https://www.facebook.com/552545141548921/

902nd Infantry Fight & Serve Brigade, Camp Busig-On, Tulay Na Lupa, Tulay na Lupa (2026)

31/08/2026

Sa paggunita ng 𝐍𝐚𝐭𝐢𝐨𝐧𝐚𝐥 𝐇𝐞𝐫𝐨𝐞𝐬 𝐃𝐚𝐲 𝟐𝟎𝟐𝟔, saludo kami sa mga bayaning nag-alay ng buhay at sakripisyo para sa kalayaan at kapayapaan ng ating bayan. Bilang mga sundalo at lingkod-bayan, patuloy naming isinasabuhay ang kanilang kabayanihan sa tapat na paglilingkod, pagprotekta, at pagsasakripisyo para sa bayan at sambayanang Pilipino.

28/08/2026

𝐃𝐀𝐓𝐈𝐍𝐆 𝐊𝐀𝐒𝐀𝐏𝐈 𝐍𝐆 𝐂𝐓𝐆, 𝐒𝐔𝐌𝐔𝐊𝐎 𝐒𝐀 𝟗𝐈𝐁; 𝐏𝐈𝐍𝐈𝐋𝐈𝐍𝐆 𝐓𝐀𝐋𝐈𝐊𝐔𝐑𝐀𝐍 𝐀𝐍𝐆 𝐀𝐑𝐌𝐀𝐃𝐎𝐍𝐆 𝐏𝐀𝐊𝐈𝐊𝐈𝐁𝐀𝐊𝐀

CAMP BUSIG-ON — Labing-apat (14) na dating kasapi ng Communist Terrorist Group (CTG) ang kusang-loob na tinalikuran ang armadong pakikibaka at nagpasyang magbalik-loob sa pamahalaan sa pamamagitan ng kanilang pagsuko sa 9th Infantry (SANDIGAN) Battalion, Philippine Army, sa pamumuno ni LTCOL ESTEBAN L MANGABAT INF (GSC) PA, noong Agosto 27, 2026.

Pinangunahan ni Hon. Edelson Marfil, Punong Bayan ng Libmanan, ang pormal na presentasyon ng mga nagbalik-loob, na kumakatawan sa kanilang unang hakbang tungo sa panibagong buhay at muling pakikipag-ugnayan sa kanilang pamilya at komunidad.

Sa kanyang mensahe, binigyang-diin ni BGEN MANUEL DARIUS RESUELLO PA, Brigade Commander ng 902nd Infantry “Fight and Serve” Brigade, na ang bawat pagbabalik-loob ay isang mahalagang hakbang tungo sa kapayapaan at panibagong pagkakataon. Aniya, nananatiling bukas ang pamahalaan at Philippine Army sa mga nagnanais na talikuran ang armadong pakikibaka at piliin ang mapayapang pamumuhay.

Patuloy namang nakikipag-ugnayan ang 9IB sa mga lokal na pamahalaan at iba pang katuwang na ahensya upang matiyak ang nararapat na suporta at reintegrasyon ng mga nagbalik-loob, kabilang ang pagbibigay ng mga oportunidad para sa kanilang panibagong simula bilang mapayapa at produktibong mamamayan.

Ang sunod-sunod na pagbabalik-loob ng mga dating kasapi ng CTG ay nagpapakita ng patuloy na pagsisikap at tagumpay ng pamahalaan sa pagsusulong ng kapayapaan at pagtugon sa insurhensiya sa pamamagitan ng “Whole-of-Nation Approach”. Higit pa rito, malinaw nitong ipinakikita ang patuloy na pagwala ng impluwensya ng teroristang NPA, habang dumarami ang mga dating kasapi nito na kumikilala sa kahalagahan ng pagbabalik sa kanilang mga pamilya at komunidad, at sa pagpili ng mapayapa, ligtas, at produktibong pamumuhay.

