https://www.facebook.com/459901397207186/

Kaye Briones, San Jose (2026)

27/07/2026

Bilang bahagi ng masusing pagtalakay sa mga panukalang may malaking epekto sa kinabukasan ng San Jose, nagsagawa ang Committee of the Whole ng Sangguniang Bayan ng isang Committee Hearing sa pangunguna ni Hon. Atty. Jose Nereus Agbing, Chairperson ng Committee on Ordinances and Legal Matters, kaugnay ng panukalang Deed of Donation para sa lupang nakatakdang paglagyan ng ipinanukalang tertiary school sa ating bayan.

Sa naturang pagdinig, tinalakay ang mga legal, teknikal, at administratibong usapin upang matiyak na ang proseso ng donasyon ay naaayon sa umiiral na mga batas, malinaw ang mga kondisyon, at nakatuon sa pangmatagalang kapakinabangan ng mamamayan, lalo na sa pagpapalawak ng akses sa de-kalidad na mataas na edukasyon.

Nakiisa sa pagdinig ang mga miyembro ng Sangguniang Bayan, mga kinatawan mula sa Office of the Municipal Mayor, Municipal Assessor's Office, mga kinatawan ng mga donors, at iba pang mahahalagang stakeholders na nagbigay ng kanilang mga pananaw at teknikal na paglilinaw upang higit na mapagtibay ang panukala.

Patuloy na isinusulong ng Sangguniang Bayan ang isang bukas, masusi, at responsableng proseso ng paggawa ng mga polisiya at ordinansa, bilang pagtitiyak na ang bawat hakbang ay naaayon sa batas at nakatuon sa pangmatagalang pag-unlad ng Bayan ng San Jose at kapakanan ng bawat San Joseño.

23/07/2026

📚Suporta sa Edukasyon, Suporta sa Kinabukasan

Noong Hulyo 22, naipamahagi ang unang batch ng educational financial assistance para sa second semester ng academic year 2025-2026 para sa ating mga college students sa pamamagitan ng inyong lingkod, Bokala/Konsehala Kaye Briones, sa ilalim ng programa ni Gobernadora Vilma Santos-Recto.

Ang pondong ito ay mula sa buwis ng mamamayan at ibinabalik sa pamamagitan ng mga programang makatutulong sa edukasyon ng ating mga kabataan.

Patuloy nating tiyakin na ang pondo ng bayan ay napapakinabangan ng mamamayan at naipupuhunan sa kinabukasan ng bawat kabataang Batangueño. 💚🩷

23/07/2026

📚🏫 Mas Ligtas na Paaralan para sa Bawat Batang San Joseño!

Sa ika-50 Regular na Sesyon ng Sangguniang Bayan nitong Hulyo 21, 2026, naipasa sa Unang Pagbasa ang panukalang Municipal School Safety Program Ordinance bilang Chairperson ng Committee on Education.

Layunin nitong palakasin ang kaligtasan, seguridad, child protection, disaster preparedness, kalusugan, at emergency response sa lahat ng pampubliko at pribadong paaralan sa San Jose, Batangas.

Patuloy nating isinusulong ang mga programang magbibigay ng ligtas at maayos na kapaligiran sa pagkatuto para sa ating mga mag-aaral, g**o, at buong komunidad.

Para sa mas ligtas na paaralan at mas matatag na kinabukasan. 💚🩷
— Bokala/Konsehala Kaye Briones

22/07/2026

Support Local Farmers‼️ Cong. Nikki Briones of AGAP Partylist 🐷

21/07/2026

🚫𝐑𝐄𝐒𝐎𝐋𝐔𝐒𝐘𝐎𝐍 𝐏𝐀𝐑𝐀 𝐒𝐀 𝐏𝐀𝐍𝐒𝐀𝐌𝐀𝐍𝐓𝐀𝐋𝐀𝐍𝐆 𝐏𝐀𝐆𝐁𝐀𝐁𝐀𝐖𝐀𝐋 𝐒𝐀 𝐏𝐀𝐆𝐁𝐄𝐁𝐄𝐍𝐓𝐀 𝐍𝐆 𝐈𝐌𝐏𝐎𝐑𝐓𝐄𝐃 𝐍𝐀 𝐊𝐀𝐑𝐍𝐄𝐍𝐆 𝐁𝐀𝐁𝐎𝐘 𝐒𝐀 𝐁𝐔𝐎𝐍𝐆 𝐋𝐀𝐋𝐀𝐖𝐈𝐆𝐀𝐍 𝐍𝐆 𝐁𝐀𝐓𝐀𝐍𝐆𝐀𝐒 - 𝑩𝑶𝑲𝑨𝑳 𝑲𝑨𝒀𝑬 𝑩𝑹𝑰𝑶𝑵𝑬𝑺

Sa gitna ng patuloy na banta ng African Swine Fever (ASF), overimportation, smuggling, dumaraming kaso ng hindi wastong paghawak, pagbebenta, at distribusyon ng imported na karneng baboy na lumalabag sa mga itinakda ng Department of Agriculture Administrative Order No. 6, gayundin sa mga batas at alituntunin ukol sa biosecurity, food safety, at meat inspection, kinakailangang magsagawa ng agarang hakbang upang maprotektahan ang kalusugan ng mamamayan at ng industriya ng paghahayupan sa Batangas.

