Society Organizations (CSOs), at iba pang sektor ng komunidad.

Patunay ang aktibidad na ito na ang mga layunin ng DSWD KALAHI-CIDSS PCRP ay umaabot lampas sa pagpapatupad ng mga proyektong pangkaunlaran. Kaakibat nito ang pagtataguyod ng responsableng pangangalaga sa kalikasan, pagpapalakas ng diwa ng bolunterismo, at pagpapalalim ng ugnayan sa pagitan ng pamahalaan at ng komunidad.

Ang pagdiriwang ng 𝗪𝗼𝗿𝗹𝗱 𝗘𝗻𝘃𝗶𝗿𝗼𝗻𝗺𝗲𝗻𝘁 𝗗𝗮𝘆 ay nagsilbing paalala na ang bawat maliit na hakbang tungo sa malinis at ligtas na kapaligiran ay may malaking ambag sa pagbuo ng isang mas matatag at mas luntiang kinabukasan.

Inihanda ni: Engr. Jerwin D. Villanueva- Technical Facilitator
Pinatunayang wasto ni: Diseree M. Rotoni- Area Coordinator

07/07/2026

𝐓𝐈𝐍𝐆𝐍𝐀𝐍: 𝐋𝐚𝐛𝐢𝐧𝐥𝐢𝐦𝐚𝐧𝐠 𝐁𝐚𝐫𝐚𝐧𝐠𝐚𝐲, 𝐍𝐚𝐠𝐤𝐚𝐢𝐬𝐚 𝐬𝐚 𝐏𝐚𝐧𝐚𝐡𝐨𝐧 𝐧𝐠 𝐏𝐚𝐠𝐤𝐢𝐥𝐨𝐬: 𝐅𝐢𝐫𝐬𝐭 𝐁𝐚𝐫𝐚𝐧𝐠𝐚𝐲 𝐀𝐬𝐬𝐞𝐦𝐛𝐥𝐲 𝐧𝐠 𝐃𝐒𝐖𝐃 𝐊𝐀𝐋𝐀𝐇𝐈-𝐂𝐈𝐃𝐒𝐒 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐢𝐝𝐚𝐨𝐬 𝐬𝐚 𝐒𝐚𝐧 𝐀𝐠𝐮𝐬𝐭𝐢𝐧, 𝐑𝐨𝐦𝐛𝐥𝐨𝐧

Isang mahalagang hakbang tungo sa mas matatag, mas ligtas, at mas handang mga pamayanan ang matagumpay na naisakatuparan ng DSWD KALAHI-CIDSS Philippine Community Resilience Project (PCRP) sa ilalim ng temang "Panahon ng Pagkilos", matapos maisagawa ang First Barangay Assembly sa lahat ng labinlimang (15) barangay ng bayan ng San Agustin, Romblon mula Hunyo 16 hanggang Hunyo 28, 2026.

Kabilang sa mga barangay na matagumpay na nagsagawa ng naturang aktibidad ang Bachawan, Camantaya, Buli, Hinugusan, Lusong, Binonga-an, Dona Juana, Dubduban, Poblacion, Cagboaya, Cabolutan, Carmen, Sugod, Mahabangbaybay, at Cawayan.

