https://www.facebook.com/688205168270398/

Municipal Government of Tampakan

Home
Philippines
South Cotabato
Municipal Government of Tampakan

Official page of the Municipality of Tampakan managed by the Municipal Information Office.
(3)

This page serves as the LGU’s official platform for transparent and timely communication.

06/08/2026

𝐋𝐆𝐔 𝐓𝐀𝐌𝐏𝐀𝐊𝐀𝐍, 𝐏𝐀𝐒𝐀𝐃𝐎 𝐒𝐀 𝟐𝟎𝟐𝟔 𝐃𝐈𝐋𝐆 𝐃𝐑𝐔𝐆-𝐅𝐑𝐄𝐄 𝐖𝐎𝐑𝐊𝐏𝐋𝐀𝐂𝐄 𝐒𝐄𝐀𝐋 𝐏𝐑𝐎𝐆𝐑𝐀𝐌 𝐀𝐒𝐒𝐄𝐒𝐒𝐌𝐄𝐍𝐓

𝐏𝐀𝐒𝐀𝐃𝐎 ang lokal na pamahalaan ng Tampakan sa pamumuno ni Mayor Leonard Escobillo, RN sa CY 2026 Drug-Free Workplace Seal Program Assessment ng Department of the Interior and Local Government (DILG) Region XII.

Matagumpay na nakuha ng LGU Tampakan ang 85 puntos batay sa isinagawang evaluation at validation ng Regional Assessment Team mula Mayo 20 hanggang Hulyo 14, 2026. Ang resulta ay batay sa pagsusuri ng mga isinumiteng dokumento at pagsunod ng LGU sa mga itinakdang program indicators ng DILG.

Patunay ang pagkilalang ito sa matatag na pagpapatupad ng mga programa at polisiya ng LGU, kabilang ang Municipal Ordinance No. 147 o ang Drug-Free Workplace Ordinance, na naglalayong tiyakin na ang lahat ng kawani ng pamahalaang bayan ay nagtatrabaho sa isang ligtas, responsable, at drug-free na kapaligiran.

Congratulations, LGU Tampakan!

06/08/2026

𝐁𝐀𝐆𝐎𝐍𝐆 𝐈𝐏𝐌𝐑 𝐍𝐆 𝐓𝐀𝐌𝐏𝐀𝐊𝐀𝐍, 𝐍𝐀𝐍𝐔𝐌𝐏𝐀 𝐍𝐀

Pormal nang nanumpa sa tungkulin si 𝐁𝐚𝐞 𝐃𝐚𝐥𝐞𝐧𝐚 𝐌. 𝐒𝐚𝐦𝐥𝐢𝐧𝐠 bilang bagong Indigenous People Mandatory Representative (IPMR) ng Tampakan sa harap ni Mayor Leonard Escobillo, RN na nagsilbing administering officer sa isinagawang oath-taking ceremony.

Kasunod ng panunumpa, iginawad ng National Commission on Indigenous Peoples (NCIP) Region XII ang Certificate of Affirmation (COA) kay Samling bilang opisyal na pagkilala sa kanyang pagkakahalal bilang IPMR. Ang nasabing COA ay nilagdaan ni NCIP Regional Director Joey Bogay.

Bago ang kanyang panunungkulan bilang Municipal IPMR, nagsilbi si Samling bilang Municipal Indigenous Peoples Structure (IPS) Convenor, kung saan naging aktibo siya sa pagtataguyod ng kapakanan at interes ng mga Indigenous Cultural Communities sa Tampakan.

Si Bae Dalena Samling ay uupo bilang ex-officio member ng Sangguniang Bayan ng Tampakan alinsunod sa mga umiiral na batas na nagbibigay ng representasyon sa IPs/ICCs sa Tampakan.

Naging saksi sa isinagawang panunumpa sina Vice Mayor Ric A. Magbanua, Councilor Michael Escobillo, LnB Punong Barangay Sotero Castillanes, MLGOO Marijovy Manzano at pamilya ni IPMR Samling.