27/08/2026

𝐖𝐀𝐋𝐎𝐍𝐆 𝐃𝐀𝐓𝐈𝐍𝐆 𝐂𝐓𝐆 𝐌𝐄𝐌𝐁𝐄𝐑𝐒 𝐀𝐓 𝐒𝐔𝐏𝐏𝐎𝐑𝐓𝐄𝐑𝐒, 𝐁𝐎𝐋𝐔𝐍𝐓𝐀𝐑𝐘𝐎𝐍𝐆 𝐒𝐔𝐌𝐔𝐊𝐎 𝐒𝐀 𝟗𝐈𝐁 𝐒𝐀 𝐋𝐈𝐁𝐌𝐀𝐍𝐀𝐍

Camp Busig-on — Walong (8) dating miyembro at tagasuporta ng dismantled Platoon 3, Sub-Regional Committee 5 (SRC 5), Bicol Regional Party Committee (BRPC), ang boluntaryong sumuko sa pamahalaan sa pamamagitan ng 9th Infantry (Sandigan) Battalion na pinamumunuan ni Lieutenant Colonel Esteban L Mangabat INF (GSC) PA, noong 18 Agosto 2026 sa Cambalidio Patrol Base, Sitio Lantad, Barangay Cambalidio, Libmanan, Camarines Sur. Kabilang sa mga sumuko sina alyas “Lawin,” “Marvin,” “Rico,” “Jeric,” “Bunos,” “Leno,” “Ramil,” at “Robot.” Kasabay ng pagsuko ni alyas “Lawin” ang pag-turn over ng isang M653 rifle na may defaced serial number, mga magasin, at mga bala. Ang panibagong pagsuko ay nagpapakita ng patuloy na pagnanais ng mga dating kasapi at tagasuporta ng Communist Terrorist Group (CTG) na talikuran ang armadong pakikibaka at piliin ang mapayapang pagbabalik sa kanilang pamilya at komunidad.

Pinuri ni Brigadier General Manuel Darius M. Resuello PA, Commander ng 902nd Infantry “Fight and Serve” Brigade, ang pamunuan at mga kasundaluhan ng 9th Infantry Battalion sa kanilang patuloy na pagsisikap na isulong ang mga hakbang tungo sa pangmatagalang kapayapaan sa kanilang nasasakupan. Binigyang-diin ni BGen Resuello na mahalaga ang patuloy na dayalogo, pakikipag-ugnayan, at pagbibigay ng pagkakataon sa mga nagnanais nang kumalas sa armadong pakikibaka upang makabalik sa kanilang pamilya at maging produktibong bahagi ng lipunan. “Mas mabuti ang pag-usapan kaysa pag-aawayan,” dagdag ng Heneral, bilang pagpapahalaga sa mapayapang paraan ng paglutas sa mga suliranin at pagkakaiba sa halip na dahas at karahasan.

Samantala, tiniyak ng 902nd Infantry Brigade, katuwang ang 9IB, mga Local Government Units (LGUs), concerned government agencies, at iba pang stakeholders, ang patuloy na suporta sa mga boluntaryong nagbabalik-loob upang matulungan silang makapagsimulang muli at magkaroon ng mas maayos at produktibong pamumuhay. Ang magkakasunod na pagsuko ay patunay na ang pagkakaisa ng pamahalaan, kasundaluhan, at komunidad ay may mahalagang papel sa pagsusulong ng kapayapaan. Patuloy na paiigtingin ng Brigade ang mga inisyatiba na naglalayong mapanatili ang peace and security gains at mabigyan ng pagkakataon ang mga dating kasapi at tagasuporta ng CTG na tuluyang makabalik sa kanilang pamilya, komunidad, at lipunan.