Ang First Barangay Assembly ang kauna-unahang aktibidad matapos ang Municipal Orientation at bahagi ng 𝗦𝘁𝗮𝗴𝗲 𝟭: 𝗣𝗮𝗿𝘁𝗶𝗰𝗶𝗽𝗮𝘁𝗼𝗿𝘆 𝗥𝗶𝘀𝗸 𝗮𝗻𝗱 𝗩𝘂𝗹𝗻𝗲𝗿𝗮𝗯𝗶𝗹𝗶𝘁𝘆 𝗔𝘀𝘀𝗲𝘀𝘀𝗺𝗲𝗻𝘁 𝗮𝗻𝗱 𝗥𝗲𝘀𝗶𝗹𝗶𝗲𝗻𝗰𝗲 𝗣𝗹𝗮𝗻𝗻𝗶𝗻𝗴 𝗻𝗴 𝗖𝗼𝗺𝗺𝘂𝗻𝗶𝘁𝘆 𝗥𝗲𝘀𝗶𝗹𝗶𝗲𝗻𝗰𝗲 𝗜𝗺𝗽𝗹𝗲𝗺𝗲𝗻𝘁𝗮𝘁𝗶𝗼𝗻 𝗣𝗿𝗼𝗰𝗲𝘀𝘀 (𝗖𝗥𝗜𝗣). Layunin nitong ipakilala ang proseso ng proyekto habang hinihikayat ang aktibong pakikilahok ng mga mamamayan sa pagtukoy ng mga panganib, kahinaan, at mga angkop na hakbang upang higit na mapatatag ang kanilang komunidad laban sa iba't ibang uri ng kalamidad at iba pang hamon.

Nagpakita ng matinding suporta ang iba't ibang sektor ng komunidad sa bawat isinagawang pagpupulong. Dinaluhan ito ng mga Household Heads, mga opisyal ng Barangay Local Government Unit (BLGU), mga kasapi ng Municipal Resilience Team (MResT) Municipal Social Welfare and Development Officer sa katauhan ni 𝗠𝘀. 𝗚𝗲𝗺𝗺𝗮 𝗠. 𝗠𝘂𝗿𝗰𝗵𝗮𝗻𝘁𝗲, Municipal Planning and Development Coordinator 𝗠𝘀. 𝗖𝗼𝗻𝗰𝗲𝗽𝗰𝗶𝗼𝗻 𝗔𝗻𝗴𝗲𝗹𝗮 𝗦. 𝗤𝘂𝗶𝗷𝗮𝗻𝗼, Area Coordinating Team sa pangunguna ni Area Coordinator 𝗗𝗶𝘀𝗲𝗿𝗲𝗲 𝗠. 𝗥𝗼𝘁𝗼𝗻𝗶, at ng Municipal Area Coordinating Team sa pangunguna ni 𝗘𝗻𝗴𝗿. 𝗞𝗲𝗻𝗻𝗲𝘁𝗵 𝗙. 𝗠𝘂𝗹𝗲𝘁𝗮. Ang kanilang sama-samang presensya ay naging patunay ng matibay na pagtutulungan ng pamahalaan at ng komunidad sa pagsusulong ng isang mas matatag at ligtas na kinabukasan.

Higit na naging kapansin-pansin ang mataas na antas ng partisipasyon ng mga kabahayan sa buong bayan. Bagama't 70% lamang ang itinakdang Household Participation Key Performance Indicator (KPI) ng programa, nalampasan ito ng lahat ng 15 barangay. Nanguna ang 𝗕𝗮𝗿𝗮𝗻𝗴𝗮𝘆 𝗖𝗮𝗺𝗮𝗻𝘁𝗮𝘆𝗮 na nagtala ng 𝟏𝟎𝟎% household participation, sinundan ng Barangay Cabolutan at Barangay Sugod na kapwa may 95.00%, Barangay Dona Juana na may 93.90%, Barangay Cawayan na may 93.60%, at Barangay Binonga-an na may 90.50%.

Samantala, nagpakita rin ng kahanga-hangang pakikilahok ang iba pang barangay: Bachawan (88.80%), Buli (88.30%), Dubduban (87.20%), Cagboaya (86.10%), Hinugusan (85.40%), Lusong (83.80%), Mahabangbaybay (83.50%), Poblacion (82.70%), at Carmen (80.60%). Ang mga bilang na ito ay nagpapakita ng lumalawak na kamalayan at determinasyon ng mga residente na maging aktibong katuwang sa pagpaplano para sa katatagan ng kanilang mga komunidad.

