13/10/2025
Mga Kaalaman sa Kaligtasan Kapag May Lindol:
DROP (Dapa), COVER (Kubli), at HOLD ON (Kapit).
Dapa: Lumuhod at protektahan ang iyong ulo at leeg.
Kubli: Humanap ng matibay na kublihan tulad ng ilalim ng mesa o desk.
Kapit: Mahigpit na kumapit sa iyong kublihan hanggang huminto ang pagyanig.
Kung nasa loob ng gusali:
Lumayo sa mga bintana, salamin, at anumang bagay na maaaring bumagsak.
Manatili sa loob hanggang huminto ang pagyanig at ligtas nang makalabas.
Huwag gumamit ng elevator.
Kung nasa labas ng gusali:
Lumayo sa mga gusali, poste ng kuryente, puno, at iba pang istruktura na maaaring bumagsak.
Manatili sa bukas na espasyo.
Kung nasa sasakyan:
Dahan-dahang huminto sa ligtas na lugar.
Manatili sa loob ng sasakyan.
Iwasan ang mga tulay, flyover, at tunnel.
Pagkatapos ng Lindol:
Suriin ang iyong sarili at ang iba para sa pinsala.
Kung ligtas, lumabas ng gusali at pumunta sa open area.
Mag-ingat sa mga aftershocks.
Makinig sa radyo para sa mga update at emergency instructions.
Huwag gumamit ng apoy o anumang kasangkapan na maaaring magdulot ng spark kung may amoy ng gas.
Kung may power outage, gumamit ng flashlight sa halip na kandila.
Tandaan, ang pagiging handa ang pinakamahusay na paraan upang makaligtas sa lindol.