27/08/2026

𝐒𝐎𝐋𝐂𝐎𝐌 𝐂𝐨𝐦𝐦𝐚𝐧𝐝𝐞𝐫 𝐛𝐢𝐧𝐢𝐬𝐢𝐭𝐚 𝐚𝐧𝐠 𝐡𝐢𝐦𝐩𝐢𝐥𝐚𝐧 𝐧𝐠 𝟗𝟎𝟐𝐧𝐝 𝐈𝐧𝐟𝐚𝐧𝐭𝐫𝐲 𝐁𝐫𝐢𝐠𝐚𝐝𝐞

Labo, Camarines Norte — Bumisita si Lieutenant General Cerilo C Balaoro Jr., Commander ng Southern Luzon Command (SOLCOM), sa himpilan ng 902nd Infantry “Fight and Serve” Brigade noong Agosto 25, 2026 sa Camp Busig-on, Tulay na Lupa, Labo, Camarines Norte, bilang bahagi ng kanyang patuloy na pakikipag-ugnayan sa mga yunit ng Armed Forces of the Philippines sa Southern Luzon. Layunin ng kanyang pagbisita na personal na makadaupang-palad ang mga sundalo at pasalamatan ang mga ito sa kanilang dedikasyon, propesyonalismo, at sakripisyong ipinapamalas sa pagpapanatili ng kapayapaan at seguridad sa mga komunidad na kanilang pinaglilingkuran.

Kasama sa aktibidad ang mga Commanding Officer ng 42nd Infantry Battalion, 81st Infantry Battalion, at 9th Infantry Battalion, gayundin ang Director ng Community Defense Center at iba pang operationally controlled unit. Sa kanyang mensahe, pinuri ni LTGEN Balaoro ang sunod-sunod na deklarasyon ng Stable Internal Peace and Security (SIPS) sa mga lugar na nasasakupan ng Brigade. Ayon sa kanya, ang mga tagumpay na ito ay malinaw na patunay ng matatag na ugnayan at pagtutulungan ng mga lokal na pamahalaan, mamamayan, at kasundaluhan sa pagsusulong ng pangmatagalang kapayapaan. Binigyang-diin din niya na ang tunay na sukatan ng tagumpay ay hindi lamang nakikita sa mga operasyong militar kundi sa kakayahan ng mga komunidad na mapanatili ang kaayusan, pagkakaisa, at pag-unlad sa pamamagitan ng sama-samang pagkilos ng iba’t ibang sektor ng lipunan.

Samantala, nagpahayag ng pasasalamat si Brigadier General Manuel Darius M. Resuello, Commander ng 902nd Infantry Brigade, sa pagbisita at pagkilala ng SOLCOM Commander sa mga nagawa ng Brigade. Ayon kay BGen Resuello, ang presensya at suporta ni LTGEN Balaoro ay nagsisilbing inspirasyon sa mga kawal upang lalo pang pagbutihin ang kanilang paglilingkod sa bayan. Tiniyak din niya na mananatiling matatag ang pangako ng Brigade na paigtingin ang pakikipagtulungan sa mga lokal na pamahalaan, mga stakeholder, at mamamayan upang mapanatili ang mga nakamit na tagumpay at higit pang maisulong ang kapayapaan, seguridad, at kaunlaran sa buong nasasakupan nito.

26/08/2026

FIGHT AND SERVE SA RADYO | Ang programa ng 902nd Infantry Fight & Serve Brigade na maghahatid sainyo ng impormasyon mga aktibidades sa ngalan ng Public Service.
PROGRAM HOST: PARENG TAG'S
CO-HOST: ATE SHAWIE

26/08/2026

𝐇𝐮𝐦𝐚𝐧𝐢𝐭𝐚𝐫𝐢𝐚𝐧, 𝐒𝐩𝐢𝐫𝐢𝐭𝐮𝐚𝐥, 𝐚𝐭 𝐂𝐨𝐮𝐧𝐬𝐞𝐥𝐢𝐧𝐠 𝐀𝐬𝐬𝐢𝐬𝐭𝐚𝐧𝐜𝐞 𝐬𝐚 𝐁𝐚𝐠𝐨𝐧𝐠 𝐏𝐚𝐠-𝐀𝐬𝐚 𝐏𝐞𝐨𝐩𝐥𝐞’𝐬 𝐎𝐫𝐠𝐚𝐧𝐢𝐳𝐚𝐭𝐢𝐨𝐧

