01/06/2026
Sa pagsisimula ng buwan ng Hunyo 2026, matagumpay na isinagawa ng Lokal na Pamahalaan ng Tulunan ang ikaanim na Monthly Convocation ngayong araw, Hunyo 1, 2026, sa Tulunan Municipal Gymnasium sa pangunguna ng Municipal Accounting Office (MACCO) at Economic Enterprise Office (EEO).
Dinaluhan ang naturang aktibidad ng mga opisyal ng munisipyo, department at section heads, at mga kawani ng lokal na pamahalaan bilang bahagi ng patuloy na pagsusulong ng transparency, accountability, at mahusay na serbisyo publiko.
Sa kaniyang ulat, ibinahagi ni Municipal Accountant Sheryl A. Mendoza, CPA ang mga accomplishment ng Municipal Accounting Office, kabilang ang paglulunsad ng kanilang E-Guide para sa mga liaison personnel ng bawat tanggapan ng lokal na pamahalaan. Layunin nitong magsilbing komprehensibong gabay sa wasto, mabilis, at episyenteng pagproseso ng mga dokumento at transaksyon sa tanggapan upang higit na mapalakas ang koordinasyon at mapabilis ang paghahatid ng serbisyo sa publiko.
Samantala, iniulat naman ni Market Inspector Ylan A. Cabatingan ang mga nagawa ng Economic Enterprise Office, kabilang ang pagsasaayos ng mga stall sa Public Market at ang patuloy na pagsasagawa ng clean-up operations sa Public Market, Public Cemetery, Terminal, at Slaughterhouse upang mapanatili ang kalinisan, kaayusan, at maayos na operasyon ng mga pampublikong pasilidad ng bayan.
Matapos ang presentation ng mga sponsor na tanggapan, kinilala at binigyan ng munting token ang mga kawani na nagdiwang ng kanilang kaarawan ngayong buwan bilang pagkilala sa kanilang dedikasyon at patuloy na paglilingkod sa pamahalaan.
Nakiisa rin sa programa si Municipal Administrator Rashid Al V. Gepte bilang kinatawan ni Mayor Lee Roy V. Villasor, CE. Sa kaniyang mensahe, nagpahayag siya ng pasasalamat sa Municipal Accounting Office at Economic Enterprise Office sa matagumpay na pangunguna sa convocation. Binigyang-diin din niya ang kahalagahan ng accomplishment reporting bilang paraan upang maipabatid sa mga kawani at mamamayan ang mga nagawa, programa, at serbisyong ipinapatupad ng bawat tanggapan ng lokal na pamahalaan.
Dumalo rin sa nasabing aktibidad sina Vice Mayor Rhezan P. Obrique, 20th Sangguniang Bayan Member Maureene Ann L. Villamor-Peรฑafiel, Robert Pio B. Peรฑafiel, at SK Municipal Federation President Coleen O. Dela Cruz, RN, na nagbahagi ng kanilang pagbati at mahahalagang updates kaugnay ng kanilang mga komite at mga programang kasalukuyang isinusulong.
Ipinapakita lamang ng buwanang convocation ang patuloy na pagkakaisa, koordinasyon, at dedikasyon ng mga opisyal at kawani ng Lokal na Pamahalaan ng Tulunan sa paghahatid ng mahusay, tapat, at responsableng serbisyo publiko. Sa pamamagitan ng regular na pagbabahagi ng mga accomplishment at inisyatiba ng bawat tanggapan, higit na napalalakas ang transparency at accountability na siyang mahalagang pundasyon ng mabuting pamamahala na isinusulong ng pamunuan ni Mayor Villasor para sa kapakanan ng bawat Tulunense.
๐ฎ๐๐๐๐๐๐๐ ๐๐๐ ๐ฒ๐๐๐๐๐๐๐, ๐ฉ๐๐๐๐๐๐ ๐๐ ๐ฉ๐๐๐๐๐ ๐ป๐๐๐๐๐๐
โ๏ธ| ๐๐ณ๐ต๐ช๐ค๐ญ๐ฆ ๐ฃ๐บ: Tulunan Municipal Information Office
๐ธ| ๐๐ฉ๐ฐ๐ต๐ฐ ๐๐ฐ๐ถ๐ณ๐ต๐ฆ๐ด๐บ: MIO