Hindi lamang simpleng pagpupulong ang naging First Barangay Assembly. Ito ay naging daan upang marinig ang tinig ng bawat mamamayan at maipakita ang kanilang kahandaan na makiisa sa pagbuo ng mga programang tutugon sa mga pangangailangan ng kanilang barangay. Ang mataas na antas ng partisipasyon ay sumasalamin sa tiwala ng mga residente sa layunin ng DSWD KALAHI-CIDSS PCRP at sa kanilang paniniwalang ang tunay na pagbabago ay nagsisimula sa sama-samang pagkilos.

Sa pagtatapos ng serye ng mga Barangay Assembly, higit pang pinagtibay ng San Agustin ang diwa ng "𝙋𝙖𝙣𝙖𝙝𝙤𝙣 𝙣𝙜 𝙋𝙖𝙜𝙠𝙞𝙡𝙤𝙨"—isang panawagan sa bawat mamamayan na maging kabahagi sa pagtatayo ng mga komunidad na matatag, handa, at may kakayahang harapin ang anumang pagsubok. Sa pamamagitan ng pagkakaisa, aktibong pakikilahok, at kolaborasyon ng pamahalaan at mamamayan, patuloy na isinusulong ng DSWD KALAHI-CIDSS PCRP ang isang mas ligtas at mas matatag na kinabukasan para sa bawat pamilyang Romblomanon.

Inihanda ni: Engr. Jerwin D. Villanueva- Techincal Facilitator
Tinasa at Pinatotohanan ni: Diseree M. Rotoni- Area coordinator

03/07/2026

𝐓𝐈𝐍𝐆𝐍𝐀𝐍!!!

𝐌𝐮𝐥𝐚 𝐬𝐚 𝐏𝐚𝐧𝐠𝐚𝐤𝐨 𝐇𝐚𝐧𝐠𝐠𝐚𝐧𝐠 𝐬𝐚 𝐏𝐚𝐠𝐤𝐢𝐥𝐨𝐬: 𝐋𝐆𝐔 𝐒𝐚𝐧 𝐀𝐠𝐮𝐬𝐭𝐢𝐧 𝐏𝐢𝐧𝐚𝐥𝐚𝐥𝐚𝐤𝐚𝐬 𝐚𝐧𝐠 𝐢𝐦𝐩𝐥𝐞𝐦𝐞𝐧𝐭𝐚𝐬𝐲𝐨𝐧 𝐧𝐠 𝐊𝐀𝐋𝐀𝐇𝐈-𝐂𝐈𝐃𝐒𝐒 𝐬𝐚 𝐏𝐚𝐦𝐚𝐦𝐚𝐠𝐢𝐭𝐚𝐧 𝐧𝐠 𝐋𝐨𝐜𝐚𝐥 𝐂𝐨𝐮𝐧𝐭𝐞𝐫𝐩𝐚𝐫𝐭 𝐂𝐨𝐧𝐭𝐫𝐢𝐛𝐮𝐭𝐢𝐨𝐧 (𝐋𝐂𝐂)

"𝑨𝒏𝒈 𝒊𝒔𝒂𝒏𝒈 𝒑𝒍𝒂𝒏𝒐 𝒂𝒚 𝒏𝒂𝒏𝒂𝒏𝒂𝒕𝒊𝒍𝒊𝒏𝒈 𝒑𝒍𝒂𝒏𝒐 𝒉𝒂𝒏𝒈𝒈𝒂'𝒕 𝒉𝒊𝒏𝒅𝒊 𝒊𝒕𝒐 𝒏𝒂𝒊𝒔𝒂𝒔𝒂𝒌𝒂𝒕𝒖𝒑𝒂𝒓𝒂𝒏. 𝑵𝒈𝒖𝒏𝒊𝒕 𝒔𝒂 𝑺𝒂𝒏 𝑨𝒈𝒖𝒔𝒕𝒊𝒏, 𝒂𝒏𝒈 𝒊𝒔𝒂𝒏𝒈 𝒑𝒂𝒏𝒈𝒂𝒌𝒐 𝒂𝒚 𝒖𝒏𝒕𝒊-𝒖𝒏𝒕𝒊𝒏𝒈 𝒏𝒂𝒈𝒊𝒈𝒊𝒏𝒈 𝒌𝒐𝒏𝒌𝒓𝒆𝒕𝒐𝒏𝒈 𝒔𝒖𝒑𝒐𝒓𝒕𝒂 𝒑𝒂𝒓𝒂 𝒔𝒂 𝒎𝒈𝒂 𝒌𝒐𝒎𝒖𝒏𝒊𝒅𝒂𝒅."