06/08/2026

𝐁𝐀𝐑𝐀𝐍𝐆𝐀𝐘 𝐍𝐔𝐓𝐑𝐈𝐓𝐈𝐎𝐍 𝐂𝐎𝐌𝐌𝐈𝐓𝐓𝐄𝐄 𝐓𝐑𝐀𝐈𝐍𝐈𝐍𝐆, 𝐈𝐒𝐈𝐍𝐀𝐆𝐀𝐖𝐀

Isinagawa ng Lokal na pamahalaan ng Tampakan sa pamamagitan ng Municipal Nutrition Action Office ang Barangay Nutrition Program Management Training (BNPM) sa FITS Training Center, bilang bahagi ng patuloy na pagpapalakas ng implementasyon ng mga programang pangnutrisyon sa bawat barangay.

Dinaluhan ang tatlong araw na pagsasanay ng mga Barangay Nutrition Scholars (BNS) at mga miyembro ng Barangay Nutrition Committee mula sa iba't ibang barangay ng munisipyo. Layunin ng aktibidad na mapalawak ang kanilang kaalaman at kasanayan sa pagpaplano, pagpapatupad, at pagsubaybay ng mga programa at serbisyong pangnutrisyon sa kanilang mga komunidad.

Nagbahagi ng kanilang kaalaman at karanasan ang mga resource persons na sina:
• Shyra S. Salmorin – Nutrition Officer, National Nutrition Council Region XII
• Noeleen P. Dumadag, RND – Nutrition Officer, Provincial Social Welfare and Development Office (PSWDO)
• Marie Jane B. Lihao – Nutrition Officer, City Government of Koronadal

05/08/2026

𝗧𝗔𝗠𝗣𝗔𝗞𝗔𝗡 𝗥𝗘𝗦𝗖𝗨𝗘𝗥𝗦, 𝗕𝗔𝗖𝗞-𝗧𝗢-𝗕𝗔𝗖𝗞 𝗖𝗛𝗔𝗠𝗣𝗜𝗢𝗡 𝗦𝗔 𝗕𝗥𝗔𝗩𝗘 𝗥𝗘𝗦𝗖𝗨𝗘 𝗖𝗛𝗔𝗟𝗟𝗘𝗡𝗚𝗘

Muling ipinamalas ng MDRRM Tampakan ang husay at kahandaan sa pagtugon sa mga sakuna matapos itong tanghaling Back-to-Back Champion sa BRAVE Rescue Challenge sa pagtatapos ng dalawang araw na Disaster Risk Reduction and Management (DRRM) Summit.

Isinagawa ang closing program sa South Cotabato Gym and Cultural Center kung saan kinilala ang katatagan, dedikasyon, at mahalagang serbisyo ng mga disaster responders mula sa iba't ibang lokal na pamahalaan.

Kabilang sa mga tampok ng programa ang pagkilala sa mga nagwagi sa BRAVE Rescue Challenge, isang kompetisyong sumusubok sa kakayahan ng mga rescue teams sa iba't ibang emergency at disaster response scenarios.

Muling itinanghal na kampeon ang MDRRMO Tampakan sa pangunguna ni LDRRMO III Estella Pascua na nag-uwi ng ₱60,000.

Nagpaabot din ng pagbati at suporta si Mayor Leonard Escobillo, RN na kinilala ang dedikasyon at sakripisyo ng mga rescuers sa pagprotekta sa buhay at kaligtasan ng mamamayan sa panahon ng kalamidad at iba pang sakuna.

Dumalo rin sa closing program sina Department of the Interior and Local Government (DILG) South Cotabato Provincial Director Hayd Ali Suwaib, Department of Science and Technology (DOST) South Cotabato Provincial Director Giselle Eve O. Siladan, at iba pang mga kinatawan ng iba't ibang ahensya ng pamahalaan.