CAMP BUSIG-ON, CAMARINES NORTE — Muling pinagtibay ng 902nd Infantry “Fight and Serve” Brigade ang patuloy nitong suporta sa mga miyembro ng Bagong Pag-asa People’s Organization sa pamamagitan ng isinagawang Humanitarian, Spiritual, at Counseling Assistance noong 22 Agosto 2026 sa Headquarters ng Brigade, Barangay Tulay na Lupa, Labo, Camarines Norte. Layunin ng aktibidad na matugunan ang ilang pangunahing pangangailangan ng mga benepisyaryo habang mabigyan sila ng espirituwal na paggabay at counseling bilang bahagi ng mas malawak na pagsisikap na suportahan ang kanilang reintegration, pagpapanibago ng pananaw, at pagbubuo ng mas maayos at produktibong pamumuhay.

Naging sentro ng aktibidad ang pagbibigay ng espirituwal na paggabay at pagpapalakas ng loob ng mga benepisyaryo. Nagsimula ito sa panalangin at Bible reading na pinangunahan ni Sister Elsie Junio, na sinundan ng praise and worship na pinangunahan naman ni Sister Blesi Panotes. Sa ngalan ni Brigadier General Manuel Darius M. Resuello, Brigade Commander, nagpaabot ng mensahe ng pagtanggap at suporta si Lieutenant Colonel Heinrich Ambrocio, Brigade Executive Officer. Nagbigay rin ng mensahe si Pastor Edwin Alano na nagbigay-diin sa kahalagahan ng pananampalataya, pag-asa, at pagkakaroon ng lakas ng loob na yakapin ang panibagong simula. Sa pamamagitan ng counseling at personal na pakikipag-ugnayan, nabigyan din ang mga kalahok ng pagkakataong maipahayag ang kanilang mga saloobin at mapalakas ang kanilang kakayahang harapin ang mga hamon ng reintegration.

Bilang bahagi ng pagtatapos ng aktibidad, ipinamahagi sa mga dumalo ang food packs at snacks bilang konkretong pagpapakita ng malasakit at suporta. Higit pa sa materyal na tulong, binigyang-halaga ng 902nd Infantry Brigade ang mensaheng hatid ng programa—na ang reintegration ay isang patuloy na proseso na nangangailangan ng pag-unawa, paggabay, at sama-samang suporta mula sa pamahalaan, mga faith-based organizations, at komunidad. Sa pagpapatuloy ng mga ganitong inisyatiba, nananatiling nakatuon ang Brigade sa pagbuo ng mga pagkakataong makatutulong sa mga benepisyaryo na makapagsimula muli nang may pag-asa, dignidad, at higit na kumpiyansa sa kanilang kinabukasan.

22/08/2026

𝐋𝐔𝐏𝐈, 𝐂𝐀𝐌𝐀𝐑𝐈𝐍𝐄𝐒 𝐒𝐔𝐑 𝐈𝐃𝐈𝐍𝐄𝐊𝐋𝐀𝐑𝐀𝐍𝐆 𝐒𝐓𝐀𝐁𝐋𝐄 𝐈𝐍𝐓𝐄𝐑𝐍𝐀𝐋 𝐏𝐄𝐀𝐂𝐄 𝐀𝐍𝐃 𝐒𝐄𝐂𝐔𝐑𝐈𝐓𝐘 𝐀𝐑𝐄𝐀

Camp Busig-on, Tulay na Lupa, Labo - Isang mahalagang yugto sa pagpapanatili ng kapayapaan at seguridad ang nasaksihan sa bayan ng Lupi matapos itong pormal na ideklara bilang Stable Internal Peace and Security (SIPS) Area ngayong Agosto 20, 2026.