Noong Setyembre 2025, inilatag ng Pamahalaang Bayan ng San Agustin ang kanilang Work and Financial Plan (WFP), na naglalaman ng nakaplanong ₱4.6 milyong Local Counterpart Contribution (LCC) bilang suporta sa implementasyon ng DSWD KALAHI-CIDSS Panahon ng Pagkilos: Philippine Community Resilience Project (PCRP). Sa kabuuang halagang ito, ₱4.2 milyon ang inilaan bilang cash contribution, habang ₱400,000.00 naman ang nakatakda bilang in-kind contribution. Higit pa sa isang dokumento, ito ay nagsilbing pangako ng lokal na pamahalaan na magiging katuwang sa paghahatid ng mas mahusay at mas episyenteng serbisyo sa mga komunidad.

Makalipas ang ilang buwan, ang mga nakasaad sa plano ay unti-unti nang nagiging realidad. Bilang patunay ng kanilang suporta, sa pangunguna ni 𝑷𝒖𝒏𝒐𝒏𝒈 𝑩𝒂𝒚𝒂𝒏 𝐀𝐚𝐫𝐨𝐧 𝐉𝐚𝐦𝐞𝐬 𝐂. 𝐌𝐚𝐝𝐫𝐨𝐧𝐚, naglaan ang Pamahalaang Bayan ng San Agustin ng maayos at angkop na office space para sa Area/Municipal Coordinating Team (A/MCT). Ang pagkakaroon ng isang maayos na lugar ng trabaho ay nagbibigay ng mas organisado at komportableng kapaligiran para sa paghahanda ng mga ulat, koordinasyon sa mga barangay, pagdaraos ng mga pagpupulong, at iba pang gawaing kinakailangan sa pagpapatupad ng programa. Higit pa sa isang opisina, ito ay nagsisilbing sentro ng koordinasyon at pagpaplano upang mas maging episyente ang paghahatid ng serbisyo sa mga komunidad.

Kasabay nito, nitong Hunyo 2026, ganap ding naihatid ang mga office supplies, furnitures, at office equipment na bahagi ng Local Counterpart Contribution ng LGU. Ang mga kagamitang ito ay nagkakahalaga ng ₱290,000.00, kabilang ang ₱150,000.00 para sa office supplies at ₱140,000.00 para sa furniture at office equipment.
Sa unang tingin, maaaring isipin ng iba na karaniwan lamang ang mga kagamitang ito. Ngunit para sa Municipal at Area Coordinating Team (M/ACT), ang bawat ream ng bond paper, tinta ng printer, mesa, upuan, at iba pang kagamitan ay nagsisilbing mahahalagang kasangkapan sa paghahanda ng mga ulat, dokumentasyon ng mga aktibidad, pakikipag-ugnayan sa mga barangay, at pagpapatupad ng Community Resilience Implementation Process (CRIP). Sa madaling salita, ang mga ito ang tumutulong upang maging maayos, mabilis, at episyente ang paghahatid ng serbisyo sa mga komunidad.