Patuloy paring naiuulat ang pagbebenta ng frozen imported na karneng baboy sa mga palengke, talipapa at meat shop na wala sa freezer at chiller, walang expiration date at walang malinaw at legal na papeles. Ang maling pag hawak ng karne ay maaaring magdulot ng kontaminasyon ng mapanganib na mikroorganismo gaya ng Salmonella, E. coli, at iba pang bacteria na maaaring magdulot ng foodborne illnesses at panganib sa kalusugan ng mamamayan.

Ang resolusyong ito ay panawagan sa Department of Agriculture, sa pamamagitan ng Bureau of Animal Industry at National Meat Inspection Service, na magpatupad ng pansamantalang pagbabawal sa pagbebenta ng imported na karneng baboy sa buong Lalawigan ng Batangas habang pinaiigting ang pagpapatupad ng umiiral na mga regulasyon at binubuo ang mga kinakailangang lokal na guidelines at enforcement mechanisms upang matiyak ang ganap na pagsunod sa mga batas sa biosecurity at food safety.

𝐒𝐚𝐧𝐚’𝐲 𝐝𝐮𝐦𝐚𝐭𝐢𝐧𝐠 𝐚𝐧𝐠 𝐩𝐚𝐧𝐚𝐡𝐨𝐧 𝐧𝐚 𝐭𝐮𝐥𝐮𝐲𝐚𝐧 𝐧𝐚𝐧𝐠 𝐢𝐩𝐚𝐠𝐛𝐚𝐰𝐚𝐥 𝐚𝐧𝐠 𝐩𝐚𝐠𝐩𝐚𝐬𝐨𝐤 𝐧𝐠 𝐢𝐦𝐩𝐨𝐫𝐭𝐞𝐝 𝐧𝐚 𝐤𝐚𝐫𝐧𝐞𝐧𝐠 𝐛𝐚𝐛𝐨𝐲 𝐬𝐚 𝐚𝐭𝐢𝐧𝐠 𝐛𝐚𝐧𝐬𝐚. 𝐔𝐧𝐚𝐡𝐢𝐧 𝐤𝐚𝐩𝐚𝐤𝐚𝐧𝐚𝐧 𝐧𝐠 𝐦𝐚𝐦𝐚𝐦𝐚𝐲𝐚𝐧 𝐚𝐭 𝐦𝐚𝐠𝐬𝐚𝐬𝐚𝐤𝐚𝐧𝐠 𝐏𝐢𝐥𝐢𝐩𝐢𝐧𝐨!

15/07/2026

Isinagawa nitong Lunes Hulyo 13 ang ika-28th Regular Session ng Sangguniang Panlalawigan ng Batangas.

Kabilang sa mga tinalakay na Committee Report sa ilalim ng Committee on Ways and Means na pinangunahan ng inyong lingkod na si Bokala/Konsehala Kaye Briones ay ang:
📌 Municipal Ordinance Number 2026-14 of the Municipality of Cuenca, Batangas.
📌Municipal Ordinance No. 471, Series of 2026 of the Municipality of Calatagan, Batangas.

Patuloy nating ginagampanan ang tungkulin na suriin at pag-aralan ang mga lokal na ordinansa upang matiyak na ang mga ito ay naaayon sa umiiral na batas at makatutulong sa patuloy na pag-unlad ng ating mga pamayanan at ng buong lalawigan ng Batangas. 🩷💚

10/07/2026

🎉 PAGPUPUGAY SA ATING MGA BAGONG LISENSYADONG PROPESYONAL! 👏🇵🇭

Sa mga nagdaang Regular Session ng Sangguniang Bayan ng San Jose, Batangas, buong pagmamalaki at pagkilala ang ipinagkaloob sa ating mga kababayang matagumpay na nakapasa sa kani-kanilang licensure examinations.

Ang kanilang sipag, tiyaga, at dedikasyon ay hindi lamang personal na tagumpay kundi inspirasyon din sa buong bayan ng San Jose.