Ang makasaysayang deklarasyon ay patunay ng sama-samang pagsisikap ng lokal na pamahalaan, Armed Forces of the Philippines (AFP), Philippine National Police (PNP), Bureau of Fire Protection (BFP), Department of the Interior and Local Government (DILG), national government agencies, mga barangay, at higit sa lahat, ng mamamayan ng Lupi.

Pinangunahan ang seremonya nina Mayor Christopher “Topi” V. Jacinto at BGEN MANUEL DARIUS M RESUELLO PA, Brigade Commander ng 902nd Infantry Brigade, 9th Infantry Division, Philippine Army, kasama si LTCOL LINECO S BASAS INF (GSC), PA, Commander ng 81st Infantry Battalion, 7th Infantry Division, Philippine Army.

Naroon din ang mga kinatawan mula sa PNP, BFP, DILG, mga punong barangay, iba’t ibang sangay ng pamahalaan, at mga katuwang na institusyon na patuloy na nagsusulong ng kapayapaan, seguridad, at kaunlaran sa bayan.

Sa kanyang mensahe, binigyang-diin ni BGen Resuello na ang pagkamit ng SIPS status ng Lupi ay hindi bunga ng iisang organisasyon lamang, kundi resulta ng pagkakaisa at tuloy-tuloy na pagtutulungan ng buong komunidad.

Aniya, ang deklarasyon ay sumasalamin sa makabuluhang pagbabago sa Lupi—mula sa mga hamon at suliraning kinaharap noon tungo sa isang pamayanang higit na matatag, mapagbantay, at nagkakaisa.

Gayunman, nilinaw ni BGen Resuello na ang pagkakaroon ng SIPS status ay hindi nangangahulugang natatapos na ang responsibilidad ng bawat isa. Sa halip, ito ay nagsisilbing panibagong hamon upang mapanatili, maprotektahan, at higit pang mapalakas ang kapayapaang nakamit.

Binigyang-diin din ang kahalagahan ng patuloy na pagpapatupad ng mga programa ng pamahalaan, pagpapatatag ng ugnayan ng mga sektor, at pagpapaigting ng community awareness upang maiwasan ang muling pag-usbong ng karahasan, takot, at maling impormasyon.

Sa ilalim ng whole-of-nation approach, inaasahang magpapatuloy ang koordinasyon ng lokal na pamahalaan, security forces, national government agencies, barangay officials, at mga mamamayan upang matiyak na ang kapayapaan ay maisalin sa konkretong oportunidad at mas mahusay na serbisyo para sa bawat taga-Lupi.

Ang deklarasyon ng Lupi bilang SIPS Area ay isang mahalagang tagumpay, ngunit higit itong nagsisilbing panibagong simula—isang panawagan para sa patuloy na pagkakaisa, pagbabantay, at sama-samang pagkilos tungo sa pangmatagalang kapayapaan at kaunlaran.

LUPI: MATATAG SA KAPAYAPAAN, NAGKAKAISA PARA SA KAUNLARAN.