Ang paghahatid ng mga kagamitang ito, kasama ang pagbibigay ng maayos na tanggapan, ay bahagi lamang ng mas malawak na suporta ng lokal na pamahalaan. Sa kasalukuyan, nakapagkaloob na ang LGU San Agustin ng ₱1,172,923.78 na aktuwal na Local Counterpart Contribution, na binubuo ng ₱564,323.10 na cash contribution at ₱608,600.68 na in-kind contribution. Ang mga pondong ito ay sumusuporta sa Personnel Services ng Municipal Coordinating Team, Administrative Expenses, at iba pang mahahalagang gawain ng programa.

Ang patuloy na pagtupad ng Pamahalaang Bayan ng San Agustin sa kanilang Local Counterpart Commitment ay nagpapakita na ang tagumpay ng KALAHI-CIDSS ay hindi lamang nakasalalay sa pondong inilaan ng pambansang pamahalaan. Higit sa lahat, ito ay bunga ng aktibong pakikibahagi ng lokal na pamahalaan na handang mamuhunan ng oras, pondo, pasilidad, at mga kinakailangang kagamitan upang matiyak na maayos na naipatutupad ang programa.

Sa bawat kahon ng office supplies na naihatid, sa bawat printer na magpapabilis sa paggawa ng mga ulat, sa bawat maayos na lugar na nagsisilbing sentro ng koordinasyon, at sa bawat kagamitang nagpapagaan sa gawain ng Area at Municipal Coordinating Team, isang mahalagang mensahe ang naipahahayag—na ang tunay na pag-unlad ay nagsisimula sa mga katuwang na tumutupad sa kanilang mga pangako. Sa San Agustin, ang Local Counterpart Contribution ay hindi lamang isang obligasyon; ito ay isang malinaw na pagpapakita ng malasakit at matibay na paninindigan para sa mas matatag at mas handang mga komunidad.

Inihanda ni: 𝐇𝐚𝐳𝐞𝐥 𝐌𝐚𝐞 𝐌. 𝐌𝐚𝐠𝐫𝐚𝐜𝐢𝐚 - 𝑨𝑶 𝑰𝑽
Isinalarawan ni: 𝐊𝐞𝐧𝐧𝐞𝐭𝐡 𝐅. 𝐌𝐮𝐥𝐞𝐭𝐚 - 𝑴𝑨𝑪
Inaprubahan ni: 𝐃𝐢𝐬𝐞𝐫𝐞𝐞 𝐌. 𝐑𝐨𝐭𝐨𝐧𝐢 - 𝑷𝑫𝑶 𝑰𝑰𝑰/𝑨𝑪

24/06/2026

𝐓𝐈𝐍𝐆𝐍𝐀𝐍: 𝐌𝐮𝐧𝐢𝐜𝐢𝐩𝐚𝐥 𝐈𝐧𝐭𝐞𝐫-𝐀𝐠𝐞𝐧𝐜𝐲 𝐂𝐨𝐦𝐦𝐢𝐭𝐭𝐞𝐞 (𝐌𝐈𝐀𝐂) 𝐌𝐞𝐞𝐭𝐢𝐧𝐠 𝐬𝐚 𝐒𝐚𝐧 𝐀𝐠𝐮𝐬𝐭𝐢𝐧, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐠𝐬𝐢𝐥𝐛𝐢𝐧𝐠 𝐃𝐚𝐥𝐮𝐲𝐚𝐧 𝐧𝐠 𝐏𝐚𝐠𝐤𝐚𝐤𝐚𝐢𝐬𝐚 𝐚𝐭 𝐏𝐚𝐠-𝐮𝐮𝐠𝐧𝐚𝐲𝐚𝐧 𝐧𝐠 𝐦𝐠𝐚 𝐀𝐡𝐞𝐧𝐬𝐲𝐚

Nagtipon-tipon ang iba't ibang ahensya at katuwang na institusyon sa ginanap na Municipal Inter-Agency Committee (MIAC) Meeting noong 23 ng Hunyo taong kasalukuyan (2026) sa 2nd Floor Complex, Brgy. Poblacion, San Agustin, Romblon, upang talakayin at iulat ang kasalukuyang kalagayan at mga pag-unlad ng mga programa ng Department of Social Welfare and Development (DSWD) sa bayan ng San Agustin.

