01/09/2026
ICYMI | Binigyang-diin sa Malacañang Press Briefing ang pagpapalakas ng flood control at climate resilience, pagbibigay ng ayuda sa mga apektadong komunidad, pagpapaunlad ng imprastraktura, at pagpapalakas ng serbisyo at seguridad sa karagatan sa ilalim ng administrasyon ni Pangulong Ferdinand R. Marcos Jr.
Narito ang mga mahalagang detalye mula sa Malacañang Press Briefing ngayong Setyembre 1, 2026 kasama si Palace Press Officer Undersecretary Claire Castro:
- Hinimok ni Pangulong Ferdinand R. Marcos Jr. ang mahigpit na pagpapatupad ng mga batas kaugnay ng climate change, urban planning at no-build zones upang maprotektahan ang buhay at mabawasan ang panganib ng pagbaha.
- Binigyang-diin ng Pangulo ang pangangailangang iangkop ang mga flood-control at urban-planning measures sa lumalalang epekto ng climate change, kabilang ang pagsusuri sa mga umiiral na master plan para sa Metro Manila at Cebu.
- Inatasan ang mga ahensya ng pamahalaan na tiyaking walang pamilyang maiiwan sa gitna ng kalamidad, partikular ang mga residenteng nasa isolated areas dahil sa matinding pagbaha.
- Patuloy ang paghahatid ng food packs, ready-to-eat food, non-food items, bigas, potable water at financial assistance sa mga apektadong residente sa Central Luzon at iba pang lugar.
- Naglaan ang pamahalaan ng agricultural assistance, crop insurance at financial assistance para sa mga magsasaka at mangingisdang naapektuhan ng pagbaha, kabilang ang recovery loan na nagkakahalaga ng hanggang P35,000.
- Tiniyak ng DOH ang sapat na suplay ng gamot at kapasidad ng mga ospital para sa mga kaso ng leptospirosis, habang patuloy ang health response sa mga lugar na sinalanta ng baha.
- Isinusulong ng DPWH ang agarang pagkukumpuni ng mga nasirang kalsada, tulay, d**e at iba pang imprastraktura sa mga apektadong lugar, kabilang ang mga proyekto sa Tarlac, Pampanga at Zambales.
- Binigyang-diin ang pananagutan ng mga LGU sa pagpapatupad ng no-build zones, National Building Code, wastong pagtatapon ng basura at pagpapanatiling malinis ng mga daluyan ng tubig.
- Tinalakay ang posibilidad ng mga karagdagang flood-control at water-impounding projects sa Pampanga, kabilang ang muling pagsusuri sa mga naunang panukala upang matukoy ang mga angkop na pangmatagalang solusyon.
- Sa sitwasyon sa NLEX, sinabi ng Palasyo na ang pangunahing prayoridad ng Pangulo ay ang agarang pagtulong sa mga stranded na motorista, hindi ang pagpapataw muna ng mga sanction.
- Iginiit ng Malacañang na ang tunay na serbisyo ng mga opisyal ay nasusukat sa kanilang gawa at pagtugon sa pangangailangan ng mamamayan, habang nanawagan din ng pagiging sensitibo sa panahon ng krisis.
- Kinilala ni Pangulong Marcos Jr. ang mahalagang papel ng Philippine Coast Guard (PCG) sa pagbabantay sa West Philippine Sea, pagsuporta sa replenishment missions, pagtulong sa mga mangingisda, maritime safety, search and rescue, at paglaban sa illegal fishing at smuggling.
- Hinamon ng Pangulo ang mga bagong halal na PCG flag officers na manguna nang may tapang, integridad, disiplina at kahandaan, habang isinusulong ang modernisasyon, inobasyon at pakikipagtulungan sa iba pang institusyon.
- Inihayag ang pagdaraos ng 2026 National Peace Consciousness Month opening ceremony, kasabay ng paggunita sa mahahalagang kasunduang pangkapayapaan ng pamahalaan.