🏅 Congratulations sa ating mga bagong Licensed Professionals:

🔹 Master Plumber
• Marielle Briones

🔹 Criminologists
• Abiezer Mercado
• Emjay Bagsic
• Jian Rovick Arellano

🔹 Mechanical Engineer
• Mayzelle Perez

🔹 Electrical Engineers
• Alyssa Mea Marundan
• John Amiel Belandres
• Norwin Gutierrez

🔹 Psychometricians
• Gwyneth Carla Limbo
• Olivia Franz Esguerra
• Kian Jean Patricia Maranan

🔹 Nurse
• Cherrylyn Leynes

🔹 Licensed Customs Broker
• Raven B. Carandang

🔹 Licensed Physician
• John Paolo Janiola

🔹 Licensed Professional Teachers (Secondary)
• Jan Erniel Alabastro
• Kaila D. Guballo

🔹 Veterinarian
• Romel Joseph G. Perez
Muli, taos-pusong pagbati mula sa buong pamahalaang bayan at sa sambayanan ng San Jose. Nawa'y maging gabay ninyo ang inyong kaalaman at propesyon sa patuloy na paglilingkod sa ating komunidad. 🩷💚

09/07/2026

📍 Ika-27th Regular Session ng Sangguniang Panlalawigan ng Batangas

Noong Ika-6 ng Hulyo 2026, matagumpay na naisagawa ang Ika-27th Regular Session ng Sangguniang Panlalawigan ng Batangas.

Matapos ang sesyon, dumalo rin ang inyong lingkod sa Committee Hearing ng Committee on Education upang talakayin ang naging privilege speech na inihain noong nakaraang sesyon hinggil sa School Campus Safety and Security at implementasyon ng Anti-Bullying Act sa ating mga paaralan sa buong Lalawigan.

Ang edukasyon at kapakanan ng ating kabataan ay mananatiling isa sa ating mga pangunahing prayoridad. 🩷💚

09/07/2026

📢 Ika-47th Regular Session | Hulyo 1, 2026

Sa Ika-47th Regular Session ng Sangguniang Bayan ng San Jose, Batangas, ipinasa ang isang resolusyon na nagbibigay-pugay at taos-pusong pasasalamat sa DepEd San Jose Sub-Office, sa pangunguna ni Dr. Joel D. Lubis, gayundin sa lahat ng School Heads, Principals, mga g**o, at mga pampublikong paaralan sa bayan.

Ang pagkilalang ito ay bilang pasasalamat sa kanilang mahalagang suporta, kooperasyon, at pakikiisa sa matagumpay na pagpapatupad ng Notebook Distribution Program ng Sangguniang Bayan para sa kapakinabangan ng ating mga mag-aaral.

Nagbigay rin si Dr. Joel D. Lubis, District Supervisor ng DepEd San Jose Sub-Office, ng ulat hinggil sa kalagayan ng edukasyon sa bayan. Kabilang sa kanyang tinalakay ang bilang ng mga naka-enroll sa mga pampubliko at pribadong paaralan, teaching at non-teaching personnel, at iba pang mahahalagang usapin at hamong kinakaharap ng mga paaralan bilang paghahanda sa darating na School Year 2026–2027.

Patuloy ang Sangguniang Bayan sa pakikipagtulungan sa sektor ng edukasyon upang maisulong ang mga programang magbibigay ng mas maliwanag na kinabukasan para sa bawat batang San Josenyo. 🩷💚

08/07/2026

📚🏛️ Matagumpay na naisagawa ang Last Batch ng Technical Workshop on the Use of the Local Fees and Charges (LFC) Toolkit!

Noong Hulyo 1, 2026, matagumpay na isinagawa ang Last Batch ng Technical Workshop on the Use of the Local Fees and Charges (LFC) Toolkit, na dinaluhan ng mga kinatawan mula sa 25 barangay ng Bayan ng San Jose, Batangas. 🤝

Layunin ng workshop na ito na higit pang palakasin ang kaalaman at kakayahan ng ating mga barangay sa wastong paggamit ng LFC Toolkit upang mapahusay ang pangongolekta at pamamahala ng mga lokal na bayarin at singilin. Sa pamamagitan nito, mas mapapalakas ang lokal na pamahalaan sa paghahatid ng dekalidad at episyenteng serbisyo para sa ating mga mamamayan. 🩷💚

🎤 Lubos ang aming pasasalamat kay Mr. Rabanne B. Ditan, Municipal Treasurer ng Municipality of San Jose, Batangas, sa kanyang pagbabahagi ng kaalaman bilang Resource Person ng workshop. Ang kanyang mga mahahalagang pananaw at gabay ay naging malaking bahagi ng tagumpay ng programang ito. 👏

🙏 Taos-puso rin ang aming pasasalamat sa lahat ng mga Punong Barangay, Kalihim, Ingat-Yaman, mga miyembro ng Sangguniang Barangay, at iba pang kalahok sa kanilang aktibong pakikiisa, suporta, at dedikasyon sa pagpapalakas ng mahusay na pamamahalang lokal.

Kaye Briones

27/07/2026

23/07/2026

23/07/2026

22/07/2026

21/07/2026

15/07/2026

10/07/2026

09/07/2026

09/07/2026

08/07/2026

Address

Website

Alerts

Shortcuts

Share

Category

Listing takedown request