Ang panibagong tagumpay na ito ay patunay ng patuloy na pagsasanay, kahandaan, at mataas na antas ng kakayahan ng Tampakan Rescue Team sa pagbibigay ng mabilis at mahusay na serbisyo sa oras ng pangangailangan.

05/08/2026

𝐏𝐮𝐫𝐨𝐤 𝐚𝐧𝐝 𝐒𝐢𝐭𝐢𝐨 𝐑𝐞𝐩𝐨𝐫𝐭𝐢𝐧𝐠 𝐚𝐧𝐝 𝐂𝐨𝐧𝐬𝐮𝐥𝐭𝐚𝐭𝐢𝐨𝐧

Nagpapatuloy ang isinasagawang Purok at Sitio Reporting at Consultation sa buong bayan ng Tampakan. Layunin nitong ilapit ang serbisyo ng LGU Tampakan sa mga purok at sitio, kung saan naibabahagi ang mga update at mga nagawa na ng lokal na pamahalaan sa pangunguna ni Mayor Leonard Escobillo, RN.

Sa pamamagitan nito, napapalakas ang ugnayan sa purok at sitio, natitiyak na ang mga hinaing ay direktang naririnig, at naihahatid ang mga pangunahing serbisyo sa mga lugar na higit na nangangailangan.

Nagbahagi ng updates at serbisyo ang mga sumusunod:
1. Tampakan Municipal Police station
2. Local Civil Registrar
3. MDRRMO
4. MSWDO
5. MENRO
6. Community Affairs Office (CAO)
7. Tribal Affairs Office
8. Office of the Municipal Agriculturist
9. Municipal Health Office/ DOH
10. Municipal Engineering Office
11. Municipal Assessors Office

Nagbigay din ng mensahe sina Councilor Roy Cagas, Vice Mayor Ric Magbanua at CAO head Jabib Bides Jr.

Kuha ang mga larawan sa Purok and Sitio reporting and consultation kasama ang mga taga Purok San Vicente, 𝐁𝐚𝐫𝐚𝐧𝐠𝐚𝐲 𝐁𝐮𝐭𝐨.

📷 Edgar Manlubatan (CAO)

05/08/2026

𝗦𝗔𝗡𝗚𝗚𝗨𝗡𝗜𝗔𝗡𝗚 𝗕𝗔𝗬𝗔𝗡 𝗡𝗚 𝗧𝗔𝗠𝗣𝗔𝗞𝗔𝗡 𝗕𝗜𝗟𝗔𝗡𝗚 𝗤𝗨𝗔𝗦𝗜-𝗝𝗨𝗗𝗜𝗖𝗜𝗔𝗟 𝗕𝗢𝗗𝗬

Nagsagawa ang Sangguniang Bayan ng Tampakan ng pagdinig sa isang kasong administratibo alinsunod sa Local Government Code of 1991 (Republic Act No. 7160) at iba pang umiiral na mga batas, patakaran, at alituntunin.

Bilang isang quasi-judicial body, ang Sangguniang Bayan ay may tungkuling dinggin at resolbahin ang mga reklamong administratibo laban sa mga inihalal na opisyal ng barangay na nasa hurisdiksyon nito. Sa bawat pagdinig, tinitiyak na nasusunod ang due process, kabilang ang pagbibigay ng pagkakataon sa lahat ng panig na maipahayag ang kanilang panig at makapagharap ng mga ebidensya at testigo.

04/08/2026

𝗥𝗔𝗡𝗗𝗢𝗠 𝗗𝗥𝗨𝗚 𝗧𝗘𝗦𝗧𝗜𝗡𝗚, 𝗜𝗦𝗜𝗡𝗔𝗚𝗔𝗪𝗔 𝗦𝗔 𝗠𝗚𝗔 𝗘𝗠𝗣𝗟𝗘𝗬𝗔𝗗𝗢 𝐀𝐓 𝐎𝐏𝐈𝐒𝐘𝐀𝐋 𝗡𝗚 𝗟𝗚𝗨

Isinagawa ng Local Government Unit ng Tampakan ang random drug testing para sa mga empleyado ng munisipyo bilang bahagi ng patuloy na pagpapatupad ng programang Drug-Free Workplace.