20/08/2026

𝐓𝐀𝐓𝐋𝐎𝐍𝐆 𝐌𝐎𝐓𝐎𝐑𝐈𝐙𝐄𝐃 𝐁𝐀𝐍𝐆𝐊𝐀, 𝐈𝐓𝐈𝐍𝐔𝐑𝐍-𝐎𝐕𝐄𝐑 𝐒𝐀 𝐌𝐆𝐀 𝐏𝐄𝐎𝐏𝐋𝐄’𝐒 𝐎𝐑𝐆𝐀𝐍𝐈𝐙𝐀𝐓𝐈𝐎𝐍 𝐍𝐆 𝐂𝐀𝐌𝐀𝐑𝐈𝐍𝐄𝐒 𝐒𝐔𝐑

CAMP BUSIG-ON, Labo, Camarines Norte — Bilang bahagi ng patuloy na pagsusulong ng kabuhayan at community development, isinagawa ang turn-over ceremony ng tatlong (3) motorized boats na ipinagkaloob ng Philippine Army Finance Center Producers Integrated Cooperative (PAFCPIC) sa mga piling People’s Organizations (POs) mula sa Pasacao, Minalabac, at Sipocot nitong ika-18 ng Agosto 2026 sa Police Maritime Unit, Brgy. Sta. Rosa del Norte, Pasacao, Camarines Sur.

Pinangunahan ni BGEN MANUEL DARIUS RESUELLO PA, Brigade Commander ng 902nd Infantry (FIGHT AND SERVE) Brigade, kasama ang 9th Infantry (SANDIGAN) Battalion sa pamumuno ni LTC ESTEBAN L MANGABAT INF (GSC) PA, ang nasabing aktibidad. Dumalo rin si BGEN FERNANDO S ZABAT (Ret.), President ng PAFCPIC, kasama ang mga opisyal nito, mga kinatawan ng pamahalaan, at iba pang katuwang na organisasyon.

Nakibahagi rin sa aktibidad ang mga kinatawan ng Maritime Police Station, Municipal Police Stations, at mga Punong Barangay mula sa mga lugar na sakop ng programa, na nagpahayag ng kanilang suporta sa mga inisyatibang naglalayong palakasin ang kabuhayan at seguridad ng mga komunidad.

Kabilang sa mga pangunahing bahagi ng programa ang Signing of Certificate of Acceptance ng mga benepisyaryong POs, Ceremonial Turn-Over of Motorized Boats, at Awarding of Certificate of Appreciation sa PAFCPIC bilang pagkilala sa mahalagang ambag nito sa livelihood program ng mga benepisyaryo.

Ang pagkakaloob ng mga motorized boats ay naglalayong palakasin ang kabuhayan ng mga benepisyaryo, partikular ang mga umaasa sa pangingisda at iba pang gawaing pangkabuhayan na may kaugnayan sa yamang-dagat. Inaasahang makatutulong ang mga ito upang mapahusay ang kanilang fishing activities, mapataas ang produktibidad, at makalikha ng mas matatag na pinagkakakitaan para sa kanilang mga pamilya.

Sa kanyang mensahe, binigyang-diin ni BGEN RESUELLO ang kahalagahan ng pagtutulungan ng Philippine Army, pamahalaan, pribadong sektor, law enforcement agencies, at mga lokal na pamahalaan upang higit na mapalakas ang kabuhayan ng mga mangingisda at masuportahan ang kanilang mga pamilya.

Binati rin ng Brigade ang Sipocot Fisherfolks Association, Dalupaon Fisherfolk Association, at San Antonio Fisherfolk Association, at hinikayat ang mga ito na gamitin nang maayos, responsable, at produktibo ang mga ipinagkaloob na bangka upang maging tunay na instrumento ng kanilang pag-unlad.

Sa kabuuan, ang pagkakaloob ng mga motorized boats ay hindi lamang tungkol sa pagbibigay ng kagamitan sa pangingisda, kundi isang konkretong hakbang tungo sa mas matatag na kabuhayan, mas maunlad na komunidad, at mas magandang kinabukasan para sa mga benepisyaryo at kanilang mga pamilya.

Patuloy na isinusulong ng 902nd Infantry (FIGHT AND SERVE) Brigade, katuwang ang mga ahensya ng pamahalaan, pribadong sektor, local government units, at iba pang stakeholders, ang Whole-of-Nation Approach upang maisulong ang inclusive development, kapayapaan, seguridad, at katatagan ng mga pamayanan.