Dinaluhan ang pagpupulong ng mga kawani mula sa DSWD Pantawid Pamilyang Pilipino Program (4Ps), DSWD KALAHI-CIDSS Philippine Community Resilience Project (PCRP): Panahon ng Pagkilos, DSWD Sustainable Livelihood Program (SLP), mga kinatawan ng Department of Education (DepEd), Alternative Learning System (ALS), mga Department Heads ng lokal na pamahalaan, at si Sangguniang Bayan Member 𝐇𝐨𝐧. 𝐉𝐢𝐧𝐧𝐞𝐥 𝐌. 𝐌𝐨𝐫𝐚𝐝𝐚.

Nagbigay rin ng suporta at presensya ang butihing Punong Bayan ng San Agustin, 𝐇𝐨𝐧. 𝐀𝐚𝐫𝐨𝐧 𝐉𝐚𝐦𝐞𝐬 𝐂. 𝐌𝐚𝐝𝐫𝐨𝐧𝐚, na nagpapakita ng patuloy na pakikiisa ng lokal na pamahalaan sa mga programang naglalayong mapaunlad ang kapakanan ng mga mamamayan.

Isa sa mga pangunahing layunin ng pagpupulong ay ang pagbibigay ng mga update hinggil sa implementasyon ng iba't ibang programa ng DSWD sa munisipalidad. Tinalakay ni Municipal Link 𝐀𝐥𝐦𝐚 𝐂. 𝐂𝐚𝐩𝐢𝐝𝐨𝐬 ang mga mahahalagang usapin at kasalukuyang estado ng pagpapatupad ng Pantawid Pamilyang Pilipino Program (4Ps), kabilang ang patuloy na pagbibigay ng suporta sa mga benepisyaryong pamilya.

Samantala, ibinahagi naman ni Sir 𝐆𝐢𝐥𝐛𝐞𝐫𝐭 𝐅. 𝐅𝐚𝐛𝐞𝐥𝐥𝐚, PDO II, ang mga programa at kasalukuyang kalagayan ng Sustainable Livelihood Program (SLP), na nakatuon sa pagpapalakas ng kabuhayan at kakayahan ng mga benepisyaryo tungo sa mas matatag na pamumuhay.

Ipinresenta naman ni 𝐄𝐧𝐠𝐫. 𝐉𝐞𝐫𝐰𝐢𝐧 𝐃. 𝐕𝐢𝐥𝐥𝐚𝐧𝐮𝐞𝐯𝐚, Technical Facilitator, ang mga mahahalagang impormasyon hinggil sa DSWD KALAHI-CIDSS Philippine Community Resilience Project (PCRP): Panahon ng Pagkilos, na naglalayong palakasin ang kahandaan at katatagan ng mga komunidad laban sa mga panganib at epekto ng kalamidad.

Sa pamamagitan ng aktibong partisipasyon ng bawat kinatawan, naging makabuluhan ang talakayan at lalo pang pinagtibay ang koordinasyon at pagtutulungan ng iba't ibang sektor para sa patuloy na pag-unlad ng bayan ng San Agustin.

Matagumpay na natapos ang 𝐌𝐮𝐧𝐢𝐜𝐢𝐩𝐚𝐥 𝐈𝐧𝐭𝐞𝐫-𝐀𝐠𝐞𝐧𝐜𝐲 𝐂𝐨𝐦𝐦𝐢𝐭𝐭𝐞𝐞 (𝐌𝐈𝐀𝐂) 𝐌𝐞𝐞𝐭𝐢𝐧𝐠 sa ganap na ika-11 ng umaga, na nag-iwan ng panibagong sigla at pangako ng sama-samang pagkilos para sa kapakanan ng mamamayan ng San Agustin.

