01/04/2026
Public Advisory!
Magandang umaga po sa aming mga minamahal at valued na mga customer!
Ikinagagalak po naming ipabatid sa inyo ang isang magandang balita para sa ating komunidad. Ang ating bagong pumping station o balon na matatagpuan sa San Vicente ay opisyal nang mae-energize ngayong araw, Abril 1, 2026.
Dahil dito, inaasahan po natin ang mas malakas, mas tuloy-tuloy, at mas maayos na daloy ng suplay ng tubig sa inyong mga kabahayan. Ang proyektong ito ay isinagawa upang mapabuti ang aming serbisyo at matugunan ang pangangailangan ng bawat isa, lalo na sa mga lugar na madalas makaranas ng mahinang pressure ng tubig tulad ng San Vicente, Poblacion, at San Bartolome.
Paalala po na ang operasyon ng bagong well ay pansamantalang limitado lamang mula 6:00 AM hanggang 6:00 PM. Ito ay dahil sa paggamit muna ng mobile genset habang hinihintay ang koneksyon sa ating electric provider na PELCO III.
Kami po ay taos-pusong nagpapasalamat sa inyong patuloy na pagtitiwala at suporta. Asahan po ninyo na patuloy kaming magsisikap upang lalo pang mapabuti ang aming serbisyo para sa inyong kapakanan.
Maraming salamat po at magandang araw sa ating lahat!