Isang bangka, isang kabuhayan, isang mas magandang kinabukasan—sama-samang umaagapay para sa kaunlaran.

19/08/2026

𝐋𝐈𝐌𝐀𝐍𝐆 𝐌𝐈𝐋𝐈𝐒𝐘𝐀𝐍𝐆 𝐁𝐀𝐘𝐀𝐍, 𝐓𝐈𝐍𝐀𝐋𝐈𝐊𝐔𝐑𝐀𝐍 𝐀𝐍𝐆 𝐊𝐈𝐋𝐔𝐒𝐀𝐍 𝐀𝐓 𝐁𝐎𝐋𝐔𝐍𝐓𝐀𝐑𝐘𝐎𝐍𝐆 𝐍𝐀𝐆𝐁𝐀𝐋𝐈𝐊-𝐋𝐎𝐎𝐁 𝐒𝐀 𝟗𝐈𝐁

Limang dating miyembro ng Milisyang Bayan ng KLG2, SRC1, BRPC ang boluntaryong tumalikod sa kilusan at nagbalik-loob sa pamahalaan sa pamamagitan ng 9th Infantry “Sandigan” Battalion noong Agosto 6, 2026.

Isinagawa ang kanilang pagbabalik-loob sa Cambalidio Patrol Base, Sitio Lantad, Barangay Cambalidio, Libmanan, Camarines Sur, sa pangunguna ni 2nd Lieutenant John Mark V. Caracut, Platoon Leader ng Charlie Company, 9IB, kasama ang mga tauhan ng naturang yunit.

Kinilala ang limang nagbalik-loob sa mga alyas na “Lando,” “Puma,” “Queen,” “Edlum,” at “Ramon.” Boluntaryo rin nilang isinuko ang isang caliber .38 revolver at anim na bala, na isinailalim sa tamang documentation at accounting.

Binigyang-diin ni LTC ESTEBAN L MANGABAT INF (GSC) PA, Commander, 9th Infantry Battalion, 9ID, PA na ang kanilang desisyon ay malinaw na pagpili sa mapayapang pamumuhay, seguridad, at muling pagkakabuklod ng pamilya kaysa manatili sa isang kilusang naglalayo sa kanila sa kanilang mga mahal sa buhay at komunidad.

Hinikayat naman ni BGEN MANUEL M DARIUS RESUELLO PA, Brigade Commander, 902Bde, 9ID, PA ang iba pang kasapi at tagasuporta ng armadong kilusan na huwag nang sayangin ang pagkakataong makapagbagong-buhay. Bukas ang pamahalaan upang tulungan silang makabalik sa kanilang pamilya at mamuhay nang malaya sa takot at karahasan.

Ang boluntaryong pagbabalik-loob ng lima ay malinaw na palatandaan ng patuloy na pagkawala ng suporta ng kilusan mula sa mamamayan. Ramdam na rin nito ang tumitinding pressure mula mismo sa mga komunidad na tumatanggi na sa karahasan at aktibong nakikiisa sa pamahalaan at security forces. Patuloy na makikipag-ugnayan ang 9IB sa mga komunidad, lokal na pamahalaan, at iba pang stakeholders upang mapanatili ang kapayapaan at masuportahan ang reintegrasyon ng mga dating kasapi ng kilusan.

19/08/2026

FIGHT AND SERVE SA RADYO | Ang programa ng 902nd Infantry Fight & Serve Brigade na maghahatid sainyo ng impormasyon mga aktibidades sa ngalan ng Public Service.

PROGRAM HOST: PARENG TAG'S
CO-HOST: KUYA NICKIE

902nd Infantry Fight & Serve Brigade

31/08/2026

28/08/2026

27/08/2026

27/08/2026

26/08/2026

26/08/2026

22/08/2026

20/08/2026

19/08/2026

19/08/2026

Address

Telephone

Website

Alerts

Contact The Organization

Shortcuts

Share

Category

Listing takedown request