Pinangunahan ni Mayor Leonard Escobillo, RN ang pagbunot ng mga pangalan ng mga empleyadong sasailalim sa random drug testing. Ang proseso ay isinagawa sa patas at transparent na paraan upang matiyak ang integridad ng programa.

Ang aktibidad ay alinsunod sa Municipal Ordinance No. 147, o ang ordinansang nagtatatag ng Drug-Free Workplace sa Pamahalaang Bayan ng Tampakan. Layunin nitong mapanatiling ligtas, produktibo, at malaya sa ipinagbabawal na gamot ang mga kawani ng lokal na pamahalaan, bilang bahagi ng pagbibigay ng mahusay at responsableng serbisyo publiko.

Sa pamamagitan ng regular na random drug testing at iba pang mga inisyatiba ng MADAC, patuloy na pinagtitibay ng Pamahalaang Bayan ng Tampakan ang pangako nitong mapanatili ang isang drug-free workplace.

03/08/2026

𝐓𝐂𝐂𝐢𝐚𝐧𝐬, 𝐍𝐀𝐊𝐈𝐈𝐒𝐀 𝐒𝐀 𝐌𝐎𝐓𝐎𝐑𝐂𝐀𝐃𝐄 𝐀𝐓 𝐎𝐑𝐈𝐄𝐍𝐓𝐀𝐓𝐈𝐎𝐍 𝐒𝐀 𝐏𝐎𝐑𝐌𝐀𝐋 𝐍𝐀 𝐏𝐀𝐆𝐁𝐔𝐁𝐔𝐊𝐀𝐒 𝐍𝐆 𝐓𝐀𝐌𝐏𝐀𝐊𝐀𝐍 𝐂𝐎𝐌𝐌𝐔𝐍𝐈𝐓𝐘 𝐂𝐎𝐋𝐋𝐄𝐆𝐄

Pormal nang binuksan ngayong Agosto 3, 2026 ang Tampakan Community College (TCC), hudyat ng pagsisimula ng unang semestre para sa pioneering batch ng Bachelor of Science in Agribusiness.

Bilang bahagi ng pagbubukas, pagkatapos ng regular convocation program ay nakiisa ang mga TCCians at faculty nito sa isang motorcade.

Kasunod nito ay isinagawa ang General Orientation kung saan tinalakay ang mga patakaran ng kolehiyo, mga serbisyong pang-estudyante, mga alituntuning pang-akademiko, at ang mga inaasahang tungkulin at responsibilidad ng bawat TCCian.

Nasa 94 enrollees sa ngayon ang TCC at extended pa ang enrollment hanggang August 7, 2026.

Ang Tampakan Community College ay bunga ng sama-samang pagsisikap ng Lokal na Pamahalaan ng Tampakan sa pangunguna ni Mayor Leonard Escobillo, RN upang mailapit ang dekalidad at libreng edukasyon sa mga kabataang Tampakeño.

03/08/2026

Ang mga sumusunod na TODA MEMBERS O Kanilang nga drivers ay kinakailangang mag sumite sa Sangguniang Bayan ng mga Drivers License, August 3, 2026.

Bukas po ang SB office hanggang 5PM.

Address

Tampakan
South Cotabato
9507

Telephone

+63832271001

Website

facebook.com

Alerts

Be the first to know and let us send you an email when Municipal Government of Tampakan posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Municipal Government of Tampakan:

Want your organization to be the top-listed Government Service in South Cotabato?

Municipal Government of Tampakan

06/08/2026

06/08/2026

06/08/2026

05/08/2026

05/08/2026

05/08/2026

04/08/2026

03/08/2026

03/08/2026

Address

Telephone

Website

Alerts

Contact The Organization

Shortcuts

Share

Category

Listing takedown request