Inihanda ni: Engr. Jerwin Villanueva - Technical Facilitator
Sinuri ni : Diseree M. Rotoni - Area Coordinator





#𝗣𝗮𝗻𝘁𝗮𝘄𝗶𝗱𝗣𝗮𝗺𝗶𝗹𝘆𝗮𝗻𝗴𝗣𝗶𝗹𝗶𝗽𝗶𝗻𝗼𝗣𝗿𝗼𝗴𝗮𝗺

22/06/2026

𝐈𝐧 𝐅𝐨𝐜𝐮𝐬 | 𝐔𝐧𝐢𝐭𝐞𝐝 𝐟𝐨𝐫 𝐑𝐞𝐬𝐢𝐥𝐢𝐞𝐧𝐜𝐞: 𝐂𝐚𝐦𝐚𝐧𝐭𝐚𝐲𝐚 𝐒𝐞𝐭𝐬 𝐭𝐡𝐞 𝐒𝐭𝐚𝐧𝐝𝐚𝐫𝐝 𝐰𝐢𝐭𝐡 𝟏𝟎𝟎% 𝐇𝐨𝐮𝐬𝐞𝐡𝐨𝐥𝐝 𝐏𝐚𝐫𝐭𝐢𝐜𝐢𝐩𝐚𝐭𝐢𝐨𝐧

SAN AGUSTIN, ROMBLON – Demonstrating remarkable unity and community spirit, Barangay Camantaya achieved 100 percent household participation rate during the conduct of the First Barangay Assembly under the KALAHI-CIDSS Panahon ng Pagkilos: Philippine Community Resilience Project (PCRP) on June 20, 2026 at Barangay Camantaya Covered Court. Among the eight barangays that have already conducted their First Barangay Assembly in the municipality of San Agustin, Camantaya stood out for attaining full participation from all households, surpassing the minimum requirement of 70 percent household representation.

The impressive turnout reflected the community’s strong commitment and support for the program’s goal of strengthening local resilience against various risks and challenges. Residents actively participated in discussions on the objectives, guiding principles, and key processes of the Panahon ng Pagkilos: Philippine Community Resilience Project, which adopts the Community-Driven Development (CDD) approach. Through this approach, community members themselves take an active role in identifying their needs and priorities and in shaping development initiatives that directly benefit their barangay.

One of the highlights of the assembly was the selection of Community Volunteers who will assist in the implementation of succeeding activities under the Community Resilience Implementation Process. Representatives from various sectors, including women, farmers, fisherfolk, and senior citizens, actively participated in the selection process, demonstrating the program’s commitment to inclusive and participatory governance.

Punong Barangay Esteban P. Mangao also played a vital role in identifying and encouraging volunteers to serve the community. Through his support and collaboration with the residents, volunteers were successfully selected for the Validation of Preliminary Community Profile, Community Mapping and Walkthrough, Focus Group Discussions, and the Participatory Risk and Vulnerability Assessment (PRVA) Workshop.

The activity was facilitated by Community Facilitator Jeselle F. Faa, with MCT TF Engr. Jeff Bryan Mijares serving as the resource person for the discussion on Sub-Project Categories, Eligible Subprojects (SPs), and the Negative List. The assembly was also attended by Area Coordinator Diseree M. Rotoni, who provided technical guidance and support throughout the activity.

According to program implementers, the success of Barangay Camantaya serves as a testament to the power of collective action. More than just a number, the barangay’s 100 percent household participation rate reflects the people’s shared commitment to building a safer, stronger, and more resilient community. By setting the standard for active citizen engagement, Barangay Camantaya has become an inspiration to other communities embarking on their journey under the Panahon ng Pagkilos: Philippine Community Resilience Project.





Written by: Project Development Officer II/ CF Jeselle F. Faa
Edited by: Project Development Officer III/AC Diseree M. Rotoni